Stjórnunarverðlaun Stjórnvísi

Stjórnunarverðlaun Stjórnvísi verða veitt í annað sinn í mars 2011. Verðlaunin eru veitt árlega þeim stjórnendum sem þykja hafa skarað framúr á sínu sviði. Félagar í Stjórnvísi tilnefna stjórnendur (1 eða fleiri), út frá þeim viðmiðum sem sett eru hverju sinni. Síðan tekur dómnefnd við öllum tilnefningargögnum og vinnur úr þeim.

Óskað er eftir tilnefningum til Stjórnunarverðlauna Stjórnvísi 2011. Forseti Íslands hr. Ólafur Ragnar Grímsson mun afhenda verðlaunin þann 17.mars nk. í Veisluturninum Kópavogi kl.16:00-18:00. Frestur til að tilnefna rennur út 18.febrúar.

Markmið

Markmið Stjórnunarverðlauna Stjórnvísi er að vekja athygli á framúrskarandi starfi stjórnenda, sem eru aðilar að Stjórnvísi og hvetja félagsmenn til áframhaldandi faglegra starfa og árangurs.

Það er Stjórnvísi mikið í mun að verðlaunin séu byggð á faglegu mati og hefur því kallað til einvala dómnefnd sem skipuð er eftirfarandi fagfólki.

Dómnefnd

  • Agnes Gunnarsdóttir framkvæmdastjóri markaðssviðs Íslenska gámafélagsins
  • Ásta Bjarnadóttir forstöðumaður hjá Háskóla Íslands
  • Bára Sigurðardóttir formaður dómnefndar, situr í stjórn Stjórnvísi og mannauðsstjóri hjá Termu
  • Helgi Þór Ingason, forstjóri Orkuveitu Reykjavíkur
  • Hjörleifur Pálsson, fjármálastjóri Össurar
  • Ingvi Elliðason forstjóri Capacen
  • Jón Snorri Snorrason lektor við Háskóla Íslands

Ritari dómnefnar er Gunnhildur Arnardóttir framkvæmdastjóri Stjórnvísi

Árið 2011 verður verðlaunað í þremur flokkum stjórnunar: Fjármála, markaðs- og gæðastjórnun. Árið 2010 var verðlaunað í flokki mannauðs-fjármála- og þjónustustjórnun.

Viðmið (e. criteries), sem dómnefnd leggur til grundvallar tilnefningum til Stjórnunarverðlaunanna 2011 eru eftirfarandi:

I. Árangursstjórnun

Í starfi sínu stuðlar stjórnandinn að:

  • Framgangi stefnu fyrirtækisins / stofnunarinnar
  • Að lykilárangursþáttum sé náð
  • Öflugu kjarnastarfi
  • Markvissri upplýsingagjöf

II. Nýsköpun og þróun

Í starfi sínu stuðlar stjórnandinn að:

  • Frumleika
  • Nýjum hugmyndum
  • Nýjum aðferðum og bættu vinnulagi

III. Forysta

Stjórnandinn er:

  • Er óskoraður leiðtogi
  • Stuðlar að frelsi til athafna
  • Nýtur virðingar út fyrir eigin fyrirtæki / stofnun

IV. Rekstrarumhverfi

Stjórnandinn:

  • Stuðlar að samkeppnisforskoti með skarpri framtíðarsýn og þekkingu á þörfum viðskiptavina
  • Hefur góðan skilning á atvinnugreininni ásamt samkeppnisaðilum og tengslum þessara aðila innbyrðis og við samfélagið