Faghópur Stjórnvísi um fræðslu í fyrirtækjum og stofnunum, í samstarfi við faghóp um gervigreind, býður til viðburðar hjá Travel Connect þar sem inntakið er notkun gervigreindar við fræðslu.

 

Hólmfríður frá Reykjavíkurborg byrjar á að fara yfir grunnatriði við notkun gervigreindar við gerð skriflegrar fræðslu. Katrín hjá Travel Connect tekur svo við og segir frá vegferð Travel Connect þar sem hlutverkaleikir eru notaðir til að æfa samskipti með sérstakri áherslu á sölu. Að lokum segir Róbert frá Citizens frá því hvernig hægt er að nota spunagreind til að búa til rafrænt kennsluefni á einfaldan hátt.

 

Markmið fundarins er að varpa ljósi á hvaða leiðir eru í boði til að búa til efni með hjálp gervigreindar og vonandi enda fundinum með góðum umræðum um fleiri möguleika, þar sem fólk í fræðslumálum getur skipst á reynslu og myndað tengsl við aðra sem sinna fræðslu í fyrirtækjum.

 

Hægt verður að mæta í húsnæði Travel Connect á Suðurlandsbraut 34 eða fylgjast með viðburðinum á Teams.