Af hverju er mikilvægt að vernda upplýsingar? Hvað felst í upplýsingaöryggi og hvaða áhrif hefur það á daglegt starf? Hvernig hjálpa staðlar eins og ISO 27001 og reglugerðir á borð við NIS2 og DORA til að draga úr áhættu og tryggja öryggi í stafrænum heimi?

Fyrsta kynning faghóps Stjórnvísi um stjórnun upplýsingaöryggis skoðar grunnspurninguna "Hvað er upplýsingaöryggi og hvers vegna þurfum við að vernda upplýsingar?" Til að svara þessu fáum við Benedikt Rúnarsson, Öryggisstjóra Wise. Benedikt býr yfir mikilli reynslu af stjórnun upplýsingaöryggis sem verður áhugavert fyrir öll að heyra nánar um. 

Nú er um að gera að bóka sig á Haustráðstefnu Stjórnvísi sem ber yfirskriftina "Framsýn forysta" sem er þema félagsins starfsárið 2025-2026.

Boðið verður upp á meiriháttar flott morgunverðarhlaðborð að hætti Grand Hótel.  Aðgangur er frír og allir velkomnir meðan húsrúm leyfir. 
Smelltu hér til að horfa á ráðstefnuna í beinu streymi. Ráðstefnunni er einnig streymt á visir.is og vb.is 

08:30    Húsið opnar: Létt morgunhressing

09:00    Setning ráðstefnu: Anna Kristín Kristinsdóttir Engineering Manager Lead, JBT Marel og formaður stjórnar Stjórnvísi

09:05    Ráðstefnustjóri: Egill Heiðar Anton Pálsson Borgarleikhússtjóri 

09:10    Arinspjall:  Forseti Íslands Frú Halla Tómasdóttir verður gestur í arinspjalli hjá Þórönnu Jónsdóttur framkvæmdastjóra og stjórnendaráðgjafa.               

09:35    Willum Þór Þórsson forseti ÍSÍ

09:55    Stutt hlé: Tengslamyndun og spjall

10:10    Eldur Ólafsson, forstjóri Amaroq Minerals

10:30    Ragna Árnadóttir, forstjóri Landsnets. 

10:50    Samantekt flytur Ingibjörg Loftsdóttir framkvæmdastjóri ráðgjafastofunnar Svalar og varaformaður Stjórnvísi.

11:00    Ráðstefnuslit

Í framleiðslu JBT Marel er töluvert unnið með LEAN fræði í framleiðslunni. Lilja Birgisdóttir (HSE/ÖHU Manager) hjá JBT Marel mun fræða okkur um hvernig HSE (ÖHU) og LEAN vinna saman, kosti þess og galla.

Boðið verður upp á morgunhressingu fyrir kynninguna kl. 08:30.  Eftir kynningu verður gestum boðið upp á fræðslu og útsýningshring á svölunum þar sem hægt verður að horfa yfir framleiðsluna.

Kynningin verður tekin upp en við vonumst til að sjá sem flesta á staðnum.

Hér er linkur á kynninguna. Join the meeting now

Streymi á vegum London Futurest.

Að hvaða leyti ættum við að stýra þróun nýrra kynslóða gervigreinda?

Sjá nánar: https://www.meetup.com/london-futurists/events/310438190/

Í þessu streymi verða meðal annars eftirfarandi atriði rædd:

• Singapore-sáttmálinn

• Aðgerðaáætlun Bandaríkjanna um gervigreind
• Umræður á Alþjóðlegu gervigreindarráðstefnunni í Shanghai
• Nýjar útgáfur af gervigreindarlíkönum
• Gervigreindarlíkön sem ná nýjum viðmiðum í getu

Framtíðarsetur Íslands í samvinnu við London Futurest.

LEGO® SERIOUS PLAY® aðferðin er mjög árangursrík fyrir stefnumótun og til þess að kalla fram lausnir við fjölþættum áskorunum. Hún er byggð á vísindalegum rannsóknum og kallar fram hugmyndir og þekkingu með því að virkja innsæi og skapandi hugsun. Á kynningunni verða helstu áherslur og forsendur aðferðarinnar kynntar, en einnig munu gestir fá tækifæri til þess að taka þátt í stuttri vinnustofu og upplifa aðferðina persónulega.

Steinunn Ragnarsdóttir mun sjá um kynninguna, hún hefur átt glæsilegan feril sem leiðandi stjórnandi í menningarlífi landsins um árabil. Hún hefur viðurkennd starfsréttindi í LEGO® SERIOUS PLAY® aðferðinni og hefur lokið diploma námi á meistarastigi í Jákvæðri sálfræði. Hún lauk 3ja ára Fellowship námi í stjórnun og stefnumótun frá Maryland háskólanum 2018 og Executive Leadership frá Harvard Business School ári síðar. Hún starfar nú sem alþjóðlegur ráðgjafi og leiðbeinandi og heldur m.a. fyrirlestra, námskeið og vinnustofur fyrir fyrirtæki, stofnanir og stjórnsýslu.

Kynningin fer fram í Félagsheimili Orkuveitu Reykjavíkur við Rafstöðvarveg í Elliðaárdal.
Hlökkum til að sjá ykkur. 

Hlekkur á Teams fund:

Gervigreindarstraumar – beint frá San Francisco | Meeting-Join | Microsoft Teams

Róbert Bjarnason kynnir nýjustu strauma í gervigreind eftir nýafstaðna heimsókn á DevDay hjá OpenAI í San Francisco.

Í kjölfarið verða pallborðsumræður og samtal við þátttakendur um framtíðarþróun gervigreindar, áskoranir og tækifæri við sjóndeildarhringinn.

Þátttakendur eru úr gervigreindar- og faghópi framtíðarfræða: Karl Friðriksson, Þorsteinn Siglaugsson, Gyða Björg Sigurðardóttir, Helga Ingimundardóttir og Sævar Kristinsson.

Hlekkur á Teams fund:

Gervigreindarstraumar – beint frá San Francisco | Meeting-Join | Microsoft Teams

Alþjóðlegi mistakadagurinn (International Day for Failure) er haldinn hátíðlegur ár hvert þann 13. október. Hann á rætur að rekja til Finnlands árið 2010 – þar sem hlutirnir ganga yfirleitt það vel að Finnar þurftu beinlínis að finna upp mistök til að geta rætt þau opinberlega. Markmiðið? Að hætta að skammast sín og fagna mistökum með húmor, heilbrigðri sjálfsgagnrýni og örlitilli skömm.

Mistakadagurinn snýst ekki bara um að hlæja að sjálfum sér (þó það hjálpi). Hann minnir okkur líka á að mistök eru ómissandi hluti af þroska, sköpun og framförum. Stundum þarf að ganga á einn eða marga veggi áður en maður finnur hurðina.

Ef þú hefur einhvern tímann:

• farið út að morgni í sitt hvorum skónum
• ruglað saman Zoom og Teams og mætt í vitlaust fundarherbergi, á náttfötunum og með myndavélina á
• sett hjarta á póst sem auðvelt hefði verið að misskilja
• sent tölvupóst á alla starfsmenn með viðhengi sem átti alls ekki að fara út
• átt djúpt og innihaldsríkt samtal innra með þér og haldið svo áfram upphátt fyrir framan saklausan vegfaranda sem nú heldur að þú sért annaðhvort andlega djúphugsandi eða eigir við vandamál að stríða
• sagt eitthvað gáfulegt sem engum öðrum fannst vera gáfulegt.
• tekið ákvörðun sem þú leiðréttir ekki fyrr en klukkutíma, ári eða hjónabandi síðar
• skammað einhvern með tilþrifum sem átti enga sök, en þér bara fannst það…

…þá er þessi fyrirlestur fyrir þig. Eða öllu heldur: fyrir okkur öll. Við erum öll meðlimir í klúðurklúbbnum – sum okkar jafnvel með ársáskrift eða stimpilkort.

Fyrirlesarinn, Ingrid Kuhlman, er leiðbeinandi og ráðgjafi hjá Þekkingarmiðlun. Hún lauk MSc-námi í hagnýtri jákvæðri sálfræði (MAPP) frá Bucks New University árið 2018 og hefur síðan þá verið óþreytandi í að hjálpa fólki að blómstra – jafnvel á mánudögum fyrir hádegi. Ingrid trúir því staðfastlega að mistök séu ekki endapunktur heldur byrjun á einhverju merkilegu – eða að minnsta kosti góðri sögu.

Þá mun Virpi Haavisto ávarpa okkur við upphaf viðburðarins. Hún er virtur stjórnandi, stofnandi Creative Leaders Forum og annast m.a. leiðtogaþjálfun við Aalto háskólann í Helsinki. 

Hlekkur á viðburðinn: 

https://shorturl.at/l8DOg

Stjórnvísi, Mannauður, félag mannauðsfólks á Íslandi og  Prósent  kynna spennandi fyrirlestur um kulnun Íslendinga á vinnumarkaði

Smelltu hér til að skrá þig  Það þarf að skrá sig á fyrirlesturinn fyrir klukkan 20, þriðjudaginn 14. október og þá sendir Prósent fjarfundarboð í gegnum teams. 

Um þriðjungur finnst þau útkeyrð í lok vinnudags nokkrum sinnum í viku eða daglega.

Um þriðjungur finnst þau tilfinningalega úrvinda vegna vinnu sinnar nokkrum sinnum í viku eða daglega.

Fyrirlesari
Trausti Haraldsson, framkvæmdastjóri Prósents mun kynna helstu niðurstöður.

Um Rannsóknina
Frá árinu 2020 hefur Prósent unnið að því að varpa ljósi á kulnun meðal Íslendinga á vinnumarkaði. Með notkun 16 spurninga úr Maslach kulnunarmódelinu (The Maslach Burnout Inventory, MBI) hefur verið unnið að því að greina þetta flókna fyrirbæri. MBI er fyrsta vísindalega þróaða mælikvarðinn fyrir kulnun og er notaður víða um heim. Rannsóknin mælir þrjár mikilvægar víddir: tilfinningalega örmögnun, tortryggni og afköst í starfi.

Árið 2024 var bætt við nýjum spurningum til að kanna hvaða starfstengdu þættir gætu verið ástæður streitu og álags, auk þess að skoða hvort að aðrir þættir í lífinu geti haft áhrif. Hægt verður að skoða þróun á milli tímabila í kynningunni.  

Hver spurning er greind eftir starfsgrein, starfsaldri, kyni, aldri og menntunarstigi, svo eitthvað sé nefnt.

Prósent hefur framkvæmt þessa rannsókn í janúar ár hvert síðan 2020, og nú eru komin samanburðargögn frá 2020 til 2025 – sex ára dýrmæt saga sem gefa innsýn á kulnun Íslendinga á vinnumarkaðinum.

Rannsóknin byggir á um 900 svörum frá einstaklingum 18 ára og eldri á vinnumarkaðinum um allt land.

Ýtið hér til að tengjast Teams fundinum

Hvernig er best að huga að heilsu starfsfólks? Hvað geta vinnustaðir gert til að tryggja umhverfi þar sem allir ná að blómstra?
Við fáum þrautreynda sérfræðinga á þessu sviði til að gefa okkur innsýn í það sem virkar.

Hrefna Hugosdóttir hjúkrunarfræðingur og sérfræðingur í vinnuvernd hjá Auðnast mun fjalla um eftirfarandi:
"Sálfélagslegt öryggi og sálrænt öryggi á vinnustöðum - hvar liggur ábyrgðin?" 

Dr. Sigrún Þóra Sveinsdóttir sálfræðingur og sérfræðingur í lífeðlisfræðilegri sálfræði tekur svo fyrir:
"Andleg þrautseigja og taugakerfið, hagnýtar leiðir til að ná stjórn á eigin ástandi". 

Fundarstjóri er Sandra Sif Gunnarsdóttir, sérfræðingur hjá heilbrigðisráðuneytinu. Sandra Sif situr í stjórn faghópsins um heilsueflandi vinnuumhverfi.

Hlekkur á viðburðinn smelltu til að tengjast

Fyrsti viðburður faghóps í aðstöðustjórnun haustið 2025 er um lýsingu og áhrif hennar á fólk og byggingar.

Áhrif lýsingar á lífverur og byggingar. Er góð lýsingarhönnun arðbær fyrir fyrirtæki og stofnanir?

Kristján Kristjánsson lýsingarhönnuður MSLL fjallar um lýsingu á vinnustöðum. Kristján vinnur hjá Hildiberg sem er skapandi hönnunarstofa með áherslu á lýsingarhönnun. 

Fundarstjóri er Katrín Ólöf Egilsdóttir, eigandi fyrirtækisins Mánagull plöntuveggir. Katrín er formaður stjórnar faghópsins um aðstöðustjórnun.

Faghópur Innkaupa og vörustýringar og Stika Solutions bjóða til fundar þar sem Elma Sif Einarsdóttir ætlar að kynna fyrir okkur lausnir fyrir samhæfða áhættustjórnun og sjálfbærniþætti. 

Saman nýtast þessi kerfi við greiningu og mat á lykiláhættuþáttum og tækifærum þar sem unnið er með alla virðiskeðjuna. Lausnirnar eru sniðnar utan um viðurkennt verklag við samhæfða áhættustjórnun og styðja við alla helstu alþjóðlegu stjórnunarstaðla t.d. COSO ERM, ISO 31000, ISO 9001, ISO 14001, ISO 45001 og ISO 27001.

Einnig hefur Stika þróað vélbúnað og hugbúnað í tengslum við Snjallsorp en þar eru snjallvogir nýttar til að halda utan um magn og flokkun úrgangs og yfirsýn í úrgangsmálum auðvelduð með skilvirku mælaborði.

Sérstök áhersla verður lögð á að kynna Birgjamat Stiku en það bætir yfirsýn notanda á stöðu sinna birgja. Markmið Birgjamats Stiku er að spara tíma og vinnu bæði fyrir notendur og birgja. Mælaborð notanda bætir yfirsýn á stöðu þeirra birgja og hugbúnaðurinn tryggir að birgjar fá sjálfvirka beiðni um að uppfæra sín svör árlega eða eftir þörfum.

Faghópur um gæðastjórnun býður áhugafólki um gæðamál og stjórnunarkerfi á staðviðburð þar sem þátttakendur hittast og taka þátt í umræðum um sín uppáhalds viðfangsefni. Sett verða upp umræðuborð með umræðustjórnendum (moderators) sem halda utan um samtalið á hverju borði. Viðfangsefnin ákvarða þátttakendur í sameiningu í upphafi viðburðar og velja sér í kjölfarið borð/málefni sem þeir hafa áhuga á og gefst kostur á að koma á framfæri hugmyndum og áskorunum ásamt því að fá innblástur frá öðrum. Möguleiki er að skipta um borð/málefni einu sinni á viðburðinum ef fólk kýs. Viðburðinum lýkur svo með stuttri samantekt þar sem hver umræðustjórnandi kynnir helstu niðurstöðurnar sem fram komu á viðkomandi borði - svo allir fái innsýn í umræður og lærdóma morgunsins.

Kjörið tækifæri til að ræða gæðamál á dýptina, fá nýja sýn á áskoranir og viðfangsefni og hitta kollega í morgunkaffi og gæðaspjall😊

Fjöldi þátttakenda er miðaður við hámark 25 manns. Áhugasamir eru hvattir til að skrá sig sem fyrst – fyrstur kemur, fyrstur fær.

Faghópur markþjálfunar vekur athygli á viðburði ICF Iceland sem kynnir verðlaunahafa Nordic Baltic Awards ICF.

Ásta Guðrún Guðbrandsdóttir MCC og stjórnendamarkþjálfi vinningshafi Nordic Baltic Coaching Awards og Hulda Guðmundsdóttir framkvæmdastjóri DK hugbúnaðar kynna vegferðina frá hugmynd til verðlauna.

Ásta og Hulda kynna vegferð DK hugbúnaðar við innleiðingu á markþjálfunarmenningu innan fyrirtækisins. Verkefnið hlaut Emerging Organization heiðursverðlaun á Nordic Baltic Awards síðastliðið vor. Heiðursverðlaunin eru veitt fyrir fyrsta flokks markþjálfunarverkefni innan skipulagsheilda.

Skráning á https://www.icficeland.is/events/asta-verdlaunahafi-nordic-baltic-awards-kynnir-vegferd-sina/form

Nánari upplýsingar:

https://www.icficeland.is/events/asta-verdlaunahafi-nordic-baltic-awards-kynnir-vegferd-sina

Tilnefningarnefndir hafa á undanförnum árum orðið sífellt algengari leið til að velja í stjórnir fyrirtækja og stofnana, og eru oft taldar mikilvægt tæki til að tryggja faglegar og gagnsæjar ákvarðanir við val á stjórnarmönnum. En eru þær alltaf besta leiðin?

Á þessum viðburði verður fjallað um tilnefningarnefndir sem hluta af góðum stjórnarháttum – hlutverk þeirra, ávinning og áskoranir. Við rýnum í hvernig þær geta stuðlað að hæfni, fjölbreytileika og sjálfstæði innan stjórna, en veltum einnig upp gagnrýnum spurningum: Hver velur nefndina? Hvernig tryggjum við að ferlið sé lýðræðislegt og gagnsætt? Og hvaða áhrif hafa tilnefningarnefndir á valdahlutföll og traust?

Við höfum fengið tvær reynslumiklar konur til að fjalla um þetta áhugaverða málefni.

Drífa Sigurðardóttir, ráðgjafi og eigandi Attentus, og Jensína Kristín Böðvarsdóttir, framkvæmdastjóri og eigandi Vinnvinn, munu deila reynslu sinni og sjónarmiðum, og þátttakendur fá tækifæri til að taka virkan þátt í umræðum.

Jensína og Drífa hafa báðar víðtæka stjórnunarreynslu úr íslensku atvinnulífi og þekkja vel starf tilnefningarnefnda frá fyrstu hendi sem meðlimir og formenn slíkra nefnda.

Viðburðurinn er ætlaður stjórnarmönnum, stjórnendum, nefndarmeðlimum og öllum þeim sem hafa áhuga á faglegum stjórnarháttum og lýðræðislegum ferlum innan stjórna.

Húsið opnar kl. 8.30.

**Breytt dagsetning vegna kvennafrídagsins, fundurinn verður 31. okt**

Fjarfundur  Join the meeting now
Á flestum vinnustöðum er „dulda verksmiðjan“ til staðar – öll þau ferli, endurtekningar og falin vinna sem bæta litlu sem engu virði við vinnudaginn okkar. Þessi viðburður gefur innsýn í hvernig við getum auðkennt verkin sem tilheyra þessari duldu verksmiðju sem er í formi sóunar og rætt áskoranir og vandamál sem hún skapar. Kynntar verða leiðir til að auðkenna og draga úr sóun og skapa jákvætt umbótaumhverfi þar einblínt er á virðisaukandi þætti með því að ná yfirsýn yfir verklagið ásamt því að starfa í réttum takti (flæði)  sem hentar starfsmönnum og um leið mætir kröfum viðskiptavinarins.  

Fyrirlesarinn – Magnús Ívar Guðfinnsson

Magnús Ívar Guðfinnsson er stofnandi og framkvæmdastjóri ráðgjafar- og þekkingarfyrirtækisins ANSA ehf. Magnús Ívar hefur sérhæft sig í að vinna með fyrirtækjum, stofnunum og sveitarfélögum í að ná yfirsýn og gera athuganir á verklaginu til að ná bættum árangri i rekstrinum. Samfara ráðgjöf þá kennir hann nemendum í iðnarverkfræði við Háskóla Íslands gæðastjórnun á haustin og straumlínustjórnun á vorönn. Þá kennir Magnús Ívar áfangann árangur í rekstri í Executive MBA-námi á vegum Háskóla Íslands.  

Magnús er með MSc. gráðu í stjórnun og stefnumótun frá Háskóla Íslands og stundaði hluta námsins við Norwegian School of Management (BI) í Osló. Hann er vottaður BPM Professional og er með svarta beltið í Lean Six Sigma.  

Magnús Ívar býr að víðtækri reynslu úr atvinnulífinu, úr kennslu og ráðgjöf hjá fyrirtækjum úr flestum greinum atvinnulífsins við að ná framúrskarandi árangri í framleiðslu og þjónustu.

Við höfum fengið Guðrúnu Björk Bjarnadóttir, framkvæmdastjóri STEFs til að fjalla um þær áskoranir sem skapandi greinar standa frammi fyrir varðandi nýtingu höfundaréttarvarðra verka til þjálfunar gervigreindar. 

Guðrún Björk hefur bent á að  „rannsóknir hafa sýnt að þriðjungur af tekjum tónhöfunda gæti horfið með tilkomu gervigreindar.“ Áhugavert verður að heyra af stefnumiðum samtakanna til að takast á við þessa þróun, en STEF hefur starfað náið með norrænum höfundaréttarsamtökum og sett fram stefnu til framtíðar hvað varðar leyfisveitingar vegna spunagreindar. 

Þær spurningar sem leitast verður við að svara eru m.a.: 

• Er þjálfun gervigreindar með höfundaréttarvörðum verkum brot á höfundarétti?
• Hvaða áhrif hafa ákvæði tilskipunar ESB sem mælir fyrir um að rétthafar verði að kjósa að standa utan ("opt-out") þjálfunar gervigreindar annars sé slík þjálfun heimil án samþykkis. 
• Hvað verður um þau verk sem gervigreindin skapar?  Eru þau höfundaréttarvarin? Hvað með verk sem eru að hluta til sköpuð af gervigreind?  
• Hverjar eru skyldur fyrirtækja sem síðan nýta sér verk sköpuð af gervigreind í sínum rekstri?

Fundurinn verður einungis á streymi, föstudaginn 31. október kl. 9:00 -10:00. 

 Guðrún Björk Bjarnadóttir er framkvæmdastjóri STEFs. STEF eru innheimtusamtök tón- og textahöfunda á Íslandi. Guðrún Björk er hæstaréttarlögmaður með cand.jur gráðu frá Háskóla Íslands og viðbótar mastersgráðu í Evrópurétti frá Stokkhólmsháskóla svo og gráðu á meistarastigi í mannauðsstjórnun og vinnusálfræði frá Háskólanum í Reykjavík.

Guðrún Björk  á að baki farsælan feril sem lögmaður hjá LOGOS lögmannsþjónustu og Samtökum atvinnulífsins áður en hún hóf störf hjá STEFi. Guðrún Björk hefur einnig sinnt kennslu í lögfræði bæði við Háskóla Íslands og Háskóla Reykjavíkur og haldið fjölda erinda og fyrirlestra hjá ýmsum aðilum, hin síðustu ár aðallega á sviði höfundaréttar. Guðrún Björk situr í stjórn NCB (Nordisk Copyright Bureau) sem annast hagsmunagæslu fyrir höfunda á Norðurlöndunum vegna hljóðsetningar og eintakagerðar verka þeirra og í stjórn Tónlistarmiðstöðvar.

Fyrsti viðburður faghóps um verkefnastjórnun verður haldinn á Teams, 4. nóvember kl. 12.00.  Þema fundarinns er samskipti við hagaðila, hvernig tryggir verkefnastjóri sameiginlegan skilning á verkefninu, upplýsingaflæði og aðlagar mismunandi væntingar hagaðila og annarra þátttakenda í verkefnum.

Fyrirlesari er Birna Íris Jónsdóttir framkvæmdastjóri Stafræns Íslands, sem starfar undir fjármála- og efnahagsráðuneytinu og leiðir stafræna umbreytingu opinberrar þjónustu á Íslandi.
Birna er tölvunarfræðingur með MBA og diplómu í jákvæðri sálfræði og hefur starfað um árabil í upplýsingatækni, ráðgjöf og stjórnunarstörfum – meðal annars hjá Landsbankanum, Sjóvá, Högum og Össur.
Birna hefur lagt mikla áherslu á að nýta tækni til að einfalda líf fólks, bæta þjónustu hins opinbera og auka skilvirkni með samvinnu, trausti og skýrri stefnu. Sem framkvæmdastjóri Stafræns Íslands stýrir hún m.a. þróun Ísland.is og öðrum lykilverkefnum sem miða að því að gera opinbera þjónustu aðgengilegri, notendamiðaðri og öruggari.

Hlekkur á fundinn 

Endurvakinn faghópur Stjórnvísi um almannatengsl, miðlun og samskipti heldur haustfund í Húsi máls og menningar við Laugaveg miðvikudaginn 5. nóvember kl. 16-17. Fundurinn er opinn öllu áhugafólki um fagið og aðgangur er ókeypis. Að fundi loknum reynir á hæfileika fundargesta til tengslamyndunar á hamingjustund (happy hour) á staðnum.

Faghópurinn hefur fengið þrautreynda reynslubolta í faginu til að opna fundinn með stuttri framsögn um sig og sín verkefni, ásamt vangaveltum yfir framþróun fagsins. Þau eru Ásgeir Friðgeirsson ráðgjafi, Bryndís Ísfold Hlöðversdóttir ráðgjafi, Eva Bergþóra Guðbergsdóttir samskiptastjóri Reykjavíkurborgar, Gísli Freyr Valdórsson blaðamaður og ráðgjafi, Særún Ósk Pálmadóttir ráðgjafi hjá KOM og Steinunn Gyðu- og Guðjónsdóttir ráðgjafi hjá Aton. Umræðum stýrir Stefán Hrafn Hagalín framkvæmdastjóri Þrettánellefu.

STJÓRN FAGHÓPSINS
Stjórn faghóps Stjórnvísi um almannatengsl, miðlun og samskipti skipa þau Andrea Guðmundsdóttir fagstjóri og lektor við Háskólann á Bifröst, Anna Margrét Gunnarsdóttir ráðgjafi hjá Altso, Aðalbjörg Kristín Jóhannsdóttir ráðgjafi hjá Apríl og Nasdaq á Íslandi, Dóra Magnúsdóttir samskiptastjóri Hafrannsóknastofnunar, Erla Björg Eyjólfsdóttir ráðgjafi og stundakennari við Háskólann á Bifröst, Grétar Theodórsson ráðgjafi hjá Innsýn samskiptum og fyrrnefndur Stefán Hrafn sem er formaður hópsins.

MARKMIÐ OG SÝN
Vitundarvakning hefur orðið hér á landi undanfarin ár um mikilvægi góðra almannatengsla og markvissrar miðlunar og samskipta. Fagleg, heiðarleg og stöðug upplýsingagjöf til hagsmunahópa byggir og styrkir góða ímynd og eykur um leið velferð og virðingu vinnustaða. Markmið faghópsins er að styðja við fólk sem starfar við almannatengsl, samskipti og upplýsingamiðlun, hvort heldur á eigin spýtur eða hjá fyrirtækjum og opinberum vinnustöðum; fólk sem hefur áhuga á að auka þekkingu sína, færni og innsæi til að efla sig á starfsvettvangi.

OPINN HÓPUR
Hópurinn er eins og aðrir faghópar Stjórnvísi öllum opinn, hvort heldur fólk hefur áhuga á faginu, starfar við það eða er að sækja sér menntun á þessu sviði. Smelltu hérna til ganga til liðs við hópinn:
https://www.stjornvisi.is/is/faghopar/almannatengsl-e-public-relations-og-samskiptastjornun

Á hverju ári gefur ENISA út skýrslu um ógnarlandslagið eins og það blasir við þeim. Þar kemur fram hverjar séu helstu ógnirnar og hvaða geira sé helst verið að herja á. Á þessum fundi ætlum við að kafa dýpra í þessa skýrslu og hvað það þýðir fyrir okkur. Vonumst eftir góðum umræðum um atriði skýrslunnar og hvað þau þýða fyrir okkur. 

Hvaða spurningum verður svarað? Hvað getum við lært af skýrslum eins og þessari? Á þetta við um okkur? Hvaða aðgerðir og verkefni þurfum við að fara í til að bregðast við og vera undirbúin?

Fyrir hver er þessi kynning? Öll sem hafa áhuga á að vita hverjar séu þær helstu ógnir sem eru í gangi þessa dagana og vilja velta fyrir sér hverju geti verið nauðsynlegt að bregðast við. Líka fyrir þau sem hafa velt fyrir sér hvort svona skýrslur hafi eitthvað erindi til okkar. 

Hlekkur á skýrsluna og tengt efni

Kynningin verður í höndum stjórnar faghóps Stjórnvísi um stjórnun upplýsingaöryggis.