Farið verður yfir viðburði vetrarins og kosið til stjórnar faghópsins og formennsku.

Hlekkur á fundinn

https://teams.microsoft.com/meet/330368377874986?p=k7lJwBBUYD12aai42c

Faghópar um heilsueflandi vinnuumhverfi og mannauðsstjórnun standa fyrir pallborði leiðtoga þar sem við fáum til liðs við okkur leiðtoga sem starfa þar sem hugsað er út fyrir boxið og lögð áhersla á jákvæða vinnustaðamenningu. 

Leiðtogarnir sem mæta í pallborðið:

Gunnar Haugen hjá CCP Games

Gunnar Haugen, HR Director hjá CCP, starfaði í nær tvo áratugi við ráðgjöf í frammistöðu- og þjónustjórnun, gerð og smíði hvatakerfa, launagreiningar, og rak lengi eina stærstu ráðningaþjónstu landsins. Hann hefur mikla trú á mælingum, mati, endurgjöf og kerfum sem styðja við það í rekstri fyrirtækja og stjórnunareininga. Tvennt einkennir nálgun Gunnars við viðfangsefni sín, að starfsfólki eigi að líða vel í vinnunni og reksturinn þarf að ganga vel. Annað án hins er takmarkaður árangur.
Síðustu sjö árin hefur hann starfað við að komast að því hvernig tölvuleikir eru búnir til og hvernig er best hægt að styðja við fólk í skapandi umhverfi leikjageirans.

Helga Halldórsdóttir mannauðsstjóri hjá Arion banka

Helga Halldórsdóttir er forstöðumaður mannauðs hjá Arion banka og hefur yfir 30 ára reynslu úr fjármálageiranum. Hún býr yfir víðtækri reynslu m.a. í mannauðsmálum og straumlínustjórnun. Hún ber ábyrgð á innleiðingu mannauðsstefnu bankans og hefur leitt öflugar nýjungar á sviði mannauðsmála, með sérstaka áherslu á jafnrétti, fræðslu, skilvirkni, starfsþróun og öfluga fyrirtækjamenningu. 

Hildur Ragnarsdóttir forstjóri Þjóðskrá.

Sálrænt öryggi er hugtak sem flestir stjórnendur þekkja, vita að skiptir máli til að ná árangri en fáir geta svarað hvernig þau vinna með það í sínum teymum.  Þessi fundur snýst um hagnýta nálgun á sálrænu öryggi og fjallar ekki aðeins um hvað það er heldur einnig hvernig stjórnendur geta unnið markvisst að því að byggja það upp og viðhalda í teymum. 

Uppbygging fundarins:

• Hvaða merki hefur þú séð frá þínum teymum um að sálrænt öryggi sé lágt?
• Nefndu dæmi um það sem hefur raunverulega virkað til að byggja upp öryggi?
• Hvaða mistök hefurðu gert sem þú myndir ekki endurtaka?

Húsnæði og velferð – mikilvægi algildrar hönnunar

Hlekkur á fundinn. 

Harpa Cilia Ingólfsdóttir, byggingafræðingur ætlar að ræða um algilda hönnun og aðgengi í atvinnumannvirkjum, þ.m.t. skrifstofum, opinberum stofnunum, ferðamennsku og íþróttamannvirkjum. Hvað þurfum við að hafa í huga til að umhverfi starfsfólks, gesta og viðskiptavina sé sem hentugast og best útfært til að allir komist um og líði sem best.
Harpa Cilia stofnaði m.a. Aðgengi ehf. árið 2005 og rak það til ársins 2017 og nú starfar Harpa Cilia sem verkefnastjóri á hönnunar- og framkvæmdadeild Landspítalans. 

Við munum einnig heyra frá þeim Birnu Ágústsdóttur verkefnastjóra aðstöðustýringar FSRE og Sólborgu Indíönu Guðjónsdóttur, verkefnastjóra hjá FSRE.
Heiti erindis þeirra er Aðgengi í byggingum – áskoranir og tækifæri en þar fjalla þær um aðgengi í byggingum og mikilvægi þess að hönnun og framkvæmdir taki mið af fjölbreyttum þörfum notenda. Farið verður yfir helstu áskoranir sem geta komið upp í framkvæmdum og hvernig hægt er að bæta aðgengi með markvissri hönnun og góðu samstarfi þeirra sem koma að verkefnum.

Einnig verða tekin dæmi úr endurbótarverkefnum þar sem farið verður yfir raunverulegar aðstæður og þær áskoranir sem geta komið upp þegar bæta á aðgengi í eldri byggingum. Fjallað verður um þær lausnir sem hafa verið nýttar og hvernig nálgast má verkefni af þessu tagi út frá hugmyndafræði algildrar hönnunar með það að markmiði að skapa aðgengilegt og notendavænt umhverfi fyrir sem flesta.

Hér er hlekkur á fundinn

"Digital Detox“ – þarft þú eða vinnustaðurinn þinn á minni skjánotkun að halda?

Gígja Sunneva Bjarnadóttir, MSc í heilsusálfræði og stafrænum inngripum, sem er heilsuráðgjafi hjá Greenfit mun fjalla um áhrif skjánotkunar á dópamín og athygli, ásamt því hvernig við getum nýtt hegðunarvísindi til að draga úr skjánotkun.

Helena Jónsdóttir, sálfræðingur og stofnandi Mental ráðgjafar, mun fjalla um hvernig snjallvæðing, stöðugt áreiti og truflanir birtast í daglegu vinnulífi og hvaða áhrif það hefur á streitu, viðveru, samskipti, endurheimt og afköst.
Í erindinu verður sjónum beint að tengslum stafræns álags við sálfélagslega áhættu og geðheilbrigði á vinnustað og rætt hvaða kerfisbundnu aðgerðir vinnustaðir og stjórnendur geta gripið til, umfram einstaklingsbundin ráð, til að styðja við velllíðan, jafnvægi og sjálfbært vinnuumhverfi.

Fundarstjóri er Ingibjörg Loftsdóttir, formaður faghóps um heilsueflandi vinnuumhverfi og varaformaður Stjórnvísi.  

Tengjast viðburði með því að smella hér

Viðburður í samstarfi við Gallup.

Fyrirlesari: Tómas Bjarnason, sviðsstjóri Stjórnenda- og vinnustaðaráðgjöf Gallup

Fundarstjóri: Íris Björg Birgisdóttir, teymisstjóri ökutækjatjóna hjá Verði tryggingum. Íris Björg situr í stjórn faghópsins um heilsueflandi vinnuumhverfi.

Lýsing erindis:

Farsælir stjórnendur eru margskonar og hafa ólíka styrkleika. Við vitum þó að samskipti og samskiptastíll skipta sköpum þegar kemur að farsælli stjórnun, enda eru samskipti eina leiðin sem við höfum til að hafa áhrif á fólk. Tengslamyndun afgerandi þáttur í stjórnun, og lykilþáttur í nálgun Galup, samt sem áður verja stjórnendur almennt ótrúlega litlum tíma í að efla teymið sitt.

Í styrkleikamati Gallup eru metnir 34 styrkleikar sem flokkast í fjögur þemu. Eitt þessara þema er tengslamyndun, og einn af styrkleikum þess er samkennd (e. empathy). En er samkennd alltaf til bóta í stjórnun? Stuðlar hún ávallt að sterkari tengslamyndun og bættum samskiptum, eða getur hún í sumum tilvikum hindrað árangur?

Þó styrkleikar stjórnandans skipti miklu máli, þá snýst stjórnun um „að gera réttu hlutina rétt“. Með því er átt við aðgerðir, ákvarðanir, aðferðir, skipulag og fleira. Að „gera réttu hlutina rétt“ er því miður ekki meðfætt, heldur vegferð og lærdómsferli. Það sem virkar vel á einum stað eða einum tíma getur hæglega brugðist á öðrum stöðum eða öðrum tímum.

Styrkleikar stjórnanda geta bæði stutt við árangur, en jafnframt staðið í vegi fyrir árangri. Mikilvægt er að stjórnendur efli sjálfsþekkingu sína með því að greina hvernig eigin styrkleikar geta einnig orðið hindranir. Þetta á meðal annars við um samkennd – getur hún stundum dregið úr árangri í stjórnun eða er hún alltaf styrkur? Margar dæmigerðar hindranir eða veikleikar stjórnenda eru í raun styrkleikar á yfirsnúningi.