Alþjóðlegar sviðsmyndir til ársins 2050

Framtíðarhópur Stjórnvísi – Alþjóðlegar sviðsmyndir til ársins 2050

Samþjöppun auðs og tekjumunur hópa innan samfélaga eykst, ef marka má framtíðarrýni sem framtíðarhópurinn Millennium Project hefur gefið út. Arðsemi fjármagns og tækni eykst meira en arðsemi vinnuafls, en kostnaður við gervigreind og þjarkanotkun lækkar. Þetta hefur veruleg áhrif á vinnumarkaðinn og samfélagsþróun almennt.

Framtíðarfræðingar Millennium Project hafa dregið upp sviðsmyndir um þróun ólíkra þátta á alþjóðavísu til ársins 2050. Skýrslan nefnist „Work/Technology 2050 – Scenarios and Actions“. Til grundvallar eru þrjár sviðsmyndir sem mótaðar voru í 30 vinnustofum í 29 löndum. Auk sviðsmyndanna er sagt frá 93 aðgerðum sem metnar hafa verið af sérfræðingum frá 50 löndum.

Millennium Project er sjálfstæður vettvangur framtíðarfræðinga og stofnana með 65 samstarfsaðila víðsvegar um heiminn. Framtíðarsetur Íslands er samstarfsaðili vettvangsins hér á landi, í samstarfi við Nýsköpunarmiðstöð Íslands.

Á vinnustofum vettvangsins voru mótaðar aðgerðir til að mæta framtíðaráskorunum í viðkomandi sviðsmyndum. Sérfræðingar á ýmsum sviðum mátu hagkvæmni og áhrif aðgerðanna. Til að leggja mat á þær voru að auki gerðar fimm alþjóðlegar kannanir meðal aðila úr opinbera geiranum, viðskiptalífi og vinnumarkaði og mennta- og menningargeiranum.

Í framangreindum sviðsmyndum er dregin fram ítarleg atburðarrás til ársins 2050. Sviðsmyndirnar eru:

  • Órói í stjórnmálum og efnahagsmálum – framtíðarörvænting

(Political/Economic Turmoil—Future Despair)

  • Ef menn væru frjálsir – efnahagslíf einstaklingsins

(If Humans Were Free—The Self-Actualization Economy)

  • Það er flókið – bland í poka

(It’s Complicated—A Mixed Bag)

Skýrslan hefur fengið góðar viðtökur og umsagnir. Þau sem láta sér annt  um framtíðarþróun og áskoranir ættu að kynna sér þetta framlag og nýta í vinnu sinni.

Hægt er að nálagst skýrsluna á vef Millennium Project, sjá hér. Vettvangurinn hefur einnig gefið út fjölda annarra rita þar sem fjallað er um framtíðina á faglegan hátt.

Frekari upplýsingar veitir Karl Friðriksson hjá Nýsköpunarmiðstöð Íslands.

 karlf@nmi.is. Sími 8940422.

Fleiri fréttir og pistlar

The Power of Inclusion - Fjölbreytnimenning innan fyrirtækja

Í tilefni af samstarfi Nasdaq við Hinsegin daga heldur Richard Taylor, VP of Employee Experience hjá Nasdaq opið klukkustundarlangt vefnámskeið þar sem hann veitir hagnýt ráð um hvernig koma megi á og hlúa að fjölbreytnimenningu innan fyrirtækja sem verndar og styður allt starfsfólk óháð kyni, kynvitund, kynhneigð, kynþætti, þjóðerni eða aðstöðumun af einhverjum toga. Námskeiðið hentar stjórnendum fyrirtækja en einnig öllum öðrum áhugasömum um málefnið.
 
English: This short workshop will help organizations with the business case for diversity and inclusion, the challenges that must be faced, and very practical tips on how to re-imagine your hiring, talent development, and retention practices for maximum effectiveness.
 
Speaker: Richard Taylor is the VP of Employee Experience at Nasdaq, where he’s intent on transforming people’s relationship with work. This is through re-imagining everything from company values & culture, leadership, recognition, diversity and careers, to the day-to-day work environment like work environment, processes, and tools. Prior to Nasdaq, Rich has held HR leadership roles at Palo Alto Networks, LinkedIn, Applied Materials, Reuters, and several startups.
 
Event is online and can be accessed via Facebook page of Stjórnvísi. 
 

Hlaðvarp - Framtíðir

Hægt er að nálgast þrjá hlaðvarpsþættir á Spotify:

  • Framtíðir#1: Sviðsmyndir og framtíðarfræði.
  • Framtíðir#2: Framtíðir í menntamálum.
  • Framtíðir#3: Vinnustaðir og venjur.

Leitið undir Framtíðir

 

 

 

Fyrsta stjórn nýstofnaðs faghóps um leiðtogafærni.

Nýr faghópur hefur verið stofnaður um leiðtogafærni og kom ný stjórn saman í hádeginu í dag. Stjórn faghópsins hvetur alla áhugasama til að skrá sig í faghópinn en það er gert með því að smella hér
Þar er jafnframt að finna allar upplýsingar um markmið og tilgang þessa nýja faghóps. 
Stjórn þessa nýja öfluga faghóps skipa:  Áslaug Ármannsdóttir formaður, Berglind Björk Hreinsdóttir Hafrannsóknarstofnun, Berglind Fanndal Káradóttir Rannís, Bragi Jónsson BYKO, Elín Ólafsdóttir Flugger, Elísabet Jónsdóttir Löður, Gestur K Pálmarson sérfræðingur, Hafdís Huld hjá Rata, Helga Elísa Þorkelsdóttir Medís, Hildur Jóna Bergþórsdóttir Landsvirkjun, Ída Jensdóttir Hafnarfjarðarbær, Lilja Gísladóttir Íslandspóstur, Linda Rós Reynisdóttir Þjóðskrá, Laufey Guðmundsdóttir Markaðsstofa Suðurlands, Sara Valný Sigurjónsdóttir Marel, Sigríður Þóra Valsdóttir Háskólinn á Bifröst, Unnur Magnúsdóttir Dalecarnegie og Þórhildur Þorkelsdóttir Veitur.

Samfélagsskýrsla Krónunnar útnefnd besta skýrsla ársins 2020

Festa, Stjórnvísi og Viðskiptaráð Íslands veittu fyrr í dag viðurkenningu fyrir Samfélagsskýrslu ársins. Þetta er í þriðja sinn sem viðurkenningin eru veitt. Myndir af hátíðinni má nálgast hér og hér er nánari frétt af viðburðinum ásamt frétt í Viðskiptablaðinu.

Í ár var það Krónan sem dómnefnd taldi eiga eftirtektarverðustu skýrsluna og hlaut viðurkenninguna 

Að þessu tilefni hélt Magnús Harðarson forstjóri Nasdaq Iceland erindi þar sem meðal annars kom fram að aukin áhersla á útgáfu samfélagsskýrslna eru svar við auknum kröfum fjárfesta og stjórnvalda.

Í rökstuðningi dómnefndar kemur fram að Krónan lítur á sig sem mikilvægan þátttakanda í samfélaginu og gerir sér grein fyrir því að í krafti stærðar sinnar geti fyrirtækið haft áhrif til góðs. Í því samhengi hefur umhverfisvernd, lýðheilsa og upplýst val verið skilgreind sem mikilvægustu málefnin.

„Við erum gríðarlega þakklát fyrir að hljóta viðurkenningu fyrir samfélagsskýrslu Krónunnar því við leggjum áherslu á að hafa áhrif til góðs og sýna samfélagslega ábyrgð í verki – alltaf" - Hjördís Elsa Ásgeirsdóttir markaðsstjóri Krónunnar.

Alls bárust 27 tilnefningar og voru það 19 skýrslur sem hlutu tilnefningu - skýrslurnar má allar nálgast hér: https://samfelagsabyrgd.is/samfelag…/samfelagsskyrslur-2019/

"Ár aðlögunar" er þema Stjórnvísi 2020-2021.

Nýlega hélt nýkjörin stjórn Stjórnvísi sinn fyrsta vinnufund.  Stjórnina skipa þau Aðalheiður Ósk Guðmundsdóttir Advania formaður, Ásdís Erla Jónsdóttir Háskólinn í Reykjavík, Guðný Halla Hauksdóttir OR, Ingi Björn Sigurðsson sjálfstætt starfandi, Jón Gunnar Borgþórsson stjórnunarráðgjafi, Ósk Heiða Sveinsdóttir Pósturinn, Sigríður Harðardóttir Strætó, Stefán Hrafn Hagalín Landspítalinn og Steinunn Ketilsdóttir Intellecta. 

Aðalheiður Ósk Guðmundsdóttir formaður Stjórnvísi fór á fundinum yfir dagskrá og markmið dagsins.  Þá kynnti Aðalheiður  framtíðarsýn félagsins, gildi, lög og siðareglur. Mikilvægt er að gæta að fjölbreytni í stjórn Stjórnvísi eins og ný stjórn endurspeglar.  Stjórn sammæltist um að þema ársins yrði „Ár aðlögunar“.  Aðalheiður kynnti hugmynd að samskiptasáttmála stjórnar 2020-2021 þar sem m.a. var sammælst um að 1.mæta undirbúin 2.tímalega 3.taka ábyrgð á verkefnum 4.hafa uppbyggilega gagnrýni 5. samskipti væru opin og eðlileg og 6.vera á staðnum.

Allar fundargerðir stjórnar Stjórnvísi má sjá á vef Stjórnvísi

Fannst þér efnið á síðunni hjálplegt?