Stjórnunarverðlaun Stjórnvísi

Um Stjórnunarverðlaun Stjórnvísi

Smelltu hér til að sjá þau sem voru tilnefnd 2025. Stjórnunarverðlaun Stjórnvísi eru veitt árlega stjórnendum fyrirtækja sem þykja hafa skarað framúr á sínu sviði. Félagar í Stjórnvísi tilnefna stjórnendur út frá viðmiðum sem sett eru hverju sinni. Síðan tekur dómnefnd við öllum gögnum um tilnefningar og vinnur úr þeim. Dómnefnd birtir lista yfir þau sem hljóta lágmarksfjölda tilnefninga. Forseti Íslands hefur afhent verðlaunin við hátíðlega athöfn.

Verðlaunahafar 2025

Stjórnunarverðlaun Stjórnvísi voru veitt í sextánda sinn 10. febrúar við hátíðlega athöfn á Grand Hótel að viðstöddum forseta Íslands. Smelltu hér til að sjá myndir frá afhendingunni, myndband og umsagnir um verðlaunahafa.
Lesa meira

Markmið

Markmið Stjórnunarverðlauna Stjórnvísi er að vekja athygli á framúrskarandi starfi stjórnenda, örva umræðu um faglega stjórnun og hvetja félagsfólk til að auka þekkingu sína, hæfni og færni sem stjórnendur. Þannig vill Stjórnvísi stuðla að aukinni fagmennsku á sviði stjórnunar á Íslandi.

Viðmið dómnefndar

Viðmið (e. criteria), sem dómnefnd leggur til grundvallar við mat á tilnefningum til Stjórnunarverðlaunanna eru eftirfarandi:

I. Árangursstjórnun
Í starfi sínu stuðlar stjórnandinn að:

Að lykilárangursþáttum sé náð
Markvissri upplýsingagjöf

II. Nýsköpun og þróun
Í starfi sínu stuðlar stjórnandinn að:

Nýjum hugmyndum
Stuðlar að frelsi til athafna og þar með sjálfræði í starfi
Virkjar starfsfólk sitt til góðra verka
Stuðlar og hlúir að vellíðan starfsfólks í vinnu

IV. Rekstrarumhverfi
Stjórnandinn:

Hefur góðan skilning á atvinnugreininni ásamt samkeppnisaðilum og tengslum þessara aðila innbyrðis og við samfélagið

Flokkar

Dómnefnd Stjórnunarverðlaunanna 2026 stefnir að því að veita verðlaun í þremur mismunandi flokkum:

Brautryðjandi/Frumkvöðull
Millistjórnandi
Yfirstjórnandi

Í öllum flokkum er stuðst við þau viðmið sem rakin voru hér að ofan. Tilnefna má brautryðjanda/frumkvöðul, millistjórnanda og yfirstjórnanda innan sem utan raða Stjórnvísi.

Vakin er athygli á að þegar tilnefnt er í flokknum "Brauðtryðjandi/Frumkvöðull" Þá er "Brautryðjandi" skilgreindur sem stjórnandi sem er að umbylta gömlum kerfum og ryðja brautina fyrir aðra.

Vinningshafar verða hvattir til að gerast aðilar að Stjórnvísi.

Tilnefningar

Notast er við staðlað vefform sem byggir á þeim viðmiðum sem rakin voru hér að ofan. Vefformið verður aðgengilegt á vefsíðu Stjórnvísi. Hægt er að skrá í vefformið með hvaða vefvafra sem er en einvörðungu eru teknar gildar tilnefningar sem skráðar eru í gegnum vefform Stjórnunarverðlaunanna.

Stjórn Stjórnunarverðlauna Stjórnvísi vill hvetja öll sem áhuga hafa á stjórnun að ígrunda hvort þau þekki til stjórnanda sem verðskuldar tilnefningu til Stjórnunarverðlaunanna. Það er einfalt mál að nota vefformið og tilnefning á ekki að taka langan tíma. Með því að tilnefna stjórnanda til Stjórnunarverðlauna Stjórnvísi er viðkomandi sýnd mikil virðing og Stjórnvísi vill umfram allt auka þátttöku í Stjórnunarverðlaununum og stuðla að almennri umræðu um faglega stjórnun í íslensku samfélagi.

Dómnefnd 2026

Salóme Guðmundsdóttir, formaður dómnefndar, framkvæmdastjóri Ísorku og stjórnarformaður Kadeco.
Borghildur Erlingsdóttir, forstjóri Hugverkastofunnar.
Gylfi Dalmann Aðalsteinsson, dósent við viðskiptafræðideild Háskóla Íslands.
Hermann Björnsson, forstjóri Sjóvá.
Katrín S. Óladóttir, fyrrverandi framkvæmdastjóri Hagvangs.
Margrét Guðmundsdóttir, fyrrverandi forstjóri Icepharma og stjórnarkona.
Salóme Guðmundsdóttir, ráðgjafi og stjórnarkona.
Þröstur Olaf Sigurjónsson, prófessor við viðskiptafræðideild Háskóla Íslands.

Ritari dómnefndar er Gunnhildur Arnardóttir framkvæmdastjóri Stjórnvísi

Ferli Stjórnunarverðlaunanna 2026

Áætlun fyrir ferli Stjórnunarverðlauna Stjórnvísi 2026 má sjá í flæðiritinu hér að neðan.

Handhafar Stjórnunarverðlauna Stjórnvísi

Stjórnunarverðlaunin voru veitt í fyrsta sinn í mars 2010. Handhafar verðlaunanna frá upphafi eru sem hér segir: