Stjórnunarverðlaun Stjórnvísi

Stjórnunarverðlaun Stjórnvísi voru veitt í sjöunda sinn 12.apríl við hátíðlega athöfn á Grand hótel að viðstöddum forseta Íslands. Þetta er í senn verðlaunahátíð og ráðstefna þar sem þrír áhugaverðir fyrirlesarar fluttu erindi sem tengdist þema hátíðarinnar: „Vegferð stjórnandans - leiðtogahlutverkið “.

Lesa nánar um tilnefningar og verðlaunahafa 2016.

Um Stjórnunarverðlaunin

Stjórnunarverðlaun Stjórnvísi eru veitt árlega stjórnendum fyrirtækja sem þykja hafa skarað framúr á sínu sviði. Félagar í Stjórnvísi tilnefna stjórnendur út frá viðmiðum sem sett eru hverju sinni. Síðan tekur dómnefnd við öllum gögnum um tilnefningar og vinnur úr þeim. Dómnefnd birtir lista yfir þá sem hljóta lágmarksfjölda tilnefninga. Forseti Íslands hr. Ólafur Ragnar Grímsson hefur afhent verðlaunin við hátíðlega athöfn í Veisluturninum Kópavogi.

Markmið

Markmið Stjórnunarverðlauna Stjórnvísi er að vekja athygli á framúrskarandi starfi stjórnenda, örva umræðu um faglega stjórnun og hvetja félagsmenn til að auka þekkingu sína, hæfni og færni sem stjórnendur. Þannig vill Stjórnvísi stuðla að aukinni fagmennsku á sviði stjórnunar á Íslandi.

Viðmið dómnefndar

Viðmið (e. criteria), sem dómnefnd leggur til grundvallar við mat á tilnefningum til Stjórnunarverðlaunanna eru eftirfarandi:
I. Árangursstjórnun
Í starfi sínu stuðlar stjórnandinn að:
• Framgangi stefnu fyrirtækisins / stofnunarinnar
• Að lykilárangursþáttum sé náð
• Öflugu kjarnastarfi
• Markvissri upplýsingagjöf
II. Nýsköpun og þróun
Í starfi sínu stuðlar stjórnandinn að:
• Frumleika
• Nýjum hugmyndum
• Nýjum aðferðum og bættu vinnulagi
III. Forysta
Stjórnandinn:
• Er óskoraður leiðtogi
• Stuðlar að frelsi til athafna
• Nýtur virðingar út fyrir eigin fyrirtæki / stofnun
• Virkjar starfsfólk sitt til góðra verka
IV. Rekstrarumhverfi
Stjórnandinn:
• Stuðlar að samkeppnisforskoti með skarpri framtíðarsýn og þekkingu á þörfum viðskiptavina
• Hefur góðan skilning á atvinnugreininni ásamt samkeppnisaðilum og tengslum þessara aðila innbyrðis og við samfélagið

Flokkar

Dómnefnd Stjórnendaverðlaunanna 2016 stefnir að því að veita verðlaun í þremur mismunandi flokkum:
• Frumkvöðull
• Millistjórnandi
• Yfirstjórnandi
Í öllum flokkum er stuðst við þau viðmið sem rakin voru hér að ofan. Tilnefna má frumkvöðul, millistjórnanda og yfirstjórnanda innan sem utan raða Stjórnvísi. Vinningshafar verða hvattir til að gerast aðilar að Stjórnvísi.

Tilnefningar

Notast er við staðlað vefform sem byggir á þeim viðmiðum sem rakin voru hér að ofan. Vefformið verður aðgengilegt á vefsíðu Stjórnvísi. Hægt er að skrá í vefformið með hvaða vefvafra sem er en einvörðungu eru teknar gildar tilnefningar sem skráðar eru í gegnum vefform Stjórnunarverðlaunanna.

Stjórn Stjórnunarverðlauna Stjórnvísi 2016 vill hvetja alla sem áhuga hafa á stjórnun að ígrunda hvort þeir þekki til stjórnanda sem verðskuldar tilnefningu til Stjórnunarverðlaunanna. Það er einfalt mál að nota vefformið og tilnefning á ekki að taka langan tíma. Með því að tilnefna stjórnanda til Stjórnunarverðlauna Stjórnvísi er honum sýnd mikil virðing og Stjórnvísi vill umfram allt auka þátttöku í Stjórnunarverðlaununum og stuðla að almennri umræðu um faglega stjórnun í íslensku samfélagi.

Ferli Stjórnendaverðlaunanna 2016

Áætlun fyrir ferli Stjórnendaverðlauna Stjórnvísi 2016 má sjá í flæðiritinu hér að neðan.

Handhafar Stjórnunarverðlauna Stjórnvísi

Stjórnunarverðlaunin voru veitt í fyrsta sinn í mars 2010. Handhafar verðlaunanna frá upphafi eru sem hér segir: