Kick off fundur stjórna faghópa Stjórnvísi verður haldinn miðvikudaginn 29.ágúst nk. í Nauthól kl.08:45-10:00

Kick off fundur stjórna faghópa Stjórnvísi verður haldinn miðvikudaginn 29.ágúst nk. í Nauthól kl.08:45-10:00

Tilgangur fundarins er að starta nýju starfsári af krafti. Farið verður yfir ýmis atriði sem létta stjórnendum faghópa starfið í vetur, búinn verður til vettvangur fyrir faghópana til að sameinast um viðburði, rýnt verður í helstu áskoranir faghópastarfsins en umfram allt fá innblástur til þess að gera komandi starfsár enn öflugra en þau síðustu.

Stjórnir faghópa eru hvattar til að hittast sem fyrst, borða saman hádegisverð í boði félagsins og huga að dagskrá starfsársins.  Á tímabilinu júní-ágúst er oft best að bóka fyrirlesara.  Stjórn vekur athygli á að stjórnum faghópa gefst tækifæri tvisvar á starfsárinu að hittast í hádegisverði í boði félagsins, hægt er að setja í reikning á Nauthól.  Ef annar staður er valinn er afrit af reikningi sent á Stjórnvísi og reikningurinn greiddur samdægurs.

Mikilvægt er að senda drög að dagskrá faghópanna til framkvæmdastjóra Stjórnvísi gunnhildur@stjornvisi.is fyrir 28.ágúst. Þegar allir hópar eru búnir að senda inn dagskrána verður hún sameinuð í eitt skjal og send út til ykkar allra fyrir fundinn þann 29.ágúst nk.

Stefnt er að því að senda út drög að dagskrá haustsins til félaga þann 4.september.

Einnig er mikilvægt að skoða hvort stjórnir séu rétt skráðar inn á vefinn þ.e. allar breytingar hafi skilað sér. Þið hafið öll aðgang og formenn faghópa geta breytt hverjir eru í stjórn.

Munið eftir að skrá ykkur á fundinn ef þið eruð ekki þegar búin að því.  

Hlökkum til að sjá ykkur. 

Allir velkomnir

Stjórn Stjórnvísi.

Viðburður er liðinn

Fréttir af viðburðinum

Ár framsýni er þema stjórnar Stjórnvísi 2018-2019

Í morgun hittust stjórnir faghópa  og stjórn Stjórnvísi á Nauthól á Kick off fundi.  Vel var mætt og mikill kraftur verður í félaginu í vetur því kynnt voru drög að 90 fundum veturinn 2018-2019.  Drögin eru í Excel-skjali undir "ítarefni" með fundinum.  Farið var yfir ýmis atriði á fundinum sem létta stjórnendum faghópa starfið í vetur.  Á vef félagsins eru góðar leiðbeiningar á myndbandi um hvernig stofna á fund, setja nýja aðila í stjórn, aðalfund faghóps o.fl. 

  

Tengdir viðburðir

Árangursmælingar í mannauðsstjórnun

Nánari lýsing verður birt síðar.

Fyrirlesari: Herdís Pála Pálsdóttir, framkvæmdastjóri mannauðs- og markaðsstjórnar hjá Reiknistofu bankanna.

Nýársfagnaður fyrir stjórnendur faghópa Stjórnvísi

Eins og undanfarin ár býður Stjórnvísi stjórnum faghópa á nýársfagnað og er ætlunin að verðlauna stjórnirnar fyrir gott starf. Á kick off fundi faghópanna í lok ágúst kom fram eindregin ósk um að fá ráð hvernig hægt væri að efla enn frekar stjórnarsamstarf og virkja alla sem sitja í hverri stjórn til starfa. Þórunn M. Óðinsdóttir formaður stjórnar Stjórnvísi mun leiða örvinnustofu þessu tengt og enn fremur fara yfir hvernig unnið hefur verið úr umbótahugmyndunum sem fram komu á fundinum í ágúst.

Þá munum við fá annan góðan gest . 

Boðið upp á léttar veitingar og gefst félögum tækifæri til að spjalla saman og eiga góða stund

Aðferðarfræði áhættumats hjá Sýn.

Jakob Guðbjartsson Gæða- og öryggisstjóri Sýnar og Bæring Logason verkefnastjóri Gæða- og öryggisdeildar Sýnar, kynna aðferð félagsins við að stýra áhættum og þá möguleika sem þeir hafa nýtt sér undanfarin ár.

Í tengslum við gæðakerfi sitt hefur Sýn hf (áður Vodafone) notað skemmtilega aðferðafræði við áhættumat undanfarin ár. Aðferðarfræðin nefnist BowTie og er afar myndræn og aðgengileg. Í BowTie er sett fram skýringarmynd sem ákveðin áhætta er kortlögð. Myndin er í laginu eins og slaufa sem skýrir nafngiftina. Í ferlinu er safnað upplýsingum um hættur,  ógnir, afleiðingar og þær stýringar sem koma til áhættuminnkunar. Aðferðin veitir einfalda og sjónræna heildarmynd af sviðsmyndum og þeim ógnum og afleiðingum sem henni tengjast.

Alex de Ruijter, hollenskur sérfræðingur í aðferðarfræðinni, skýrir aðferðarfræðina, uppruna hennar og notkunarmöguleika.

Alex de Ruijter er sálfræðingur. Hann starfaði hjá CGE Risk Management Solutions í 8 ár sem vörustjóri á BowTieXP hugbúnaði og öðrum CGE vörum áður en hann stofnaði sitt eigið fyrirtæki, Slice. Hann hefur hjálpað fyrirtækjum um allan heim til að nota og framkvæma Bowtie, Incident Analysis (Tripod Beta, BFA) og áhættur sem rekja má til mannlegra þátta.

 

Viðburðarstaður: Sýn hf. Suðurlandsbraut 8

Tímasetning: 30 nóvember 2018              kl.09:00-10:00

Árangursmælingar vs. fjárfestingar í rekstri.

 

Öll fyrirtæki þurfta að gera fjárfestingar, stórar sem smáar, til að viðhalda rekstrarhæfi sínu. En hvernig skal meta fjárfestingu til árangurs? Stjórnendur eru oftar en ekki metnir eftir rekstrarárangi, þ.e. EBIDTA, EBIT eða aðra rekstrarkvarða. Hver er rétti rekstrarkvarðinn? Er hann til? Rætt verður um veikleikan á milli forenda í fjárfestingarákvörðun og forsenda við árangursmælingar gagnvart stjórnendum, t.d. miðað við tölur úr rekstri eða sjóðstreymi.  

Fullbókað: Hvað er á seyði í stefnumótun á Íslandi?

Stefnumótun er eitt mikilvægasta tæki stjórnenda til að ná árangri. Á morgunverðarfundi Stjórnvísis og Capacent verður skyggnst á bak við tjöldin í stefnumótun með ráðgjöfum Capacent. Farið verður yfir hvaða aðferðir hafa verið að ryðja sér til rúms í stefnumótun á Íslandi og hvernig stefna er innleidd í umhverfi þar sem forsendur breytast hratt og ytra umhverfi tekur sífelldum breytingum. 

Fannst þér efnið á síðunni hjálplegt?