Tengdir viðburðir

Meðvirkni á vinnustað

 

Click here to join the meeting
Meðvirkni getur verið grafin djúpt í fyrirtækjamenninguna, oft án þess að stjórnendur eða starfsfólk geri sér grein fyrir því.

Sigríður Indriðadóttir, eigandi og þjálfari hjá SAGA Competence ætlar að fara yfir það með okkur hvernig meðvirkni birtist á vinnustaðnum og með hvaða hætti meðvirknimynstur geta skapast. Einnig er skoðað hvaða áhrif meðvirkni hefur á starfsfólk, vinnustaðarmenninguna og árangur í víðum skilningi og að sjálfsögðu verða kynntar einfaldar en áhrifaríkar leiðir til að efla stjórnendur og starfsfólk til að byggja upp betri vinnustað.


Sigríður er mannauðsfræðingur og markþjálfi og býr yfir fjórtán ára reynslu og víðtækri þekkingu á sviði stjórnunar, mannauðsmála og rekstrar. Sigríður starfaði sem forstöðumaður mannauðsmála hjá Mosfellsbæ, Mannviti og Íslandspósti. Eins þjálfaði hún fólk í mannlegum samskiptum hjá Dale Carnegie í fimm ár. Sigríður hefur leitt og tekið þátt í umfangsmiklum og flóknum stjórnunarverkefnum sem felast í umbyltingu á rekstri og fyrirtækjamenningu og er því vön að takast á við þær síbreytilegu áskoranir sem stjórnendur og starfsfólk glíma við dag frá degi. Sigríður vinnur markvisst með heildstæða árangursstjórnun sem felur í sér uppbyggingu á öflugri og hvetjandi vinnustaðarmenningu sem stuðlar að vellíðan, vexti og árangri starfsfólks og hjálpar þannig fyrirtækjum og starfsfólki að skrifa sína eigin SÖGU. Sigríður hefur sérhæft sig í því að þjálfa fólk í að greina og taka á meðvirkum aðstæðum sem geta skapast á vinnustöðum og deilir þeirri reynslu og þekkingu með okkur á fyrirlestrinum.

EY - Sjálfbærni fyrirtækja

Vinsamlegast smellið hér til að komast inn á viðburðinn.

Á þessum örfyrirlestri mun dr. Snjólaug Ólafsdóttir, sérfræðingur úr Sjálfbærniteymi EY, fara stuttlega yfir það hvað fyrirtæki þurfa að hafa í huga varðandi sjálfbærni fyrirtækja og hvaða straumar eru ráðandi er kemur að sjálfbærni hjá fyrirtækjum. Einnig verður farið yfir við hverju hægt sé að búast í framtíðinni og hvernig fyrirtæki geti undirbúið sig fyrir það sem koma skal.

Fyrirlesturinn mun taka 30 mínútur, og gert er ráð fyrir 10 mínútum í lokin fyrir spurningar, ef svo ber við.

 

Fyrirlesari:

Dr. Snjólaug Ólafsdóttir starfar sem sérfræðingur á sviði sjálfbærni í rekstri, stefnumótunar og markmiðasetningar fyrirtækja og stofnana, auk þjálfunar stjórnenda og starfsfólks, í Sjálfbærniteymi EY.

Stjórnendaspjall

Hlekkur á fundinn

Við byrjum nýtt starfsár með samtali við tvo stjórnendur sem hafa nýtt sér markþjálfun í starfi sínu. Þetta eru þau Sigurður Brynjar Pálsson, forstjóri Byko, og Arndís Steinþórsdóttir, skólastjóri Háteigsskóla, sem hafa bæði lært aðferðafræði markþjálfunar og nýta sér hana í störfum sínum sem stjórnendur á fjölmennum vinnustöðum.

Viðburðurinn verður með þeim hætti að Ásta Guðrún Guðbrandsdóttir, úr stjórn faghóps markþjálfunar, mun ræða við Sigurð og Arndísi um markþjálfun og hvernig hún hefur nýst þeim í starfi þeirra sem stjórnendur.

Viðburðurinn er 30 mín og óskum við eftir því þátttakendur taki virkan þátt með því að spyrja þau spjörunum úr þannig að saman búum við til skemmtilegt flæði.

Fundurinn er á Teams. Hlekk á fundinn er að finna hér.

Innleiðing sjálfbærnistefnu

Á þessum örfyrirlestri mun Vilborg Einarsdóttir, stofnandi og framkvæmdastjóri BravoEarth fjalla um hvað þarf að hafa í huga við innleiðingu sjálfbærnistefnu. Hún fer yfir greiningu, markmið og aðgerðir og hversu mikilvægt það er að fylgjast með framvindu. Hún mun segja frá vinnu við innleiðingu sjálfbærnistefnu með Íslandsbanka, Múlakaffi og Íslandsstofu. Fyrirlesturinn mun taka 30 mínútur, og gert er ráð fyrir 10-15 mínútum í lokin fyrir spurningar.

Vilborg er með MSc gráðu í Stjórnun og stefnumótun. Hún stofnaði BravoEarth fyrir þremur árum en BravoEarth auðveldar fyrirtækjum að móta, halda utan um og koma sjálfbærnistefnu í framkvæmd. Vilborg er meðstofnandi og fyrrverandi framkvæmdastjóri Mentors.

Verkfærakista HR stjórnandans (fyrirlestrarröð, fundur 1): Ávinningur og hagnýting á hugbúnaðarlausnum

Hvaða hugbúnaðarlausnir eru í boði fyrir HR? Hvað er leitast við að leysa með fjárfstingum i HR hugbúnaðarlausnum, hvað miða þær að því að leysa? Kynning á hugbúnaðarlausnum erlendum og innlendum fyrir HR. Rætt um lykilþætti í vali á lausnum, eiginleikar, virkni og viðmót, til að bæta afköst og gæði í mannauðsmálum. Nánari lýsing á fundi þegar nær dregur.  

Umgjörð og framkvæmd á frammistöðustjórnun í 4. iðnbyltingunni (fyrirlestrarröð, fundur 2 af 3)

Hvernig getur HR staðið sem best að mælingum og frammistöðustjórnun nú á tímum 4. iðnbyltingarinnar og þekkingarstarfsmannsins. Ræddar verða leiðir til að koma á frammistöðustjórun nú þegar fjarvinna er orðin almenn, starfsmenn á ferðinni, ávallt tengdir og þátttaka í verkefnum tiðari. Nánari lýsing þegar nær dregur. 

Skipulag og aðferðir til að bæta afköst Mannauðsmála (fyrirlestrarröð, fundur 3 af 3)

Hvaða stjórnunaraðferðir eru uppi nú um að bæta árangur og áhrif mannauðsmála í starfseminni? Hvert er hlutverk mannauðsmála nú í 4. iðnbyltingunni og þeirri uppbyggingu og þróun í kringum stafræna vegferð sem blasir við fyrirtækjum og stofnunum? Fengnir verða þrír góðir gestir sem ræða þessa þróun ásamt því að drepa á efni sem rætt var á fundi 1 og 2 í fyrirlestraröðinni. 

Eldri viðburðir

Fræðslumenning fyrirtækja- Einstaklingsmiðuð fræðsla í fyrirtækjum

Click here to join the meeting

Spennandi og fræðandi viðburður sem á erindi við alla þá sem hafa áhuga á fræðslumálum fyrirtækja.

Fyrirlesari er Eva Karen stofnandi og eigandi ráðgjafafyrirtækisins Effect ehf þar sem hún hefur starfað sem fræðslustjóri að láni í fjölmörgum fyrirtækjum á Íslandi. Eva hefur komið að ýmsum verkefnum fyrir íslensk og erlend fyrirtæki sem ráðgjafi og mikið unnið í stjórnendaþjálfun á Íslandi. Síðustu tvö ár hefur Eva starfað sem fræðslustjóri í Símanum þar sem hún hefur verið að innleiða sína aðferðafræði í fræðslumálum með góðum árangri. Farið verður yfir verkefni sem kallast Síminn skapar tækifæri fyrir sitt fólk og einnig hvernig Eva nýtir hæfnigreiningar til að mæla árangur af fræðslustarfinu. 

Aðalfundur stjórnar faghóps um mannauðsstjórnun - fjarfundur

Þau sem hafa áhuga að taka þátt í þessum fjarfundi vinsamlegast sendið tölvupóst á shsfossdal@hotmail.com til að fá fundarboð með hlekk í Teams fundarboðið.

Dagskrá:

  1. Viðburðir sl. árs
  2. Hlutverk stjórnar
  3. Kynning á faghópnum og fyrirkomulagi viðburða
  4. Kosning stjórnar (Viðmiðunarfjöldi 4-10 manns)
  5. Starfsárið framundan

Þau sem vilja vera þátttakandi í stjórn eða vilja láta af störfum í stjórn, vinsamlegast sendið póst til Sigrúnar á shsfossdal@hotmail.com

F.h. stjórnar

Sigrún H. Sigurðard Fossdal

 

Á stimpilklukkan við í þekkingarstörfum?

Click here to join the meeting

Faghópur Stjórnvísi um heilsueflandi vinnuumhverfi mun standa fyrir rafrænum viðburði þann 24.mars kl.11.30 þar sem við munum velta fyrir okkur tilgangi og áhrifum stimpilklukku á afköst í þekkingarstörfum.

Þau Ásdís Kristinsdóttir, stjórnunarráðgjafi hjá Gemba, Ketill Berg Magnússon, mannauðsstjóri hjá Marel og

Sólrún Kristjánsdóttir, framkvæmdastýra Mannauðs og menningar hjá Orkuveitu Reykjavíkur ætla að vera með okkur og ræða þetta málefni frá ýmsum hliðum.

Dagskrá viðburðarins og erindin:

  • Ásdís – Hljóðláta byltingin: Vinnutími í sögulegu ljósi 
  • Ketill – Stimpilklukkur og baðvogir – um árangur og vellíðan hjá Marel
  • Sólrún – Hvað kom til að stimpilklukkan var afnumin hjá OR – kostir og gallar

Heiður Reynisdóttir, verkefnastjóri mannauðsmála hjá Háskóla Íslands, mun stýra viðburðinum sem verður á fjarfundi. 

 

Af hverju eru markþjálfun og hagnýting jákvæðrar sálfræði dúndur blanda?

Linkur á teams viðburð.

Ragnheiður Aradóttir, fyrrverandi formaður Félags markþjálfa, hefur starfað sem stjórnendamarkþjálfi til umbreytinga í um 15 ár og hefur þjálfað mikinn fjölda stjórnenda og teyma bæði hérlendis og víða erlendis. Hún er sérfræðingur í eflingu mannauðs og hagnýtingu jákvæðrar sálfræði og hefur mikinn metnað fyrir því að hámarka virkni og árangur viðskiptavina sinna á þeirra forsendum. Hennar mottó er;

„Við stjórnum hugarfari okkar sjálf og getum því alltaf skapað okkur vinningsaðstæður“

Hún ætlar að fjalla um hvernig markþjálfun og hagnýting jákvæðrar sálfræði er dúndur blanda, til að stuðla að velsæld í starfi og leik.

Jákvæð sálfræði er ný fræðigrein sem beinir sjónum að heilbrigði, hamingju og því sem gerir venjulegt líf innihaldsríkara, frekar en að fást við sjúkdóma og vandamál. Hún rannsakar hamingju og hvað það er sem stuðlar að hamingju. Hvernig við getum kappkostað að eiga innihaldsríkt líf. Jákvæð sálfræði rannsakar samhengi milli hugsana – tilfinninga og hegðunar og einmitt þar er markþjálfun því afar tengdur þáttur – í ferlinu að þjálfa sig til að hagnýta jákvæða sálfræði með það að markmiði að vinna með hugarfarið, gildin okkar og eigingleika til að stuðla að velsæld í starfi og leik.

Ragnheiður er stofnandi og eigandi PROcoaching og PROtraining þar sem hún býður upp á vandaða markþjálfun til umbreytinga, teymisþjálfun og námskeið af ýmsum toga. Hún er með PCC (Professional Certified Coach) alþjóðlega gæðavottun frá ICF, stundaði meistaranám í Mannauðsstjórnun við Háskóla Íslands, og er Dip. Master í Jákvæðri Sálfræði ásamt því að vera sáttamiðlari. Hún lætur sig mannréttindamál miklu varða, er varaformaður FKA (Félags kvenna í atvinnulífinu) og leggur sitt á vogarskálarnar til að hvetja til jafnréttis á öllum sviðum samfélagsins.

Árangursrík streitu- og vellíðunarstjórnun

Join on your computer or mobile app
Click here to join the meeting
Rafrænn viðburður: Microsoft Teams meeting

Árangursrík streitu- og vellíðunarstjórnun - Jafnvægi í lífi, leik og starfi.

Meginstef þessa erindis eru streituvarnir. Fjallað verður m.a. um gagnlegustu streituráðin, H-in 4, og lykilinn að árangursríkri streitu- og vellíðunarstjórnun.

Tilgangur fræðslunnar er að þátttakandi geti eftirleiðis verið sinn eigin ,,Orkumálaráðherra“ með því að ná tökum á streitustigi, tilfinningum og viðhorfi til viðfangsefna lífsins á uppbyggilegan hátt. Kennt verður á Streitukortið og hvernig megi gera einstaklingsbundna streituvarnaráætlun til framtíðar.

Lífið snýst ekki um að bíða eftir því að storminn lægi, heldur um það að læra að dansa í rigningunni…

Fyrirlesari: Aldís Arna Tryggvadóttir, ACC vottaður markþjálfi og streituráðgjafi hjá Heilsuvernd og Streituskólanum

Aldís Arna starfar sem fyrirlesari, streituráðgjafi og markþjálfi einstaklinga og teyma. Fræðsluerindin lúta einkum að markmiðasetningu í lífi, leik og starfi, heilbrigði (heildræn heilsa), jafnvægi (streituvarnir), hamingju og sátt. Hún heldur reglulega námskeið í valdeflingu og streituvörnum, skrifar streituráð og greinar á fréttamiðlum Heilsuverndar.

Nánari upplýsingar um fyrirlesara: Aldís Arna

Fannst þér efnið á síðunni hjálplegt?