Þjálfun stjórnarmanna í faghópum Stjórnvísi

Ósk um þennan fund kom fram á Kick off fundi sl.haust.  Tilgangur fundarins er að kynna fyrir öllum í stjórnum faghópa félagsins starfsárið 2019-2020 ábyrgð og hlutverk stjórnarmanna og formanna faghópa.  Farið verður yfir hvernig stofna á viðburði, hvernig senda á út fréttir, siðareglur, nýtt mælaborð o.fl.  Meginmarkmiðið er að samræma vinnubrögð allra stjórna faghópa Stjórnvísi fyrir næsta starfsár.  Þetta verður skemmtilegur stuttur og fjörugur fundur og boðið verður upp á léttan morgunverð.  
Allir í stjórnum faghópa eru hvattir til að mæta á fundinn.
Smellið hér til að sjá mælaborð 

Staðsetning viðburðar

Ítarefni

Fréttir af viðburðum

Þjálfun stjórnarmanna í faghópum Stjórnvísi

Í morgun var haldinn í fyrsta sinn að vori sérstakur þjálfunarfundur fyrir allar stjórnir faghópa Stjórnvísi. Ósk um þennan fund kom fram á Kick off fundi sl.haust og brást stjórn strax við þessari áhugaverðu umbótahugmynd.  Tilgangur fundarins var að kynna fyrir öllum í stjórnum faghópa félagsins starfsárið 2019-2020 ábyrgð og hlutverk stjórnarmanna og formanna faghópa.  Einnig að kynna tímalínu starfsársins, fara yfir hvernig stofna á viðburð, senda út fréttir og viðburði, kynna siðareglur, nýtt mælaborð o.fl.  Meginmarkmiðið var að samræma og einfalda vinnubrögð allra stjórna faghópa Stjórnvísi fyrir næsta starfsár.  Vel var mætt á fundinn og það var samróma álit að fundurinn var einkar þarfur og nytsamlegur. 

Smellið hér til að sjá mælaborð sem var kynnt á fundinum og glærur fylgja með í ítarefni.  

Tengdir viðburðir

Aðalfundur faghóps um verkefnastjórnun

Aðalfundur faghóps um verkefnastjórnun verður haldinn í Háskólanum í Reykjavík, stofu M325 þann 22.maí kl.12:00-12:30

Dagskrá fundar:

  1. Samantekt á starfi vetrarins
  2. Kosning í stjórn
  3. Dagskrá næsta árs

Stjórn hvetur þau sem eru áhugasöm um að kynna sér málið og taka þátt í stjórn hópsins. Ef þið hafið áhuga á að taka þátt í starfi stjórnar faghópsins, vinsamlegast hafið samband við formann hópsins Önnu Kristínu, anna.kristinsdottir@isavia.is.

Fjölþjóðlegur vinnustaður – auður og áskoranir

Tungumálaörðugleikar og fordómar eru aðeins brot af þeim óteljandi áskorunum, sem fylgja fjölþjóðlegum vinnustöðum. Getur stjórnandi siglt lygnan sjó um þessi sýnilegu og sker og ósýnilegu blindsker? Mannleg samskipti eru aldrei árekstrarlaus, það er vitað. Í erindinu verður rýnt í hvernig hægt er að efla skilning og innsýn stjórnenda á því sem kallað er menningarleg margsleitni og hvernig samskipti okkar mótast af þeirri menningu sem við erum mótuð af.

Fundinum verður streymt af Facebooksíðu Stjórnvísi.

 

Flytjandi: Dr. Hallfríður Þórarinsdóttir mannfræðingur og framkvæmdastjóri Mirru, fræðslu og rannsóknarseturs

Á 1000 km hraða inn í framtíðina

Við höfum breytt um staðsetningu til að fá stærri sal og hleypa fleiri áhugasömum á viðburðinn. 


Hvernig má búa til bestu mögulegu stafrænu þjónustuna fyrir notendur?

Fjóla María Ágústsdóttir frá Stafrænt Ísland mun deila sinni þekkingu og gefa innsýn í verklag og tól „notendamiðaðar þjónustuhönnunar (e. design thinking)“. Fjóla hefur fengið umfangsmikla þjálfun í notendamiðaðri þjónustuhönnun frá Design Thinkers Academy í London og lauk nýlega viku námskeiði í Harvard Kennedy School í Digital Transformation for Government: Innovating Public Policy and Service. 

Fjóla María Ágústsdóttir er með MBA próf frá University of Stirling í Skotlandi, með alþjóðlega C vottun í verkefnastjórnun IPMA. Fjóla vann lengi sem stjórnendaráðgjafi hjá Capacent, rak eigið hönnunarfyrirtæki og var verkefnastjóri stórra samrunaverkefna innan stjórnsýslunnar. Fjóla er nú verkefnastjóri hjá verkefnastofu Stafrænt Ísland hjá Fjármála- og efnahagsráðuneytinu.

Kolefnisspor fyrirtækja – hvað getum við gert?

Losun gróðurhúsalofttegunda vegna athafna mannsins hefur aukist mikið á síðastliðnum áratugum og ekki hefur tekist að draga úr losun hérlendis. Til að tryggja að markmið Parísarsamkomulagsins og markmið ríkisstjórnarinnar séu uppfyllt þurfa allir að leggja sitt á vogaskálarnar til að draga úr frekari röskun vegna loftslagsbreytinga. Á fundinum mun Helga Jóhanna Bjarnadóttir, sviðsstjóri Umhverfissviðs EFLU verkfræðistofu, fjalla um þar hvernig kolefnisspor er sett fram fyrir fyrirtæki, vörur og einstaklinga og hvað það þýðir að vera kolefnishlutlaus og hvernig hægt er að ná því markmiði.

 

Snerpa mannauðsins - Samkeppnisforskot á tímum sjálfvirkni og gervigreindar

Nokkur Íslensk fyrirtæki hafa nú þegar nýtt sér sjálfvirkni og gervigreind til að auka samkeppnisforskot sitt og arðsemi. Snerpa er lykilþáttur til að nýta sér fjórðu iðnbyltinguna. Dale Carnegie í samvinnu við Stjórnvísi kynnir niðurstöður nýrrar rannsóknar sem mælir viðhorf stjórnenda og starfsmanna til sjálfvirkni og gervigreindar á Íslandi og í 11 samanburðarlöndum.
Á vinnustofunni mun Erla Ósk Pétursdóttir mannauðsstjóri Vísis hf. í Grindavík segja frá reynslu þeirra af innleiðingu aukinnar sjálfvirkni en undanfarin ár hefur framleiðsla á hvern starfsmann margfaldast. Við innleiðingu sjálfvirkni vakna eðlilegar margar spurningar hjá starfsfólki og nýjar áskoranir verða til.

Við ystu sjónarrönd. Aðferð til framtíðarrýnis, Sjóndeildarhringirnir þrír?

  1. Nánari lýsing kemur síðar.  
  2. Dagsetning:                14. júní 2018.
    Gestgjafi:                    Efla
    Fyrirlesari:                  Andrew Curry.

Eldri viðburðir

Aðalfundur þjónustu-og markaðsstjórnun

Ákveðið hefur verið að halda aðalfund faghóps þjónustu-og markaðsstjórnun í beinu framhaldi af viðburði hópsins "Þú sem vörumerki". Áhugasamir eru hvattir til að mæta á aðalfundinn. 

Aðalfundurinn á ekki að taka langan tíma, en hér að neðan eru verklagsreglur Stjórnvísi um framkvæmd fundarins og viðmið.               

Starf faghópa – Viðmið Stjórnvísi

Ábyrgð og hlutverk stjórnar faghópa

Stjórn faghóps ber ábyrgð á að aðalfundur sé haldinn og að á aðalfundi sé kosin stjórn faghóps og ber ásamt framkvæmdastjóra Stjórnvísi ábyrgð á að verklagsreglu þessari um stjórnun viðburða sé fylgt.

  •      Stjórn faghóps útbýr dagskrá fyrir komandi starfsár faghópsins. Mikilvægt er að setja fundi sem fyrst inn á dagatal
  •      Stjórnarmeðlimir faghóps séu  virkir í starfi Stjórnvísi, þ.e. Innan faghóps, við undirbúning og framkvæmd viðburða
  •      Í faghópasamfélagi/samstarfi við aðra faghópa Innan Stjórnvísi, s.s. vegna skipulagsfunda, þjálfunar og öðru á vegum Stjórnvísi.
  •      Upplýsa aðila faghópsins um áhugaverða viðburði innanlands sem utan

Ábyrgð og hlutverk formanna faghópa

Formaður faghóps boðar til aðalfundar faghóps. Aðalfundur skal haldinn á tímabilinu mars-apríl ár hvert. Á aðalfundi sé a.m.k. eftirfarandi tekið fyrir:

  •      Kosning stjórnar
  •      Viðmiðunarfjöldi í stjórn, þ.e. í stjórn faghóps geta verið allt frá 4-10 manns
  •      Samsetning í stjórn, þannig að í henni séu aðilar frá ólíkum fyrirtækjum/stofnunum/háskólasamfélaginu
  •      Dagskrá faghópsins sl. starfsár.
  •      Formaður faghóps í samstarfi við stjórn faghóps, annast upplýsingastreymi til stjórnar og skrifstofu Stjórnvísi.

Fullbókað: Þú sem vörumerki

Þar sem að færri komust að en vildu á síðasta erindi höfum við fengið þau Sesselíu og Andrés til endurtaka leikinn þann 17.maí. Það eru allar líkur á að þessi viðburður verði líka uppbókaður. Tryggðu þér sæti núna.  

Þú sem vörumerki 

Leiðir til að auka sýnileika og skara framúr

Er hægt að nýta vörumerkjafræði til uppbyggingar á starfsframa?

Að byggja upp vörumerki er viðamikið og margslungið verkefni. Í markaðsfræðunum má finna margvíslegar kenningar um hvernig uppbyggingu vörumerkis skuli háttað. Á fundinum verður fjallað um hvaða þættir vega hvað þyngst og hvernig heimfæra megi fræðin á einstaklinga sem vörumerki. Einnig verða sagðar persónulegar sögur af fólki sem hefur nýtt sér vörumerkjafræðin og þannig átt auðveldara með faglega stefnumótun og aðgreiningu frá samkeppni. 

Hvernig er hægt að auka sýnileika með persónulegri hæfni? 

Af hverju skiptir máli að vera sýnilegur í sínu starfi? Á fyrirlestrinum verður farið yfir mikilvægi sýnileika einstaklinga og stjórnendateyma, á tímum þegar allir geta átt von á að lenda í slæmri umfjöllun. Fjallað verður um hvers vegna fólk þarf að gæta þess að vera sýnilegt af réttum ástæðum auk þess sem komið verður inn á hvernig sýnileiki hjálpar fólki að mynda tengsl. 

 

Sesselía Birgisdóttir er með masterspróf í alþjóða markaðsfræði og vörumerkjastjórnun sem og master í stjórnun mannauðs með áherslu á breytingar og þekkingarmiðlun. Hún hefur mikla reynslu af sölu- og markaðsmálum, þá sérstaklega er viðkemur stafrænum heimi sem tekur sífelldum breytingum. Sesselía hefur hvað lengst starfað í Svíþjóð og er nú forstöðumaður markaðsmála og stafrænnar miðlunar hjá Advania. 

 

Andrés Jónsson er eigandi almannatengslafyrirtækisins Góð samskipti. Hann hefur starfað í almannatengslum undanfarin 15 ár en vann áður sem kynningarstjóri B&L og í fjölmiðlum. Hann var m.a. dagskrárgerðarmaður hjá RÚV auk þess sem hann stofnaði vefmiðilinn Eyjuna.

Andrés sérhæfir sig í krísustjórnun og stefnumótun. Hann hefur unnið fyrir fjölmörg stórfyrirtæki, stofnanir og ráðuneyti sem og einstaklinga, og haldið mörg námskeið og fyrirlestra um almannatengsl, krísustjórnun, starfsferilsstjórnun og ræktun tengsla jafnt innan fyrirtækja sem og í háskólum landsins. Undanfarin ár hefur Andrés verið stundakennari við MBA-nám Háskóla Íslands.

Eru umhverfismál markaðsmál?

Umhverfismál eru að verða áleitnara efni um allan heim og hér á Íslandi er mikil vakning um þessar mundir. Við erum að verða meðvitaðari sem neytendur og hægt, kannski of hægt erum við að breyta hegðun okkar í átt að umhverfisvænari lífstíl. En erum við að fara of hægt – getum við markaðsfólk lagt okkar á vogaskálarnar.

Dagskrá:
Ólafur Elínarsonar, sviðstjóri markaðsrannsókna Gallup: Umhverfiskönnun Gallup.

Silja Mist Sigurkarlsdóttir, markaðsstjóri Nóa Sirius; Eru umhverfismál orðin markaðsmál?

Aðalfundur faghóps um umhverfi og öryggi

Haldinn verður aðalfundur faghóps um umhverfi og öryggi þann 15. maí nk. hjá EFLU verkfræðistofu á Lynghálsi 4 (1. hæð). Fundurinn hefst kl 16:00. Allir áhugasamir um stjórnarsetu eru hvattir til að mæta.

Dagskrá fundarins er eftirfarandi:

1. Kosning stjórnar

2. Dagskrá faghópsins sl. starfsár

3. Drög að dagskrá fyrir komandi starfsár.

F.h. hópsins

Gyða M. Ingólfsdóttir

ÍST ISO 55000 og 55001 Eignastjórnun-Stjórnunarkerfi nýr staðall í íslenskri þýðingu

Staðlaráð býður í heimsókn og fjallar um:

  • ÍST ISO 55000 Eignastjórnun -yfirlit -meginreglur og hugtakanotkun
  • ÍST ISO 55001 Eignastjórnun -stjórnkerfi -kröfur

Staðlarnir hafa verið gefnir út í íslenskri þýðingu og mun Sveinn V Ólafsson verkfræðingur frá Jensen ráðgjöf fjalla um innihalda og beitingu staðlanna.

Staðlarnir eru hluti af "fjölskyldunni" um stjórnunarkerfi eins og ÍST EN ISO 9001, 14001, 27001 og öðrum algengum stjórnunarkerfisstöðlum.

 

Fannst þér efnið á síðunni hjálplegt?