Viðburðir/myndbönd

Forsíða / Viðburðir/myndbönd / Starfræn þróun í áhættustjórnun

Starfræn þróun í áhættustjórnun

Viðburður er liðinn

4. febrúar 2021 09:00 - 09:50
TEAMS
Öryggisstjórnun,

Veitur hafa undanfarin ár verið að þróa nýtt app fyrir starfsfólk sem m.a. er ætlað að auka virkni og notkun á þeim ráðstöfunum sem búið er að skilgreina í áhættumati og „staldra við“ á verkstað. Appið fór í loftið árið 2019 og stöðugt er unnið að endurbótum og viðbótum. Matthías Haraldsson verkefnastjóri öryggismála hjá Veitum og Björn Friðriksson verkstjóri rafmagns ætla að kynna appið fyrir okkar.

Alcoa Fjarðaál tóku árið 2019 til notkunar app frá fyrirtækinu Forwood. Appið aðstoðar við að vakta hlítni mikilvægustu varnalaganna. Stjórnendur fara út á vinnusvæði, ræða við starfsmenn um áhættuþætti og skrá að því loknu niðurstöðurnar inn í appið. Rebekka Egilsdóttir öryggisstjóri Alcoa ætlar að kynna fyrir okkur appið.

Staðsetning viðburðar

Tengdir viðburðir

4 nóv. 2021

Öryggi- og heilbrigði á vinnustað - fyrir þá sem eru að stíga sín fyrstu skref í öryggismálum

4. nóv. 2021 09:00 - 10:00

J. Snæfríður Einarsdóttir ráðgjafi hjá HSE Consulting mun fara yfir fyrstu skrefin við stjórnun öryggis- og heilbrigðis á vinnustöðum. Áhugaverðar upplýsingar og ráð til allra sem vinna að þessum málum en sérstaklega þeirra sem eru að stíga sín fyrstu skref í öryggismálum. Að erindi loknu gefst tækifæri til að spyrja spurninga og fá ráðleggingar frá Snæfríði og öryggishóp Stjórnvísi þar sem samanstendur af aðilum með fjölbreytta reynslu sem koma frá ólíkum fyrirtækjum með ólíkar áskoranir.

Eldri viðburðir

3 jún. 2021

Undirbúningur og framkvæmd atvikarannsókna

3. jún. 2021 09:00 - 10:15

Click here to join the meeting
Brynjar Hallmannsson, framkvæmdastóri Öryggi- Heilsu- og Umhverfismála í Oyu Tolgoi verkefni Rio Tinto í Mongoliu, fer yfir undirbúning og framkvæmd atvikarannsókna.

Viðburðurinn verður haldinn sem fjarfundur og er búið að setja inn hlekk á fundinn.
Fyrst mun Brynjar kynna erindið og svo gefst tími fyrir spurningar.

11 maí 2021

Viðbragðsáætlanir

11. maí 2021 08:45 - 10:00 / Fjarfundur

Click here to join the meeting
Undanfarin misseri hefur reynt á margar viðbragðsáætlanir, hvort sem það er vegna alheimsfaraldurs eða ofsaveðurs. Góð áætlun getur verið afgerandi þegar kemur að því að bregðast við þannig að vel sé og mikilvægt að vel sé staðið að verki.

Þau Elva Tryggvadóttir (Isavia), Bæring Árni Logason (Vodafone) og Guðmundur Stefán Björnsson (Sensa) ætla að fjalla um viðbragðsáætlanir frá nokkrum sjónarhornum. Þau munu fjalla um hvernig staðið er að uppbyggingu slíkra áætlana þannig að tilgangi þeirra séð náð, hvenær eru slíkar áætlanir virkjaðar og eftir hvaða leiðum er starfað í þeim aðstæðum. Þau munu einnig skoða hvernig hefur gengið að fara eftir áætlunum og hvernig áætlanir eru lagfærðar eftir að neyð hefur verið aflétt.

Einnig munu þau skoða sérstaklega samband viðbragðsáætlana og þjónustuaðila, hvernig er ábyrgð skipt og hver er sýn þjónustuaðilans í þessum málum.

Um fyrirlesara:

Bæring Logason Gæða- og öryggisstjóri Vodafone mun fara yfir hvernig utanumhaldi viðbragðsáætlana er háttað hjá félaginu. Vodafone er fjarskiptafyrirtæki sem margir reiða sig á og skiptir því miklu máli að viðbragðsáætlanir félagsins séu við hæfi. Bæring er með meistaragráðu í gæðastjórnun frá Florida Tech og einnig með CBCI vottun frá Business Continuity Institute í Bretlandi ásamt því að vera ISO 27001 Lead auditor.

Elva Tryggvadóttir er verkefnastjóri í neyðarviðbúnaði hjá Isavia. Isavia sér um rekstur flugvalla á landinu auk flugleiðsögu á flugvöllum og flugstjórnarsvæðinu. Fyrirtækið telst til mikilvægra innviða landsins og þurfa viðbragðsáætlanir að vera í takt við eðli starfseminnar. Elva situr í Neyðarstjórn Isavia og mun segja okkur frá hvernig þau vinna sínar viðbragðsáætlanir og tengingu þeirra við aðra hagsmunaaðila. Elva er viðskiptafræðingur með meistaragráðu í mannauðsstjórnun. Hún hefur unnið í mannauðsmálum til margra ára þar til hún færði sig yfir í neyðarviðbúnað Isavia árið 2018. Elva er einnig aðgerðastjórnandi hjá Slysavarnafélaginu Landsbjörg og hefur komið að ýmsum störfum tengt neyðarviðbúnaði undanfarna áratugi.

Guðmundur Stefán Björnsson er yfirmaður upplýsingaöryggis og innri upplýsingtækni hjá Sensa og framkvæmdastjórn Sensa. Tæknifræðingur að mennt. Hann hefur verið í þessu hlutverki frá því 2015 eða þegar UT svið Símans færðist yfir til Sensa í sameinuðu fyrirtæki Sensa, UT Símans og Basis. Starfaði í 18 ár hjá Símanum, lengstum í stjórnun sem framkvæmdastjóri og forstöðumaður í sölu, vörustýringu og verkefnastjórn og kom víða við í störfum hjá Símanum.

27 apr. 2021

Aðalfundur

27. apr. 2021 12:00 - 12:30 / Teams

Hefðbundin aðalfundarstörf.

15 apr. 2021

Allir heilir heim

15. apr. 2021 08:30 - 09:10 / TEAMS

TEAMS hlekkur á viðburð
Hanna Sigríður Gunnsteinsdóttir, forstjóri Vinnueftirlitsins, mun flytja erindi hjá Stjórnvísi fimmtudaginn 15. apríl nk., kl. 8:30. Hanna Sigríður mun fjalla um sýn Vinnueftirlitsins og áherslur á að efla vinnuvernd á innlendum vinnumarkaði. Vinnuvernd þarf að vera órjúfanlegur hluti daglegs rekstrar hjá fyrirtækjum og stofnunum og gegnir Vinnueftirlitið mikilvægu hlutverki við að veita fyrirtækjum og stofnunum styrkjandi endurgjöf í þeim efnum, hvort sem er í beinu eftirliti eða fræðslu. Vinnueftirlitið er lausnarmiðað og leitar leiða til að ná betri árangri við að stuðla að öruggu og heilsusamlegu vinnuumhverfi.

TEAMS hlekkur á viðburð

11 des. 2020

Eldvarnarhugvekja frá HMS

11. des. 2020 08:30 - 09:20 / TEAMS

Hér er linkur á fundinn
Hún Eyrún Viktorsdóttir sérfræðingur á brunavarnasviði Húsnæðis og mannvirkjastofnunar verður með eldvarnarhugvekju fyrir okkur í stjórnvísi stuttu fyrir jól

Efni fundarins:

Eldklár – eldvarnarátak HMS
Brunavarnir vinnustaðarins almennt
Brunavarnir og C-19: vinna heima
Reynsla slökkviliðsmanna vegna bruna á vinnustöðum

Erindið er um 30-35 mín og svo gefst tími til spurninga/umræða.

Vinsamlega verið með slökkt á hljóðnemanum á meðan á erindi stendur og „rétta upp hönd“ ef þið viljið bera upp spurningu.

Hér er linkur á fundinn