Stjórnunarverðlaun Stjórnvísi veitt í áttunda sinn 8. mars 2017.

Verðlaunahafar ásamt forseta Íslands og formanni dómnefndar.

Frá vinstri:
Eyrún Eggertsdóttir, stofnandi Róró
Margrét Guðmundsdóttir, stjórnarformaður N1 og fyrrverandi forstjóri Icepharma hf.,
Forseti Íslands, Guðni Th. Jóhannesson,
Þóra Björk Þórhallsdóttir, forstjóri Nordic Visitor,
Hafsteinn Bragason, framkvæmdastjóri mannauðssviðs Íslandsbanka,
Ásta Bjarnadóttir, formaður dómnefndar og framkvæmdastjóri mannauðssviðs Landspítala.

Stjórnunarverðlaunin 2017

Stjórnunarverðlaun Stjórnvísi voru veitt í áttunda sinn 8.mars við hátíðlega athöfn á Grand hótel að viðstöddum forseta Íslands. Þetta var í senn verðlaunahátíð og ráðstefna þar sem tveir áhugaverðir fyrirlesarar fluttu erindi sem tengdist þema hátíðarinnar: „Árangur á grundvelli öflugrar liðsheildar og vinnumenningar“. Fyrirlesarar voru þau:

  • Magnea Þórey Hjálmarsdóttir, framkvæmdastjóri Icelandair hótela og

  • Hinrik Sigurður Jóhannesson, mannauðsstjóri Advania.

Handhafar stjórnunarverðlauna Stjórnvísi árið 2017 eru:

  • Eyrún Eggertsdóttir, stofnandi Róró í flokki frumkvöðla.
  • Hafsteinn Bragason, framkvæmdastjóri mannauðssviðs Íslandsbanka í flokki millistjórnenda.
  • Þóra Björk Þórhallsdóttir, forstjóri Nordic Visitor í flokki yfirstjórnenda.
  • Margrét Guðmundsdóttir, stjórnarformaður N1 og fyrrverandi forstjóri Icepharma hf., hlaut sérstök heiðursverðlaun fyrir framlag sitt til stjórnunar.

Ásta Bjarnadóttir, formaður dómnefndar og framkvæmdastjóri mannauðssviðs Landspítala kynnti niðurstöður dómnefndar. Forseti Íslands, Guðni Th. Jóhannesson, afhenti verðlaunin og flutti ávarp.

Dómnefnd 2017 skipuðu eftirtaldir:

  • Ásta Bjarnadóttir, formaður dómnefndar og framkvæmdastjóri mannauðssviðs Landspítala.
  • Borghildur Erlingsdóttir, forstjóri Einkaleyfastofunnar.
  • Finnur Oddsson, forstjóri Nýherja.
  • Gylfi Dalmann Aðalsteinsson, dósent við viðskiptafræðideild Háskóla Íslands.
  • Helgi Þór Ingason, prófessor og forstöðumaður MPM náms við Háskólann í Reykjavík.
  • Katrín S. Óladóttir, framkvæmdastjóri Hagvangs.
  • Salóme Guðmundsdóttir, framkvæmdastjóri Icelandic Startups.

Ritari dómnefndar er Gunnhildur Arnardóttir framkvæmdastjóri Stjórnvísi

Yfirstjórnandi ársins 2017

Þóra Björk Þórhallsdóttir, forstjóri Nordic Visitor


Sá sem tilnefndur er að þessu sinni sem stjórnandi ársins í flokki yfirstjórnenda hefur leitt vöxt síns fyrirtækis af mikilli prýði, í góðu samstarfi við aðra. Reksturinn er til fyrirmyndar og hefur fyrirtækið verið undanfarin 2 skipti í topp 3 í VR könnun um ánægju starfsmanna hjá stórum fyrirtækjum. Það þarf góðan stjórnanda til að halda uppi góðum starfsanda hjá fyrirtæki sem er að fara í gegnum miklar breytingar, vöxt, samkeppni og oft erfiðar ákvarðanir.

Til að glöggva okkur enn frekar á vali þessa frábæra stjórnanda leyfi ég mér að vitna í orð þeirra sem tilefndu viðkomandi:
,,Hún er einstakur framkvæmdastjóri sem ber hag allra starfsmanna fyrir brjósti, og gagnvart viðskiptavinum eru gæði og persónuleg þjónusta höfð að leiðarljósi. Undir hennar stjórn hefur fyrirtækið vaxið gríðarlega undanfarin ár, verið með góða rekstrarafkomu og á sama tíma náð að halda þessum einstaka starfsanda hjá starfsfólkinu sem fyrirtækið er þekkt fyrir“
Hún hefur starfað hjá fyrirtækinu í 9 ár og stýrir í dag daglegum rekstri af eldmóði og öryggi, og nýtur mikillar virðingar allra. Stöðugur vilji til að gera betur og byggja upp frábæran fyrirtækjakúltúr og menningu er mikið kappsmál hennar, meðal annars með góðri upplýsingagjöf.

Hún hefur skýran fókus, tekur rökrétt og úthugsuð skref í þá átt að breyta strúktúr fyrirtækisins, fjölga deildum, styrkja gæða- og þjónustukröfur og sterka starfsmannastefnu svo eitthvað sé nefnt. Hún gætir þess að verkefni detti ekki upp fyrir þegar annir eru miklar til að viðhalda þróun fyrirtækisins.

„Sem stjórnandi styður hún sína samstjórnendur og hvetur þá til sjálfstæðis. Hún andar ekki ofan í hálsmál þeirra, heldur vald eflir jafnframt samstarfsmenn í því sem betur má fara“.

Það er gleðiefni fyrir Stjórnvísi að verðlauna stjórnanda ársins í flokki yfirstjórnenda, en það er Þóra Björk Þórhallsdóttir, framkvæmdastjóra Nordic Visitor.

Þóra er fædd á Sauðárkróki og lauk BSc prófi í ferðamálafærði. Þóra hefur tekið virkan þátt í uppbyggingu fyrirtækisins ásamt stofnanda og eiganda, Ásberg Jónssyni, en er líka sjálf hluthafi í fyrirtækinu.

Millistjórnandi ársins 2017

Hafsteinn Bragason, mannauðsstjóri Íslandsbanka.


Stjórnandinn hefur verið í starfi sínu í næstum 11 ár, og er leiðandi stjórnandi hjá því stóra fyrirtæki Íslandsbanka. Hann hefur vaxið við hverja áskorun og leggur alltaf áherslu á faglega nálgun.

Verðlaunahafanum í flokki millistjórnenda er þannig lýst: „Hann hefur hæfileika til að ná fram því besta í fólkinu sínu, hefur afslappaða nærveru og er góður hlustandi og tillitsamur. Fólki finnst það læra af honum, hann er lausnamiðaður og gefir af sér, með algjörri einbeitingu á viðfangsefnið og manneskjurnar sem talað er við.

Hann gerir ekki upp á milli fólks og er persónulegur; skutlar fólki til dæmis gjarnan heim til sín.“

Um leið er þessi millistjórnandi mjög strategískur, vinnur af þolinmæði að sínum sigrum og byggir ofan á þá með eftirfylgni og festu.

Millistjórnandi þessi er reyndar, að því er dómnefnd best veit, fyrsti stjórnandinn úr bankakerfinu sem fær Stjórnunarverðlaun Stjórnvísi.

Undanfarna mánuði hefur leiðtogahlutverk hans við umbreytingu vinnuumhverfis bankans vakið mikla athygli; en þar er á ferðinni verkefnamiðað vinnuumhverfi, sem einkennir nýjar höfuðstöðvar bankans í Norðurturninum við Smáralind í Kópavogi.
Verkefnamiðuð vinnuaðstaða felur í sér að (nánast) enginn er með fast sæti og starfsfólk velur sér sæti, innan síns svæðis, sem hentar þeim verkefnum sem það ætlar að takast á við.

Millistjórnandi ársins 2017 er Hafsteinn Bragason, mannauðsstjóri Íslandsbanka. Hafsteinn er vinnusálfræðingur að mennt, útskrifaðist frá háskóla í Amsterdam fyrir ákkúrat 20 árum, og hefur starfað sem ráðgjafi og sem mannauðsstjóri, meðal annars hjá Actavis.

Frumkvöðull ársins 2017

Eyrún Eggertsdóttir, stofnandi og framkvæmdastjóri Róró.


Sá sem hlýtur verðlaunin í flokki frumkvöðla stofnaði fyrirtæki sitt árið 2011, og sigraði sama ár frumkvöðlakeppnina Gulleggið. Í kjölfarið fékk hún síðan styrk frá Tækniþróunarsjóði sem gerði henni kleift að koma fyrirtækinu á laggirnar.

Frumkvöðullinn er öflug fyrirmynd fyrir aðra frumkvöðla, og hún hefur byggt upp sitt fyrirtæki af miklum metnaði og þrautseigju.

Fyrirtæki frumkvöðulsins heitir Róró, og það framleiðir dúkkuna Lulla doll sem er ætlað að hjálpa fyrirburum, ungabörnum og börnum á leikskólaaldri að ná jafnvægi í líðan og fá betri svefni. Dúkkan er hönnuð til að veita börnum öryggistilfinningu, en hún líkir eftir hjartslætti og andardrætti foreldris. Lulla doll var á síðasta ári seld í um 65.000 eintökum víðs vegar um heiminn.
Frumkvöðull ársins 2017 er Eyrún Eggertsdóttir stofnandi og framkvæmdastjóri Róró. Hún er menntaður sálfræðingur, en var í fæðingarorlofi þegar hugmyndin tók á sig mynd. Í náminu hafði hún áður lesið fjölda rannsókna sem fjölluðu um mikilvægi nærveru foreldra á þroska og líðan fyrirbura.

Sérstök heiðursverðlaun Stjórnunarverðlauna Stjórnvísi 2017.

Margrét Guðmundsdóttir, stjórnarformaður N1 og fyrrverandi forstjóri Icepharma hf.,


Að lokum er það sönn ánægja að kynna heiðursverðlaun Stjórnvísi árið 2017 sem veitt eru í fyrsta sinn. Þau hlýtur Margrét Guðmundsdóttir fyrir framlag sitt til stjórnunar og mannauðsstjórnunar á Íslandi.
 
Margrét lauk mastersgráðu í mannauðsstjórnun frá Viðskiptaháskólanum í Kaupmannahöfn (CBS) og gaf út kjölfarið út bók um starfsmannastjórnun. Þetta var fyrir 35 árum síðan. Á þeim þótti mörgum mannauðsstjórnun ekki vera sérlega hagnýtt nám.

Eftir útskrift og í framhaldi af útgáfu bókarinnar hélt Margrét námskeið um stjórnun á vegum Endurmenntunar HÍ fyrir fólk í atvinnulífinu. Bókin hennar var fyrir marga það fyrsta sem þeir lásu um þessi fræði, og þótti þessi „mjúka“ nálgun merkileg.
 
Starfsferli Margrétar má skipta upp í um það bil þrjú 10 ára tímabil. Á fyrsta tímabilinu sat Margrét í framkvæmdastjórn Q8 (Kuwait Petroleum Danmark) A/S. Þar hóf hún 10 ára farsælan stjórnendaferil sinn einungis 32 ára gömul, fyrst sem framkvæmdastjóri mannauðssviðs, síðar sem framkvæmdastjóri upplýsingatækni og í framhaldi af því sem framkvæmdastjóri fyrirtækjasviðs. Á þessum 10 árum var hún eina konan í framkvæmdastjórn Q8 í Evrópu.

Steffen Petersen forstjóri Q8 í Danmörku og Svíþjóð segir; „Margrét er árangursdrifin en á vingjarnlegan hátt og er alltaf tilbúin að axla ábyrgð á eigin gerðum. Hún missti aldrei sjónar á mikilvægi þess að halda utan um fólkið sitt og hefur alltaf skilið eftir sig sterka skipulagsheild og gott stjórnendateymi sem getur haldið ótrautt áfram.“
Annað farsælt stjórnendatímabil hófst þegar Margrét tók við stöðu framkvæmdastjóra smásölu hjá Skeljungi þar sem hún breytti rekstri bensínstöðva í að vera þægindavöruverslanir fyrir fólk á ferðinni með 24 tíma opnun.

Haustið 2005 kom Margrét að sameiningu Austurbakka, Ísmed og Icepharma undir nafninu Icepharma og tók þá við forstjórastarfi hjá félaginu.
 
Margrét ber hag samstarfsfólks síns og fjölskyldna þeirra fyrir brjósti og leggur áherslu á jafnvægi á milli vinnu og einkalífs. Sem dæmi má nefna að framkvæmdastjórnarfundir í Q8 voru færðir og haldnir fyrir hádegi til að hún gæti náð í börnin sín úr leikskóla. Hún vildi að fólk ætti eftir orku fyrir fjölskylduna.
 
Margrét hefur verið dugleg að sækja sér þekkingu en einnig miðlað af eigin reynslu, deilt sigrum og erfiðum aðstæðum hjá sjálfri sér, svo aðrir geti dregið lærdóm af þeirri reynslu. Hún hefur verið dugleg að gefa ungu fólki tækifæri til að láta ljós sitt skína og þykir góður mannþekkjari sem hvetur starfsfólk sitt áfram til góðra verka. Henni er lýst sem „Mjúkum töffara“

Þuríður Hrund Hjartardóttir, framkvæmdastjóri hjá Icepharma segir meðal annars: " Margrét sá yfirmaður sem ég hef lært mest af á mínum ferli."

Margrét hefur einnig látið til sín taka í hagsmunasamtökum í atvinnulífinu, bæði hér heima og erlendis, til dæmis var hún fyrsta konan til að gegna formennsku hjá Félagi atvinnurekenda.

Frá miðju ári 2016 hefur Margrét einbeitt sér að stjórnarstörfum og er í dag stjórnarformaður N1 og situr í stjórn m.a. Heklu, Reiknistofu Bankanna og Lyfjaþjónustunnar.

Sjálf segist hún vera stoltust af því að sjá hversu margir af hennar fyrrum samstarfsfélögum séu frambærilegir stjórnendur í dag.

Stjórnvísi óskar verðlaunahöfum innilega til hamingju ásamt öllum þeim sem voru tilnefndir til Stjórnunarverðlaunanna 2016.

Eftirtaldir aðilar voru tilnefndir til Stjórnunarverðlauna Stjórnvísi árið 2017:

  • Anna Björg Aradóttir, sviðsstjóri hjá Embætti landlæknis
  • Auður Þórhallsdóttir, sviðsstjóri mannauðs og gæða hjá Virk
  • Ágúst Einarsson, framkvæmdastjóri TEMPÓ
  • Áslaug Magnúsdóttir, frumkvöðull og kaupsýslukona
  • Ásta Kristín Sigurjónsdóttir, framkvæmdastjóri Íslenska ferðaþjónustuklasans
  • Björn Berg Gunnarsson, fræðslustjóri Íslandsbanka og VÍB
  • Carlos Cruz, forstjóri CCEP á Íslandi, áður Vífilfell
  • Erling Freyr Guðmundsson, framkvæmdastjóri Gagnaveitu Reykjavíkur
  • Erna Arnardóttir, mannauðsstjóri Novomatic Lottery Solutions
  • Eyrún Eggertsdóttir, stofnandi og framkvæmdastjóri Róró
  • Eyþór Björnsson, forstjóri Fiskistofu
  • Freyja Önundardóttir, formaður Félags kvenna í sjávarútvegi
  • Friðrik Þór Snorrason, forstjóri Reiknistofu bankanna
  • Fríða Björk Ingvarsdóttir, rektor Listaháskóla Íslands
  • Georg Lúðvíksson, forstjóri Meniga
  • Georg Ottósson, framkvæmdastjóri Flúðasveppa
  • Gestur Pétursson, forstjóri Elkem á Íslandi
  • Grímur Grímsson, yfirlögregluþjónn hjá lögreglunni á höfuðborgarsvæðinu
  • Grímur Sæmundsen, forstjóri Bláa Lónsins
  • Guðmundur Jóhann Jónsson, forstjóri Varðar trygginga hf.
  • Guðný Hansdóttir, mannauðsstjóri Innnes
  • Guðrún Ingvarsdóttir, forstöðumaður þróunar og nýframkvæmda hjá Búseta
  • Gunnar Ingi Sigurðsson, framkvæmdastjóri Hagkaupa
  • Gunnar Zoëga, framkvæmdastjóri lausna og þjónusta hjá Nýherja
  • Hafsteinn Bragason, mannauðsstjóri Íslandsbanka
  • Harpa Víðisdóttir, mannauðsstjóri Varðar trygginga hf.
  • Hákon Sigurhansson, framkvæmdastjóri TM Software
  • Helga Árnadóttir, framkvæmdastjóri Samtaka ferðaþjónustunnar
  • Helga Eysteinsdóttir, forstöðumaður Hringsjá
  • Helga Fjóla Sæmundsdóttir, framkvæmdastjóri mannauðssviðs Íslenska Gámafélagsins
  • Helgi Bjarnason, framkvæmdastjóri viðskiptabankasviðs Arion banka
  • Herdís Pála Pálsdóttir, framkvæmdastjóri mannauðs-og markaðsstjórnar RB
  • Hermann Kristjánsson, forstjóri Vaka fiskeldiskerfa hf.
  • Hrafnhildur Hafsteinsdóttir, framkvæmdastjóri FKA
  • Ingigerður Guðmundsdóttir, forstöðumaður gæðamála hjá Sjóvá
  • Jóhanna Þ. Jónsdóttir, framkvæmdastjóri aðgangasviðs Innnes ehf.
  • Jóhannes Ingi Kolbeinsson, framkvæmdastjóri Kortaþjónustunnar
  • Jón Björnsson, forstjóri Festi
  • Jón Bragi Gíslason, stofnandi og framkvæmdastjóri Ghostlamp
  • Jón Gunnar Jónsson, framkvæmdastjóri Actavis á Íslandi
  • Jón Már Halldórsson, sviðsstjóri hjá Mannvit
  • Jökull Úlfsson, forstöðumaður mannauðssviðs Arion banka
  • Kristján Geir Gunnarsson, framkvæmdastjóri sölu-og markaðssviðs hjá Odda
  • Leifur Magnússon, sviðsstjóri hjá Fiskistofu
  • Lilja Stefánsdóttir, framkvæmdastjóri skurðlækningasviðs Landspítala
  • Lovísa Hallgrímsdóttir, leikskólastjóri Regnbogans
  • Magnús Guðmundsson, forstjóri Landmælinga Íslands
  • Margrét Guðmundsdóttir, stjórnarformaður ýmissa félaga og fyrrverandi forstjóri Icepharma
  • Margrét Tryggvadóttir, framkvæmdastjóri sölu-þjónustu og markaðssviðs NOVA
  • Markús Guðmundsson, framkvæmdastjóri hjá Sendill Unimaze
  • Markús Einarsson, framkvæmdastjóri Farfugla ses
  • Ólöf K. Sigurðardóttir, safnstjóri Listasafns Reykjavíkur
  • Páll Matthíasson, forstjóri Landspítalans
  • Pétur Halldórsson, forstjóri Nox Medical
  • Regína Ásvaldsdóttir, bæjarstjóri Akraneskaupstaðar
  • Salóme Guðmundsdóttir, framkvæmdastjóri Icelandic Startups
  • Sandra Mjöll Jónsdóttir Buch, framkvæmdastjóri og stofnandi Platome Biotechnology
  • Sigríður Indriðadóttir, starfsmannastjóri Mannvits
  • Sigríður Ólafsdóttir, rekstrarstjóri Farfuglaheimilanna í Reykjavík
  • Sigrún Ósk Sigurðardóttir, aðstoðarforstóri ÁTVR
  • Sigurður Arnar Jónsson, forstjóri Motus
  • Sigurður Pálsson, forstjóri BYKO
  • Skúli Mogensen, forstjóri WOW air
  • Svanhvít Jakobsdóttir, forstjóri Heilsugæslu höfuðborgarsvæðisins 
  • Theodór Kristjánsson, aðstoðaryfirlögregluþjónn tæknideildar LRH
  • Valgerður Hrund Skúladóttir, framkvæmdastjóri Sensa
  • Valur Hermannsson, stofnandi Eldum rétt
  • Þorvarður Sveinsson, forstöðumaður stefnumótandi verkefna hjá Vodafone.
  • Þóra Björk Þórhallsdóttir, forstjóri Nordic Visitor
  • Þórður Bachmann, framkvæmdastjóri og eigandi Grillhússins ehf.
  • Þórlaug Sæmundsdóttir, forstöðumaður þróunar og gæðamála hjá Nordic Visitor