„Þjónustufulltrúar banka gefi viðskiptavinum nákvæmar upplýsingar“

Fimmtudaginn 24. október síðastliðinn var haldinn fundur í húsnæði HR á vegum faghópa Stjórnvísi um gæðastjórnun og þjónustu- og markaðsstjórnun. Um 30 manns mættu á fundinn og var meirihluti þeirra starfsmenn í bönkum.

Á fundinum fjallaði Ásdís Björg Jóhannesdóttir um meistaraverkefni sitt frá HÍ um þjónustugæði
þjónustufulltrúa banka, greindi frá aðferðafræði rannsóknarinnar og sagði frá niðurstöðum. Samkvæmt niðurstöðum rannsóknarinnar er mikilvægast að að þjónustufulltrúar gefi viðskiptavinum sínum nákvæmar upplýsingar, og þegar öllu er til skila haldið eru áreiðanleiki og fagmennska þeir þættir sem koma efst í huga viðskiptavina þegar kemur að því að meta heildarþjónustugæði þjónustufulltrúa.
Gestir voru að mestu sammála þessum niðurstöðum og bætti einn þeirra við, sem að auki vinnur í banka, að viðskiptavinir kalli einnig eftir frumkvæði í þjónustu.
Að loknu erindi Ásdísar tók Hrefna Sigríður Briem forstöðumaður BSc. náms í viðskiptadeild HR við og fjallaði um nám til vottunar fjármálaráðgjafa sem stendur starfsmönnum fjármálafyrirtækja til boða. Að náminu standa Samtök fjármálafyrirtækja, Samtök starfsmanna fjármálafyrirtækja, HÍ, HR og Háskólinn á Bifröst ásamt Atvinnu- og nýsköpunarráðuneytinu. Hrefna kom inn á tilurð námsins og markmið en með náminu er m.a. verið að mæta auknum kröfum viðskiptavina til starfsmanna fjármálafyrirtækja og þar með auka gæði fjármálaráðgjafar og þjónustu. Það kom fram hjá Hrefnu að 80 manns hafa þegar lokið náminu og á næsta ári útskrifast um 30 til viðbótar.

Í lokin tók Hanna Dóra Jóhannesdóttir til máls og sagði frá því hvernig vottunarnámið hefði nýst henni og styrkt í starfi sínu sem viðskiptastjóri hjá Íslandsbanka. Það kom fram hjá Hönnu Dóru að frá hruni hafi starf þjónustufulltrúa mikið til snúist um greiðsluerfiðleika og hin venjulegu bankaviðskipti aðeins vikið til hliðar og því hafi námið komið sér afar vel og nefndi hún sérstaklega siðfræðina.
Út frá reynslu Hönnu Dóru er hægt að draga þá ályktun að vottunarnám ýti undir aukinn styrk
í starfi, auki öryggi og stuðli að auknum áreiðanleika og fagmennsku í starfi og auki þar með
heildarþjónustugæði.

Fleiri fréttir og pistlar

THE GLOBAL 50 – Meginkraftar framtíða.

THE GLOBAL 50 – Meginkraftar framtíða.

Dubai Future Foundation, sem er samstarfsaðili Framtíðarseturs Íslands, var að gefa út áhugaverða skýrslu, The Global 50, um 50 meginkrafta til framtíðarvaxtar, velmegunar og velferðar. Sumir þessara krafta eru hægt rísandi, en aðrir í nærri en allir þarfnast íhugunar, þó svo langt sé í að þeir skelli á okkur.

Skoðið þessa vefslóð, þar er síðan hægt að ná í skýrsluna sem pdf.

The Global 50 Report | Dubai Future Foundation

 

Njótið dags og framtíðar.

Námskeið í breytingastjórnun

Ágætu félagsmenn faghóps um breytingastjórnun

Til upplýsinga er áhugavert námskeið í breytingastjórnun í Opna háskólanum í apríl sem einhver hér gætu haft áhuga á. Námskeiðið fjallar um leiðir til að ná árangri í breytingum en jafnframt er farið dýpra í að gera breytingar auðveldari á vinnustaðnum. Kynntar verða til sögunnar viðurkenndar aðferðir í breytingastjórnun í bland við sannreynda hugmyndafræði kennara sem ræðst á orsök vanda vinnustaðarins. Kennari námskeiðsins er Ágústs Kristjáns Steinarrsson, stjórnunarráðgjafi í breytingum, en hann var áður formaður faghóps um breytingar hjá Stjórnvísi.

 

Allar nánari upplýsingar og skráning er hér: Opni háskólinn – Háskólanum í Reykjavík (ru.is) auk þess er hér kynningarmyndband

FP&A Trends Group - Alþjóðleg hugveita fyrir stjórnendur og sérfræðinga

FP&A Trends Group er alþjóðleg hugveita ætluð stjórnendum og sérfræðingum í fjármálum, áætlanagerð og greiningu. Hugveitan stendur fyrir fjölda áhugaverðra funda ár hvert þar sem toppstjórnendur og sérfræðingar víðsvegar um heim deila reynslu sinni og þekkingu. Þar á meðal eru fjármálastjórar og aðrir toppstjórnendur margra stærstu fyrirtækja heims.

FP&A Trends Group gefur einnig út vefritið FP&A Insights sem hefur 450.000 áskrifendur. Hugveitan gefur jafnframt út rannsóknir á sérsviði sínu. Hún hefur útibú í 18 löndum sem standa fyrir reglubundnum fundum, meðal annars í Kaupmannahöfn, Stokkhólmi og Helsinki, sem er nýjasta útibúið.

Hugveitan heldur einnig úti vinnuhópi rúmlega 40 stjórnenda og sérfræðinga í notkun gervigreindar á sviði fjármála, áætlanagerðar og greiningar. Hér má sjá ýmsar greinar og fyrirlestra frá fundum vinnuhópsins, þar á meðal umfjöllun stjórnenda hjá Microsoft, Philips, Swarowski og fleiri fyrirtækjum um eigin vegferð og reynslu af innleiðingu gervigreindarlausna. 

Aðgangur að FP&A Trends Group og áskrift að FP&A Insights er ókeypis og tilvalið fyrir stjórnendur, sérfræðinga og annað áhugafólk um fjármál, áætlanagerð og greiningu að skrá sig og fá þannig tækifæri til að fylgjast með því nýjasta á sínu sviði.

Nánari upplýsingar um starfsemi FP&A Trends Group og hlekk á skráningu má finna hér.

Áhrif gervigreindar fyrir 2040. Hrikadýrð! Ógn við mannkynið?

Elon háskólinn í Bandaríkjunum framkvæmdi tvíþætta rannsókn síðla árs 2023 til greina hugsanlega  áhrif gervigreindar á einstaklinga og samfélög fyrir árið 2040. Rannsóknarniðurstöðum var safnað, annars vegar með víðtækri skoðanakönnun og svo með því að rýna í skoðanir og þekkingu sérfræðingar á sviði tækni og framtíðarþróunar. Þau ykkar sem hafið áhuga geta skoðað eftirfarandi gögn:

 

Veffundur: Dæmi um notkun Logical Thinking Process

Fimmtudaginn 22. febrúar kl. 16 munu Bill Dettmer og Þorsteinn Siglaugsson, ráðgjafar og sérfræðingar í Logical Thinking Process aðferðafræðinni fjalla um nokkur dæmi þar sem aðferðafræðin hefur verið notuð til að leysa úr djúpstæðum vandamálum og móta lausnir. Fundinum stýrir Philip Marris, forstjóri Marris Consulting í París. Skráning á fundinn hér.

Fannst þér efnið á síðunni hjálplegt?