Meginmarkmið faghópsins er að kynna hugmyndafræði og aðferðir umbóta- og ferlastjórnunar, einnig þekkt sem Operational Excellence, og skapa vettvang fyrir skoðanaskipti, reynslumiðlun og þekkingaraukningu.
Hópurinn fær til sín sérfræðinga til að halda fyrirlestra um umbóta- og ferlastjórnun eða aðferðir sem falla undir hana, svo sem straumlínustjórnun, Lean Six Sigma og stjórnun viðskiptaferla (BPM), og hvernig þær nýtast til umbóta og jákvæðra breytinga í starfseminni.
Lykilhugsunin er að skilgreina virðisaukandi aðgerðir, lágmarka sóun og bæta flæði í ferlum með mælingum, stöðugleika og samræmi. Með slíkum vinnubrögðum verður auðveldara að útrýma flöskuhálsum, jafna álag á starfsfólk og tryggja stöðuga þjónustu. Umbætur- og ferlastjórnun snertir öll svið og deildir í starfsemi fyrirtækja og stofnana. Aðferðirnar hafa verið notaðar árum saman af leiðandi fyrirtækjum víða um heim og reynst árangursríkar í því að skapa hagkvæmni, nýsköpun og aukna þjónustugæði.
Hópurinn er fyrir alla sem hafa áhuga á þessum málefnum, óháð fyrri reynslu eða þekkingu. Auk fyrirlestra stendur hann fyrir lesfundum þar sem valdar bækur eru ræddar, ásamt öðrum fræðslufundum og umræðum.
Hópurinn vill þannig styðja fyrirtæki, stofnanir og sveitarfélög í vegferð sinni að faglegri stjórnun og stöðugum umbótum, og stuðla að útbreiðslu þekkingar á þessu mikilvæga sviði.
Þau sem vilja bjóða sig fram til stjórnar sendi tölvupóst á núverandi formann hópsins: hrafnhildur.birgisdottir@landsbankinn.is
Hlekkur á fundinn er hér. Lean Six Sigma er einhver áhrifaríkasta stjórnunaraðferð sem þekkist í að tryggja framþróun í starfseminni með því að koma á jákvæðum breytingum sem miða að bættri skilvirkni og útrýmingu á sóun. ANSA ehf. og NTV Promennt bjóða nú upp á vefnámskeið og vottun í hvíta, gula og græna beltinu í Lean Six Sigma undir yfirskriftinni: Sjáðu tækifærin í umbótum.
Fyrirtæki, ríkisfyrirtæki, opinberar stofnanir og sveitarfélög víða út í heimi starfa samkvæmt þessari útbreiddu aðferð til að ná stórbættum rekstrarárangri. Lean Six Sigma námskeið hafa verið í boði fyrirtækja og háskóla í Evrópu og í Bandaríkjunum um árabil og nú loksins á Íslandi einnig.
Á fundinum sem haldinn er á Teams mun Magnús Ívar segja frá mótun Lean Six Sixma til dagsins í dag auk þess að greina frá ávinningi, umgjörð og innihaldi á Lean Six Sigma námskeiði ANSA ehf. og NTV Promennt.
Teams hlekkur verður sendur til skráðra þátttakenda fyrir fundinn sem haldinn er á Teams 20. mars frá kl. 9.00 til 10.00.
Hlekkur á viðburð.
Á örfáum árum hefur Wolt umbreytt því hvernig við verslum og nálgumst þjónustu. En hvað liggur að baki þessum hraða vexti og hvernig er slíkt rekstrarmódel byggt upp á litlum markaði?
Á viðburðinum fer Jóhann Már Helgason yfir uppbyggingu og þróun Wolt á Íslandi og veitir innsýn í hvernig stafrænn vettvangur tengir saman neytendur, fyrirtæki og sjálfstæða verktaka í einu samhæfðu vistkerfi. Hann fjallar um hvernig viðskiptamódelið hefur þróast í takt við tækninýjungar sem gera mögulegt að afhenda vörur og þjónustu innan við 40 mínútum frá pöntun.
Jóhann ræðir jafnframt hvernig tæknin hefur breytt væntingum neytenda, þar sem hraði, þægindi og aðgengi eru orðin lykilforsendur, og hvernig þessi þróun er að móta bæði verslun, þjónustu og vinnumarkað framtíðarinnar.
Jóhann Már Helgason er forstöðumaður Viðskiptaþróunar hjá Wolt og æðsti stjórnandi fyrirtækisins á Íslandi. Hann hefur yfir áratugs reynslu af stjórnun og rekstri og hefur leitt vöxt og markaðsuppbyggingu Wolt á íslenskum markaði.
Jóhann er með BA-gráðu í stjórnmálafræði og MBA frá Háskólanum í Reykjavík. Hann býr yfir víðtækri reynslu af stefnumótun og uppbyggingu í hratt breytilegu rekstrarumhverfi.
Aðalfundur faghóps Umbóta og ferlastjórnunar – yfirlit starfsársins 2025–2026
Faghópur Umbóta og ferlastjórnunar starfaði áfram af krafti á árinu með áherslu á miðlun þekkingar, reynslu og hagnýtra lausna á sviði umbóta, ferlastjórnunar og þjónustuhönnunar. Áhersla ársins var á stöðugar umbætur, skilvirkni í rekstri og mannmiðaða þróun þjónustu og skipulagsheilda.
Á árinu var boðið upp á fjölbreytta og vel sótta viðburði á vegum faghópsins þar sem sjónum var beint að nýjum nálgunum, reynslusögum og hagnýtum lausnum úr atvinnulífi og opinberri starfsemi.
Aðalfundur faghópsins var haldinn 6. maí 2026. Á fundinum var samþykkt að halda sömu stjórn og síðasta ár. Stjórn faghópsins helst því óbreytt yfir á næsta starfsár, en jafnframt er vilji til að bæta við nýjum aðilum í stjórn til að efla starf hópsins enn frekar.
Stjórn faghópsins var endurkjörin og skipa hana eftirtalin:
Stjórn faghópsins þakkar fyrir góða þátttöku og áhuga á starfsemi hópsins á árinu og hlakkar til áframhaldandi samstarfs og fræðslu á komandi starfsári.
Stjórnvísifélagar fjölmenntu í JBT Marel í morgun þar sem Lilja Birgisdóttir (HSE/ÖHU Manager) hjá JBT Marel fræddi okkur um hvernig HSE (ÖHU) og LEAN vinna saman, kosti þess og galla.
Boðið var upp á morgunhressingu fyrir kynninguna kl. 08:30. Eftir kynninguna var öllum boðið upp á fræðslu og útsýningshring á svölunum þar sem hægt verður að horfa yfir framleiðsluna.
Aðalfundur var haldinn í maí. Á fundinum var samþykkt að halda sömu stjórn og síðasta ár.
Stjórn félagsins var því endurkjörin og skipa hana eftirtalin:
Formaður: Hrafnhildur Birgisdóttir
Meðstjórnendur:
Erla Jóna Einarsdóttir
Jónína Guðný Magnúsdóttir
Magnús Bergur Magnússon
Magnús Ívar Guðfinnsson
Súsanna Magnúsdóttir
Þóra Kristín Sigurðardóttir
