Fyrsta starfsári lokið hjá faghópi þjónustu og markaðsstjórnunar
6. maí 2026 14:10
Fyrsta starfsári faghóps þjónustu og markaðsstjórnunar er nú lokið eftir endurvakningu hópsins, sem hafði legið í dvala um nokkurt skeið. Aðalfundur var haldinn 4. maí þar sem farið var yfir starf vetrarins og kosið í stjórn fyrir komandi starfsár.
Litlar breytingar urðu á stjórn milli ára. Silja lét af störfum í stjórn og Magnús Haukur kemur inn í hennar stað. Við þökkum Silju kærlega fyrir samstarfið í vetur og bjóðum Magnús hjartanlega velkominn til starfa.
Ný stjórn skipa:
María Ágústsdóttir - formaður
Hildur Ottesen - varaformaður
Heiðrún Grétarsdóttir
Ingibjörg Magnúsdóttir
Sædís Jónasdóttir
Unnur Líndal Karlsdóttir
Þórhallur Guðlaugsson
Hjördís María Ólafsdóttir
Magnús Haukur Ásgeirsson
Ásdís Gislason
Hugmyndir fyrir nýtt starfsár eru þegar komnar í vinnslu og hvetjum við félagsmenn til að hafa samband ef þeir hafa hugmyndir að efni eða vilja sjálfir miðla reynslu og verkefnum, agustsdottirmaria@gmail.com
Við viljum skapa vettvang fyrir opna, fjölbreytta og hagnýta umræðu um þjónustu og markaðsmál. Þar er pláss fyrir alls konar reynslu, hugmyndir og verkefni, bæði það sem hefur gengið vel og það sem fór öðruvísi en lagt var upp með, ásamt þeim lærdómi sem því fylgdi.
Við hlökkum til næsta starfsárs og áframhaldandi samtals um þjónustu, markaðsmál, upplifun, þróun og umbætur með öflugu fólki úr faginu.
Aðalfundur faghóps Umbóta og ferlastjórnunar – yfirlit starfsársins 2025–2026
Faghópur Umbóta og ferlastjórnunar starfaði áfram af krafti á árinu með áherslu á miðlun þekkingar, reynslu og hagnýtra lausna á sviði umbóta, ferlastjórnunar og þjónustuhönnunar. Áhersla ársins var á stöðugar umbætur, skilvirkni í rekstri og mannmiðaða þróun þjónustu og skipulagsheilda.
Á árinu var boðið upp á fjölbreytta og vel sótta viðburði á vegum faghópsins þar sem sjónum var beint að nýjum nálgunum, reynslusögum og hagnýtum lausnum úr atvinnulífi og opinberri starfsemi.
Hvernig vinna LEAN og HSE saman? Fjallað var um hvernig Lean-hugmyndafræði og HSE (Health, Safety & Environment) geta stutt hvort annað til að skapa öruggari, skilvirkari og sjálfbærari vinnustaði. Áhersla var lögð á að samþætta umbótamenningu, öryggi starfsfólks og stöðugar umbætur í daglegum rekstri.
Dulda verksmiðjan – áskoranir og lausnir í að ná bættum árangri í starfseminni Farið var yfir hvernig greina má „dulda sóun“ í starfsemi fyrirtækja og stofnana. Lögð var áhersla á mikilvægi þess að kortleggja ferla, greina flöskuhálsa og bæta yfirsýn til að auka árangur og skilvirkni í rekstri.
Frá ferlum til fólks: Hönnun nýs spítala Viðburðurinn fjallaði um hvernig hönnun nýs spítala tekur mið af bæði verkferlum og þörfum fólks – starfsfólks, sjúklinga og annarra notenda. Áhersla var lögð á samspil þjónustuhönnunar, ferlahugsunar og mannmiðaðrar nálgunar við þróun framtíðarheilbrigðisþjónustu.
Frá pöntun til afhendingar: Uppbygging og þróun Wolt á Íslandi Fjallað var um hraðan vöxt og þróun rekstrarferla hjá Wolt á Íslandi með sérstakri áherslu á þjónustuflæði, stafræna upplifun viðskiptavina og mikilvægi skilvirkra afhendingarferla í ört vaxandi starfsemi.
Hver er ávinningurinn með Lean Six Sigma vottun fyrir þig og starfsemina? Kynntur var ávinningur Lean Six Sigma aðferðafræðinnar fyrir einstaklinga og skipulagsheildir, meðal annars hvernig markviss umbótaverkefni geta stuðlað að aukinni skilvirkni, minni sóun og sterkari umbótamenningu. Einnig var farið yfir mikilvægi færniuppbyggingar og vottunar í umbótastarfi.
Aðalfundur faghópsins var haldinn 6. maí 2026. Á fundinum var samþykkt að halda sömu stjórn og síðasta ár. Stjórn faghópsins helst því óbreytt yfir á næsta starfsár, en jafnframt er vilji til að bæta við nýjum aðilum í stjórn til að efla starf hópsins enn frekar.
Stjórn faghópsins var endurkjörin og skipa hana eftirtalin:
Hrafnhildur Birgisdóttir, formaður
Erla Jóna Einarsdóttir
Jónína Guðný Magnúsdóttir
Magnús Bergur Magnússon
Magnús Ívar Guðfinnsson
Súsanna Magnúsdóttir
Þóra Kristín Sigurðardóttir
Stjórn faghópsins þakkar fyrir góða þátttöku og áhuga á starfsemi hópsins á árinu og hlakkar til áframhaldandi samstarfs og fræðslu á komandi starfsári.
17 fyrirtæki hlutu viðurkenningu Sjálfbærniássins 2026 Viðurkenningarhátíð Sjálfbærniássins fór fram í dag í Gestastofu Elliðaárstöðvar, þar sem 17 fyrirtæki hlutu viðurkenningu fyrir árangur í sjálfbærni. Þetta er í þriðja sinn sem niðurstöður Sjálfbærniássins eru kynntar, en mælikvarðinn byggir á mati almennings á frammistöðu íslenskra fyrirtækja í sjálfbærni.
Sjálfbærni nær í dag langt út fyrir umhverfismál. Hún snertir stjórnarhætti, mannauð, upplýsingagjöf, jafnrétti, samfélagsþjónustu, ábyrga fjármálastjórnun, tækni og nýsköpun – og ekki síst traust og gagnsæi. Þess vegna taka fjölbreytt fyrirtæki þátt í verkefninu; úr ólíkum atvinnugreinum en með sameiginlega sýn á samfélagslega ábyrgð. Sjálfbærni er ekki lengur sérsvið – heldur heildræn nálgun á starfsemi og tengsl við samfélagið.
Mælingin er svar við vaxandi kröfum viðskiptavina og annarra hagaðila um aukna ábyrgð fyrirtækja. Sjálfbærniásinn er samstarfsverkefni Prósents, Langbrókar og Stjórnvísi, með það að markmiði að efla meðvitund og hvetja til framfara í sjálfbærni. Að þessu sinni mælist indó efst allra fyrirtækja samkvæmt niðurstöðum almenningskönnunar.
Á viðurkenningarhátíðinni kynnti Trausti Heiðar Haraldsson, framkvæmdastjóri Prósents, einnig valdar niðurstöður úr íslensku kynslóðamælingunni 2026: ● 54% einstaklinga telja að áhersla fyrirtækja á sjálfbærni hafi mjög eða frekar mikil áhrif á viðhorf þeirra.
„Það er áhugavert að sjá skýrt afstöðu þjóðarinnar til sjálfbærnimála en 46% þjóðarinnar eru líkleg til að sniðganga fyrirtæki ef þau uppfylla ekki kröfur þeirra um samfélagslega ábyrgð og sjálfbærni. Með þessari mælingu erum við að varpa ljósi á það hvernig almenningur upplifir áherslur fyrirtækja í sjálfbærnimálum. Sjálfbærniásinn gefur þeim tækifæri til að sjá hvernig þau mælast í samanburði við önnur fyrirtæki og geta tekið upplýstar ákvarðanir um framhaldið. Jafnframt viljum við styrkja stöðu neytenda sem áhrifaaðila í þessari vegferð,“ segir Trausti Haraldsson, framkvæmdastjóri Prósents.“ — Trausti Heiðar, framkvæmdastjóri Prósents.
Markmið Sjálfbærniássins:
● Veita hlutlausar og samanburðarhæfar upplýsingar um viðhorf almennings til þess hvernig íslensk fyrirtæki standa sig í sjálfbærnimálum. ● Hvetja fyrirtæki til að leggja meiri áherslu á sjálfbærni og miðla aðgerðum sínum með skýrari hætti. ● Auka vitund neytenda um mikilvægi sjálfbærni og hvernig þeir geta haft áhrif með eigin kauphegðun.
Niðurstöður
Kvarðinn er á bilinu 0 til 100 stig þar sem 0-49 stig er talin slæm frammistaða, 50-59 stig meðalgóð frammistaða, 60-69 stig er góð frammistaða og 70 stig og yfir er afbragðsgóð frammistaða.
Mynd 1. Viðmið Sjálfbærniássins
Sá markaður sem fékk heilt yfir flest stig var fyrirtæki á alþjóðamarkaði og sá markaður sem fékk heilt yfir fæst stig var sjávarútvegsfyrirtæki.
Mynd 2. Heildarmeðaltal markaða.
Það fyrirtæki sem hlaut flest stig allra mældra fyrirtækja er indó með 82 stig. Össur mældist með næsthæstu einkunn, 81 stig og Íslensk erfðagreining sem var sigurvegari Sjálfbærniássins 2024 með þriðju hæstu einkunnina, 80 stig. Stigalægsta fyrirtækið Isavia hlaut 34 stig af 100 mögulegum.
Mynd 3. Meðaltal fyrirtækja.
Mynd 4. Meðaltal fyrirtækja eftir mörkuðum.
Framkvæmd og þátttakendur
Rannsóknin er framkvæmd af rannsóknarfyrirtækinu Prósenti. Framkvæmdatími var frá janúar til apríl 2026 og var um að ræða netkannanir sem voru sendar á könnunarhóp Prósents.
Rannsóknarmódelið á bak við Sjálfbærniásinn
Módelið mælir þá 4 þætti sem The World Economic Forum telja að muni leiða heiminn á sjálfbærari stað. Þessir 4 þættir eru; jörðin, fólkið, stjórnarhættir og velsæld. Spurningar eru úr módeli sem þróað er og sannprófað af Qualtrics, byggt á 27.000 svörum frá 26 löndum og 16 mörkuðum.
Lykilmælikvarði Ég er ánæg(ð/ður/t) með framlag [fyrirtækis] til að hafa jákvæð áhrif á samfélagið.
Jörðin [Fyrirtækið] leitast við að lágmarka sóun og losun við framleiðslu og afhendingu á vöru/þjónustu.
Fólkið [Fyrirtækið] hugar að velferð viðskiptavina sinna við þróun og afhendingu á vörum sínum og þjónustu.
Stjórnarhættir Stjórnendur [fyrirtækis] eru meðvitaðir um að þeir verði að grípa til aðgerða til að auka sjálfbærni.
Velsæld [Fyrirtækið] grípur til aðgerða til að vera samfélagslega ábyrgt fyrirtæki.
Aðalfundur faghóps um leiðtogafærni fór fram í dag 6. Maí. Sjá kynningu í ítarefni hér
Á fundinum var farið yfir viðburði starfsársins sem voru 10 talsins. Stjórn faghópsins helst óbreytt yfir á næsta starfsár en við viljum gjarnan bæta við okkur einum aðila í stjórn.
Stjórn faghópsins sér um hugmyndavinnu, skipulagningu og fundarstjórnun á viðburðum á vegum faghópsins. Það er einstaklega gefandi og skemmtilegt að vera í stjórn. Þannig er hægt að hafa áhrif á dagskrá faghópsins og fá tækifæri til að kynnast bæði öðrum stjórnarmeðlimum og flottum fyrirlesurum.
Þau sem vilja bjóða sig fram til stjórnar vinsamlegast sendið tölvupóst á formann faghópsins, thorhildur.thorkelsdottir@marel.com.
Það er einn viðburður eftir á starfsárinu en hann verður mánudaginn næsta. Hvetjum öll áhugasöm til að taka þátt, sjá hér.
Stjórn faghópsins þakkar fyrir gott Stjórnvísi ár og hlakkar til þess næsta.
Á aðalfundi Stjórnvísi sem haldinn var í dag 5. maí 2026 á Kringlukránni var kosin stjórn félagsins. Stjórn Stjórnvísi 2026-2027. Anna Kristín Kristinsdóttir, Engineering Manager Lead, JBT Marel, formaður (2026-2027) Héðinn Jónsson, Chief Product Officer hjá Helix health. (2025-2027) Viktor Freyr Hjörleifsson, mannauðssérfræðingur hjá Vegagerðinni. (2025-2027) Tinna Jóhannsdóttir, forstöðumaður markaðsmála og sjálfbærni ON (2025-2027) Ingibjörg Loftsdóttir, sérfræðingur í lýðheilsu og stjórnun, formaður faghóps um Heilsueflandi vinnuumhverfi (2023-2027) Matthías Ásgeirsson, forstöðumaður fasteignasviðs hjá Bláa Lóninu. Stofnandi faghóps um aðstöðustjórnun kosinn í stjórn (2024-2027) Snorri Páll Sigurðsson, deildarstjóri innkaupastýringar Alvotech, formaður faghóps um innkaupstýringu (2023-2027) Ásdís Sigurðardóttir gæða- og öryggisstjóri Dranga og dótturfélaga (2026-2028) Sveinn Kjarval Internal Event Manager JBT Marel(2026-2028)
Ársreikningurinn verður aðgengilegur á vefsíðu félagsins strax að loknum aðalfundi. Þeir sem óska eftir útprentuðum ársreikningi er bent á að óska eftir því sérstaklega við framkvæmdastjóra félagsins gunnhildur@stjornvisi.is
