Skrefið tekið og þjónustuverið stofnað

Click here to join the meeting
Öryggismiðstöðin var stofnuð árið 1995 og er framsækið þjónustufyrirtæki sem býður upp á heildarlausnir í öryggis- og velferðarmálum. Árið 2012 var ákveðinn vendipunktur hjá fyrirtækinu. Starfsemi Öryggismiðstöðvarinnar hafði vaxið verulega undanfarin ár. Bæði starfsfólk og ferlar voru farin að finna fyrir vaxtaverkjum og löngunin til að veita betri þjónustu ýtti okkur af stað í nýja átt. Í kjölfar stefnumótunar var sú ákvörðun tekin að stofna þjónustuver sem myndi sameina krafta starfsmanna og straumlínulaga ferla með það að markmiði að veita markvissari þjónustu. Eva Helgadóttir deildarstjóri Þjónustuvers mun leiða ykkur í gegnum þá vegferð sem farið var í árið 2012 og segja frá því hvernig tókst til og hvernig staðan er í dag.

 Vegna aðstæðna í þjóðfélaginu er aðeins boðið upp á viðburðinn í streymi í gegnum Teams.

Click here to join the meeting

Staðsetning viðburðar

Fréttir af viðburðum

Skrefið tekið og þjónustuverið stofnað

Heimir Guðmundsson sviðsstjóri vinnuvélasviðs hjá Vinnueftirlitinu og stjórnarmaður í stjórn faghóps um stefnumótun og árangursmat bauð gesti velkomna og kynnti Evu Helgadóttur. Öryggismiðstöðin var stofnuð árið 1995 og er framsækið þjónustufyrirtæki sem býður upp á heildarlausnir í öryggis- og velferðarmálum. Árið 2012 var ákveðinn vendipunktur hjá fyrirtækinu. Starfsemi Öryggismiðstöðvarinnar hafði vaxið verulega undanfarin ár. Bæði starfsfólk og ferlar voru farin að finna fyrir vaxtaverkjum og löngunin til að veita betri þjónustu ýtti okkur af stað í nýja átt. Í kjölfar stefnumótunar var sú ákvörðun tekin að stofna þjónustuver sem myndi sameina krafta starfsmanna og straumlínulaga ferla með það að markmiði að veita markvissari þjónustu. Eva Helgadóttir deildarstjóri Þjónustuvers leiddi gesti fundarins í gegnum þá vegferð sem farið var í árið 2012 og sagði frá því hvernig tókst til og hvernig staðan er í dag.

Eva hóf störf hjá Öryggismiðstöðinni 2001 og hefur tekið þátt í fjölmörgum störfum og verkefnum á þessum tíma auk þess að bæta við sig námi í viðskiptafræði og viðurkenndum bókara. Öryggismiðstöðin rekur fjölbreytta þjónustu víðsvegar og því er þjónustuver mikilvægt. Fyrirtækið var stofnað 1995 og enn starfa þar nokkrir af fyrstu starfsmönnum. Mikill vöxtur hefur verið á undanförnum árum og eru í hópi framúrskarandi fyrirtækja og þar starfa í dag 400 manns. Í dag hefur þeirra fólk tekið 250.000 Covis sýni. Snjallöryggi er ný kynslóð öryggis og er þeirri lausn vel tekið. T.d. sagði Eva frá snjalllás sem er í símanum og hægt að hleypa sem dæmi börnum sem gleyma lyklunum sínum inn í gegnum símann.

Í ársbyrjun 2012 var tekin ákvörðun um að veita betri þjónustu og stofna þjónustuver. Gildi voru endurskoðuð forysta – umhyggja – traust.Allir starfsmenn hafa þessi gildi að leiðarljósi í öllu því sem þeir gera í sínum störfum og í samskiptum hvort við annað. Farið var í markvissa hugmyndavinnu þar sem tryggt var að þekking færi milli manna og veitt heimild til athafna.  Þannig gæti hver og einn starfsmaður klárað sín mál með umboði. Farið var í heimsóknir til annarra fyrirtækja og valið það besta frá hverjum og einum.  Farið var markvisst í að starfsmenn leiðbeindu hvorir öðrum þannig að hópurinn gæti unnið saman og breitt út þekkingu. 

Þegar þjónustuverið var stofnað var það gert mjög sýnilegt og haldið partý fyrir alla starfsmenn.  Í þjónustuverinu á þessum tíma voru 5 manns. Í dag eru starfsmenn þjónustuvers 8 manns.  Við innleiðingu á þjónustuverinu var farið í mikla vinnu og boðið upp á mörg námskeið eins og námskeið í símsvörun og samskiptum við viðskiptavini. Með rafrænni fræðslu er tryggt að allir fá sömu fræðslu.

Markmiðið með stofnun þjónustuvers var að bæta þjónustu við viðskiptavini og veita hraðari svörun erinda. Markmiðið var að hægt væri að ganga frá 80% erinda í fyrstu snertingu.  Ekki senda símtalið áfram.  Fylgst er með meðallengd símtala og fjölda. Öll svið settu sér markmið og er öllum tölvupósti svarað samdægurs.

En hvaða verkefnum eru þau að sinna?  Stjórnstöð er opin allan sólarhringinn. Símtöl eru 170-200 á dag og erindi berast frá heimasíðu og með tölvupósti.  Viðskiptavinurinn vill í dag geta lokið sínum málum sjálfur og því er stöðug þróun í gangi.  Einnig er veitt tækniaðstoð og bókaðir tímar, sendar upplýsingar varðandi endurnýjanir, hnappa, reikningagerð (13000 á mánuði) o.m.fl.  Ábyrgð og þekking er alltaf á höndum fleiri en eins starfsmanns. 

Starfsþróun hefur aukist til muna og vaxa og dafna starfsmenn.  En hvað skiptir máli í ferlinu?  1. Stuðningur frá topnnum  2. Fá aðstoð frá þeim sem þekkja vel til 3. Þátttaka starfsmanna þ.e. þeir eigi hlutdeild í verkefninu 4. Starfsmenn fái svigrúm til að sinna innleiðingu 5. Búta niður fílinn og 6. Hafa gaman og fagna litlum sigrum. 

Tengdir viðburðir

Frá stefnu til árangurs – hvernig öflug fyrirtæki ná hlutunum í framkvæmd

Hvað getum við lært af fyrirtækjum sem hafa innleitt BOS360 og EOS stjórnunarkerfin?

Flest fyrirtæki hafa stefnu, markmið og metnaðarfulla stjórnendur. En hvers vegna gengur sumum fyrirtækjum mun betur en öðrum að breyta góðum áformum í raunverulegan árangur?

Áskoranirnar eru kunnuglegar: Of mörg verkefni í gangi, óljós ábyrgð, fundir sem skila litlu, stjórnendur fastir í daglegu amstri og stefnumótandi verkefni sem sitja á hakanum.

Hvað ef hægt væri að breyta þessu með einfaldara og markvissara stjórnkerfi?

BOS360 (Business Operating System) og EOS (Entrepreneurial Operating System) eru heildstæð stjórnunarkerfi sem hjálpa fyrirtækjum að skapa skýrari stefnu, styrkja stjórnendateymi og tryggja að mikilvægustu hlutirnir komist í framkvæmd.

Á undanförnum árum hafa fjölmörg íslensk fyrirtæki innleitt þessa aðferðafræði með það að markmiði að ná betri tökum á rekstrinum, auka ábyrgð og bæta árangur.

Í þessum fyrirlestri mun Bjarki Jóhannesson, stofnandi Bravó og vottaður BOS360 þjálfari, deila reynslu sinni af innleiðingu rekstrarstjórnunarkerfanna hjá yfir 20 fyrirtækjum. (Dæmi um fyrirtæki eru Rotovia, Ístak, Skeljungur, Styrkás, Brim, A4, DK hugbúnaður)

Í fyrirlestrinum verður meðal annars fjallað um:

  • Hvers vegna góð stefna dugar ekki ein og sér – og hvað þarf til að tryggja framkvæmd hennar.

  • Hvernig skýr ábyrgð og sameiginleg forgangsröðun breyta vinnubrögðum stjórnendateyma.

  • Hvernig markviss fundamenning, mælikvarðar og 90 daga markmið skapa aukinn aga og árangur.

  • Hvaða breytingar og ávinning fyrirtæki hafa upplifað við innleiðingu BOS360 og EOS.

  • Hvað einkennir þau fyrirtæki sem ná mestum árangri með aðferðafræðinni.

Fyrirlesturinn byggir á raunverulegri reynslu af innleiðingu stjórnunarkerfanna í íslenskum fyrirtækjum, með hagnýtum dæmum og lærdómi sem stjórnendur geta nýtt í eigin rekstri.

Fyrir hverja?

Forstjóra, framkvæmdastjóra, millistjórnendur og aðra sem vilja efla stjórnendateymi, bæta framkvæmd stefnu og ná meiri árangri í rekstri.

Lengd: 40 mínútna fyrirlestur og að honum loknum opnar umræður og spurningar.

Markmiðið er einfalt: Að þátttakendur fari af fundinum með nýjar hugmyndir um hvernig þeir geta náð meiri árangri með skýrari stefnu, sterkari teymisvinnu og markvissari framkvæmd.

Verkefnaskrá öflugt stjórntæki

Stjórnun verkefnaskrár er leiðin að brúa bilið milli stefnu og innleiðingu. Bindur aðferðarfræði verkefnastjórnunar saman í eina heild. Verkefnaskráarstýring snýst um að stýra heildinni – ekki bara einstökum verkefnum, heldur samstilla verkefnum sem einni heild – til að hámarka virði, jafnvægi og stefnumiðaða nýtingu fjármuna. Verkefnaskrá styður sameiginlegar og traustar miðlægar ákvarðanir um forgangsröðun svo bregðast megi við frammistöðu gagnvart árangri, sveiflum og breyttum rekstraraðstæðum.

Fundurinn er haldinn á Háskólatorgi málstofa HT-101. Kynning er eingöngu staðfundur haldinn á íslensku.

Eldri viðburðir

Aðferðafræði Atvinnustefnu, framkvæmd og árangursmat

Hlekkur á viðburð

Faghópur Stjórnvísi um „stefnumótun og árangursmat“ býður til viðburðar í samstarfi við forsætisráðuneyti þar sem Sveinbjörn Finnsson, aðstoðarmaður ríkisstjórnar, fjallar um mótun atvinnustefnu Íslands, eftirfylgni og mat á árangri í framkvæmd.

Dagskrá:

Davíð Lúðvíksson, Rekstrarverkfræðingur, um faghópinn og mikilvægi stefnu og árangursmælinga í uppbyggingu atvinnulífs.

Sveinbjörn Finnsson, aðstoðarmaður ríkisstjórnar, fjallar um mótun atvinnustefnu Íslands, eftirfylgni og mat á árangri í framkvæmd. Þá fer Sveinbjörn yfir fyrstu samantekt á stöðu innleiðingar atvinnustefnunnar.

Að erindinu loknu verður opnað fyrir spurningar og samtal þátttakenda undir stjórn fundarstjóra. Bjarki/Rósbjörg

Viðburðurinn er kjörið tækifæri til að skiptast á reynslu og mynda tengsl aðila sem koma að stefnumótunarstarfi, eftirfylgni og árangursmati áhersluverkefna.

 

https://www.stjornarradid.is/verkefni/atvinnuvegir/atvinnustefna-islands/

Aðalfundur faghóps um Stefnumótun og árangursmat

Aðalfundur faghóps um Stefnumótun og árangursmat, fyrir árið 2026, verður haldinn 1 8. Maí kl. 16.00-16:30 .
Þetta verður fjarfundur en þeir sem hafa áhuga á að mæta á fundinn vinsamlegast sendi tölvupóst á formann faghópsins á netfangið bjarki@bravo.is.

Við vekjum athygli á því að það eru lausar stöður í stjórn. Stjórn faghópsins sér um hugmyndavinnu, skipulagningu og fundarstjórnun á viðburðum á vegum faghópsins. Áhugasamir eru beðnir um að senda tölvupóst á formann faghópsins á netfangið bjarki@bravo.is með upplýsingum um sig og ástæðum þess að viðkomandi gefur kost á sér í stjórn faghópsins.

Dagskrá aðalfundar faghóps Stjórnvísi: Stefnumótun og árangursmat

  • Starfið á árinu - yfirferð formanns

  • Umræður um starf ársins

  • Kosning til stjórnar / upplýsingar um nýja stjórn fyrir tímabilið 2026-2027

  • Ákvörðun um fyrsta fund nýrrar stjórnar

  • Önnur mál

F.h. faghópsins
Bjarki Jóhannesson

Copilot í M365 - Hvað þurfa stjórnendur að gera áður en kveikt er á?

Smelltu hér til að tengjast fundinum.

Innleiðing á Microsoft 365 Copilot hefur vakið áhuga – en jafnframt ugg meðal stjórnenda. Óvissa getur skapast um aðgang starfsmanna að upplýsingum innan fyrirtækja og stofnana. Með tilkomu Copilot og annarra gagnadrifinna verkfæra þarf að huga sérstaklega vel að undirbúningi og aðgangsstýringum.

Er tryggt að trúnaðargögn einnar deildar séu ekki aðgengileg öðrum? Getur óviðkomandi starfsmaður óvart fengið aðgang að gögnum um viðskiptavini, samninga eða starfsfólk?

 

Faghópur Stjórnvísi um stefnumótun og árangursmælingar býður til fræðsluerindis þar sem farið verður yfir hvað stjórnendur fyrirtækja og stofnana þurfa að hafa í huga til að tryggja farsæla innleiðingu Copilot í M365 umhverfi.

 

Fyrirlesari er Benedikt Rúnarsson, öryggisstjóri hjá Wise. Hann hefur víðtæka reynslu af öryggismálum, aðgangsstýringum og upplýsingastjórnun í tengslum við M365 umhverfið. Áður en Benedikt gekk til liðs við Wise starfaði hann sem öryggis- og gæðastjóri hjá Mílu og býr yfir traustri þekkingu á upplýsingaöryggi og stafrænni innviðaþróun. Hann lauk sérnámi í ferilstjórnun á vegum Boston University og Duke University ásamt Lean námi hjá Háskólanum í Reykjavík.


Fundurinn hefst kl. 12 á Teams. Erindið tekur um 20-30 mínútur og í lokin gefst tími til spurninga.

Notkun gervigreindar í opinberri stjórnsýslu

Join the meeting now

Notkun gervigreindar í opinberri stjórnsýslu býður upp á tækifæri til að bæta þjónustu, auka skilvirkni og styðja við upplýsta ákvarðanatöku. Á undanförnum misserum hefur verið unnið að því að greina möguleika gervigreindar í íslenskri stjórnsýslu og skoðað leiðir til að tryggja ábyrga og árangursríka notkun hennar. Á fundinum fjallar Gísli Ragnar Guðmundsson, gervigreindarráðgjafi hjá KPMG og fyrrverandi sérfræðingur í gervigreindarmála hjá Háskóla-, iðnaðar- og nýsköpunarráðuneytinu, um hvernig gervigreind getur nýst í opinberri stjórnsýslu. Hann mun draga fram dæmi um hvernig stofnanir og ráðuneyti geta innleitt gervigreind í daglegu starfi, hver helstu tækifærin eru, og hverju þarf að huga að til að nýtingin verði örugg, siðferðilega ábyrg og til raunverulegs hagsbóta. Einnig verður fjallað um stöðu innleiðingar gervigreindar hjá íslenskum ráðuneytum í dag, hvaða áskoranir standa í vegi fyrir frekari upptöku og hvernig hægt er að vinna markvisst að því að yfirstíga þær. Gísli hefur komið að stefnumótun Íslands í gervigreind, haldið fjölda vinnustofa með ráðuneytum og stofnunum og aðstoðað bæði ríki og fyrirtæki við að nýta gervigreind í verkefnum sínum.

Gervigreindarstefna Hagstofu Íslands

Hlekkur á viðburð  

Notkun gervigreindar fer hratt vaxandi jafnt hjá einkafyrirtækjum og í opinbera geiranum. Til að hámarka árangur af notkun þessarar nýju tækni er skýr stefnumótun og markviss innleiðing lykilatriði. Síðastliðið haust var settur á fót starfshópur innan Hagstofu Íslands, sem fékk það hlutverk að móta stefnu um notkun gervigreindar. Stefnan var gefin út seint á síðasta ári og hópurinn vinnur nú að innleiðingu hennar. Á fundinum fjallar Þorsteinn Siglaugsson, sérfræðingur á efnahagssviði Hagstofunnar um stefnumótunarvinnuna og innleiðingarvinnuna í kjölfarið. Auk þess að starfa hjá Hagstofunni hefur Þorsteinn unnið að ráðgjöf og þjálfun í hagnýtingu gervigreindar undanfarin tvö ár, m.a. í samstarfi við Endurmenntun Háskóla Íslands. Hann er vottaður sérfræðingur í röklegu umbótaferli (Logical Thinking Process), stofnandi hugbúnaðarfyrirtækisins Anteos ehf sem þróar lausnir byggðar á gervigreind og höfundur “Frá óvissu til árangurs: Skýr hugsun og listin að taka betri ákvarðanir” (2024). Fundinum stýrir Gyða Björg Sigurðardóttir, sérfræðingur í viðskiptagreind hjá Orkunni og stjórnarmaður í faghópi um gervigreind.

Fannst þér efnið á síðunni hjálplegt?