Fyrirmyndarfyrirtæki í stjórnarháttum
FYRIRMYNDARFYRIRTÆKI Í STJÓRNARHÁTTUM - ÁRIÐ 2026
Fyrirmyndarfyrirtæki í stjórnarháttum var sett á legg til að bæta eftirfylgni fyrirtækja við leiðbeiningar um góða stjórnarhætti. Verkefnið felur í sér að öllum fyrirtækjum gefst tækifæri til að undirgangast formlegt mat á starfsháttum stjórnar og stjórnenda. Umsjónaraðili sér um framkvæmd matsins, en matsferlið byggir í meginatriðum á leiðbeiningum um stjórnarhætti fyrirtækja sem Viðskiptaráð Íslands, Samtök atvinnulífsins og Nasdaq á Íslandi hafa gefið út.
Líkanið sem notað hefur verið er kallað Stjórnarhátta-demanturinn og var þróað af Dr. Eyþóri Ívari Jónssyni, en hann skipulagði og stjórnaði verkefninu fyrstu tíu árin.
Viðurkenningar eru afhentar einu sinni á ári á viðburði sem Stjórnvísi annast og heldur utan um.
VIÐURKENNINGU 2026 HLUTU AÐ ÞESSU SINNI EFTIRFARANDI FYRIRTÆKI:
|
|
|
|
|
|
|
|
|
|
|
|
|
|
|
|
|
|
Reglur um gildistíma viðurkenningar:
· Viðurkenningin „Fyrirmyndarfyrirtæki í stjórnarháttum“ gildir í þrjú ár nema verulegar breytingar hafi orðið á stjórn, eignarhaldi eða stjórnarháttum fyrirtækis. Verulegar breytingar teljast hafa átt sér stað þegar:
o Meirihluti stjórnarfólks hefur tekið sæti í stjórn eftir veitingu síðustu viðurkenningar
o Breytingar hafa orðið á ráðandi hlut, en þá er miðað við 10% af eignarhaldi
o Aðrar verulegar breytingar hafa átt sér stað í starfsemi, í samþykktum, eða skipulagi sem hafa áhrif á starfssvið og/eða starfshætti stjórnar
Hafi verulegar breytingar átt sér stað þarf endurnýjunar við þó ekki séu þrjú ár liðin frá þeirri síðustu.
· Gjald vegna viðurkenningar er nú 400.000 kr. í fyrsta skipti og 300.000 kr. vegna endurnýjunar. Þátttökugjald kr. 80.000,- kr. er greitt þau ár sem ekki er framkvæmd úttekt.
· Til að viðhalda viðurkenningu á milli ára ber fyrirtækjum sem fengið hafa viðurkenningu að upplýsa um breytingar og framþróun á stjórnarháttum fyrirtækisins fyrir lok árs. Upplýsa þarf árlega um:
o Nöfn og kennitölur stjórnarmanna og upplýsingar um breytingar á stjórn frá fyrra ári.
o Helstu aðgerðir fyrirtækisins á árinu til að efla góða stjórnarhætti stjórnarinnar
o Eyðublað til útfyllingar vegna endurnýjunar viðurkenningar má finna hér
Mat á viðurkenningu
Sérstakur fagaðili á vegum Stjórnvísi annast mat á úttektum til viðurkenninga á „Fyrirmyndarfyrirtækjum um góða stjórnarhætti“.
"Til að skýra út ferlið, þá miðast þessi viðurkenning við fylgni við leiðbeiningar um góða stjórnarhætti, sem útgefið er af Verslunarráði Íslands, Kauphöllinni Nasdaq og samtökum atvinnulífsins, (Leidbeiningar.is). Ferlið byggir á úttekt óháðs aðila sem hefur reynslu og færni í því að meta og kanna virkni þeirra þátta sem eru í leiðbeiningunum. Hlutverk verkefnastjóra Stjórnvísi er að meta niðurstöður úttektaraðila og þar með hans niðurstöðu um fylgni við leiðbeiningarnar ásamt því að fara yfir skýrslu óháða aðilans. Ef frávik koma í ljós, eru þau metin með hliðsjón af leiðbeiningum og metið út frá því hvort hæfi sé til staðar fyrir fyrirtækið til að öðlast viðurkenningu byggða á leiðbeiningum áður nefndra aðila. Sú viðurkenning er veitt til þriggja ára, en skylt er að uppfæra fylgni við leiðbeiningar ef veruleg frávik hafa orðið á starfsseminni á milli ára, ef ekki er formlegt ferli við að staðfesta óbreytta stöðu og/eða segja frá óverulegum breytingum."
Skila þarf umsóknum og úttektum vegna viðurkenninga tímanlega, því gera þarf ráð fyrir að það geti tekið tvær til þrjár vikur að yfirfara og meta umsókn og fylgigögn hennar.
Hér má finna lista yfir viðurkennda úttektaraðila.
Hér má finna lista yfir fyrirtæki sem hafa hlotið viðurkenningu sem fyrirmyndarfyrirtæki í góðum stjórnarháttum.