Elín Ragnhildur Jónsdóttir kynnti niðurstöður lokaverkefnis síns í meistaranámi í verkefnistjórnun (MPM) hjá Háskólanum í Reykjavík sem fjallar um gæðastjórann sjálfan og þá hæfni sem hann þarf til að bera. Verkefnið „Hæfnishús gæðastjórans“ var unnið með dr.Helga Þór Ingasyni sem leiðbeinanda. Elín fjallaði um að áherslurnar í starfi gæðastjórnunar hafa breyst mjög mikið. Hægt er að taka próf hjá verkefnastjórnunarfélaginu sem staðfestir hæfni verkefnastjórans og útkoman er hæfi hans. Verkefnastjórinn þarf að hafa bakgrunnsvídd, atferlisvídd og tæknivídd. En í hvaða áttir á gæðastjórinn að líta? Elín byrjaði á að skilgreina hvað hæfni er. Það var McClelland sem kom með skýringu á því. Verksvið gæðastjórans eru mismunandi og ISO 9001 staðsetur gæðastjórann í fyrirtæki á sama stað og sviðsstjóra. Rannsóknin var unnin þannig að byrjað var að rýna fræðigreinar, haldinn var hugarflugsfundur með gæðastjórum og spurningakönnun lögð fyrir gæðastjórnunarhóp Stjórnvísi.
Til er fyrirtæki sem votta hæfni gæðastjórans „Body of knowledge“.
Helstu niðurstöður voru að gæðastjórar þyrftu að hafa þekkingu á verkefnastjórnun, vera nákvæmir og með kerfishugsun. Einnig væri mikilvægt að gæðastjórar hefðu þekkingu á úttektum og PCDA hringnum (Plan Do Chech Act).
Helstu niðurstöður úr könnuninni sem send var til gæðastjórnunarhóps Stjórnvísi: Mest mikilvægast í þekkingu gæðastjórans eru samskiptafærni, áætlanagerð, teymisvinna og að hvetja til gæðastjórnunar. Það sem var minnst mikilvægt í hæfi gæðastjórans út úr könnuninni var kostnaðarvitund, tölfræði, reynsla og stefnumótun.
Þá varpaði Elín fram eftirfarandi hugleiðingum: „En er ekki erfitt að hvetja yfirstjórn til gæðastjórnunar ef kostnaðurinn er ekki tekinn með í reikninn“? Gæti ekki verið gagnlegt að nota tölfræði meira? Fær gæðastjórinn e.t.v ekki nauðsynlegan stuðning yfirstjórnar vegna þess að hann er ekki að nota réttu aðferðirnar.
Þekking er eitthvað sem fæst með því að viða að sér staðreyndum. Leikni fæst með því að þjálfa notkun á aðferðum. Hæfni felur í sér yfirsýn.
Elín setti fram hæfnishús fyrir gæðastjóra, hver á þekking að vera og leiknin. Hæfnishúsið er mikilvægt fyrir þá sem eru til dæmis að ráða gæðastjóra.
Hér má sjá myndir af fundinum:
https://www.facebook.com/media/set/?set=a.742050062529613.1073741931.110576835676942&type=3&uploaded=8
