Steinar Þór Ólafsson markaðsstjóri Skeljungs og menntaður leikfimikennari í grunninn var fyrirlesari í morgun fyrir fullu húsi í Iðunni, fræðslusetur. Fundurinn var á vegum faghóps um mannauðsstjórnun hjá Stjórnvísi.
Steinar þór hefur skrifað fjölda pistla og flutt hugvekjur á Rás 1 um málefni sem tengjast því hvernig tækniþróun og snjallvæðing hafa gjörbreytt því hvernig við vinnum og mörkin á milli vinnu og einkalífs orðin óskýr með tilheyrandi streitu. Áhugi hans er á því hvernig manneskjan nær árangri, hvort heldur er í íþróttum, áhugamálum eða í vinnunni. Markmið hans er að fólk sjái vinnuna í nýju ljósi.
Steinar nefndi nokkur fyrirtæki sem eru búin að stytta vinnudaginn eins og Hugsmiðjuna (sem selja útselda vinnu) sem stytti vinnudaginn í 6 klst. og jókst framlegðin heilmikið og veikindadögum fækkaði. Einnig nefndi hann Hjallastefnuna og Reykjavíkurborg sem vinnustaði sem eru búnir að stytta vinnuvikuna. Á Íslandi í dag eru 70% vinnustaða með opin vinnurými. Allar rannsóknir staðfesta að það er ekki meiri framlegð af fólki sem vinnur saman í vinnurými en það sem skiptir máli er mötuneytið. Almennt henta opin vinnurými ekki vel. Steinar nefndi rannsókn þar sem David Kreg spurði hvað hefði mest áhrif á vinnusemi og flestir svara því að það séu vinnufélagarnir. Á mörgum vinnustöðum vantar reglur um opin vinnurými. Adam Grant https://www.adamgrant.net/biovinnusálfræðingur frá Bandaríkjunum, þekktur Ted fyrirlesari, höfundur fjölda ritrýndra greina og metsölubóka segir að vinnusemi snúist um að koma sér í flæði. Til að geta haft vinnufrið er mikilvægt að bóka sig t.d. á fundi með sjálfum sér. (deep work góð bók). Einnig er mikilvægt að bóka alla aðra fundi á einum eða tveim dögum vikunnar. Mikilvægt er að fækka fundum eins og kostur er og vera alltaf með á hreinu hvað á að fá út úr fundinum. Oftar en ekki enda fundir á að fleiri verkefnum er úthlutað en ekki með því að verkefni eru leyst. Mikilvægt er fyrir fyrirtæki að búa sér til samskiptastefnu sem inniheldur hvenær má hafa samband við starfsmenn, hvenær má senda póst o.þ.h. Í Frakklandi er skylda að móta samskiptastefnu á vinnustöðum þar sem eru yfir 50 manns og fleiri. Sum fyrirtæki loka póstþjónum fyrirtækjanna hálftíma eftir lokun og opna fyrir hann hálftíma fyrir opnun. Misræmi væntinga og veruleika er mikið varðandi vinnuna því 87% Bandaríkjamanna segjast ekki tengja sig við vinnuna sína. En er ástríða meðfædd eða áunnin. Ástríða er eitthvað sem þú þroskar með þér. Hjá flestum kemur ástríðan á dýptina þ.e. taka að sér verkefni og finna ástríðuna í því sem þú ert að gera.
Skaðleg skrifstofumenning.
Um viðburðinn
Skaðleg skrifstofumenning? Haldinn í "IÐAN fræðslusetur".
ATH! Breytt staðsetning. Viðburðurinn verður haldinn í "IÐAN fræðslusetur" Vatnagörðum 20. Ísland er í 33. sæti af 38 þegar skoðuð er samþætting vinnu og einkalífs skv. samanburðargögnum frá OECD. Tækniþróun og snjallvæðing hafa gjörbreytt því hvernig við vinnum, en einnig gert mörkin á milli vinnu og einkalífs óskýr með tilheyrandi streitu. Hvað getum við gert til að breyta þessu og hver eru fyrstu skrefin í rétta átt? Steinar Þór Ólafsson, markaðsstjóri Skeljungs, hefur skrifað pistla og flutt hugvekjur á Rás 1 um þessi málefni. Hér mun hann reifa rannsóknir og setja fram sínar vangaveltur um þessi mál.
Skemmtilegur vettvangur til þess að skapa umræðu um þessi mál og kasta fram spurningum. Athugið að það kemst takmarkaður fjöldi að.
Fleiri fréttir og pistlar
Sjá skýrsluna með því að opna eftirfarandi vefslóð AI Index Report 2024 – Artificial Intelligence Index (stanford.edu)
Klukkan:17:00
1) Kosning fundarstjóra og fundarritara
2) Skýrsla stjórnar
3) Skýrsla gjaldkera
4) Kosning tveggja meðstjórnenda til tveggja ára
5) Kosning formanns til eins árs
6) Kosning tveggja varamanna til eins árs í senn
7) Kosning tveggja endurskoðenda til eins árs
Ákvörðun félagsgjalds
9) Önnur mál
Auglýst er eftir framboðum til stjórnarsetu. Vinnís og NES eru að ganga í gegnum heilmiklar breytingar og mjög spennandi framundan. Vinnís er hluti af NES (Nordic Ergonomic and Human factor Society) og er því seta í stjórn aukið tækifæri til norrænnar samvinnu, þátttöku í ráðstefnum og útvíkkunar tengslanets í faginu.
THE GLOBAL 50 – Meginkraftar framtíða.
Dubai Future Foundation, sem er samstarfsaðili Framtíðarseturs Íslands, var að gefa út áhugaverða skýrslu, The Global 50, um 50 meginkrafta til framtíðarvaxtar, velmegunar og velferðar. Sumir þessara krafta eru hægt rísandi, en aðrir í nærri en allir þarfnast íhugunar, þó svo langt sé í að þeir skelli á okkur.
Skoðið þessa vefslóð, þar er síðan hægt að ná í skýrsluna sem pdf.
The Global 50 Report | Dubai Future Foundation
Njótið dags og framtíðar.
Ágætu félagsmenn faghóps um breytingastjórnun
Til upplýsinga er áhugavert námskeið í breytingastjórnun í Opna háskólanum í apríl sem einhver hér gætu haft áhuga á. Námskeiðið fjallar um leiðir til að ná árangri í breytingum en jafnframt er farið dýpra í að gera breytingar auðveldari á vinnustaðnum. Kynntar verða til sögunnar viðurkenndar aðferðir í breytingastjórnun í bland við sannreynda hugmyndafræði kennara sem ræðst á orsök vanda vinnustaðarins. Kennari námskeiðsins er Ágústs Kristjáns Steinarrsson, stjórnunarráðgjafi í breytingum, en hann var áður formaður faghóps um breytingar hjá Stjórnvísi.
Allar nánari upplýsingar og skráning er hér: Opni háskólinn – Háskólanum í Reykjavík (ru.is) auk þess er hér kynningarmyndband
FP&A Trends Group er alþjóðleg hugveita ætluð stjórnendum og sérfræðingum í fjármálum, áætlanagerð og greiningu. Hugveitan stendur fyrir fjölda áhugaverðra funda ár hvert þar sem toppstjórnendur og sérfræðingar víðsvegar um heim deila reynslu sinni og þekkingu. Þar á meðal eru fjármálastjórar og aðrir toppstjórnendur margra stærstu fyrirtækja heims.
FP&A Trends Group gefur einnig út vefritið FP&A Insights sem hefur 450.000 áskrifendur. Hugveitan gefur jafnframt út rannsóknir á sérsviði sínu. Hún hefur útibú í 18 löndum sem standa fyrir reglubundnum fundum, meðal annars í Kaupmannahöfn, Stokkhólmi og Helsinki, sem er nýjasta útibúið.
Hugveitan heldur einnig úti vinnuhópi rúmlega 40 stjórnenda og sérfræðinga í notkun gervigreindar á sviði fjármála, áætlanagerðar og greiningar. Hér má sjá ýmsar greinar og fyrirlestra frá fundum vinnuhópsins, þar á meðal umfjöllun stjórnenda hjá Microsoft, Philips, Swarowski og fleiri fyrirtækjum um eigin vegferð og reynslu af innleiðingu gervigreindarlausna.
Aðgangur að FP&A Trends Group og áskrift að FP&A Insights er ókeypis og tilvalið fyrir stjórnendur, sérfræðinga og annað áhugafólk um fjármál, áætlanagerð og greiningu að skrá sig og fá þannig tækifæri til að fylgjast með því nýjasta á sínu sviði.
Nánari upplýsingar um starfsemi FP&A Trends Group og hlekk á skráningu má finna hér.