TRAUST er þema stjórnar Stjórnvísi 2019-2020

Í morgun hittust stjórnir faghópa  og stjórn Stjórnvísi á Nauthól á Kick off fundi.  Frábær mæting og mikill kraftur verður í félaginu í vetur því kynnt voru drög að 120 fundum veturinn 2019-2020  Drögin eru í Excel-skjali undir "ítarefni" með fundinum.  Farið var yfir ýmis atriði á fundinum sem létta stjórnendum faghópa starfið í vetur auk þess sem óskað var eftir umbótahugmyndum sem stjórn mun vinna úr.  Á vef félagsins eru góðar leiðbeiningar á myndbandi um hvernig stofna á fund, setja nýja aðila í stjórn, aðalfund faghóps o.fl. Allt efni af fundinum er undir ítarefni og myndir á facebook síðu Stjórnvísi. 

Um viðburðinn

Kick off fundur stjórna faghópa Stjórnvísi miðvikudaginn 28.ágúst nk. í Nauthól kl.08:45-10:00

Kick off fundur stjórna faghópa Stjórnvísi verður haldinn miðvikudaginn 28.ágúst nk. í Nauthól kl.08:45-10:00

Tilgangur fundarins er að starta nýju starfsári af krafti. Farið verður yfir ýmis atriði sem létta stjórnendum faghópa starfið í vetur, búinn verður til vettvangur fyrir faghópana til að sameinast um viðburði, rýnt verður í helstu áskoranir faghópastarfsins en umfram allt fá innblástur til þess að gera komandi starfsár enn öflugra en þau síðustu.

Stjórnir faghópa eru hvattar til að hittast sem fyrst, borða saman hádegisverð í boði félagsins og huga að dagskrá starfsársins.  Á tímabilinu júní-ágúst er oft best að bóka fyrirlesara.  Stjórn vekur athygli á að stjórnum faghópa gefst tækifæri tvisvar á starfsárinu að hittast í hádegisverði í boði félagsins, hægt er að setja í reikning á Nauthól og á Kringlukránni.  Ef aðrir staðir verða fyrir valinu er afrit af reikningi sent á Stjórnvísi og reikningurinn greiddur samdægurs.

Mikilvægt er að fylla út í skjal á vefnum drög að dagskrá en búið er að senda slóð að skjalinu á alla formenn faghópa eða senda drög að dagskrá faghópanna til framkvæmdastjóra Stjórnvísi gunnhildur@stjornvisi.is fyrir 28.ágúst. Þegar allir hópar eru búnir að senda inn dagskrána verður hún sameinuð í eitt skjal og sett inn sem ítarefni á Kick off fundinn þann 28.ágúst nk.

Stefnt er að því að senda út drög að dagskrá haustsins til félaga þann 4.september.

Fleiri fréttir og pistlar

Samtal framtíðarfræðinga covid -19. Upptökur frá netfundi 26 mars sl.

David Wood sem heimsótti okkur á síðasta ári, frá London Futurist, stóð fyrir samtali framtíðarfræðinga um covit -19 á netfundi þann 26 mars síðastliðinn. Hér er vefslóð þar sem hægt er að horfa á samtalið, kær kveðja, Karl

https://www.youtube.com/watch?v=fkQCH3tbMBg&feature=emb_logo

Þekking á netinu - Framtíðin

Gríðarlegur fjöldi alls staðar úr heiminum var á þessum fundi í gær og mikið var ánægjulegt að sjá Íslendinga á meðal þeirra. Það var faghópur um framtíðarfræði sem vakti athygli Stjórnvísifélaga á þessum fundi sem nálgast má hér. 

Fjarfundur: Ástin, traust og samskipti á tímum kórónunnar

Hér er hlekkur á viðburðinn.  

Guðrún Högnadóttir leiddi í dag fjarfund um hagnýt ráð og hugarflug um vöxt og velferð fólks og vinnustaða á sögulegum tímum.  Fundurinn á sér ekki stað í litskrúðugri hafnarborg við Karíbahafið á tímum kólerunnar undir lok 19. aldar eins og meistaraverk Gabriel García Márquez, heldur á litríkum fjarfundi á einföldum hlekk sem sendur var til allra skráðra tímanlega fyrir fundinn.  Hlekkur hefur verið settur á samtöl sem áttu sér stað á fundinum og einnig á skoðunarkönnun sem gerð var.  Flestir sem tóku til máls sögðu áhrif veirunnar á vinnustað sinn vera gríðarlega mikinn. Viðkvæmustu hóparnir vinna heima og nú er rétti tíminn til að vinna upp allt það sem ekki hefur unnist tími til að gera áður. Mikið er um að vinnustaðir byrji daginn á fjarfundi og segi frá hvað þeir ætla að gera í dag og hvernig gekk með verkefni gærdagsins. Mikilvægt er að vera í stöðugu sambandi og að starfsmenn fái tækifæri til að segja hvernig þeim líður því allir eru að taka inn svo mikið og nú eru líka margir að upplifa sig “Palli einn í heiminum”.   Guðrún sagði mikilvægt að hugsa til æðruleysisbænarinnar þ.e. að hver og einn hugsaði um það hverju við höfum stjórn á og hverju ekki.   

 

    

10% afsláttur á "LIVE" fjarvinnustofum FranklinCovey fyrir Stjórnvísifélaga

Okkur er annt um velferð og vöxt fólks og vinnustaða – og grípum því til stafrænna leiða til að þjóna okkar viðskiptavinum á óvissutímum.   Hér bjóðum við úrval af okkar alþjóðlegu verðlaunavinnustofum í "live" fjarnámi hér heima - og bjóðum félagsmönnum Stjórnvísi sérstök afsláttarkjör. 

Hlutverk okkar er að virkja framúrskarandi frammistöðu fólks og vinnustaða - og nú nýtum við tæknina sem aldrei fyrr. Við hlökkum til að vinna með ykkur á Fjarvinnustofum FranklinCovey næstu vikur. 

  • Stuttar „live“ lotur – þátttakendur taka þátt hvaðan sem er – heima og að heiman - 
    í 2 tíma í senn. 
  • Einföld, aðgengileg og gagnvirk kennslustofa um einn hlekk – ekkert flækjustig.  
  • Efnistök sem þjóna farsælum vexti fólks og vinnustaða. Sniðið að viðfangsefnum verðandi og vaxandi leiðtoga á öllum stigum. 
  • Skemmtilegur hagnýtur lífstíðarlærdómur úr smiðju helstu háskóla og hugsuða heims. 
  • Kennslugögn send heim eða á vinnustað. 
  • 360° mat, snjallforrit og rafrænt ítarefni – um vefinn. 
  • Alþjóðlegar endurmenntunareiningar (Continuous Education Units).
  • Hagkvæmur, áhrifaríkur og verðmætur valkostur.  Við bjóðum 5 þátttakendum á verði 4 frá sama vinnustað.  Mörg stéttarfélög taka þátt í að niðurgreiða kostnað vegna fræðslu.
  • Við bjóðum félagsmönnum Stjórnvísi að nýta afsláttarkóðann "Stjórnvísi" og fá 10% afslátt. 

Nánari upplýsingar hér: https://franklincovey.is/event/

Fylgstu með FB-síðu Stjórnvísi: Stöðugt nýjar áhugaverðar upplýsingar fyrir vinnustaði sem tengjast COVID-19

Stjórnvísi mun í framhaldi af veffundi um mögulegar afleiðingar og viðbrögð við COVID-19 - setja inn áhugaverðar upplýsingar og fréttir þessu tengdar á facebooksíðu félagsins.  Þar er m.a. að finna grunn að öryggisáætlun sem vinnustaðir geta aðlagað að sér, fréttir o.fl.   

Fannst þér efnið á síðunni hjálplegt?