Skv. ábendingum fagráðs var ákveðið að forgangsmál innan Stjórnvísi væri að rýna stefnu félagsins og uppfæra hana m.a.v. þann raunveruleika sem við komum til með að búa við næstu misserin. Hér fyrir neðan kemur dagskrá frá Þórunni M. Óðinsdóttur sem ætlar að stýra þessari vinnu fyrir okkur: 

Dagskrá 13. Jan:

• Núverandi staða:
• Rýnum hlutverk, framtíðarsýn, gildi og meginmarkmið Stjórnvísi. Veltum fyrir okkur hvernig mögulega hægt væri að þróa stefnu Stjórnvísi áfram m.a.v. raunveruleikann sem mun blasa við okkur eftir Covid. 

• Undirbúningur fyrir fund:
• Skoða stefnu Stjórnvísi og velta fyrir sér umbótatækifærum miðað við raunveruleikann sem við teljum að gæti orðið eftir Covid
• Kíkja á glærurnar úr design thinking vinnunni sem Fjóla María stýrði, pössum samt upp á að við erum að sigla inn í allt annan veruleika en talið var þegar þessi greining var gerð

Dagskrá 14. Jan:

• Framtíðarstaða:
• Vinnum áfram úr niðurstöðum gærdagsins, tökum ákvörðun um framtíðarhlutverk, framtíðarsýn, gildi og meginmarkmið félagins. Skilgreinum hvar og hvernig stefnan verður kynnt og helstu verkefni sem þarf að vinna til að innleiða nýja stefnu

• Undirbúningur fyrir fund: Velta fyrir sér hver framtíðarstefna gæti verið.

Praktísk mál:

• Til að fá sem besta vinnu þá stefnum við á að vera í fundarsal á Hilton með 2 metra á milli og með hámarks sóttvörnum. Möguleiki er á að vera með á Teams (ef fólk býr úti á landi

Click here to join the meeting
Nýársfagnaður stjórna faghópa Stjórnvísi verður að þessu sinni á Teams.   Aðalheiður Ósk Guðmundsdóttir formaður stjórnar mun fara örstutt yfir hvernig stuðningi við stjórnir faghópa hefur verið háttað í vetur. 

Í framhaldi verður boðið upp á frábæran fyrirlestur „Töfrarnir í tengslanetinu“. 

Gott tengslanet er gulls ígildi, en hvar á að byrja? Nú sem aldrei fyrr skiptir miklu máli að huga bæði að árangri og tengslum.

• Hvernig er mögulegt að nota aðferðir úr markaðsfræði og viðskiptum til að ná árangri í starfsframa og skapa tækifæri.
• Hvernig getur þú notað töfrana í tengslanetinu þínu til þess að auka sýnileika þinn og koma þinni rödd á framfæri?
• Hvernig hefur þú áhrif með þekkingu þinni?
• Hvernig getum við aðlagað okkur og nýtt tækifærin sem eru í “fjartengingum” losnað úr viðjum vanans og gert tilraunir í stjórnun?

Maríanna og Ósk Heiða eru kraftmiklir fyrirlesarar og má búast við orkumiklum viðburði!

Ósk Heiða: „Ég er ekki vön að bíða eftir því að vera boðið upp. Ég held ballið sjálf og býð öðrum að vera með – ef þú spilar til að vinna eru tækifærin endalaus“

Maríanna: „Ég hef ástríðu fyrir breytingum og því að hjálpa fólki að ná árangri. Mín spurning til allra er: Fyrir hverju brennur þú“?

Ósk Heiða Sveinsdóttir er forstöðumaður markaðsdeildar Póstsins og hefur unnið markvisst að því undanfarin ár að auka sýnileika sinn á markaði m.a. með greinaskrifum, fyrirlestrum og LinkedIn. Ósk Heiða nýtir sér verkfæri markaðsfræðinnar og reynsluna af uppbyggingu vörumerkja og því að markaðssetja allt frá kjötfarsi til sjálfsafgreiðslulausna, til að skapa tækifæri í bæði starfsframa og leik. www.linkedin.com/in/oskheida

Maríanna er rekstrarverkfræðingur og umbreytingaþjálfari hjá Manino. Hún hefur ástríðu fyrir að hjálpa öðrum að ná árangri með því að umbylta stjórnun og menningu fyrirtækja í atvinnulífinu til að mæta áskorunum framtíðarinnar og skapa sveigjanlega og hamingjusama vinnustaði. www.linkedin.com/in/mariannamagnus
 

Stjórn hvetur alla í stjórnum faghópa til að mæta á nýársfagnaðinn, fræðast og eiga saman góða stund.

Viðburðurinn er opinn öllum Stjórnvísifélögum og allir hjartanlega velkomnir. Hlökkum til samstarfsins á árinu 2021.

Stjórn Stjórnvísi.

Hér er tengill á Zoom fundinn.

Tökum klukkutíma með Birnu Dröfn en á fundinum leitum við að svara spurningu með því að nýta okkur aðferðafræði sköpunargleði. Hvernig getum við hjá Stjórnvísi aukið faglega stjórnun enn frekar á Íslandi? Endilega leggið hausinn í bleyti og byrjið að hugsa um hugsanlega svör.  

Birna Dröfn Birgisdóttir hefur mikla ástríðu fyrir því að aðstoða fólk við að nýta og efla sköpunargleði sína til þess að ná meiri árangri í lífi og starfi. Hún er doktorsnemi í Háskólanum í Reykjavík þar sem hún er að rannsaka sköpunargleði og hvernig leiðtogastíllinn þjónandi forysta hefur áhrif á sköpunargleði starfsmanna. Samhliða náminu hefur hún haldið ýmis erindi og vinnustofur um sköpunargleði hjá fyrirtækjum ásamt því að hafa kennt hjá Endurmenntun HÍ, Háskólanum í Reykjavík og Háskólanum á Bifröst.

Hún hefur safnað að sér ýmsum tólum og upplýsingum sem tengjast sköpunargleði ásamt því að hafa lært markþjálfun, mannauðsstjórnun, NLP (neuro linguistic programming), viðskiptafræði og alþjóðaviðskipti og þessi þekking er mikilvægur grunnur sem hún byggir á til þess að aðstoða fólk og fyrirtæki við að nýta og efla sköpunargleði sína og nýsköpun.

Click here to join the meeting

Þessi fundur er eingöngu ætlaður stjórnendum í faghópum Stjórnvísi.
Ósk um fundinn barst frá nokkrum aðilum í stjórnum faghópa.
Farið verður yfir ýmiss atriði eins og hvernig á stofna fund á Teams, bóka viðburð, lýsing á viðburði, ýmis sniðmát, o.fl.  
Allir áhugasamir hvattir til að mæta og fundurinn verður tekinn upp.
Stjórn Stjórnvísi. 

Fyrir hvern: Fyrir alla Stjórnvísifélaga.
Linkur á streymið 

Hvenær: Haustráðstefna Stjórnvísi verður haldin á Nauthól og streymt beint af staðnum.  
Þema ráðstefnunnar: "Ár aðlögunar"  Aðlögun eða andlát. 
Ráðstefnustjóri: Þóranna K. Jónsdóttir markaðs-og kynningarstjóri Samtaka verslunar og þjónustu.

Fyrirlesarar:
Guðbjörg Heiða Guðmundsdóttir, framkvæmdastjóri Marel á Íslandi.
Hrund Gunnsteinsdóttir, framkvæmdastjóri Festu, miðstöð um samfélagslega ábyrgð.
Hjálmar Gíslason, stofnandi og framkvæmdastjóri Grid.
Ólafur Baldursson,  framkvæmdastjóri lækninga Landspítala. 
Að breyta flugmóðurskipi í spíttbát: Hvernig Landspítali brást við Covid19-heimsfaraldrinum.
Darri Atlason, Head Of Business Development at Lucinity. 

Aðalheiður Ósk Guðmundsdóttir, formaður stjórnar Stjórnvísi setur ráðstefnuna kl. 09:00. Því næst munu fyrirlesarar flytja erindi. Örstutt hlé verður gert eftir hvern fyrirlestur þar sem ráðstefnugestir eru hvattir til að fara inn á "Slido" og skrá þar í einni setningu hver er þeirra helsti lærdómur af hverju erindi fyrir sig.  

Verið öll hjartanlega velkomin.

Aðgangur er frír.