Eldvarnir fyrirtækja

Viðburður er liðinn
20. september 2019 08:30 - 09:30
Orkuveita Reykjavíkur Bæjarhálsi 1, Reykjavík
Öryggisstjórnun,

Á undanförnum árum hefur bætt eignatjón tryggingarfélaganna vegna eldsvoða numið mörgum milljörðum króna. Þar er ekki meðtalinn sá kostnaður sem fæst ekki bættur þ.e. rekstrarstöðvun, töpuð 

viðskiptavild að ekki sé minnst á þegar einstaklingar verða fyrir andlegu eða líkamlegu tjóni. Öll viljum við komast hjá þessu og því hefur Securitas víkkað þjónustuframboð sitt með tilliti til þessa. 

Ný reglugerð um eldvarnir og eldvarnaeftirlit felur í sér töluverðar breytingar á skipulagi opinbers eldvarnareftirlits og lög nr. 75/2000 kveða á um ábyrgð eigenda og forráðamanna húsnæðis með eldvörnum þess.

 

Hvaða þættir eru það sem eigendur, stjórnendur og starfsfólk þurfa að vita af og tileinka sér?  Farið verður yfir helsta atriðin. 

 

  • Eldvarnir fyrirtækja

Bæði eigendur og forráðamenn bera ábyrgð á eigin eldvörnum og skulu þær skjalfestar þannig að það nái yfir tæknileg atriði og skipulagsþætti. 

  • Eldvarnarfulltrúi 

Eigandi eða forráðamaður skal skipa eldvarnarfulltrúa með mannvirki sínu samkvæmt nýrri reglugerð. 

Eldvarnarfulltrúinn skal taka þátt í tilkynntum eftirlitsskoðunum,  hafa þekkingu á brunavarnarlöggjöf og öllu eldvarnareftirlit og skipulagi , s.s. möguleikum slökkviliðs til að bregðast við eldi í mannvirkinu. 

  • Eldvarnareftirlit

Í framhaldi af áðurnefndu þarf síðan að huga reglulega að eigin eldvarnareftirliti.

 

Fyrir hverja:

Viðburðurinn er gagnlegur fyrir eigendur, stjórnendur, millistjórnendur og aðra sem koma að stjórnun og skipulagi bruna og öryggismála innan fyrirtækisins

 

Staðsetning viðburðar

Fréttir af viðburðum

20. september 2019 11:40

Eldvarnir fyrirtækja

Faghópur um umhverfi og öryggi hélt í dag fund í OR um eldvarnir fyrirtækja. Ný reglugerð um eldvarnir og eldvarnaeftirlit felur í sér töluverðar breytingar á skipulagi opinbers eldvarnareftirlits og lög nr. 75/2000 kveða á um ábyrgð eigenda og forráðamanna húsnæðis með eldvörnum þess. Reglugerðin kallar á meiri kröfur og var farið yfir á fundinum á greinargóðan hátt hvaða þættir það eru sem eigendur, stjórnendur og starfsfólk þurfa að vita af og tileinka sér. Eigandi hússins er alltaf ábyrgur fyrir að skipa eldvarnafulltrúa en bæði eigendur og forráðamenn bera ábyrgð á eigin eldvörnum og skulu þær skjalfestar þannig að það nái yfir tæknileg atriði og skipulagsþætti. Eldvarnarfulltrúinn skal taka þátt í tilkynntum eftirlitsskoðunum, hafa þekkingu á brunavarnarlöggjöf og öllu eldvarnareftirlit og skipulagi , s.s. möguleikum slökkviliðs til að bregðast við eldi í mannvirkinu. 

Einar Bergmann fagstjóri forvarna hjá Slökkviliði höfuðborgarsvæðisins sagði aðaláherslur Slökkviðliðsins að vernda líf og heilsu, að fólki sé ekki ógnað og allir komist út án verkfæra og hjálpar annarra og að eigendur taki ábyrgð á byggingum. Slökkviliðið er komið með skýra ferla. Ferli slökkviliðsins er að 1. Slökkvilið kemur og spyr spurninga 2. Eigendur eiga að vera með skjalfestingu í lagi. 3. Ef skjalfesting er ekki í lagi er beitt þvingunum samkvæmt lögum.

Íris Guðnadóttir frá Securitas kynnti þjónustu fyrirtækisins varðandi  eldvarnarúttekt og úttekt á brunavörnum. Bæði er horft til öryggis fólks og eignaverndar. Securitas er með 43 skoðunaratriði og 306 undirliði.   Securitas gengur um húsnæðið og tekur myndir.  Síðan er eldvarnarúttektin kynnt fyrir verkkaupa og hann sér hvernig staðan er.  Securitas býður upp á tól fyrir stjórnendur varðandi hvað liggur á að gera.  Húsnæðið er mappað upp og eftirlit er mánaðarlegt framkvæmt af öryggisvörðum Securitas með Guardtools.  Öryggisverðir fá sinn gátlista, taka myndir og senda athugasemdir.  Stjórnendur fyrirtækja eru því vel upplýstir um stöðu síns fyrirtækis og verið er að huga að öryggi starfsfólks og eignavernd.  Skv. tölum frá Mannvirkjastofnun voru 200 útköll 2018 vegna bruna í byggingum. 

 

 

 

Eldri viðburðir

14 okt. 2026

Heilbrigð vinnustaðamenning og dæmi um hagnýtingu þekkingar

14. okt. 2026 12:15 - 13:15 / Stapi, stofa 210

 

Smelltu hér til að tengjast fundinum

Hver eru grundvallaratriði vinnustaðamenningar? Hvernig getum við hagnýtt þekkinguna?

Vinnustaðamenning byggir á sál-félagslegum þáttum í vinnuumhverfinu þar sem forysta gegnir mikilvægu hlutverki sem og virk þátttaka og ábyrgð alls starfsfólks. Vinnustaðamenning hefur afgerandi áhrif á vellíðan, ánægju og árangur. Víða eru vísbendingar um að bæta þurfi vinnustaðamenninguna. Þekking um heilbrigða vinnustaðamenningu hefur vaxið og styrkst með rannsóknum undanfarna fjóra áratugi en margt bendir til þess að brýnt sé að hagnýta þessa þekkingu enn betur. Í erindinu verður fjallað um grundvallaratriði heilbrigðrar vinnustaðamenningar og kynnt dæmi um hagnýtingu þekkingarinnar á vinnustöðum hér á landi.

Sigrún Gunnarsdóttir er hjúkrunarfræðingur, prófessor við Viðskiptafræðideild Háskóla Íslands og ráðgjafi hjá Vinnueftirliti ríkisins.

 

Heilbrigð vinnustaðamenning og dæmi um hagnýtingu þekkingar

 

 

15 sep. 2026

Öryggi í hönnun = öryggi í rekstri

15. sep. 2026 09:00 - 09:45 / Teams

Smelltu hér til að tengjast fundinum.
Lengi býr að fyrstu gerð

Ákvarðanir sem teknar eru á hönnunarstigi geta haft mikil áhrif á öryggi bygginga – bæði á framkvæmdatíma og síðar við notkun, rekstur og viðhald.

Í þessum fyrirlestri fjallar Böðvar Tómasson, byggingar- og brunaverkfræðingur, um samspil hönnunar og öryggismála og hvað fyrirtæki og stofnanir þurfa að hafa í huga þegar ráðist er í breytingar eða nýframkvæmdir. Hvernig er hægt að greina og fyrirbyggja áhættu strax á hönnunarstigi mannvirkja?  Farið verður yfir aðferðarfræði ,,öryggis í hönnun,, og hvernig aðkoma sérfræðinga í gæða- og öryggismálum getur orðið. Einnig verður fjallað um viðeigandi lagaumgjörð og þær hindranir sem kunna að koma upp í ferlinu.

Böðvar Tómasson er byggingar- og brunaverkfræðingur og framkvæmdastjóri ÖRUGG verkfræðistofu. Hann hefur yfir 20 ára reynslu á sviði brunaöryggis, áhættustjórnunar, öryggisverkfræði og verkefnastjórnunar.

Böðvar er jafnframt doktorsnemi við Háskóla Íslands, þar sem rannsóknir hans snúa að samfélagsöryggi, áhættustjórnun og þjóðaröryggi. Hann tekur þátt í alþjóðlegu staðlastarfi ISO á sviði áhættustjórnunar, öryggis og viðnámsþols og hefur komið að þróun íslenskrar byggingarreglugerðar með áherslu á árangursmiðaða brunahönnun.

21 maí 2026

Aðalfundur Öryggishóps Stjórnvísi

21. maí 2026 11:30 - 13:15 / Vox Hótel Nordica

Aðalfundur faghópsins Öryggishóps Stjórnvísi verður haldinn þann 21 maí nk. Þetta er staðarfundur og þeir sem hafa áhuga á að mæta vinsamlegast sendið tölvupóst á formann (fjola.gudjonsdottir@kaldvik.is).
Vakin er athygli á því að ein staða laus í stjórn félagsins.
Áhugasamir eru beðnir um að senda tölvupóst á formann faghópsins með upplýsingum um sig og ástæðum þess að viðkomandi gefur kost á sér í stjórn faghópsins. 

Dagskrá: 

  • Framsaga formanns - yfirlit yfir starfsemi ársins
  • Umræður um starf ársins
  • Kosning til stjórnar
  • Ákvörðun um fyrsta fund 2026-2027
4 mar. 2026

Hefur vinnurými og hugbúnaður áhrif á hegðun líðan og frammistöðu starfsfólks?

4. mar. 2026 08:30 - 09:30 / Teams

Hildur Jóna og Magga Dóra munu leitast við að svara spurningunni; hvaða áhrif hefur vinnurými á hegðun, líðan og frammistöðu og hvaða hugbúnaður fellur undir vinnuverndarlöggjöf.

Hildur Jóna hjá HumanAtWork ehf. fjallar um hvernig vinnurými hafa áhrif á hegðun, líðan og frammistöðu starfsfólks. Erindið byggir á rannsóknum í umhverfissálfræði og fjallar meðal annars um áhrif opinna rýma, skipulags og aðstæðna í vinnuumhverfi. Markmiðið er að auka skilning á þörfum fólks í vinnu og hvernig hönnun vinnurýma getur stutt ólíkar þarfir og haft þannig áhrif á frammistöðu starfsfólks.
Magga Dóra hefur unnið við hugbúnaðargerð síðan fyrir aldamót. Hún er með bakgrunn í sálfræði og tölvunarfræði og hefur unnið fyrir fyrirtæki af öllum stærðum og gerðum hérlendis sem erlendis. Hún er stofnandi og eigandi Mennskrar ráðgjafar og finnst að tæknin eigi að vera mennsk.

Vinnuumhverfi er að verða stafrænt að meira og minna leyti. Jafnvel starfsfólk sem situr ekki við tölvu allan daginn (iðnaðarmenn, skurðlæknar, kennarar) þarf að nota ýmiskonar hugbúnað til að halda utan um sín störf. Þrátt fyrir að gerðar séu ríkar kröfur til vinnuumhverfis fólks (hávaðastig, lýsingarstig, öryggi tækja og svo framvegis) er ekki gerð nein vinnuvistfræðileg krafa til hugbúnaðar. Þetta veldur því að mikið af fólki þarf að glíma við ónotendavænan hugbúnað sem beinlínis skapar vinnu og flækir störf. Þetta veldur streitu sem getur verið áhrifaþáttur fyrir kulnun. Hvað getum við gert?

Haldið í samstarfi við Vinnís.  

Hér er linkur á fundinn.

 https://teams.microsoft.com/meet/34729025176542?p=f0GqnP7dXsy6BNtdBe

21 jan. 2026

Gullnu reglunar mínar - Dauðans alvara

21. jan. 2026 08:30 - 09:15 / Teams
“Ef banaslys er möguleg afleiðing og starfsfólk getur beitt varnarreglu, þá á það að vera Gullin Regla.”
  • Gullnar Reglur eru ekki bara setning á vegg.
  • Þær eru loforð.
  • Loforð um að þegar líf er í húfi tökum við alltaf réttu ákvörðunina.
Fyrirlesari:
Viðar Arason, öryggisfulltrúi HS Orku og eigandi Skyndihjálparskólans

 

Viðar Arason hefur djúpar rætur í viðbragðsþjónustu, þar sem sekúndur skipta máli og rétt ákvörðun getur bjargað lífi.
Með áralanga reynslu úr framlínunni hefur hann séð hversu öflug öryggisvitund getur verið — og hversu hratt hlutir geta farið úr böndunum þegar hún bregst.
Sem eigandi Skyndihjálparskólans leiðir Viðar fræðslu þar sem öryggi, mannleg hegðun og fyrstu viðbrögð í áföllum eru í fyrirrúmi. Hann leggur sérstaka áherslu á að kenna fólki hvernig á að bregðast rétt við þegar allt gerist á örfáum augnablikum — í slysum, áfallaatvikum og óvæntum uppákomum.
Markmiðið er skýrt: að búa fólk og vinnustaði undir raunveruleikann, ekki bara kenningarnar.
Í dag starfar Viðar við öryggismál hjá HS Orku, þar sem hann vinnur að því á hverjum degi að tryggja það mikilvægasta: "Allir komi heilir heim, alltaf".
Fannst þér efnið á síðunni hjálplegt?