Innleiðing á stafrænni fræðslu hjá Landsvirkjun og Domino´s

Hildur Jóna Bergþórsdóttir hjá Landsvirkjun og Sigurbjörg Magnúsdóttir hjá Domino´s ætla að segja frá innleiðingu á stafrænni fræðslu á sínum vinnustöðum. Þær munu fara yfir hvað gekk vel og helstu áskoranir við innleiðingar og síðan verða umræður og kaffi á eftir. 

Viðburður verður haldinn hjá Landsvirkjun að Háaleitisbraut 68, 103 Reykjavík. 

Athugið að nauðsynlegt er að skrá sig á viðburðinn þar sem þátttakendalisti verður sendur til Landsvirkjunar vegna innskráningakrafna inn í húsið. 

Staðsetning viðburðar

Fréttir af viðburðum

Innleiðing á stafrænni fræðslu hjá Landsvirkjun og Domino´s

Faghópur um stafræna fræðslu hélt í morgun fjölmennan fund í Landsvirkjun. Hildur Jóna Bergþórsdóttir hjá Landsvirkjun og Sigurbjörg Magnúsdóttir hjá Domino´s sögðu frá innleiðingu á stafrænni fræðslu á sínum vinnustöðum. Þær fóru yfir hvað gekk vel og helstu áskoranir við innleiðingar.  

Hildur Jóna sagði að hjá Landsvirkjun væru 18 starfssvæði á landinu á  7 vinnustöðum. Í febrúar 2019 var byrjað í stafrænni fræðslu Eloomi.  Hjá Landsvirkjun er fólk bæði í skrifstofuhúsnæði, í virkjun og úti.  Það skiptir Landsvirkjun miklu máli að endurmennta og sinna góðri fræðslu.  Landsvirkjun hefur verið duglegt í að búa til heimatilbúið fræðsluefni. Þegar keypt er erindi þá er alltaf keypt upptaka því hluti starfsmanna vinnur vaktir.  Alls staðar eru notaðar spjaldtölvur.  Ástæðan fyrir að ákveðið var að fara í stafræna fræðslu var þjálfun nýliða; nú fá allir fræðslu frá degi eitt.  Starfsaldur og lífaldur er mjög hár og því 12-20 nýráðningar á ári.  Alltaf er verið að uppfæra fræðsluna því hún er online.  Nú geta stjórnendur fylgst með nýliðaþjálfuninni.  Landsvirkjun er með ISO vottun og þarf að sýna fram á hvaða þjálfun hver og einn er að fá. Kerfið hjálpar til að halda utan um þau mál. 

Helstu áskoranirnar hafa verið: Eigum við til eitthvað stafrænt efni? Byrjað var með 2 námskeið (einelti og kynferðisleg áreitni).  Lítið hefur verið hægt að kaupa efni á íslensku til að byrja með en í dag er miklu meira úrval.  Einn frá hverju sviði er í fræðsluhópi í dag sem einskorðast þá ekki eingöngu við starfsmannasvið.  Samstarf við upplýsingasvið er gríðarlega mikilvægt. Mikilvægasta áskorunin er að fá starfsmenn til að taka þátt.  Ýmsar leiðir hafa verið farnar eins og að kynna á starfsmannafundum, Workplace auglýsingar, fundir með stjórnendum, farið á sviðsfundi, maður á mann, fræðslufundir o.fl.  Framtíðin er ágætlega björt og í dag eru 52 námskeið inni í kerfinu í dag.  Næstu skref eru að virkja þá starfsmenn sem enn hafa ekki verið virkir, senda skýrslur til stjórnenda, senda yfirlit yfir námskeið sem eru í boði á stjórnendur, endurnýja skyldufræðslu, uppfæra nýliðafræðslu, stjórnendafræðslu o.fl. 

Sigurbjörg Magnúsdóttir fræðslustjóri hjá Domino´s sagði að hjá Domino´s eru 24 verslanir dreifðar út um land allt, 700 starfsmenn 72% karlar og 28% konur og meðalaldur starfsmanna er 22,1 ár og starfsmannaveltan hröð.  Í maí 2019 var fjárfest í Eloomi og í júní-ágúst voru byggðir upp innviðir, í september var samtenging við Workplase og í október var byrjað á fullu og nú er búið að þróa það í hálft ár. Helstu áskoranir Domino´s er ungur starfsmannahópur, starfsfólk er á aldrinum 14-55 ára og athyglisspönnin er stutt, lágt menntunarstig, innri hvati til að sækja sér þekkingu er lítil, aukin áhersla á ytri hvatningu og hver ber ábyrgð á þessu öllu saman, er það starfsmannahald eða hver og einn stjórnandi fyrir sig?  Starfsmenn spyrja hvort þeir fái greitt fyrir námskeiðin.

Öll fyrirtæki eiga fullt af fræðslu.  Sigurbjörg sagði að þau hefðu endurhannað öll námskeið eftir handritum til að samþætta á allt fyrirtækið.  Til að tryggja að þekkingin sitji eftir þá eru tekin próf og alltaf er örkönnun þar sem starfsmenn meta hvernig þeim þótti námskeiðið.  Öll námskeið eru í dag á myndböndum og eru starfsmenn að leika í myndböndunum, það skilar betri árangri að þau eru að vinna þetta saman.  Öll námskeið hjá Domino´s eru bæði á íslensku og ensku.  Á hverjum mánudegi er nýliðafræðsla því starfsmannaveltan er hröð.  Ráðningarkerfið, Eloomi og Workplace tala saman.  Workplace er mjög virkt hjá Domino´s.  Forstjórinn er með spjall þar þegar starfsmenn byrja og segir hann frá því hvað Workplace er mikilvægt og að ljúka grunnnámskeiði í Eloomi.  Á einungis 20 dögum tókst þeim að virkja 75% starfsmanna og nú er ábyrgðin að færast yfir á verslunarstjórana.  En hvað hefur breyst? Tíminn sem fer í staðbundnar þjálfun hefur minnkað og tíminn fyrir persónulegri aðlögun aukist.  Þetta hefur bein áhrif á starfsmannaveltuna og starfsánægju.  Öll þjálfun er orðin skilvirkari og reglubundnari.  Hægt er að taka námskeið hvar og hvenær sem er og á þeim hraða sem hver og einn kýs.  Yfirsýn og utanumhald á fræðslu og starfsþróun starfsmanna hefur stóraukist og auðveldara er að koma auga á framúrskarandi starfsfólk.  En hvað er framundan? Stöðug þróun og umbætur á öllu fræðsluefni og nýr leiðarvísir að starfsþróun „Career Roadmap“. Einnig er hafin vinna með Articulate 360.  Í lokin voru fjöldi fyrirspurna.        

 

 

Eldri viðburðir

Aðalfundur faghóps um stafræna fræðslu

Aðalfundur faghóps um stafræna fræðslu verður haldinn mánudaginn 8. maí klukkan 11:00 til 12:00 í gegnum Teams (hlekkur á fund).

Fundardagskrá:

  • Uppgjör á starfsári
  • Kosning til stjórnar
  • Önnur mál

Störf stjórnar felast í skipulagningu 4-5 fræðsluviðburða á hverri önn. Í stjórninni er lögð áhersla á teymisvinnu þannig að vinnuálagi sé dreift jafnt á milli stjórnarmeðlima.

Þau sem vilja bjóða sig fram í stjórn, vinsamlega sendið tölvupóst á gudmundsdottir@unglobalcompact.org.
Staða formanns faghópsins er jafnframt laus en sú staða felur í sér mikilvæga yfirsýn, samhæfingu og skipulagningu heildarinnar.

Innleiðing náms-og fræðslukerfa (LMS)

Click here to join the meeting

Á fundinum fer Baldur Vignir Karlsson yfir innleiðingu á náms-/fræðslukerfum og helstu atriðum sem þarf að huga að við undirbúning. Einnig fer hann yfir mikilvægi góðra samskipta við innleiðingu á LMS kerfum.

Baldur Vignir er framkvæmdastjóri sprotafyrirtækisins RevolNíu, situr í stjórn Stjórnvísis og er verkefnastjóri innleiðingar nýs fræðslukerfis fyrir félagið. Hann hefur einnig veitt ráðgjöf varðandi eloomi til ýmissa fyrirtækja og var yfir innleiðingu eloomi á Landspítalanum frá 2019-2022.

 

Fræðslukerfið LearnCove, fræðslusafn Akademias og Brimskólinn

Join Zoom Meeting
https://us06web.zoom.us/j/88591727898?pwd=ZkVlSUtGRmF0NXBpbFBncGltSjQ0Zz09

Meeting ID: 885 9172 7898
Passcode: 427669
One tap mobile
+13462487799,,88591727898#,,,,*427669# US (Houston)
+13602095623,,88591727898#,,,,*427669# US

EKKI NOTA TEAMS HLEKKINN  - NOTIÐ HLEKKINN HÉR AÐ OFANVERÐU

 

Click here to join the meeting

Í þessu erindi kynnir Aðalheiður Hreinsdóttir íslenska fræðslukerfið LearnCove, Guðmundur Arnar Guðmundsson kynnir fræðslusafn Akademias og Pálmi Ingólfsson kynnir Brimskólann.

Viðburðurinn verður haldinn í húsnæði Akademias í Borgartúni 23. Einnig verður hægt að nálgast hann rafrænt og verður tengill á viðburðinn sendur á skráða þátttakendur þegar nær dregur.

Dagskrá

Fræðslukerfið LearnCove
Aðalheiður Hreinsdóttir, framkvæmdastjóri LearnCove, segir frá því hvernig LearnCove er notað í fræðslu, námskeið og ferla hjá rúmlega 40 fyrirtækjum, sveitarfélögum og stofnunum í dag. LearnCove styður stað- og fjarnámskeið, verkefnavinnu, spurningalista og fleira en sérhæfir sig í samtengingu fræðsluaðila og fyrirtækja.

Fræðslusafn Akademias
Guðmundur Arnar, framkvæmdastjóri Akademias, segir frá reynslu Akademias af því að vinna með tugum íslenskra vinnustaða. Hann mun deila þekkingu Akademias á hvernig vinnustaðir geta hámarkað árangur starfsmannafræðslu með LearnCove.

Brimskólinn
Pálmi Ingólfsson frá Brim kynnir að lokum sýn Brim varðandi nýjan fræðsluvef fyrirtækisins, Brimskólann.

Framtíðin er björt

Aðalfundur faghóps um stafræna fræðslu

Boðað til aðalfundar faghóps um stafræna fræðslu.
 
Dagskrá fundar:

  1. Dagskrá faghópsins síðastliðið starfsár
  2. Kosning stjórnar
  3. Næsta starfsár
  4. Önnur mál

Áhugasamir hafi samband við Auði Hrefnu, s. 618-1040.

Fannst þér efnið á síðunni hjálplegt?