Stjórn faghóps um leiðtogafærni 2023-2024

22. maí 2023 23:12

Aðalfundur faghóps um leiðtogafærni var haldinn 2. maí síðastliðinn. 
Starfsárið 2022-2023 var gert upp og var kosið í nýja stjórn fyrir starfsárið 2023-2024 sem er eftirfarandi:

Þórhildur Þorkelsdóttir, Marel, Formaður

Áslaug Eva Björnsdóttir, Gangverk

Elísabet Jónsdóttir, Löður

Hlín Benediktsdóttir, Landsnet

Jóhann Friðleifsson, Kerecis

Sigríður Þóra Valsdóttir, Hvesta

Unnur Magnúsdóttir, Leiðtogaþjálfun

Faghópurinn þakkar öllum meðlimum fyrir þátttökuna starfsárinu sem var að ljúka og hlökkum til þess næsta!

Til baka

Fleiri fréttir og pistlar

30. apríl 2026 18:17

Nýkjörin stjórn faghóps um fræðslumál í fyrirtækjum og stofnunum.

Skráning í faghópinn. Mikill fjöldi félaga sýndi áhuga á að setjast í stjórn faghóps um fræðslu, allt afburðarfólk. Úr vöndu var að ráða við að móta stjórn hópsins.

Úr varð fjórtán manna stjórn, sem endurspeglar vel fjölbreytileika þeirra sem áhuga sýndu. Fyrsti fundur nýrrar stjórnar var á Kringlukránni í dag þar sem félagar kynntu sig og farið var yfir ábyrgð og hlutverk stjórna faghópa Stjórnvísi. Stjórnin mun hittast fljótlega aftur til að móta hugsanlegar áherslur hópsins.

Stjórnin kaus Evu Karen Þórðardóttur hjá Símanum sem formann og Elínu Hlíf Helgadóttur sem varaformann. Áhugasamir eru hvattir til að skrá sig í faghópinn með því að smella hér.

Stjórn faghópsins skipa: Elín Hlíf Helgadóttir HD, Eva Karen Þórðardóttir Síminn, Guðjón Atlason Isavia KEF, Halla Dóra Sigurgeirsdóttir RioTinto, Haukur Gunnarsson Icelandair, Hlynur Þór Þorleifsson Bláa Lónið, Hólmfríður Steinþórsdóttir Reykjavíkurborg, Hrafnhildur Ólöf Ólafsdóttir Reykjavíkurborg, Jóna Björg Magnúsdóttir Seðlabanki Íslands, Katrín Sigurðardóttir Travel Connect, Lára María Valgerðardóttir Sjúkraliðafélag Íslands, Lind Aðalsteinsdóttir Vegagerðin, María Baldursdóttir Mennta-og lýðheilsustöð og Sædís Guðný Hilmarsdóttir LS Retail.

24. apríl 2026 15:36

Aðalfundur 2026

Aðalfundur faghóps um góða stjórnarhætti var haldinn á Teams mánudaginn 20. apríl.

Fundardagskrá:

  1. Uppgjör á starfsári
  2. Kosning til stjórnar
  3. Önnur mál

Formaður fór yfir viðburði starfsársins 2025-2026 sem voru:

  • Fyrirmyndarfyrirtæki – afhending viðurkenninga (22. ágúst 2025)
  • Hvaða áhrif hefur NIS2 á íslensk fyrirtæki og stofnanir? (18. sept. 2025)
  • Eru tilnefninganefndir lykill að fagmennsku? (26. nóv. 2025)
  • Stjórnarhættir, gagnsæi og sjálfbærni (20. mars 2026)

Ný stjórn var kosin: Sigurjón G. Geirsson (formaður), Baldur Thorlacius, Hrönn Ingólfsdóttir og Rut Gunnarsdóttir.

20. apríl 2026 12:17

Aðalfundur faghóps um gæðastjórnun og ISO staðla - 2026

Aðalfundur faghópsins Gæðastjórnun og ISO staðlar, fyrir árið 2026, verður haldinn 22. maí kl. 12.00-13:00.
Staðsetning: VOX Brasseria, Suðurlandsbraut 2. 
Þeir sem hafa áhuga á að mæta á fundinn vinsamlegast sendi tölvupóst á formann faghópsins á netfangið sigarnar@live.com

Dagskrá aðalfundar faghóps Stjórnvísi: Gæðastjórnun og ISO staðlar:

  • Framsaga formans - um starf ársins
  • Umræður um starf ársins
  • Kosning til stjórnar / upplýsingar um nýja stjórn fyrir tímabilið 2026-2027
  • Ákvörðun um fyrsta fund nýrrar stjórnar
  • Önnur mál

---

F.h. faghópsins
Sigurður Arnar Ólafsson

12. mars 2026 10:18

Áhugaverð ráðstefna, Human and organisational performance - HOP

Stjórn Öryggishóps vekur áhuga á áhugaveðri ráðstefnu sem Öryggisráð Samorku stendur fyrir, miðvikudaginn 15. apríl 2026, kl. 9:00–12:00, á Reykjavík Natura.

Ráðstefnan fjallar um hvernig hugmyndafræði Human and Organisational Performance (HOP) styður við öryggi og áreiðanleika í flóknum og áhættusömum rekstri. Umfjöllun verður meðal annars um raunverulega vinnu, samspil kerfa og aðstæðna, markvissan lærdóm og hvernig byggja má upp varnarlög sem draga úr líkum á alvarlegum atvikum.

Fyrirlesarar eru:

Kristian Gould, sérfræðingur í mannlegum þáttum og skipulagsöryggi hjá Equinor.
Guðmundur Ben Þorsteinsson, leiðtogi Human and Organisational Performance (HOP) hjá Tesla.

Hér er hægt að skrá sig og fá nánari upplýsingar:
https://samorka.is/utgafa-og-midlun/vidburdir/radstefna-um-human-and-organisational-performance-hop/

24. febrúar 2026 11:10

Áhugavert námskeið: Hefur þú lent í erfiðleikum með að koma hugmynd í framkvæmd?

Stjórn faghóps um leiðtogafærni vekur athygli félaga á þessu áhugaverða námskeiði sem haldið verður í HR þann 6. mars nk.  og ber yfirskriftina "Að lyfta upp breytingum".

Hefur þú lent í erfiðleikum með að koma hugmynd í framkvæmd? Þetta er vandamál sem við öll glímum við, óháð því hvaða faghóp við tilheyrum. Góðar hugmyndir stranda ekki á því að þær séu slæmar — heldur á því að við vitum ekki hvernig á að ná fólki með okkur í vegferðina.

Námskeiðið Að lyfta upp breytingum snýst einmitt um þetta: að búa þig undir að verða sá einstaklingur sem fær hlutina til að gerast.

Á námskeiðinu færðu:

  • Skilning á mannlegri hegðun — grunninn að öllum árangri í breytingum
  • Hagnýtar leiðir til að verða leiðtogi breytinga, með áherslu á tengsl, samskipti, greiningu, sögugerð og þolinmæði
  • Kynni af þekktum aðferðum við að leiða farsælar breytingar, með m.a. ADKAR og SWITCH
  • Verkfæri til að lyfta upp vinnustaðnum þínum, með viljandi stjórnun og menningaruppbyggingu

Um kennarann

Ágúst Kristján Steinarrsson er stjórnunarráðgjafi sem hefur helgað sig breytingum og umbótum. Hann starfar daglega við að lyfta upp og efla vinnustaði landsins og hefur þróað eigin hugmyndafræði sem mótast hefur af endurteknum sigrum og áföllum fjölmargra umbótavegferða. Námskeiðið er í stöðugri þróun og efnið hefur vaxið töluvert þetta árið eftir krefjandi, gefandi og lærdómsrík verkefni undanfarinna missera.

Stjórnvísimeðlimir ættu að kannast við Ágúst — hann heldur reglulega erindi fyrir faghópa félagsins og var áður formaður faghóps um breytingastjórnun. Það gleður okkur að sjá hvað hann hefur vaxið og dafnað síðan þá og við hlökkum alltaf til að fá hann í heimsókn.

Allar nánari upplýsingar um námskeiðið má finna hér: https://www.oh.ru.is/namskeid/ad-lyfta-upp-breytingum/363812

Stjórnvísimeðlimir fá 15% afslátt með kóðanum StjornOH15 við bókun.

 

 

Fannst þér efnið á síðunni hjálplegt?