Nýársfagnaður fyrir stjórnendur faghópa Stjórnvísi

Nýársfagnaður stjórna faghópa Stjórnvísi verður að þessu sinni í Marel.  Boðið verður upp á léttar veitingar og gefst félögum tækifæri til að spjalla saman og eiga góða stund.   Á kick off fundi faghópanna í lok ágúst komu fram góðar umbótahugmyndir og mun Þórunn M. Óðinsdóttir formaður stjórnar fara örstutt yfir hvernig unnið hefur verið úr þeim.   Þá fáum við frábæran fyrirlesara Sigurjón Þórðarson stjórnunarráðgjafa með: "HVERNIG LEGGJA MÁ GRUNN AÐ GÓÐRI LIÐSHEILD".

Ef skapa á sterkt lið er mikilvægt að byggja á góðum grunni. Þessi kraftmikli fyrirlestur fjallar um þrjú grunnþrep sem skapa undirstöður góðrar liðsheildar. Útskýrt er hvernig þættirnir þrír leggja grunn að góðu liði og hvað hver einstaklingur þarf að tileinka sér til að verða góður liðsfélagi.

Með fyrsta skrefinu er fólki hjálpað að kynnast, tala saman og sýna hvert öðru vinsemd. Þetta felst meðal annars í því að heilsa fólki við komu og kveðja við brottför. Mikilvægt er að leggja nöfn á minnið og nota þau rétt af því að það er einföld leið til að sýna fólki virðingu. Nauðsynlegt er að leggja sig fram um að fá að vita aðeins meira um hvern og einn en þó aldrei meira en fólk vill deila.

  • Í fyrirlestrinum er fjallað er um grunnatriðin og hvernig má nýta sér þau til gæfu
  • Þátttakendur öðlast skilning á því hvað þarf til að leggja grunn að góðu liði og fá hugmyndir um hvernig hægt er að bæta eigið lið
  • Fyrirlesturinn höfðar til allra sem vilja verða betri liðsfélagar og bæta lið sitt
  • Lengd: 60 mín 

Sigurjón er stjórnunarráðgjafi með fjölbreyttan bakgrunn. Hann hóf feril sinn sem matreiðslumaður, stjórnandi og rekstraraðili í hótel- og veitingageiranum. Sigurjón hefur kennt fjölda námskeiða á vinnustöðum en einnig í grunn-, framhalds- og háskólum og með íþróttaliðum auk þess að hafa starfað sem ævintýraleiðsögumaður á Íslandi og á Grænlandi. Sem stjórnunarráðgjafi hefur Sigurjón lagt sérstaka áherslu á samskipti, liðsheild og leiðtogahæfni og unnið að umbótastarfi með mörgum fyrirtækjum. Sigurjón lauk MBA námi frá RU árið 2011 og MA diplómanámi í jákvæðri sálfræði frá EHÍ árið 2016 auk þess að vera matreiðslumeistari með meirapróf. 

Stjórn hvetur alla í stjórnum faghópa til að mæta á nýársfagnaðinn í Marel, fræðast og eiga saman góða stund.

Viðburðurinn er opinn öllum Stjórnvísifélögum og allir hjartanlega velkomnir.
Hlökkum til samstarfsins á árinu 2019.

Stjórn Stjórnvísi.

 

 

Fréttir af viðburðum

Frábærar móttökur í Marel á nýársfagnaði Stjórnvísi

Marel tók sérdeilis vel á móti stjórnum faghópa Stjórnvísi í dag með snittum og fleira góðgæti. Það kom skemmtilega á óvart að framkvæmdastjóri mannauðssviðs Marels á Íslandi Ketill Berg fagnaði 50 ára afmæli í dag og gaf sér tíma til að taka á móti stjórnum faghópanna enda sannkallaður Stjórnvísifélagi.  Í framhaldi af kynningu Ketils á því frábæra starfi sem á sér stað hjá Marel fór formaður Stjórnvísi Þórunn M. Óðinsdóttir örstutt yfir miða af Kick off fundi í haust og hvernig stjórn félagsins hefur unnið úr þeim umbótahugmyndum sem þar komu fram.  Sigurjón Þórðarson stjórnunarráðgjafi hélt alveg hreint stórkostlegan fyrirlestur um  "HVERNIG LEGGJA MÁ GRUNN AÐ GÓÐRI LIÐSHEILD".  Góð mæting var á fundinn og skemmtu allir sér vel.

Tengdir viðburðir

Beyond Budgeting: Forsendur fyrir árangursríkri innleiðingu. (Aðalfundur faghóps stefnumótunar og árangursmats)

Hvað er eiginlega Beyond Budgeting? Hvers vegna ættu fyrirtæki að taka aðferðafræðina upp? Hvað þarf að vera til staðar til að árangur náist?

Axel Guðni Úlfarsson, sérfræðingur á fjármálasviði Össurar hf., lauk nýverið meistaranámi í forystu og stjórnun við háskólann á Bifröst og fjallar lokaritgerð hans um lykilforsendur árangurs við innleiðingu Beyond Budgeting aðferðafræðinnar. Á þessum fundi ætlar Axel að segja okkur frá rannsókninni og gera grein fyrir helstu niðurstöðum hennar.

Axel hefur verið í framvarðarsveit Beyond Budgeting hreyfingarinnar hérlendis í mörg ár, virkur þátttakandi í stefnumótunarstarfi Beyond Budgeting Roundtable og síðast en ekki síst leiðandi í innleiðingu Beyond Budgeting hjá Össuri. Axel hefur jafnframt veitt fjölda fyrirtækja ráðgjöf á þessu sviði auk þess að kenna námskeið í Beyond Budgeting. 

Aðalfundur faghópsins verður haldinn eftir fyrirlesturinn.

Aðalfundur faghóps um jafnlaunastjórnun

Aðalfundur faghóps verður haldinn í Húsi atvinnulífsins, Borgartúni 35, kl. 10:00

Viðfangsefni

  1. Kosning stjórnar
  2. Dagskrá faghópsins sl. starfsár.

 

Stjórn hvetur áhugasama að kynna sér málið og taka þátt í stjórnun hópsins 

Stefnumótun og framtíðir: Áhrif gervigreindar og fyrirætlanir Microsoft

Faghópar Stjórnvísi um framtíðarfræði og stefnumótun sameinast um kynningarfund með Microsoft á Íslandi, þar sem framkvæmdastjóri fyrirtækisins Heimir Fannar Gunnlaugsson og fleiri fara annars vegar yfir aukin áhrif gervigreindar á stjórnun og tækifæri íslenskra fyrirtækja, og hins vegar yfir þróun og fyrirætlanir Microsoft sem fyrirtækis í því samhengi.

Frá ásetningi til framkvæmdar: Verkefnamiðuð markþjálfun

Hvað eiga verkefnastjórnun og markþjálfun sameiginlegt? Hvaða tækifæri liggja í að nota tæki og tól verkefnastjórnunar í markþjálfun? Hver er ávinningurinn fyrir verkefnastjóra og verkefnateymi að nýta sér markþjálfun?

Í hinni einföldustu mynd er hægt að halda því fram að hvoru tveggja verkefnastjórnun og markþjálfun snúist um að ná fram einhvers konar breytingum hvort sem um er að ræða hjá einstaklingum, teymum, stofnunum eða fyrirtækjum.  Í verkefnastjórnun eru breytingarnar settar upp sem verkefni og eru verkefni skilgreind sem viðfangsefni með skilgreint upphaf  sem og skilgreindan endi ásamt því að hafa skýr og mælanleg markmið að leiðarljósi.  

Með markþjálfun leitast markþegar eftir því að finna tilgang sinn og drauma, nýjar leiðir og lausnir að bættri frammistöðu og árangri. Líkt og í verkefnastjórnun eru markmið dregin fram í markþjálfunarferlinu sem styðja markþega við að ná fram þeim breytingum sem þeir vilja sjá í ferlinu.

Áhugavert er því að skoða samleið þessara tveggja aðferða, hvernig þær geta stutt hver við aðra og hvaða tæki og tól geta leynst í handraðanum.  

Um fyrirlesara:

  • Áslaug Ármannsdóttir útskrifaðist með meistaragráðu í verkefnastjórnun (MPM) árið 2015 og er með Ba gráðu í mannfræði. Jafnframt hún lokið námi í stjórnendamarkþjálfun frá Opna háskólanum í HR. Áslaug starfar sem sjálfstæður verkefnastjóri og markþjálfi og er önnur stofnenda Manifest – verkefnamiðuð markþjálfun.
  • Laufey Guðmundsdóttir útskrifaðist með meistaragráðu í verkefnastjórnun (MPM) árið 2015 og er með Bs gráðu í viðskiptafræði. Þar að auki lýkur hún námi í stjórnendamarkþjálfun frá Opna háskólanum í HR í maí. Laufey starfar sem verkefnastjóri hjá Markaðsstofu Suðurlands og er önnur stofnenda Manifest – verkefnamiðuð markþjálfun.

 í lok viðburðarins heldur faghópur Markþjálfunar sinn aðalfund.

Aðalfundur faghóps um Markþjálfun

Í kjölfar fundarins um Verkefnaiðaða Markþjálfun þann 8. maí , boðum við hér með til aðalfundar faghóps um markþjálfun. Biðjum ykkur vinsamlega að doka við eftir að viðburði lýkur og taka þátt í aðalfundinum.

Við erum einnig að leita eftir framboðum í stjórn. Vinsamlega sendið ábendingar og áhuga ykkar á agusta.sigrun@outlook.com.

Sem sagt kl.10:00 þann í Opna Háskólanum í Reykjavík í stofu  M215.

f.h. faghópsins

Ágústa Sigrún Ágústsdóttir, formaður

Hvers virði er þjónusta og sala á tímum þrenginga og breyttu umhverfi?

Er hægt að bregðast við þrengingum með öðrum hætti en beinum niðurskurði?  

Markaðsaðstæður breytast hratt og stýring þjónustu- og vöruframboðs ber þess glöggt merki. Ytra rekstarumhverfi og örar tæknibreytingar kalla á sveigjanleika og hröð viðbrögð í þjónustu og rekstri.

Í þessum hagnýta fyrirlestri verður farið yfir hvernig virði þjónustu og sölu fer saman. Á hnitmiðaðan hátt verður farið yfir virðishugtakið út frá viðskiptavinum annars vegar og rekstarmódeli fyrirtækja hins vegar. Fléttað verður saman umræðu um þjónustu- og sölustýringu innan fyrirtækja, mikilvæg augnablik og mikilvægi gæðasölu  á tímum breytinga.

Fyrirlesarar eru tveir, Gunnar Andri  Þórisson sem hefur rekið eigin söluskóla (SGA) Söluskóli Gunnars Andra yfir tvo áratugi og Aðalheiður Sigursveinsdóttir ráðgjafi sem hefur umfangsmikla reynslu af þjónustustýringu og innleiðingu straumlínustjórnunar.

Gunnar Andri hefur haldið námskeið og fyrirlestra fyrir þúsundir einstaklinga og fjöldann allan af fyrirtækjum jafnt stór sem smá frá árinu 1997 ásamt því haldið málstofur fyrir fyrirtæki í öllum geirum viðskipta. Meðal viðskiptavina Söluskóla Gunnars Andra (SGA) eru fjármálastofnanir, tryggingafélög og fjarskiptafyrirtæki. Að auki hefur hann margoft verið gestafyrirlesari í Háskólanum í Reykjavík. Gunnar Andri  er stofnandi og eigandi SGA2fyrir1leikhus.isoffer.is og happyhour.is.

Gunnar Andri er höfundur bókarinnar "Message From The Middle Of Nowhere", er höfundur og útgefandi  „55 ráð sem skila árangri í þjónustu!“ sem hefur notið mikilla vinsælda hér á landi ásamt því að vera einn af meðhöfundum bókarinninnar í Against the Grain sem gefin er út af Brian Tracy.

Aðalheiður er stjórnunarráðgjafi og markþjálfi. Hún hefur starfað með mörgum fyrirtækjum og stofnunum við stefnumótun og ráðgjöf við innleiðingu breytinga í þjónustu og rekstri. Aðalheiður hefur mikla reynslu í að aðstoða fyrirtæki og stofnanir við að takast á við nýjar áskoranir, straumlínulaga ferla og bæta rekstur þeirra og styðja við stjórnendur og starfsmenn í breytingum.

Aðalheiður hefur kennt við Opna háskóla HR, Tækniskólanum og haldið fjölmarga fyrirlestra og námskeið um þjónustustjórnun, straumlínustjórnun og áskoranir í breytingum.

Fyrri reynsla Aðalheiðar er viðtæk en hún meðal annars  unnið sem rekstarstjóri, mannauðsstjóri, þjónustustjóri og starfað sem aðstoðarmaður ráðherra.  Aðalheiður er sjálfstætt starfandi ráðgjafi og rekur www.breyting.is og er ráðgjafi hjá FranklinCovey á Íslandi.

ÍST ISO 55000 og 55001 Eignastjórnun-Stjórnunarkerfi nýr staðall í íslenskri þýðingu

Staðlaráð býður í heimsókn og fjallar um:

  • ÍST ISO 55000 Eignastjórnun -yfirlit -meginreglur og hugtakanotkun
  • ÍST ISO 55001 Eignastjórnun -stjórnkerfi -kröfur

Staðlarnir hafa verið gefnir út í íslenskri þýðingu og mun Sveinn V Ólafsson verkfræðingur frá Jensen ráðgjöf fjalla um innihalda og beitingu staðlanna.

Staðlarnir eru hluti af "fjölskyldunni" um stjórnunarkerfi eins og ÍST EN ISO 9001, 14001, 27001 og öðrum algengum stjórnunarkerfisstöðlum.

 

Eru umhverfismál markaðsmál?

Umhverfismál eru að verða áleitnara efni um allan heim og hér á Íslandi er mikil vakning um þessar mundir. Við erum að verða meðvitaðari sem neytendur og hægt, kannski of hægt erum við að breyta hegðun okkar í átt að umhverfisvænari lífstíl. En erum við að fara of hægt – getum við markaðsfólk lagt okkar á vogaskálarnar.

Dagskrá:
Ólafur Elínarsonar, sviðstjóri markaðsrannsókna Gallup: Umhverfiskönnun Gallup.

Auðjón Guðmundsson, framkvæmdastjóri markaðs og sölusvið Nóa Sirius; Eru umhverfismál orðin markaðsmál?

Þú sem vörumerki

Þar sem að færri komust að en vildu á síðasta erindi höfum við fengið þau Sesselíu og Andrés til endurtaka leikinn þann 17.maí. 

 

Leiðir til að auka sýnileika og skara framúr

Er hægt að nýta vörumerkjafræði til uppbyggingar á starfsframa?

Að byggja upp vörumerki er viðamikið og margslungið verkefni. Í markaðsfræðunum má finna margvíslegar kenningar um hvernig uppbyggingu vörumerkis skuli háttað. Á fundinum verður fjallað um hvaða þættir vega hvað þyngst og hvernig heimfæra megi fræðin á einstaklinga sem vörumerki. Einnig verða sagðar persónulegar sögur af fólki sem hefur nýtt sér vörumerkjafræðin og þannig átt auðveldara með faglega stefnumótun og aðgreiningu frá samkeppni. 

Hvernig er hægt að auka sýnileika með persónulegri hæfni? 

Af hverju skiptir máli að vera sýnilegur í sínu starfi? Á fyrirlestrinum verður farið yfir mikilvægi sýnileika einstaklinga og stjórnendateyma, á tímum þegar allir geta átt von á að lenda í slæmri umfjöllun. Fjallað verður um hvers vegna fólk þarf að gæta þess að vera sýnilegt af réttum ástæðum auk þess sem komið verður inn á hvernig sýnileiki hjálpar fólki að mynda tengsl. 

 

Sesselía Birgisdóttir er með masterspróf í alþjóða markaðsfræði og vörumerkjastjórnun sem og master í stjórnun mannauðs með áherslu á breytingar og þekkingarmiðlun. Hún hefur mikla reynslu af sölu- og markaðsmálum, þá sérstaklega er viðkemur stafrænum heimi sem tekur sífelldum breytingum. Sesselía hefur hvað lengst starfað í Svíþjóð og er nú forstöðumaður markaðsmála og stafrænnar miðlunar hjá Advania. 

 

Andrés Jónsson er eigandi almannatengslafyrirtækisins Góð samskipti. Hann hefur starfað í almannatengslum undanfarin 15 ár en vann áður sem kynningarstjóri B&L og í fjölmiðlum. Hann var m.a. dagskrárgerðarmaður hjá RÚV auk þess sem hann stofnaði vefmiðilinn Eyjuna.

Andrés sérhæfir sig í krísustjórnun og stefnumótun. Hann hefur unnið fyrir fjölmörg stórfyrirtæki, stofnanir og ráðuneyti sem og einstaklinga, og haldið mörg námskeið og fyrirlestra um almannatengsl, krísustjórnun, starfsferilsstjórnun og ræktun tengsla jafnt innan fyrirtækja sem og í háskólum landsins. Undanfarin ár hefur Andrés verið stundakennari við MBA-nám Háskóla Íslands.

Við ystu sjónarrönd. Aðferð til framtíðarrýnis, Sjóndeildarhringirnir þrír?

  1. Nánari lýsing kemur síðar.  
  2. Dagsetning:                14. júní 2018.
    Gestgjafi:                    Efla
    Fyrirlesari:                  Andrew Curry.

Eldri viðburðir

Aðalfundur faghóps Gæðastjórnun/ISO staðlar

Aðalfundur verður haldinn hjá Origo, Borgartún 37, 16. apríl kl 08:45

1. Kosning í stjórn.

2. Dagskrá vetrarins.

Stjórn hvetur áhugasama að kynna sér málið og taka þátt í stjórnun hópsins

Aðalfundur faghóps straumlínustjórnunar / LEAN

Aðalfundur í faghóp straumlínustjórnunar verður haldinn fimmtudaginn 11. apríl á Kringlukránni kl. 12:00  - 13:00

Dagskrá fundar:

1. Kosning í stjórn

2. Dagskrá vetrarins

3. Gleði og gúllassúpa  

Stjórn hvetur þau sem eru áhugasöm um að kynna sér málið og taka þátt í stjórn hópsins.

Aðalfundur faghóps um samfélagsábyrgð fyrirtækja

Aðalfundur verður haldinn í Arion banka 11. apríl kl 10:10 strax á eftir spennandi fundi hópsins um samfélagsábyrgð og nýsköpun. Dagskrá fundar:

1. Kosning í stjórn.

2. Dagskrá vetrarins.

Stjórn hvetur áhugasama að kynna sér málið og taka þátt í stjórnun hópsins.

Þróun fræðslu & umbótastarfs hjá Strætó bs.

Verið velkomin til Strætó þann 11.apríl 2019. 

 

Rut Vilhjálmsdóttir sérfræðingur á Mannauðs- og gæðasviði mun kynna fyrir okkur hvernig þróun fræðslu og umbótastarfs henni tengdri er hjá fyrirtækinu. 

 

Staðsetning: Þönglabakki 4 - 2.hæð t.v. 

Samfélagsábyrgð og nýsköpun

Frumkvöðlastarf er mikilvægur drifkraftur breytinga og nýsköpun getur haft veruleg jákvæð áhrif á bæði samfélag og umhverfi. Á þessum fundi verður rætt um nýsköpun út frá samfélagsábyrgð og sjálfbærni og hvernig frumkvöðlahugsun og nýsköpun nýtist innan fyrirtækja.

Arion banki – Einar Gunnar Guðmundsson, sérfræðingur í nýsköpun, segir frá því af hverju bankinn hefur um árabil lagt ríka áherslu á stuðning við nýsköpun á öllum stigum, allt frá grunnskóla til atvinnulífs, en bankinn er eigandi viðskiptahraðalsins Startup Reykjavík. Þá fjallar hann um hvernig nýsköpun hefur verið notuð við þróun á stafrænum vörum bankans með góðum árangri.

Snjallræði, fyrsti íslenski viðskiptahraðallinn fyrir samfélagslega nýsköpun – Auður Örlygsdóttir og Pia Elísabeth Hansson, hjá Höfða friðarsetri, segja frá tilurð og framkvæmd Snjallræðis. Verkefnið hófst á síðasta ári og er ætlað að stuðla að fjölbreyttari nýsköpun hér á landi og skapa vettvang fyrir samfélagslegt frumkvöðlastarf.

Heilun jarðar – Sigrún Thorlacius, frumkvöðull, segir frá reynslu sinni af þátttöku í Snjallræði og verkefni sínu um nýtingu sveppa til að eyða eiturefnum úr jarðvegi og hreinsa mengað land.  

Miðgarður - Juliana Werneburg, frumkvöðull og þátttakandi í Snjallræði, segir frá byggingarfélaginu Miðgarði sem ætlar að skipuleggja, hanna og reisa húsnæði þar sem þörf og notkun einkabíla er ekki í forgangi, í staðinn er lögð áhersla á aðra samgöngumáta.

Fannst þér efnið á síðunni hjálplegt?