Framúrskarandi skólaumhverfi 2020 - fjarráðstefna

RÁÐSTEFNA & ÖRVINNUSTOFA
21. sept frá kl.16.00-19.30

Árleg ráðstefna og vinnustofa til að koma á framfæri því sem er að gerast í íslensku skólaumhverfi.
Við vörpum fram spurningunni til allra fyrirlesaranna: Hvað þarf til þess að skólarnir okkar verði framúrskarandi?

FYRIRLESTRAR
Ástríðufullir leiðtogar deila sinni framtíðarsýn. Hvað þarf til að uppfæra skólaumhverfið?

HVAÐ ER ÖRVINNUSTOFA?
Ráðstefnugestum verður skipt niður í þriggja manna hópa (breakup rooms). Gefinn er upp tími til að hver og einn geti sagt frá sínum viðbrögðum af síðasta fyrirlestri. 

Allt um viðburðinn og skráningu finnur þú hér. Það virkar EKKI að skrá sig á viðburðinn í gegnum Stjórnvísi.

Upptaka verður send út til allra skráðra þáttakenda svo hægt verði að horfa á upptökuna hvenær sem hentar en þó innan fjögurra vikna. 

 

Staðsetning viðburðar

Tengdir viðburðir

Stjórnunarstíll til framtíðar!

Dr. Eyþór Ívar Jónsson ætlar að fjallað um ólíka stjórnunarstíla og af hverju þeir skipta máli við ólíkar aðstæður. Sérstaklega verður fjallað um hvernig stjórnendur vita hvaða stjórnunarstíll hentar þeim best og hvernig má þróa þann stjórnunarstíl. 

Dr. Eyþór Ívar Jónsson er forseti Akademias, Vice President European Academy of Management og lektor við Viðskiptaháskólann í Kaupmannahöfn (Copenhagen Business School). Eyþór hefur sérhæft sig í kennslu í stefnumótun, nýsköpun og stjórnarháttum og hefur kennt við háskóla í Svíþjóð (Lund University), Danmörku (CBS, KU), Noregi (BI), Víetnam (NEU) og á Íslandi (HR, HÍ og Bifröst). Hann hefur skrifað hátt í 800 greinar um viðskipti og efnahagsmál og ritstýrt fjölda tímarita (m.a. Vísbendingu, Íslensku atvinnulífi, Góðum stjórnarháttum og Nordic Innovation). Hann hefur jafnframt verið framkvæmdastjóri fjölda fyrirtækja og verkefna og stýrt stjórnarstarfi í um 200 fyrirtækjum (þ.m.t. ráðgjafarstjórnum). Eyþór hefur stofnað, skipulagt eða stjórnað mörgum viðskiptahröðlum fyrir sprota- og vaxtarfyrirtæki; eins og t.d. Growth-Train, CBS MBA Accelerator, StartupReykjavik og Viðskiptasmiðjunni. Ríflega 300 sprotafyrirtæki, vaxtarfyrirtæki og frumkvöðlar hafa farið í gegnum þessi prógröm.

Við ætlum að hittast hjá Akademias Borgartúni 23, 3. hæð. Boðið verður upp á léttar veitingar að viðburði loknum og vonumst við til að fólk gefi sér tíma til að staldra við og spjalla í lok viðburðar. 

 

Hlekkur á streymi

 

(Meeting ID: 814 8702 4267  Passcode: 071208)

 

 

 

 

Fyrirlestur á vegum Empower

Þórey Vilhjálmsdóttir Proppé mun halda fyrirlestur fyrir faghóp mannauðsstjórnunar Stjórnvísi. 

 

Hlekkur á viðburð

 

Hvernig verðum við besti vinnustaðurinn sem við getum orðið? Reynslusaga Dohop af teymis- & markþjálfun

Fyrir ári síðan ákvað Dohop að gera tilraun með því að fá til sín teymis- og markþjálfa tvo daga í viku til þess að þjálfa öll teymi fyrirtækisins ásamt því að bjóða upp á markþjálfun fyrir starfsfólk.
  • Hver er kveikjan að því að hugbúnaðarfyrirtæki í örum vexti (og með nóg annað að hugsa um) fjárfestir í svona  tilraun?
  • Hvernig hefur gengið?
  • Er ROI á þessari fjárfestingu?
  • Hvaða lærdómur hefur verið dreginn á leiðinni?
Davíð Gunnarsson forstjóri Dohop og Kristrún Anna Konráðsdóttir teymis- og markþjálfi ræða um vegferðina, áskoranir og uppskeru. Tími verður fyrir spurningar og vangaveltur og eru þátttakendur hvattir til að spyrja og spegla. 
 
 

Heilsan og vinnan í seinni hálfleik. Áhrif breytingaskeiðs á vinnustaðinn.

Nánari lýsing síðar

Fundarstjóri: Heiður Reynisdóttir, mannauðsstjóri NÍ

Ingibjörg Loftsdóttir, sviðsstjóri VIRK: Streitan í seinni hálfleik.

Ragga nagli, sálfræðingur og einkaþjálfari. 

Halldóra Skúladóttir, markþjálfi og klínískur dáleiðari.

 

"Live" Markþjálfasamtal

Hér ætlar MCC Markþjálfinn Arnór Már Másson að taka "live" samtal við hana Aldísi Örnu.

Nánari upplýsingar síðar....

Eldri viðburðir

Kulnun Íslendinga á vinnumarkaði fyrir og eftir Covid

Hérna er linkur á streymið

Takmarkað pláss er í boði á staðfund, og því mikilvægt að skrá sig á viðburðinn. Einnig er hægt að skrá sig á fjarfund.

Skráning á viðburðinn fer fram HÉR!

---

Prósent í samstarfi við Mannauð, félag mannauðsfólks á Íslandi, Samtök Verslunar og þjónustu (SVÞ) og Stjórnvísi kynna spennandi fyrirlestur um kulnun Íslendinga á vinnumarkaði.

Kulnun Íslendinga
Prósent hefur framkvæmt rannsókn á kulnun meðal Íslendinga á vinnumarkaði frá árinu 2020. 

 

Rannsóknarmódelið sem notast var við til mælinga er 12 spurninga styttri útgáfa af Maslach kulnunarmódelinu (MBI). Mældar eru þrjár víddir; tilfinningaleg örmögnun (e. emotional exhaustion), sjálfshvarf (e. depersonalization) og tilfinning fyrir lágum persónulegum árangri (e. a sense of low personal achievement).

 

Trausti Haraldsson, framkvæmdastjóri Prósents mun kynna helstu niðurstöður. Markmið fundar er að kynna hvernig staðan á vinnumarkaðinum er m.t.t. kulnunarstigs, hver staðan er fyrir og eftir Covid og þróunina á milli þessara tímabila.

 

Einnig verður kafað dýpra til að skoða hvort munur sé á milli hópa út frá starfi, fjölda tíma sem starfsfólk vinnur á viku, munur á opinbera geiranum og einkageiranum, kyni, aldri, búsetu, menntun og tekjum.

 

Dæmi um niðurstöður síðan 2021
Niðurstöður könnunar árið 2021 leiddu meðal annars í ljós að 32% Íslendinga 18 ára og eldri á vinnumarkaði finnast þeir vera útkeyrðir í lok vinnudags oftar en einu sinni í viku. 21% svarenda finnast þeir tilfinningalega úrvinda vegna vinnu sinnar oftar en einu sinni í viku og 12% finnast þeir vera útbrenndir vegna starfs síns oftar en einu sinni í viku.

Tímamótatal – reynslusaga stjórnanda

 
TEAMS linkur  viðburðurinn er bæði í raunheimum og í streymi. Við hvetjum alla sem geta að mæta í Heilsuklasann.
 

TÍMAMÓTATAL – reynslusaga stjórnanda úr heilbrigðiskerfinu.

Jón Magnús deilir upplifun sinni af markþjálfun og því hvernig aðferðin gerði honum kleift að finna köllun sína í starfi, vita hver hann raunverulega er og hvernig hann gæti eftirleiðis lifað í sátt við sig með því að taka fulla ábyrgð á eigin lífi og líðan.

Að lokum mun Jón Magnús Kristjánsson sitja fyrir svörum ásamt markþjálfa sínum Aldísi Örnu Tryggvadóttur, PCC vottuðum markþjálfa hjá Heilsuvernd.

 

Jón Magnús Kristjánsson bráðalæknir er ráðgjafi heilbrigðisráðherra í málefnum bráðaþjónustu í heilbrigðisþjónustunni á Íslandi. Jón útskrifaðist með embættispróf í læknisfræði frá HÍ og sem sérfræðingur í almennum lyflækningum og bráðalækningum frá háskólasjúkrahúsinu í Lundi. Hann er auk þess með MBA-gráðu frá HR. Jón Magnús hefur viðtæka reynslu sem stjórnandi í heilbrigðiskerfinu og starfaði sem yfirlæknir bráðamóttöku Landspítala og síðar framkvæmdastjóri hjá Heilsuvernd þar til hann hætti þar störfum í júní sl.

Heilsuvernd er sjálfstætt starfandi heilbrigðisfyrirtæki sem rekur hjúkrunarheimili og heilsugæslustöð auk þess að vera einn stærsta veitandi fyrirtækjaþjónustu á heilbrigðissviði á Íslandi. Jón hefur auk þess starfað með íslensku rústabjörgunarsveitinni og farið í sendiferðir á vegum alþjóða Rauða Krossins.

TEAMS linkur

Hvernig má haga sér og hvað má segja? Hver eru mörkin?

Fundurinn er fjarfundur. Hægt er að tengjast fjarfundinum með því að smella hér
E
f beðið er um kóða þá eru hér upplýsingar: Meeting ID: 373 484 673 304    Passcode: JoRDhB

 

Einelti, kynferðisleg áreitni, ofbeldi og önnur óæskileg hegðun er ekki liðin á vinnustaðnum. Hvernig geta fyrirtæki lagt línurnar og boðið starfsfólki sínu upp á öruggt vinnuumhverfi. 

  • Þórkatla Aðalsteinsdóttir, sálfræðingur hjá Lífi og sál sálfræðistofu 
  • Sara Hlín Hálfdánardóttir, sérfræðingur hjá Vinnueftirlitinu - Vinnustaðurinn, vinnustaðamenning og EKKO

Fundarstjóri viðburðarins er Heiður Reynisdóttir, mannauðsstjóri hjá Náttúrufræðistofnun Íslands

Viðburðurinn er haldinn á Teams, sjá hér efst.

Stórar breytingar í rekstri og vinnustaðamenning

Click here to join the meeting
Faghópur um breytingastjórnun hefur starfsárið með krafti með tveimur áhugaverðum fyrirlestrum.

Maríanna Magnúsdóttir, leiðtogi breytinga hjá Landsneti, mun fjalla um ávinning þess að setja fókus á vinnustaðamenningu til að ná árangri við innleiðingu breytinga. Tölfræðin sýnir að menning vinnustaða sé aðalorsök þess að breytingaverkefni heppnist ekki. Rætt verður hvað þarf að hafa í huga til að ná árangri.

Heiðar Guðjónsson, forstjóri Sýnar, mun ræða þær áskoranir sem fyrirtækið stóð frammi fyrir eftir kaup á fjölmiðlarekstri 365.  Þar reyndi á að breyta öllu vinnulagi, innri kerfum, ferlum og meðferð upplýsinga.  Eins þurfti að endurfjármagna reksturinn.  Almennt verður fjallað um hvað beri að varast þegar farið er inn í endurskipulagningu fyrirtækja og hvaða forsendur þurfi að vera til staðar svo að vel takist til.

Ágúst Kristján Steinarrsson, stjórnunarráðgjafi hjá Viti ráðgjöf og formaður stjórnar faghóps um breytingastjórnun leiðir fundinn.

Viðburðurinn verður á Teams og sendur frá kl: 9:00 til 10:00

 

Dagskrá:

09:00 – 09:05  Ágúst Kristján Steinarrsson, formaður stjórnar um Breytingarstjórnun

09:05 – 09:20  Maríanna Magnúsdóttir, leiðtogi breytinga hjá Landsneti

09:20 – 09:50  Heiðar Guðjónsson, forstjóri Sýnar

09:50 – 10:00  Umræður og spurningar

Abracadabra = Ég skapa þegar ég tala

Teamslinkur á fundinn
Til eru mismunandi sérhæfingar innan markþjálfunar eins og til dæmis stjórnendamarkþjálfun, lífsmarkþjálfun, heilsumarkþjálfun og svo er það sköpunargleðimarkþjálfun.

Markmið sköpunargleðimarkþjálfunar er að aðstoða fólk í sköpunargleðiferlinu, hvort sem það er til þess að skapa list, leysa vandamál eða skapa ný viðskiptatækifæri.

Sköpunargleði er sögð ein mikilvægasta hæfni nútímans og hefur verið skilgreind sem hugsanamynstur sem leiðir af sér nýjar og nytsamlegar hugmyndir. Góðar spurningar geta stýrt þessu hugsanamynstri á nýjar slóðir og hjálpað okkur að sjá ný tækifæri og lausnir.

Á þessum morgunfundi mun Birna Dröfn Birgisdóttir tala um sköpunargleðiferlið, töfrana sem geta gerst þegar við hugsum upphátt og hvernig markþjálfun getur nýst til þess að efla sköpunargleði fólks.

Birna Dröfn Birgisdóttir hefur rannsakað hvernig efla má sköpunargleði á meðal starfsmanna í doktorsnámi sínu við Háskólann í Reykjavík og hefur þjálfað hundruðir einstaklinga og fyrirtæki í sköpunargleði. Birna Dröfn er viðskiptafræðingur með meistaragráðu í alþjóðaviðskiptum frá Griffith University í Ástralíu. Einnig er hún stjórnendamarkþjálfi, hefur lært NLP (Neuro-linguistic programming) og mannauðsstjórnun og hefur meðal annars starfað við stjórnun og kennslu.

Teamslinkur á fundinn

Fannst þér efnið á síðunni hjálplegt?