Hvernig styðja fyrirtæki Heimsmarkmið SÞ?

Sameinuðu þjóðirnar hafa sett fram 17 Heimsmarkmiðin um betri heim fyrir árið 2030. Heimsmarkmiðin skuldbinda ríkisstjórnir wil að vinna að þeim en sveitafélög og fyrirtæki eru einnig hvött til að tengja starf sitt við markmiðin. 

Á fundinum munum við ræða hvernig fyrirtæki geta stutt við og tekið upp Heimsmarkmið Sameinuðu þjóðanna í sínu starfi.

 

Yfirskrift: Hvernig styðja fyrirtæki við Heimsmarkmið Sameinuðu þjóðanna?
Tími: 14. mars kl. 8.30-10.00
Staður: ÁTVR Stuðlahálsi 2, 110 Reykjavík
Fyrir hverja: Stjórnvísi félaga

Dagskrá

Heimsmarkmiðin eru líka fyrir fyrirtæki
Ásta Bjarnadóttir, sérfræðingur á skrifstofu stefnumála í Forsætisráðuneytinu

Vínbúðin og Heimsmarkmiðin
Sigrún Ósk Sigurðardóttir, aðstoðfarforstjóri ÁTVR

Landsvirkjun og Heimsmarkmiðin
Jóhanna Harpa Árnadóttir, verkefnisstjóri samfélagsábyrgðar hjá Landsvirkjun

Fundarstóri: Ketill Berg Magnússon, framkvæmdastjóri Festu

 

 

Staðsetning viðburðar

Fréttir af viðburðum

Hvernig styðja fyrirtæki Heimsmarkmið SÞ?

Í morgun var haldinn í ÁTVR fundur á vegum faghópa um stefnumótun og árangursmat og samfélagsábyrgð fyrirtækja.  Fundurinn hófst með ótrúlega skemmtilegum gjörningi en það var aðstoðarforstjóri ÁTVR Sigrún Ósk Sigurðardóttir sem setti fundinn og sýndi jógamyndband þar sem allir léku eftir það sem þar fór fram.  Sameinuðu þjóðirnar hafa sett fram 17 Heimsmarkmiðin um betri heim fyrir árið 2030. Heimsmarkmiðin skuldbinda ríkisstjórnir til að vinna að þeim en sveitafélög og fyrirtæki eru einnig hvött til að tengja starf sitt við markmiðin. Markmiðið með fundinum var að ræða hvernig fyrirtæki geta stutt við og tekið upp Heimsmarkmið Sameinuðu þjóðanna í sínu starfi. Fundarstóri varKetill Berg Magnússon, framkvæmdastjóri Festu og var fundinum streymt á facebooksíðu Stjórnvísi. 

Ásta Bjarnadóttir, sérfræðingur á skrifstofu stefnumála í forsætisráðuneytinu var fyrsti fyrirlesari dagsins, erindið hennar nefndist „Heimsmarkmiðin eru líka fyrir fyrirtæki. Eins og staðan er í dag eru markmiðin 169 og 233 mælikvarðar sem fylgja verkefninu.  Ráðuneytið ætlar að skila skýrslu um forgangsröðun markmiðanna til að skerpa línur og hafa leiðarljós.  Einnig er að fara í loftið kynningarherferð þar sem heimsmarkmiðin verða kynnt fyrir almenningi þ.e. að þau séu til þessi heimsmarkmið, út á hvað þau ganga og hvað almenningur geti gert.  Hin eiginlega eftirfylgni er hjá SÞ í NY þar sem þjóðum gefst tækifæri til 2030 að kynna reglulega verkefni sín.  En hvar stendur Ísland í alþjóðlegum samanburði?  Við stöndum ofarlega en getum samt gert svo miklu betur því einkunnarorð markmiðanna er „Leave no one behing“ því má aldrei gleyma.  En árangur næst ekki án samvinnu milli alþjóðasamfélagsins, stjórnvalda, sveitarfélaga, fyrirtækja, félagasamtaka og einstaklinga.  Verið er að setja fram ungmennaráð 13-18 ára, sem koma með nýja sýn. Þessir krakkar munu árlega hitta ríkisstjórnina og búa til efni til að setja á samfélagsmiðla.  Einnig er mikilvægt að vera í samvinnu við Festu SA o.fl.  En hvað geta fyrirtækin gert?  Heimsmarkmiðin skapa mikil tækifæri fyrir fyrirtæki t.d. í orkugeiranum og milljónir starfa í þróunarlöndunum.  Fyrirtækin þurfa því að meta virðiskeðjuna sýna. En hvað eru önnur lönd að gera?  Svíar eru að minnka sótspor sýna, berjast gegn spillingu, jafnrétti á vinnustöðum o.fl. Danir segja í sinni skýrslu að markmiðin séu leiðarljós fyrir fyrirtæki.  Með því að vinna með heimsmarkmiðin segja þeir að þau séu alþjóðlegt tungumál í samfélagsábyrgð eða matseðill fyrir það sem þau eru að gera.  En meginmarkmiðið er að fyrirtækin líti inn á við.  Mikil sóknarfæri eru fyrir öll fyrirtæki.  Þess vegna er sköpunargáfa og nýsköpun mikilvæg fyrir innleiðingu markmiðanna.  Niðurstaðan er að fyrirtæki þurfa að fara í naflaskoðun og máta sig við þessi markmið og skoða hvar þau geta lagt sitt af mörkum.  Öll fyrirtæki geta tengt sig við einhver markmið. 

Næsta erindi var frá Vínbúðinni þar sem þau Sigrún Ósk og Sigurpáll kynntu hvað Vínbúðin er að gera og hver eru helstu markmið.  6, 12, 13, 14, 15 og 17 eru markmiðin sem þau völdu að byrja með.   Markmið númer 13 er þeirra aðalmarkmið en það er „Verndun jarðarinnar“s.  Endalausnin er stefnumótunaráætlun í umhverfismálum.  Helsta markmiðið er að lágmarka umhverfisáhrif með stöðugum framförum. Gildin eru: gegnsæ, Ábyrg, Þrautseig.  Verkefnið er gríðarlega stórt og markmiðið er að minnka sótsporið og búa til betri heim.  Gler hefur mikið sótspor og því er núna sett vín í léttgler sem eru einungis á milli 200-300gr.  Þarna er verið að horfa á massann, vín í lægri verðflokk með mikla sölu fari í létt gler.  ÁTVR birtir þyngd á gleri á heimasíðunni sinni.  Þetta hjálpar neytendum að velja vöru sem hefur minna sótspör.  Skýrsla ÁTVR er á heimasíðunni bæði í stuttri útgáfu og í fullri lengd.


Þriðja erindið flutti Jóhanna Harpa Árnadóttir, verkefnisstjóri samfélagsábyrgðar hjá Landsvirkjun sagði hún í erindi sýnu að markmið Landsvirkjunar væru birt á vef fyrirtækisins.  Bæði er sagt frá því sem vel gengur og einnig því sem ekki er að ganga eins vel.  Árlega skilar Landsvirkjun inn skýrslu til Global Compact.  Heimsmarkmiðin voru samþykkt 2015.  Ísland hefur opinberlega sagt frá að við styrkjum heimsmarkmiðin og styðjum nr. 5 Jafnfrétti kynjanna, 7 Sjálfær Orka og 13 Verndun jarðarinnar.  Landsvirkjun hefur haldið opinn fund til að kynna hvað þau eru að gera.  Í nýútkominni ársskýrslu kemur fram hvernig Landsvirkjun vinnur að samfélagsábyrgð og þar með heimsmarkmiðunum.  Loftslagsmál eru í raun orkumál.  Landsvirkjun ætlar að verða kolefnislaust fyrirtæki árið 2030.  Jafnréttisskóli SÞ er á Íslandi og hýstur hjá EDDU hugverkasetri í Háskóla Íslands.  Hann er starfræktur í samstarfi við Utanríkisráðuneytið og SÞ. Jafnrétti kynjanna sem er heimsmarkmið nr.5 er eitt þeirra markmiða sem Landsvirkjun valdi.  Einn mælikvarðanna var laun, annar stjórnunarstöður. Valið var að fara í samstarf við Capacent og vinna heildstæða úttekt á stöðu jafnréttismála ekki aðeins á mælanlegum þáttum eins og kynjahlutfalli go launum heldur einnig á menningu, samskiptum og vinnuumhverfi.  Gert var 1.stöðumat 2.Hvað á að gera? 3. Eftirfylgni.  Nú er komin aðgerðaáætlun jafnréttismála. Ávinningurinn af heimsmarkmiðunum er 1. Tengir samfélagsábyrgð Landsvirkjunar nánar alþjóðlegu uhverfi 2. Styrkir núverandi áherslur og árangur í lofslagsmálum, breiðari þátttaka með sjálfbæra orku fyrir alla og aukið umfang á vinnu að kynjajafnrétti 3. Getur styrkt samskipt við hluteigendur, innanlands sem erlendis, varðandi málaflokkana 4. Landsvirkjun á meðal fyrstu íslenskra fyrirtækja til að tileinka sér Heimsmarkmiðin.

Tengdir viðburðir

Að lifa og leiða með hjartanu

Sigurður Ragnarsson fjallar um Heartstyles forystuþjálfunaraðferðina sem fyrirtæki víða um heim nýta sér. Lykilþáttur í aðferðafræði Heartstyles, sem byggir á á stjórnunarlegum og sálfræðilegum grunni, er tölfræðilegt, heildstætt 360 gráðu mat sem hjálpar til við að koma auga á þætti sem aðstoða stjórnendur og starfsfólk að vaxa og skapa jákvæðar breytingar er snúa að viðhorfum, hugsun og hegðun. Heartstyles gerir því fólki kleyft að vaxa og verða besta útgáfan af sjálfu sér - sem leiðir til farsældar fyrir stjórnendur, starfsfólk og fyrirtæki. 

Sigurður Ragnarsson er stofnandi Forystu og samskipta og aðjúnkt við Háskólann á Akureyri. Hann hefur víðtæka stjórnunarreynslu og er m.a. fyrrum forseti viðskiptasviðs Háskólans á Bifröst þar sem hann byggði upp meistaranámið í Forystu og stjórnun. Sigurður er vottaður ráðgjafi og forystuþjálfari í Heartstyles aðferðafræðinni.

Barnvæn sveitarfélög – innleiðing Barnasáttmála Sameinuðu þjóðanna

 

Eva Bjarnadóttir, teymisstjóri innanlandsteymis Unicef og Hanna Borg Jónsdóttir, verkefnisstjóri Barnvænna sveitarfélaga hjá Unicef, fara yfir innleiðingu verkefnisins um Barnvæn sveitarfélög í íslensku samfélagi, en verkefnið er hluti af innleiðingu Barnasáttamála Sameinuðu þjóðanna. Hvaða breytingar hafa átt sér stað síðustu fjögur árin og hvernig Unicef á Íslandi hefur leitt vinnuna við verkefnið í samvinnu við stjórnvöld með skýrum mælikvörðum og áherslum. Hvernig Kópavogsbær og Akureyrarbær hafa hugað markvisst að barnvænum innviðum til að tryggja farsæla innleiðingu verkefnisins hjá þeirra sveitarfélögum. Áskoranir sem hafa orðið á leiðinni, breytingar á hugarfari innan stjórnsýslunnar og hvað er næst á dagskrá.

Vinsamlegast athugið að boðið verður upp á viðburðinn bæði í streymi í gegnum Teams en auk þess getur UNICEF tekið á móti 25 manns í sal.

Eldri viðburðir

"Culture eats strategy for breakfast" - Samspil menningar og innleiðingar stefnu

Click here to join the meeting

Bjarni Snæbjörn Jónsson fjallar um mikilvægi og áhrifamátt menningar þegar innleiðing stefnu eða breytinga er annars vegar. 

Fyrirtæki búa orðið við hraðar breytingar í umhverfi sínu og munu gera í vaxandi mæli eftir því sem á líður. Samspil menningar og innleiðingar mun því skipta sífellt meira máli.

Bjarni Snæbjörn er einn þekktasti og reyndasti stefnumótunarráðgjafi landsins og einn af stofnendum hugbúnaðarfyrirtækisins DecideAct sem skráð er í Nasdaq-kauphöllinni í Danmörku. 

 

Tinni Jó­hann­es­son mun þá fjalla um leiðir til að staðsetja vinnustaðamenningu og vinna markvisst að því að leiðrétta eða styrkja hana í samræmi við stefnu eða markmið.

Tinni Jó­hann­es­son er partner og ráðningarstjóri Góðra samskipta. Áður starfaði hann hjá Capacent og Waterstone Human Capital í ráðningum og ráðgjöf.  Hjá Capacent þróaði Tinni ásamt öðrum ráðgjöfum aðferðafræði til að staðsetja vinnustaðamenningu fyrirtækja og stofnana.

Viðspyrna eftir krísuástand: Helstu verkefni í fyrirtækjarekstri og S-in þrjú

Click here to join the meeting

Helga Hlín Hákonardóttir fjallar um helstu verkefni í fyrirtækjarekstri í kjölfar krísuástands, það sem fyrirtæki þurfa að endurskoða, endurskilgreina og aðlaga.  S-in þrjú: stefna, skipulag og stjórnarhættir 

Helga Hlín Hákonardóttir, meðeigandi og ráðgjafi hjá Strategíu, er lögmaður og ráðgjafi stjórna, fjárfesta og opinberra aðila og sinnir ráðgjöf, m.a. við endurskoðun á stefnu, skipulagi og stjórnarháttum fyrirtækja og opinberra aðila. Hún hefur annast lögfræðilega ráðgjöf við alþjóðlega samningagerð, skráningu á markað, fjármögnun, yfirtökur og samruna. Helga Hlín er héraðsdómslögmaður með próf í verðbréfaviðskiptum og hefur starfað í stjórnum um árabil, m.a. við innleiðingu góðra stjórnarhátta.

Aðalfundur faghóps um stefnumótun og árangursmat

Stjórn faghóps um stefnumótun og árangursmat boðar hér til aðalfundar fyrir starfsárið 2021 - 2022. Farið verður yfir ýmis málefni er varðar faghópinn ásamt því að kjósa nýja stjórn og formann.

Fundurinn verður haldinn á Teams - smelltu hér. 

  1. Kynning á faghópnum
  2. Dagskrá faghópsins síðastliðið starfsár
  3. Kosning formanns og stjórnar
  4. Næsta starfsár faghópsins
  5. Önnur mál

Thinking Process aðferðafræðin

 

Join Zoom Meeting
https://us02web.zoom.us/j/88432123018?pwd=QkNhSnZsc2ZaY0dTOWhNV3h1NzcvZz09
Meeting ID: 884 3212 3018
Passcode: N94GGK

H. William Dettmer kynnir Logical Thinking Process aðferðafræðina

Logical Thinking Process er aðferð við úrlausn vandamála, byggð á hugmyndafræði Eli Goldratt, en margir kannast eflaust við metsölubók hans „The Goal“. Aðferðafræðin grundvallast á heildrænni hugsun (Systems Thinking) og nýtist einkar vel til að leysa falin en afdrifarík undirliggjandi vandamál og árekstra í fyrirtækjum og stofnunum.

H. William Dettmer er fremsti sérfræðingur heims í Logical Thinking Process og það er okkur mikil ánægja að fá hann til liðs við okkur á þessum fundi. Dettmer mun kynna aðferðafræðina, fjalla um ávinning sem má ná með notkun hennar, og segja frá áratuga reynslu sinni á þessu sviði. Dettmer var um árabil samstarfsmaður Eli Goldratt og er höfundur grundvallarritsins „The Logical Thinking Process – A Systems Approach to Complex Problem Solving“.

Á eftir erindi Dettmers fer Þorsteinn Siglaugsson, sérfræðingur í Logical Thinking Process, stuttlega yfir raunhæft dæmi úr bók sinni „From Symptoms to Causes – Applying the Logical Thinking Process to an Everyday Problem“.

Í lokin verða umræður og verður hægt að senda inn spurningar á fundinn.

 

Hér má sjá gagnlegt kynningarefni sem ágætt er að skoða fyrir fundinn:

Myndband þar sem Dettmer útskýrir aðferðafræðina í stuttu máli: https://youtu.be/ekzUe6JGcNU

„From Symptoms to Causes – Applying the Logical Thinking Process to an Everyday Problem“ eftir Þorstein Siglaugsson (klukkutímalesning): https://www.amazon.com/dp/B084X3XM61?

 

Marel - hverju hefur kófið breytt?

Click here to join the meeting

Hvernig tekst stórt alþjóðlegt tæknifyrirtæki á við stöðuna þegar ferðahindranir og fjöldatakmarkanir gjörbreyta starfsumhverfinu nánast á einni nóttu?

Hvernig er hægt að endurskipuleggja þjálfun starfsmanna og viðskiptavina?

Hvaða leiðir eru færar til að vinna flóknar uppsetningar á búnaði gegnum fjarfundabúnað?

Hver er besta leiðin til að forðast að fólk einangrist þegar 3.000 starfsmenn þurfa að vinna heiman frá sér?

Hver verða áhrif breyttra starfshátta til framtíðar?

Þessum spurningum og fleirum mun Valdís Arnórsdóttir, Director of HR Operations hjá Marel, svara á fjarfundi á vegum faghóps um stefnumótun og árangursmat þann 16. mars nk.

 

Fannst þér efnið á síðunni hjálplegt?