„Er þetta þess virði?“ – Sjálfbærnilöggjöfin – Áskoranir og reynslusögur

Tengill á viðburð

Faghópur um sjálfbæra þróun í samstarfi við FESTU miðstöð um sjálfbærni ætlar að fá nokkra aðila til að segja frá reynslu sinni við innleiðinguna og helstu áskoranirnar. Þannig getum við lært af hvort öðru og hjálpast að við innleiðingunna á þessari viðamiklu og mikilvægu löggjöf um sjálfbærni. 

Elva Rakel Jónsdóttir, framkvæmdastjóri FESTU verður fundarstjóri og mun Tómas Möller, stjórnarformaður FESTU og Yfirlögfræðingur Lífeyrissjóðs verzlunarmanna opna viðburðinn. Reynsluboltarnir í innleiðingarferlinu verða Eiríkur Hjálmarsson, Sjálfbærnistjóri OR, Agla Huld Þórarinsdóttir, sjálfbærnisérfræðingur Eimskips og Kristrún Tinna Gunnarsdóttir, Sjálfbærnistjóri Íslandsbanka.

1. júní á þessu ári tök í gildi lög nr. 25/2023 um upplýsingagjöf um sjálfbærni á sviði fjármálaþjónustu og flokkunarkerfi fyrir sjálfbærar fjárfestingar. Með lögunum voru tvær Evrópureglugerðir innleiddar á Íslandi.

Reglugerð EU/2019/2088 SFDR (Sustainable Financial Disclosure Reglulation) sem varðar aðila á fjármálamarkaði (gildir fyrir banka, verðbréfasjóði, lífeyrissjóði og tryggingarfélög) og leggur þeim línurnar hvernig þeir skuli upplýsa endafjárfestinn (eigenda fjármunanna) hvernig eigi að stýra og veita upplýsingar um sjálfbærniáhættu í eignasöfnum. 

Reglugerð EU/2020/852 EU Taxonomy - flokkunarkerfi ESB fyrir sjálfbærar fjárfestingar sem skilgreinir hvað telst umhverfislega sjálfbær starfsemi fyrirtækja. Þar eru sett viðmið sem skilgreina að hvaða marki atvinnustarsemi telst umhverfislega sjálfbær og hversu sjálfbær rekstur fyrirtækja er heilt yfir. Mælt sem hlutfall veltu, fjárfestingaútgjalda eða rekstrarkostnaðar. Flokkunarkerfið er liður í að vinna gegn grænþvotti. Gildir fyrir stór fyrirtæki sem og aðila á fjármálamarkaði. 

Þá mun á næsta ári taka gildi lög um sjálfbærniupplýsingagjöf fyrir stór og/eða skráð félög (CSRD). Sjálfbærniupplýsingarnar verða hluti af ársreikningi fyrirtækja og skulu þær endurskoðaðar af óháðum þriðja aðila. Gera skal grein fyrir áhættustýringu, viðskiptatækifærum, samskiptum við haghafa og stefnumótun fyrirtækis varðandi sjálfbærni. 

Fyrirliggur mikil vinna og miklar áskoranir eru fyrir þá aðila sem um lögin gilda. Fjármálafyrirtæki auk stórra/eða skráða félaga eru nú að keppast við að innleiða flokkunarreglugerðina. Skilgreina fjárfestingar, lánveitingar og kostnaðarstrauma í þau sex umhverfismarkmið sem flokkunarreglugerðin tekur á.

 

Staðsetning viðburðar

Tengdir viðburðir

Sjálfbærni í krónum talið - ávinningur fyrir fyrirtæki og samfélag

Fundarstjóri: Freyr Eyjólfsson, verkefnisstjóri hjá Sorpu og stjórnarmaður í faghópi Stjórnvísis

Málstofa á vegum faghóps Stjórnvísis um sjálfbæra þróun, loftslagsmál og umhverfi, í samstarfi við Festu.

Á málstofunni verður fjallað um fjárhagslegan ávinning sjálfbærniaðgerða. Fulltrúar fyrirtækja og fjármálageirans segja frá verkefnum sem ráðist hefur verið í, hvað þau hafa kostað og hvaða ávinningi þau hafa skilað.

Einnig verður rætt um hvað hefur gengið vel, hvað hefði mátt fara betur og hvaða lærdóm megi draga af reynslunni. Að erindunum loknum verða pallborðsumræður og spurningar úr sal.

Dagskrá

9:00–9:05

Setning málstofu
Hólmfríður Bjarnadóttir, formaður faghópsins og forstöðumaður umhverfis og sjálfbærni hjá Vegagerðinni

9:05–9:10

Kynning fundarstjóra
Freyr Eyjólfsson

9:10–9:30

Hótel Saga – þegar endurnýting skapar ný verðmæti
Kristinn Jóhannesson, sviðsstjóri framkvæmda- og tæknisviðs Háskóla Íslands

9:30–9:50

Græn lán og áhrif sjálfbærni á fjármögnunarkjör fyrirtækja
Aðalheiður Snæbjarnardóttir, forstöðumaður sjálfbærni hjá Landsbankanum

9:50–10:00

Spurningar

10:00–10:20

Kaffihlé

10:20–10:40

Þegar sjálfbærni skilar árangri í rekstri
María Rúnarsdóttir, forstöðumaður sjálfbærni hjá Heimum

10:40–11:00

Sjálfbær þróun: Sjónarmið úr rekstri matvælaframleiðanda
Sveinn Margeirsson, framkvæmdastjóri hjá Brim

11:00–11:20

Pallborðsumræður og spurningar
Sameiginlegar umræður frummælenda um fjárhagslegan og samfélagslegan ávinning sjálfbærniaðgerða, mælingar á árangri og helstu áskoranir

11:20–11:30

Fundarslit
Freyr Eyjólfsson

Eldri viðburðir

Umbúðalaust Ísland? – Nýjar reglur, áhrif og áskoranir

Hlekkur á fundinn
Faghópur Stjórnvísi um sjálfbæra þróun, loftslagsmál og umhverfi býður til málstofu um reglugerð ESB 2025/40 um umbúðir og umbúðaúrgang, svokallaða PPWR, sem kom til framkvæmda í ESB 12. ágúst 2026.

Hvaða breytingar felur reglugerðin í sér og hvaða áhrif getur hún haft á íslensk fyrirtæki og neytendur? Fulltrúar ólíkra hagaðila flytja stutt innlegg um stöðu umbúðamála, sýn á nýju reglurnar og helstu áskoranir fram undan. Að erindunum loknum fara fram sameiginlegar umræður og spurningar frá þátttakendum.

Frummælendur verða:

  • Jóhannes Bjarki Urbancic Tómasson, sérfræðingur á sviði loftslags og hringrásarhagkerfis hjá Umhverfis- og orkustofnun.
  • Hafsteinn Snæland Grétarsson, sölu- og markaðsstjóri hjá Danól.
  • Heiðdís Inga Hilmarsdóttir, verkefnisstjóri sjálfbærnimála hjá Krónunni.

Freyr Eyjólfsson, verkefnisstjóri hjá SORPU, verður fundarstjóri og stýrir umræðum.

 

Viðburðurinn fer fram sem fjarfundur á Teams. 

Dagskrá

  • 10:00–10:05 – Setning og kynning á viðfangsefni
    Freyr Eyjólfsson, fundarstjóri.
  • 10:05–10:15 – Erindi frá Umhverfis- og orkustofnun
    Jóhannes Bjarki Urbancic Tómasson, sérfræðingur á sviði loftslags og hringrásarhagkerfis.
  • 10:15–10:25 – Erindi frá Danól
    Hafsteinn Snæland Grétarsson, sölu- og markaðsstjóri.
  • 10:25–10:35 – Erindi frá Krónunni
    Heiðdís Inga Hilmarsdóttir, verkefnisstjóri sjálfbærnimála.
  • 10:35–11:00 – Sameiginlegar umræður og spurningar.

Microsoft Teams meeting

Join: https://teams.microsoft.com/meet/357911267992207?p=DPDx0CDjIsOaJquQiJ

Meeting ID: 357 911 267 992 207

Passcode: gF2XV6RA

Aðalfundur faghóps Stjórnvísi um sjálfbæra þróun, loftslagsmál og umhverfi

Aðalfundur faghóps um sjálfbæra þróun, loftslagsmál og umhverfi verður haldinn þriðjudaginn 26. maí 2026 kl. 13:00 að Bæjarhálsi 1 og á Teams.

Dagskrá:

  1. Skýrsla stjórnar
  2. Stjórnarkjör
  3. Kosning formanns
  4. Önnur mál

Sjálfbærniásinn 2026 viðurkenningarhátíð, 6. maí í Elliðaárstöð.

Sjálfbærniásinn er samræmdur mælikvarði sem mælir viðhorf íslenskra neytenda til frammistöðu íslenskra fyrirtækja í sjálfbærnimálum og gerir samanburð á stöðu og þróun. Þessi mæling er svar við aukinni kröfu frá viðskiptavinum og hagaðilum á fyrirtæki að leggja áherslu á sjálfbærni. Að verkefninu standa Prósent, Langbrók og Stjórnvísi

Viðurkenningarhátíð í beinu streymi miðvikudaginn 6. maí 2026, kl. 9.15-10.00

Viðurkenningarhátíð Sjálfbærniássins þar sem fjöldi fyrirtækja fá viðurkenningu fyrir góðan árangur í sjálfbærni verður haldin miðvikudaginn 6. maí klukkan 9.15 til 10.00 í Gestastofu, Elliðaárstöð.
Hægt verður að fylgjast með dagskrá í beinu streymi á visi.is og mbl.is.

Dagskrá

9.15 – 9.45 – Trausti Haraldsson framkvæmdastjóri Prósents kynnir rannsóknarmódelið og veitir þeim fyrirtækjum viðurkenningu sem hæst eru á sínum markaði.
9.45 – 10.00 – Soffía S. Sigurgeirsdóttir ,
Langbrók stýrir pallborðsumræðum

Sjálfbærniásinn er mikilvægt skref í átt að aukinni sjálfbærni í íslensku samfélagi og hvetur fyrirtæki til að standa sig enn betur í þessum mikilvægu málum. Nánar um Sjálfbærniásinn

Niðurstöður verður hægt að eignast að viðurkenningarhátíð lokinni

Sjálfbærniásinn inniheldur 5 spurningar ásamt aukaspurningu um áhrif sjálfbærni sem eru greindar niður á bakgrunnsbreytur. Niðurstöður eru settar fram í rafrænu mælaborði og eru mæld fyrirtæki pr markað kynnt saman. Prósent sér um sölu og kynningu á niðurstöðum.

Að rýna í græn umskipti og ólíkar framtíðir

Við fáum gestafyrirlesara til að fjalla um skýrsluna Græn umskipti og framtíðaráskoranir: sviðsmyndir til 2040, sem unnin var fyrir framtíðarnefnd Alþingis. Skýrslan er aðgengileg á vef Framtíðarseturs: framtidarsetur.is.

Hér er vefslóðin á fundinn: https://teams.microsoft.com/meet/366291188356666?p=RVhmezZiWVP1tUnp2y

Eyþór Eðvarðsson er stjórnendaþjálfari og ráðgjafi hjá Þekkingarmiðlun. Hann er virkur í baráttuhópnum París 1,5, sem vinnur að því að Ísland leggi sitt af mörkum í loftslagsmálum. Hann var jafnframt einn af stofnendum Votlendissjóðsins og fyrsti stjórnarformaður hans.

Eyþór hefur skrifað fjölda greina um loftslagsmál, meðal annars um hvernig önnur ríki nálgast græn umskipti og hvað Ísland getur lært af þeim. Í erindinu mun hann fara yfir lykilatriði skýrslunnar og tengja þau við þróunina í Evrópu. Þar verður meðal annars fjallað um grænu umskiptin í Danmörk, Svíþjóð, Hollandi, Bretlandi og Þýskalandi.

Eyþór fær annars lausan tauminn.

Omnibus afgreiddur og hvað svo?

Hlekkur á fundinn

Framtíð sjálfbærnireikningsskila

Undir lok ársins 2025 slakaði Evrópusambandið verulega á kröfum um hvaða fyrirtæki þurfi að gera opinberlega grein fyrir sjálfbærni starfseminnar og hversu ítarlegar upplýsingar þurfi að láta í té. Samþykkt lagabandorms – Omnibus – á Evrópuþinginu í desember er hluti átaks ESB til að minnka skriffinnsku og efla samkeppnishæfni fyrirtækja en var umdeild.

Hvað mun þetta þýða fyrir íslensk fyrirtæki og hver verða áhrifin á umhverfi, loftslag, samfélög og stjórnarhætti?

Faghópur Stjórnvísi um Sjálfbæra þróun, loftslagsmál og umhverfi býður til opins fundar
miðvikudaginn 18. mars kl. 8:30 – 10:00 í húsnæði Orkuveitunnar við Bæjarháls 1 í Reykjavík.

Framsögu hafa Halldór I. Pálsson, sérfræðingur á ársreikningaskrá Skattsins og Steina Dröfn Snorradóttir, lögg. endurskoðandi og meðeigandi hjá Deloitte.

Fundarstjóri verður Eiríkur Hjálmarsson, sjálfbærnistjóri Orkuveitunnar og formaður faghóps Stjórnvísi um sjálfbæra þróun.

Hægt verður að fylgjast með fundinum á Teams.

 

Hlökkum til að sjá sem flesta,
Faghópur Sjálfbæra þróun, loftslagsmál og umhverfi

Fannst þér efnið á síðunni hjálplegt?