Viðburðir framundan

Í vetur mun faghópur Stjórnvísi um sjálfbærni, loftslag og umhverfi gangast fyrir nokkrum fundum þar sem sjálfbærni er tengd þeirri frjóu umræðu um öryggismál sem nú blómstrar í ljósi óvissu í alþjóðamálum.

Fyrsti fundurinn verður þriðjudaginn 18. nóvember kl. 8:30-10:00 undir yfirskriftinni Sjálfbærni og þjóðaröryggi.

Framsögumenn verða Aðalsteinn Leifsson, aðstoðarmaður utanríkisráðherra og formaður samráðshóps þingmanna úr öllum flokkum sem nýverið skilaði skýrslu um inntak og áherslur væntanlegrar stefnu Íslands í varnar- og öryggismálum og Sólrún Kristjánsdóttir, framkvæmdastýra Veitna og stjórnarformaður Samorku, en orku- og veitugeirinn gegnir miklu hlutverki í að efla viðnámsþrótt gegn ógnum.

Eiríkur Hjálmarsson, sjálfbærnistjóri Orkuveitunnar og formaður faghóps um sjálfbærni, verður fundarstjóri.

Fundurinn verður haldinn í húsnæði Orkuveitunnar að Bæjarhálsi 1. Hann er öllum opinn og verður streymt en skráning þátttöku er nauðsynleg.

Ekki verða hægeldaður í viðhorfum samtíðar

Í fyrrihluta málstofnunnar verður bókin Síungir karlmenn. Innblástur, innsæi og ráð, kynnt. Síðar verður kynnt vinsæl aðferð framtíðarfræða, sem mótuð var af professor Sohail Inayatullah, þar sem farið er frá núverandi stöðu mála og hugað að æskilegri stöð í framtíðinni.

Í bókinni er aðferðin aðlöguð að einstaklingum en hún er víða notuð við að rýna framtíðaráform, mótun stefnu eða við hverskyns nýsköpun.

Vefslóð á fundinn 

Bókina og aðferðina munu höfundarnir Sævar Kristinsson og Karl G. Friðriksson kynna.

Bókin hefur að geyma 45 hugleiðingar fyrir síunga karlmenn. Þarna er um að ræða hvatningu að fara úr viðjum vanans, og brjóta upp eldri viðmið samfélagsins. Þó svo bókin sé stíluð á karlmenn þá, eins og stendur á bókakápu, hentar hún öllum kynjum.

Með bókinni vilja höfundar ögra vanabundnum viðmiðum, ýta við hugsun og opna dyr að nýjum viðhorfum og möguleikum fyrir síunga karlmenn eða karlmenn á besta aldri. Við viljum stuðla að breyttum viðhorfum samfélagsins til aldurs og þá vegferð er best að byrja með að fá hvern og einn til að rýna sjálfan sig.

Við höfum orðið varir við að umræða um aldur og það að eldast er oft lituð af neikvæðum formerkjum, klisjum. Miðaldra og eldri einstaklingar, oft reynsluboltar í fullu fjöri, mæta þröngsýnum viðhorfum sem eru ólík raunveruleikanum, jafnvel niðurlægjandi og langt frá því að vera í takti við getu þeirra og hæfni.

Bókin hefur verið rýnd af mörgum aðilum og fengið góðar umsagnir:

„Þessi bók situr í manni eftir lesturinn. Það er svo margt í henni sem ég hef ákveðið að tileinka mér. Frábær bók!"

Gunnar Helgason, rithöfundur

„Ef þetta er uppskrift að langlífi, þá tek ég tvær! Lífsgleði, forvitni og núvitund í sönnum stíl síungra karlmanna.“

Gunnhildur Arnardóttir, framkvæmdastjóri Stjórnvísi og frumkvöðull

„Hér er einmitt verið að fjalla um hluti sem ég verið að velta fyrir mér – bæði gagnlegt og skemmtileg lesning“

Páll Jakob Líndal, dr. í umhverfissálfræði og markþjálfi

Faghópur markþjálfunar vekur athygli á viðburði ICF Iceland sem kynna hvernig á að stofna og markaðssetja eigin rekstur.

Lella Erludóttir og Valdís Hrönn Berg fara yfir það hvernig eigi að stofna og markaðssetja eigin rekstur og svara spurningum.

Enginn aðgangseyrir fyrir félagsmenn ICF Iceland.

Aðrir velkomnir en greiða 4.900 kr.

Allar nánari upplýsingar og skráning

https://www.icficeland.is/events/hvernig-a-ad-stofna-og-markadssetja-eigin-rekstur-1

Tilnefningarnefndir hafa á undanförnum árum orðið sífellt algengari leið til að velja í stjórnir fyrirtækja og stofnana, og eru oft taldar mikilvægt tæki til að tryggja faglegar og gagnsæjar ákvarðanir við val á stjórnarmönnum. En eru þær alltaf besta leiðin?

Á þessum viðburði verður fjallað um tilnefningarnefndir sem hluta af góðum stjórnarháttum – hlutverk þeirra, ávinning og áskoranir. Við rýnum í hvernig þær geta stuðlað að hæfni, fjölbreytileika og sjálfstæði innan stjórna, en veltum einnig upp gagnrýnum spurningum: Hver velur nefndina? Hvernig tryggjum við að ferlið sé lýðræðislegt og gagnsætt? Og hvaða áhrif hafa tilnefningarnefndir á valdahlutföll og traust?

Við höfum fengið tvær reynslumiklar konur til að fjalla um þetta áhugaverða málefni.

Drífa Sigurðardóttir, ráðgjafi og eigandi Attentus, og Jensína Kristín Böðvarsdóttir, framkvæmdastjóri og eigandi Vinnvinn, munu deila reynslu sinni og sjónarmiðum, og þátttakendur fá tækifæri til að taka virkan þátt í umræðum.

Jensína og Drífa hafa báðar víðtæka stjórnunarreynslu úr íslensku atvinnulífi og þekkja vel starf tilnefningarnefnda frá fyrstu hendi sem meðlimir og formenn slíkra nefnda.

Viðburðurinn er ætlaður stjórnarmönnum, stjórnendum, nefndarmeðlimum og öllum þeim sem hafa áhuga á faglegum stjórnarháttum og lýðræðislegum ferlum innan stjórna.

Húsið opnar kl. 8.30.

Í nútíma vinnuumhverfi mætast ólíkar kynslóðir með fjölbreyttar væntingar, vinnulag og gildi. Á þessum viðburði skoðum við hvernig verkefnastjórnun getur nýtt kraftinn sem felst í fjölbreytileikanum — með áherslu á inngildingu, samskipti og skilvirka samvinnu þvert á kynslóðir. 

Fyrirlesarar eru Anna Steinsen, einn af eigendum og þjálfari hjá KVAN og Irina S. Ogurtsova, sérfræðingur hjá Reykjavíkurborg og formaður stjórnar faghóps um fjölbreytileika og inngildingu.

Tengill/linkur á fundinn