Forsíða / Faghópar / Fjölbreytileiki og inngilding (e. diversity & inclusion)

Fjölbreytileiki og inngilding (e. diversity & inclusion)

Faghópurinn um fjölbreytileika og inngildingu er virkur vettvangur þar sem sérfræðingar og áhugafólk koma saman til að skipuleggja og miðla fræðslu um þessi mikilvægu málefni. Hópurinn einbeitir sér að því að auka skilning og efla umræðu um fjölbreytni í samfélaginu, bæði í atvinnulífi og daglegu lífi.

Með reglulegum fræðsluerindum skapar faghópurinn aðstæður til að skoða nýjustu rannsóknir, hlusta á reynslusögur og deila bestu aðferðum til inngildingar. Fyrirlesarar eru sérfræðingar á sviði mannréttinda, félagsfræði, vinnumarkaðsmála og menntunar, sem veita dýpri innsýn í hvernig fjölbreytileiki styrkir samfélagið og vinnustaði.

Hópurinn vinnur einnig að því að þróa leiðir til að skapa umhverfi þar sem allir einstaklingar fá tækifæri til að njóta sín og taka virkan þátt óháð bakgrunni, kyni, aldri eða líkamlegum aðstæðum. Í gegnum fræðslu, samtal og samvinnu stuðlar faghópurinn að opnara og sanngjarnara samfélagi.

Viðburðir á næstunni

27 apr. 2026

Aðalfundur faghóps um fjölbreytileika og inngildingu

27. apr. 2026 12:00 - 12:30 / Teams

Hlekkur inn á viðburðina

Aðalfundur faghóps um fjölbreytileika og inngildingu verður haldinn mánudaginn 27. Apríl klukkan 12:00 til 12:30 í gegnum Teams.

Stjórn faghóps um fjölbreytileika og inngildingu sér um hugmyndavinnu, skipulagningu og fundarstjórnun á viðburðum á vegum faghópsins.

Faghópur um fjölbreytileika og inngildingu óskar eftir framboðum stjórnarfólks. Við hvetjum þá sem gætu haft áhuga á að sitja í stjórn faghópsins til að láta vita af sér með því að senda tölvupóst á monika@eykt.is

Fundardagskrá:

Uppgjör á starfsári
Starfsárið framundan, markmið og fyrirkomulag
Önnur mál

Fréttir

27. maí 2025 21:38

Aðalfundur faghópsins um fjölbreytileika og inngildingu

Faghópurinn um fjölbreytileika og inngildingu hélt aðalfund sinn nýlega, þar sem farið var yfir starfsemi síðasta árs, helstu verkefni og framtíðarsýn hópsins. Eitt af helstu tíðindum fundarins var að nýr meðlímur bættist í hópinn - Kara Ásta Magnúsdóttir sem starfar hjá Samgöngustofu sem sérfræðingur, auk þess situr hún í stjórnum Jafnréttisnefndar vinnustaðarins og Kvenréttindafélagsins Íslands (KRFÍ). Hópurinn fagnar komu Köru Ástu og hlakkar til að njóta framlags hennar í áframhaldandi starfi.

Stjórn faghópsins var endurkjörin og staðfesti hópurinn áherslur komandi árs, meðal annars á vitundarvakningu, fræðslu og aukna þátttöku fyrirtækja og stofnana í fjölbreytileika- og inngildingarstarfi.

Skipan stjórnar er eftirfarandi:

Irina S. Ogurtsova - formaður

Aleksandra Kosimala - Hafnarfjarðarbær

Ágústa H. Gústaðsdóttir - Embætti ríkislögreglustjóra

Freyja Rúnarsdóttir - Hrafnista

Gísli Níels Einarson - Öryggisstjórnun ehf.

Joanna Marcinkowska - Háskóli Íslands

Kara Ásta Magnúsdóttir - Samgöngustofa

Miriam Pétra Ómarsdóttir Awad - Rannís

Monika Waleszczynska - Eykt

Sandra Björk Bjarkadóttir - Samkaup

Þröstur V. Söring - Hrafnista