Markþjálfunardagurinn 2021. Rafræn þriggja daga veisla 17. - 19. mars.

ICF Iceland – félag markþjálfa á Íslandi, heldur sína árlegu ráðstefnu, Markþjálfunardaginn, með öðru sniði í ár en undanfarin ár.

Markþjálfunardaginn er í ár 3ja daga veisla 17. til 19. mars 2021 með yfirskriftinni “ICF Iceland, þar sem fagmennska er í fyrirrúmi.” Öflugur hópur innlendra og erlendra markþjálfa og sérfræðinga munu fjalla um allt frá markaðsetningu á netinu að tækni í stjórnendarmarkþjálfun. 

Dagskrá og nánari upplýsingar

 

 

Staðsetning viðburðar

Tengdir viðburðir

Þarf sterka leiðtoga til að hönnunarsprettir (Design Sprint) skili árangri? (ný dagsetning)

Hlekkur á viðburð

Lára Kristín og Kristrún Anna ætla að fjalla um reynslu þeirra af því að leiða hönnunarspretti og sýn þeirra á hvernig árangur sprettanna og hugrekki leiðtoga tengist sterkum böndum.

"Lærdómurinn sem við höfum dregið af þeim hönnunarsprettum sem við höfum leitt, er að leiðtogar þurfa stóran skammt af hugrekki til að treysta ferlinu (sem er á tímum mikil óvissuför) og þeir þurfa þor til að taka ákvarðanir á staðnum. Einnig krefst það berskjöldunnar að sýna viðskiptavinum ófullkomna prótótýpu og kjarks að hlusta á endurgjöf viðskiptavina. Það að fara úr "inn-á-við" hugsun í viðskiptavina-miðaða hugsun krefst sterkra leiðtoga - ekki bara stjórnenda heldur allra þátttakenda í sprettinum. Þegar þetta er til staðar fara töfrarnir að gerast"

Kristrún Anna Konráðsdóttir er teymisþjálfi, markþjálfi, verkefnastjóri og Agile-ráðgjafi. Hún hefur ástríðu fyrir því að hjálpa fólki og teymum að takast á við & leiða breytingar í síbreytilegu og flóknu umhverfi. Kristrún hefur leitt árangursrík tækniverkefni, þjálfað teymi í átt að meiri árangri og gleði, þjálfað leiðtoga í Agile hugarfari auk þess að hanna og leiða vinnustofur og hönnunarspretti. Kristrún er nú sjálfstætt starfandi og vinnur að fjölbreyttum verkefnum sem miða þó öll á einhvern hátt að því að efla og styrkja fólk í sínum hlutverkum. Áður starfaði hún sem verkefnastjóri/ráðgjafi hjá VÍS, verkefnastjóri hjá Skapalóni og sem markaðsstjóri hjá ferðaþjónustufyrirtækjum hér heima og í Bretlandi. Kristrún er ACC vottaður markþjálfi, MPM frá HR og rekstrarfræðingur frá HA

Lára Kristín Skúladóttir er lóðs (facilitator) og leiðtogaþjálfi. Hún hefur á undanförnum árum unnið að fjölbreyttum verkefnum í samvinnu við stjórnendur, verkefnastjóra og starfsfólk bæði fyrirtækja og stofnana. Þar á meðal lóðsað stefnumótun, hannað og leitt stjórnendamót og starfsdaga, leitt stjórnendur og verkefnateymi í stefnumarkandi ákvarðanatöku, haldið ýmiss konar vinnustofur t.d. hönnunarspretti fyrir verkefnateymi í stafrænum verkefnum, leitt teymi í sjálfsskoðun og styrkleikavinnu og þjálfað stjórnendur í að stíga betur inn í hlutverk þjónandi leiðtoga. Lára er sjálfstætt starfandi í dag en starfaði áður sem stjórnunarráðgjafi, markþjálfi og Lean sérfræðingur hjá VÍS, sem greinandi og sérfræðingur í gæðamálum hjá Arion banka og sem stjórnunarráðgjafi hjá ParX. Lára er með MSc gráðu í alþjóðastjórnun og markaðsfræði frá Copenhagen Business School og er markþjálfi frá Evolvia.

 

 

 

 

„Markþjálfun hjálpaði mér og ég vildi gefa til baka” - Niðurstöður meistararannsóknar um innanhússmarkþjálfun hjá Íslandspósti.

Markþjálfun er ástæðan fyrir því að Helga Kolbrún ákvað að fara í meistaranám í mannauðsstjórnun. Til að loka hringnum og gefa til baka, ákvað hún að beina sjónum að markþjálfun í lokaverkefni sínu.

Hún rannsakaði innanhússmarkþjálfun hjá Íslandspósti og í þessum fyrirlestri kynnir hún helstu niðurstöður um reynslu starfsmanna Íslandspósts af innanhússmarkþjálfun og mat þeirra á starfsumhverfi og líðan í starfi.

Rannsóknin er tilviksrannsókn (e. case study) framkvæmd með blandaðri aðferð, eigindlegum viðtölum og spurningakönnunum. Innanhúss markþjálfi var ráðinn til starfa hjá Íslandspósti í byrjun árs 2021 og var sett af stað markþjálfunarprógramm með um 30 starfsmönnum sem fengu markþjálfun í þrjá mánuði. Tekin voru djúpviðtöl við 12 starfsmenn sem voru í markþjálfun auk þess sem spurningakönnun var lögð tvisvar fyrir hópinn. Helga Kolbrún fer yfir stöðu þekkingar á markþjálfun og rannsóknum sem hafa verið framkvæmdar undanfarin ár og ber saman við eigin niðurstöður. 

Fyrirlesari:
Helga Kolbrún Magnúsdóttir er með MS gráðu í mannauðsstjórnun en hún hóf nám í HÍ í janúar 2020 og skilaði lokaverkefninu haustið 2021. Bakgrunnur Helgu Kolbrúnar er innan tölvunarfræði og hafði hún starfað sem hugbúnaðarsérfræðingur í tæp 13 ár, eða til lok árs 2018, þegar hún ákvað að breyta til. Áður hafði hún lokið grunnnámi í markþjálfun hjá Evolvia árið 2019. „Í gegnum sjálfsvinnuna sem fylgir markþjálfunarnáminu uppgötvaði ég ástríðu mína fyrir að vinna með fólki sem er það ástæðan fyrir því að ég ákvað að breyta til og læra mannauðsstjórnun,“ segir Helga Kolbrún.

Sjálfbærni markþjálfun - að taka af sér ráðgjafahattinn og ná dýpri virði fyrir viðskiptavininn

Dr. Snjólaug Ólafsdóttir umhverfisverkfræðingur og markþjálfi fjallar um virði þess að markþjálfa leiðtoga og teymi innan fyrirtækja til sjálfbærni.

Hver er munurinn á ráðgjöf og markþjálfun og hvernig er hægt að mæta til leiks sem markþjálfi og skilja sérfræðinginn og ráðgjafann eftir frammi.

Hlekkur á TEAMS hér.

Teymisþjálfun (Team coaching)

Nánar síðar

Eldri viðburðir

Að nýta aðferðafræði markþjálfunar (Coaching) sem stjórnandi

Að nýta aðferðafræði markþjálfunar (Coaching) fyrir stjórnendur
 
 
Hvernig er hægt að kveikja áhuga og drifkrafti hjá starfsfólki og hvernig getum við stýrt teymi til árangurs eru spurningar og verkefni sem margir stjórnendur standa fyrir. Markþjálfun (Coaching) er eitt af helstu verkfærum stjórnandans til að ná árangri á þeim sviðum.
Á þessum fyrirlestri mun Eva Karen segja frá uppsetningu á námskeiði sem hún hefur búið til og haldið fyrir stjórnendur. Einnig mun hún deila með okkur hvernig þessi aðferðafræði getur og hefur nýst stjórnendum til dagsins í dag sem hafa farið í gegnum námskeiðið.
 
Eva Karen er stofnandi og eigandi ráðgjafafyrirtækisins Effect ehf þar sem hún hefur starfað m.a sem fræðslustjóri að láni í fjölmörgum fyrirtækjum á Íslandi. Eva hefur unnið sem stjórnandi í sínum eigin fyrirtækjum en einnig hjá öðrum. Eva hefur komið að ýmsum verkefnum fyrir íslensk og erlend fyrirtæki sem ráðgjafi og mikið unnið í stjórnendaþjálfun á Íslandi. Eva er lærður kennari frá Kennaraháskóla Íslands, lauk forystu og stjórnun frá Háskólanum á Bifröst og lauk svo MBA prófi frá Háskólanum í Reykjavík 2019. Einnig er Eva Karen ACC vottaður markþjálfi.
 
Linkur á teamsfundinn hér.

FRESTAÐ - Stjórnendaspjall

Af óviðráðanlegum ástæðum verðum við að fresta þessum áhugaverða viðburði. Ný dagsetning kemur síðar!

Við byrjum nýtt starfsár með samtali við tvo stjórnendur sem hafa nýtt sér markþjálfun í starfi sínu. Þetta eru þau Sigurður Brynjar Pálsson, forstjóri Byko, og Arndís Steinþórsdóttir, skólastjóri Háteigsskóla, sem hafa bæði lært aðferðafræði markþjálfunar og nýta sér hana í störfum sínum sem stjórnendur á fjölmennum vinnustöðum.

Viðburðurinn verður með þeim hætti að Ásta Guðrún Guðbrandsdóttir, úr stjórn faghóps markþjálfunar, mun ræða við Sigurð og Arndísi um markþjálfun og hvernig hún hefur nýst þeim í starfi þeirra sem stjórnendur.

Viðburðurinn er 30 mín og óskum við eftir því þátttakendur taki virkan þátt með því að spyrja þau spjörunum úr þannig að saman búum við til skemmtilegt flæði.

Fundurinn er á Teams. 

Fjar-Aðalfundur faghóps um markþjálfun

Linkur á aðalfundinn

Við boðum til aðalfundar faghóps um markþjálfun

Dagskrá aðalfundar:

  1. Dagskrá faghópsins síðastliðið starfsár
  2. Kosning stjórnar
  3. Fyrirhugaðir viðburðir næsta starfsárs
  4. Önnur mál.

Við leitum að fleirum sem hafa áhuga á að bjóða sig fram í starf faghópsins til að fá inn nýja strauma og auka fjölbreytileika viðburða.

Áhugasamir hafi samband við Lilju, s. 867-6981, liljagu@gmail.com eða markthjalfun@stjornvisi.is

 

Beint í mark - innanhúsmarkþjálfun hjá Póstinum

Linkur á teams viðburð

Hvernig er hægt að byggja upp leiðtogamenningu? Þær Sigga og Edda eiga það sameiginlegt að hafa leitað svara við þessarri spurningu um árabil. Sigga kynntist hugmyndum um leiðtogamenningu í meistaranámi sínu við Lundarháskóla í Svíþjóð og hefur unnið markvisst að uppbyggingu slíkrar menningar þar sem hún hefur starfað sem mannauðsstjóri. Edda nam ábyrga stjórnun við Steinbeis háskóla í Berlín og hefur rekið leiðtogamarkþjálfun með áherslu á leiðtogaþróun og ábyrga stjórnarhætti. 

Þær sameinast í þeirri trú að leiðtogamarkþjálfun og markviss leiðtogaþróun séu lykillinn að því að byggja upp leiðtogamenningu innan fyrirtækja og stofnana. Þær segja frá innanhússmarkþjálfun hjá Póstinum og því hvernig markþjálfunin fléttast inn í starfsemi mannauðsdeildar. „Pósturinn er fyrirtæki þar sem allir eru leiðtogar. Þetta er mikilvægur hluti af innleiðingu nýrrar mannauðsstefnu okkar og þar kemur innanhúss markþjálfun sterklega við sögu ásamt markvissri leiðtogaþróun,“ segir Sigga.

Sigríður Indriðadóttir mannauðsstjóri Póstins býr yfir ríkulegri reynslu og þekkingu af mannauðsmálum en hún hefur starfað í greininni um 13 ára skeið. Auk MS gráðu í stjórnun og mannauðsmálum lauk Sigríður markþjálfunarnámi frá HR árið 2018 og hefur nýtt sér aðferðir markþjálfunar í starfi æ síðan. Sigga elskar að skrifa ljóð og fara á skíði. 

Edda Jónsdóttir markþjálfi Póstsins hefur starfað við markþjálfun í rúman áratug. Auk MA gráðu í ábyrgri stjórnun lauk hún markþjálfunarnámi frá Alþjóðlegu markþjálfunarakademíunni (e. International Coach Academy) í Ástralíu árið 2012 ásamt sérnámi í fjármálatengdri markþjálfun og úrvinnslu takmarkandi undirliggjandi hugmynda (e. limiting beliefs) hjá virtum mentorum í Bandaríkjunum. Edda elskar bóklestur og gönguferðir í náttúrunni.

Starfsþróun & Markþjálfun: Hannaðu þína eigin starfsþróunarvegferð - með markþjálfun!

Fannst þér efnið á síðunni hjálplegt?