Framtíðir í skapandi höndum - Manifestó um framtíðir dreifbýlis

Framtíðir í skapandi höndum

Manifestó um framtíðir dreifbýlis, nefnist fyrsti fyrirlesturinn í nýrri röð fyrirlestra sem Háskólinn á Bifröst stendur fyrir í samstarfi við Framtíðarsetur íslands ásamt Hafnar.haus undir yfirskriftinni Framtíðir í skapandi höndum.

Streymt verður frá viðburðinum á FB síðu háskólans. https://www.facebook.com/events/5484137304973148/ 

Í þessum fyrsta fyrirlestri mun ítalski fræðimaðurinn og sýningarstjórinn Leandro Pisano segja frá lista- og rannsóknarverkefni sínu Manifesto of Rural Futurism. Um er að ræða þverþjóðlegt verkefni sem dregur fram rammpólitískt vistkerfi dreifbýla og afskekktra landsvæða. Verkefnið rýnir með gagnrýnum hætti í staðhæfingar nútímans sem ýta gjarnan dreifbýlum út í jaðarinn. Í gegnum hljóð- og myndlist er varpað ljósi á flókinn og lifandi heim ólíkra landsvæða.

Leandro Pisano er sýningarstjóri, rithöfundur og sjálfstætt starfandi fræðimaður sem vinnur á mótum lista, hljóðs og tæknimenningar. Leandro er með doktorsgráðu í menningar- og eftirnýlendufræðum við Háskólann í Napólí. Hann er framkvæmdastjóri, og stofnandi, Interferenze new arts Festival (2003) og tekur reglulega þátt í verkefnum, ráðstefnum og sýningum á raf- og hljóðlist. 

Fyrirlestraröðin er samstarfsverkefni Framtíðarseturs Íslands og Háskólans á Bifröst þar sem sjónum er beint að fjölbreyttum og skapandi leiðum við að ímynda sér framtíðina og setja saman framtíðarsýnir. Markmið fyrirlestrarraðarinnar er að opna og leysa upp mörk fræðasviða, skapandi greina og vísinda, varpa ljósi á hreyfiafl ímyndunaraflsins og hugarfluga.

Á tímum loftslagsvár, stríðsbrölts, misskiptingu veraldlegra gæða og uppgangs öfgahyggju getur verið erfitt að sjá fyrir sér jákvæða og sjálfbæra framtíð. Framtíðir í skapandi höndum stefnir að því að sameina gagnrýna, skapandi og skipulagða leit af mögulegum framtíðum og draga fram það mikilvæga starf sem á sér nú þegar stað innan skapandi greina. Hvort sem það er vísindaskáldskapur, borgarþróun, hönnun eða listræn túlkun þá eiga fyrirlesarar raðarinnar það sameiginlegt að eiga erindi inn í það mikilvæga verkefni að huga að róttækri umbreytingu samfélagsins, umhverfisins og plánetunnar.

 

Staðsetning viðburðar

Eldri viðburðir

Royal Duch Shell Sviðsmyndagerð: Hvernig er nægt að læra af framtíðinni

Á málstofunni verður farið yfir svokallaðar “future backward” sviðsmyndagerð. Farið verður yfir tvær slíkar greinar skrifaðar af höfundi, aðferðafræðina, uppbygginguna og afraskturinn. Önnur þessarra greina eru um Íslands sem var skrifuð 2000 og spáði fyrir um hrunið 2008 og hin um Kuwait og birtist í Journal of Sustainabitliy 2023.

Vefslóðin er hér

Um Höfundinn: Dr. Andri Ottesen er bústettur í Kúvæt þar sem hann var yfirmaður viðskiptaþróunar hjá Tebyan Group sem eru í eigu Konungsfjölskyldunnar. Hann var áður aðstoðardeildarstjóri Stjórnunardeildar Ástralska Háskólans í Kúwait og þar áður framkvæmdastjóri Carbon Recycling International, deildarstjóri í skrifofu opinberra fjármála hjá Fjármála og efnahagsráðuneyti og framkvæmdarstjóri Klak/Startup Iceland. Hann er með doktorsgráðu frá International School of Management í Frakklandi, með Meistargráðu frá Ottaru viðskiptaskólanum í Japan og MBA frá ríkisskóla Kaliforníufylkis.

Framtíðarleiðtoginn

Þátttökufundur um færni og eiginleika leiðtoga framtíðarinnar 

Við fáum til liðs við okkur öfluga leiðtoga sem deila sinni persónulegu reynslu og framtíðarsýn á hvaða færniþættir verða mikilvægastir í framtíðinni í pallborðsumræðum og á vinnustofu þar sem allir þátttakendur munu leggja sitt af mörkum.

Þeir eru;

Ari Daníelsson starfar sem stjórnarformaður Skyggnis eignarhaldsfélags sem heldur utan um 15 rekstrarfélög í upplýsingatækni og stafrænum innviðum og er jafnframt starfandi stjórnarformaður Origo. Hann hefur yfir tveggja áratuga reynslu af stjórnun, fjárfestingum og umbreytingum innan upplýsingatækni og fjármálaþjónustu, bæði á Íslandi og á alþjóðlegum vettvangi.

Kristinn Hjálmarsson er framkvæmdastjóri Icelandic Sustainable Fisheries og stofnandi ráðgjafafyrirtækisins Nótera. Hann starfaði áður sem þróunarstjóri Opna háskólans hjá HR og hefur víðtæka reynslu af stefnumótun, breytingastjórnun og þróun skipulags. Kristinn starfar með stjórnendum og stjórnum við að móta framtíðarsýn og hrinda henni í framkvæmd og hefur sérstakan áhuga á því hvernig forysta, lærdómur og tækni móta framtíð vinnunnar.

María Fjóla Harðardóttir hefur starfað sem stjórnandi/leiðtogi í heilbrigðisþjónustu í yfir 20 ár, nú síðast sem forstjóri Hrafnistuheimilanna þar sem starfa um 2000 starfsmenn á 7 starfsstöðum. María var fyrsta konan til að gegna embætti forstjóra í sögu Hrafnistu. Hún starfaði einnig sem stjórnarformaður Samtaka fyrirtækja í velferðarþjónustu sem þjónustar yfir 50 fyrirtæki. Árið 2021 hlaut hún Viðurkenningu Félags kvenna í atvinnulífinu (FKA) fyrir stjórnunarstörf sín.

Selma Svavarsdóttir er forstöðumaður nýsköpunar hjá Landsvirkjun og hefur fjölbreytta reynslu af stjórnun, rekstri og breytingum. Hún starfaði áður í fjármálageiranum og hefur síðan gegnt fjölbreyttum stjórnunarhlutverkum hjá Landsvirkjun. Hún hefur leitt ólík teymi og breytingar í stórri og fjölbreyttri starfsemi og leiðir í dag nýsköpun hjá Landsvirkjun.

Á vinnustofunni heyrum við persónulegar reynslusögur frá fólki sem leiðir, skapar og starfar mitt í breytingum.

Sögurnar verða kveikja að sameiginlegri rannsókn þar sem við:

  • lesum í breytingarnar sem þegar eru að eiga sér stað og munu móta framtíðina
  • skoðum hvaða færniþætti þessar breytingar munu kalla á
  • ögrum viðteknum hugmyndum um forystufærni 
  • drögum fram þá færni sem líklegt er að skipti mestu máli
  • speglum eigin styrkleika og tækifæri til vaxtar

Markmið:

Að virkja framtíðarlæsi okkar og móta saman vegvísi með hugmyndum af forystufærni sem framtíðin mun mögulega kalla á. Markmiðið er að viðburðurinn veiti innblástur, skýrari sýn og meðvitund um hvað við getum byrjað á að efla hjá okkur sjálfum.




Gervigreind í framkvæmd: Hvar liggur raunverulega virðið?

Við höfum fengið góðan fyrirlesara til að fjalla um hagnýtingu AI, Gísla Ragnar Guðmundsson hjá Almannarómi og leiðir New Nordics AI á Íslandi.
Á málstofunni verður farið yfir þróun gervigreindar síðustu mánuði, með áherslu á hvernig tæknin er að færast frá tilraunum yfir í raunverulega hagnýtingu. Fjallað verður um þróun erlendis, netöryggi og hvar helstu tækifærin til verðmætasköpunar liggja. Einnig verður stuttlega sagt frá starfi New Nordics AI og Almannaróms.

Vefslóðin á fundinn er hér

Öld ímyndunaraflsins – frábær viðburður með Berg Ebba

Bergur Ebbi fjallar um bók sína Öld ímyndunaraflsins. Um bókina segir í tilkynningu útgefanda: "Öld ímyndunaraflsins er hugmyndaferðalag um nútímann, nýliðna sögu og framtíðina. Gervigreind er mál málanna í dag - geysivíðtækt efni sem Bergur Ebbi skrifar um af eldmóði, skynsemi og þekkingu"

Eigum góða morgunstund með Berg Ebba 8 september nk. Vefslóðin á fundinn er hér

Ögrandi loftslags framtíðir

Vefmálstofa með dr. Tom Harris

Umsjón: David Wood

Hvað er í raun að gerast með loftslag jarðar? Erum við að nálgast vendimörk sem gætu valdið mun meiri og hraðari breytingum en áður hefur verið talið? Hvaða áhrif hefur El Niño á þróunina? Og hvernig getum við metið ólíkar framtíðarsviðsmyndir þegar vísindamenn eru ekki á einu máli?

Farið inn á þessa vefsíðu og skráið ykkur til þátttöku: https://www.meetup.com/london-futurists/events/315972609/?utm_medium=email&utm_source=braze_canvas&utm_campaign=mmrk_alleng_event_announcement_prod_unfiltered_v7_en&utm_term=promo&utm_content=lp_meetup&dispatch_id=6a71de511504bea2fec1c251173f59db

Í þessari áhugaverðu vefmálstofu verður leitast við að skoða loftslagsmálin út frá vísindalegum grunni. Fjallað verður um eðlisfræðina sem liggur að baki loftslagsbreytingum og þau stjórntæki sem mannkynið hefur til ráðstöfunar til að hafa áhrif á þróunina. Einnig verður rætt um þær hindranir sem standa í vegi fyrir breytingum og hvernig tækni, efnahagsmál, stofnanir, samfélagslegar frásagnir og grasrótarhreyfingar geta sameinast um að draga úr hættu á alvarlegum afleiðingum.

Meðal þeirra spurninga sem teknar verða fyrir eru:

  • Hvað segja nýjustu gögn um þróun loftslagsins?
  • Hvernig virka vendimörk?
  • Hvernig eigum við að bregðast við þegar vísindalegar ályktanir greinir á?
  • Hvaða leiðir standa okkur til boða til að hafa áhrif á framtíð loftslagsins?
  • Hversu brýnt er að grípa til aðgerða?

Fyrirlesari: dr. Tom Harris

Erindi: Ögrandi loftslags framtíðir – Eðlisfræðin, endurgjafarkerfin, stjórntækin og afleiðingar mögulegra viðbragða.

Að loknu erindinu verður opnað fyrir spurningar þátttakenda, umræður og opið samtal um eitt mikilvægasta viðfangsefni samtímans.

Fannst þér efnið á síðunni hjálplegt?