*English below

Við bjóðum ykkur velkomin á næsta fræðslufund faghóps Stjórnvísi um verkefnastjórnun, sem verður haldinn þriðjudaginn 10. mars, bæði á Teams og í húsakynnum Isavia, Dalshrauni 3 (1. hæð) í Hafnarfirði. Umfjöllunarefnið eru tengsl viðskiptastefnu Isavia á Keflavíkurflugvelli við fasteigna- og uppbyggingaráætlun flugvallarasvæðisins. Fyrirlesarar eru þeir Brynjar Vatnsdal, forstöðumaður þróunar hjá Isavia ohf. og James Forsey, ráðgjafi hjá Mace group. 

Dagskrá:

Húsið opnar kl. 8:30, boðið verður upp á kaffi og léttan morgunverð.

Klukkan 9-10 verður síðan eftirfarandi dagskrá:

1. Opnun og kynning á faghópi verkefnastjórnunar hjá Stjórnvísi (Gísli Rafn Guðmundsson)
2. Kynning á þróunaráætlun Keflavíkurflugvallar (Brynjar Vatnsdal)
3. Framkvæmd viðskiptastefnu í fasteigna- og uppbyggingaráætlun (James Forsey) 
4. Yfirlit yfir verkfæri verkefnastjórnunar og forgangsröðunarlíkan fjárfestingarverkefna (James Forsey)
5. Spurningar og umræður

Athugið að hluti erindanna fer fram á ensku. 

Linkur á Teams:

https://teams.microsoft.com/meet/38996838712076?p=sLDeYVwLumHArlYetR 

English:

We are pleased to invite you to the next seminar of the Project Management Group at Stjórnvísi, which will be held on Tuesday, March 10, both on Teams and at Isavia’s premises at Dalshraun 3, first floor in Hafnarfjörður.

The session will focus on the connection between Isavia’s business strategy at Keflavík Airport and the airport area’s real estate and infrastructure development plan.

Speakers will be Brynjar Vatnsdal, Director of Development at Isavia ohf., and James Forsey, Associate Director and Consultant at Mace Group. 

Agenda 

The venue opens at 8:30 a.m., with coffee and a light breakfast served.

From 9:00–10:00 a.m., the program will be as follows:

1. Opening remarks and introduction to the Project Management Special Interest Group at Stjórnvísi (Gísli Rafn Guðmundsson)

2. Presentation of the Keflavík Airport development and Masterplan (Brynjar Vatnsdal)

3. Implementation of the business strategy within the development plan (James Forsey)

4. Overview of project management tools and the investment project prioritization/affordability model (James Forsey)

5. Questions and discussion

Please note that part of the presentations will be delivered in English.

Teams link:

https://teams.microsoft.com/meet/38996838712076?p=sLDeYVwLumHArlYetR

Linkur á fund hér

Hvernig markþjálfun getur nýst í mannauðsstjórnun

Verkefni stjórnenda og starfsfólks sem starfa við mannauðsstjórnun eru mjög fjölbreytt eftir stærð og gerð þeirra fyrirtækja og stofnana sem starfað er í. Mjög stór hluti af verkefnum mannauðs er stuðningur af ýmsu tagi við stjórnendur og starfsfólk.

Oft þarf að meta eftir eðli samtala hvort viðkomandi aðili þarf að fá ráðleggingu, hlustun eða leiðbeiningar. Til þess að geta komist sem best á móts við þarfir stjórnenda þarf mannauðsaðilinn að geta hlustað og skilið hvað verið er að biðja um.

Eitt af aðal einkennum markþjálfunar er að hlusta og heyra hvað er sagt og ekki bara á þau orð sem sögð eru, heldur líka þau sem ekki eru sögð og hvernig líkamstjáning er notuð. Kynnt verður 3 stig hlustunar og farið verður yfir þann ávinning sem stjórnendur og þeir sem starfa í mannauðsmálefni geta fengið með því nýta sér hlustun á öllum þremur stigunum.

Fyrirlesari:

Anna María hefur innsýn í fjölbreytt fyrirtækjaumhverfi bæði hérlendis og erlendis, þar sem hún hefur starfað sem mannauðsstjóri í yfir 20 ár hjá fyrirtækjum í ýmsum greinum atvinnulífsins, rekið eigið fyrirtæki með stjórnendaþjálfun, námskeið og fyrirlestra m.a. tengda verkfærum markþjálfunar. Hún starfar nú sem mannauðsráðgjafi hjá 2.stærsta sveitarfélagi landsins Kópavogsbæ, þar sem hún sinnir m.a. Verkefnastjórnun í innleiðingum ásamt ráðgjöf og aðstoð stjórnenda við ýmis mannauðsmálefni. Frá því Anna María lærði Markþjálfun árið 2006 hefur hún nýtt sér aðferðafræðina í starfi, er með virka PCC vottun frá alþjóðasamtökum ICF. Hún er jafnframt ein af stofnendum ICF Ísland, þar sem Anna María gegndi m.a. bæði varamennsku og formennsku félagsins ásamt því að hafa setið í stjórn ICF Norge. Anna María er með executive MBA gráðu frá Háskólanum í Reykjavík.

Áhugamál Önnu Maríu er almenn útivist og þá helst: fjallgöngur, fjallahjól, blómarækt, fluguveiði og skíði.

Fundarstaður og tími: Bæjarskrifstofur Kópavogs Digranesvegi 1. Fimmtudaginn 12.mars Kl.9:00-10:00, fundarherbergi Holtið og á Teams.

Linkur á teams fund hér

Á örfáum árum hefur Wolt umbreytt því hvernig við verslum og nálgumst þjónustu. En hvað liggur að baki þessum hraða vexti og hvernig er slíkt rekstrarmódel byggt upp á litlum markaði?

Á viðburðinum fer Jóhann Már Helgason yfir uppbyggingu og þróun Wolt á Íslandi og veitir innsýn í hvernig stafrænn vettvangur tengir saman neytendur, fyrirtæki og sjálfstæða verktaka í einu samhæfðu vistkerfi. Hann fjallar um hvernig viðskiptamódelið hefur þróast í takt við tækninýjungar sem gera mögulegt að afhenda vörur og þjónustu innan við 40 mínútum frá pöntun.

Jóhann ræðir jafnframt hvernig tæknin hefur breytt væntingum neytenda, þar sem hraði, þægindi og aðgengi eru orðin lykilforsendur, og hvernig þessi þróun er að móta bæði verslun, þjónustu og vinnumarkað framtíðarinnar.

Jóhann Már Helgason er forstöðumaður Viðskiptaþróunar hjá Wolt og æðsti stjórnandi fyrirtækisins á Íslandi. Hann hefur yfir áratugs reynslu af stjórnun og rekstri og hefur leitt vöxt og markaðsuppbyggingu Wolt á íslenskum markaði.

Jóhann er með BA-gráðu í stjórnmálafræði og MBA frá Háskólanum í Reykjavík. Hann býr yfir víðtækri reynslu af stefnumótun og uppbyggingu í hratt breytilegu rekstrarumhverfi.

Faghópur markþjálfunar vekur athygli á vinnustofu á vegum ICF Iceland félagi markþjálfa á Íslandi.

Skráning hér 

Þann 14. mars kemur Dr. Claire Dale, PCC markþjálfi og stofnandi The Physical Intelligence® Institute, til Íslands og leiðir hálfs dags verklega vinnustofu um hvernig líkaminn getur orðið eitt áhrifamesta verkfærið í þegar unnið er með fólki að árangri og vexti.

Claire hefur yfir 20 ára reynslu á sviði leiðtogaþjálfunar og hefur starfað með alþjóðlegum fyrirtækjum á borð við Google, Shell og JP Morgan. Hún kemur nú í fyrsta sinn til Íslands.

Á vinnustofunni skoðum við hvernig hægt er að vinna markvisst með:

• sjálfstraust og innra öryggi
• mótstöðu og óvissu
• ákvarðanatöku og skýrleika
• og hvernig festa má nýja hegðun í sessi

Rannsóknir í embodied neuroscience sýna að breytingar verða dýpri og varanlegri þegar líkaminn er hluti af vinnunni en hún einskorðast ekki bara við hugsun og greiningu.

Þú færð hagnýt verkfæri sem þú getur notað strax í þínum samtölum, hvort sem þau fela í sér markþjálfun eða annars konar vinnu með fólki.

Skráning hér

Húsnæði og velferð – mikilvægi algildrar hönnunar

Nánari lýsing væntanleg 9. mars.

Framtíð sjálfbærnireikningsskila

Undir lok ársins 2025 slakaði Evrópusambandið verulega á kröfum um hvaða fyrirtæki þurfi að gera opinberlega grein fyrir sjálfbærni starfseminnar og hversu ítarlegar upplýsingar þurfi að láta í té. Samþykkt lagabandorms – Omnibus – á Evrópuþinginu í desember er hluti átaks ESB til að minnka skriffinnsku og efla samkeppnishæfni fyrirtækja en var umdeild.

Hvað mun þetta þýða fyrir íslensk fyrirtæki og hver verða áhrifin á umhverfi, loftslag, samfélög og stjórnarhætti?

Faghópur Stjórnvísi um Sjálfbæra þróun, loftslagsmál og umhverfi býður til opins fundar
miðvikudaginn 18. mars kl. 8:30 – 10:00 í húsnæði Orkuveitunnar við Bæjarháls 1 í Reykjavík.

Framsögu hafa Halldór I. Pálsson, sérfræðingur á ársreikningaskrá Skattsins og Steina Dröfn Snorradóttir, lögg. endurskoðandi og meðeigandi hjá Deloitte.

Fundarstjóri verður Eiríkur Hjálmarsson, sjálfbærnistjóri Orkuveitunnar og formaður faghóps Stjórnvísi um sjálfbæra þróun.

Hægt verður að fylgjast með fundinum á Teams.

Hlökkum til að sjá sem flesta,
Faghópur Sjálfbæra þróun, loftslagsmál og umhverfi

Sálrænt öryggi er hugtak sem flestir stjórnendur þekkja, vita að skiptir máli til að ná árangri en fáir geta svarað hvernig þau vinna með það í sínum teymum.  Þessi fundur snýst um hagnýta nálgun á sálrænu öryggi og fjallar ekki aðeins um hvað það er heldur einnig hvernig stjórnendur geta unnið markvisst að því að byggja það upp og viðhalda í teymum. 

Uppbygging fundarins:

• Hvaða merki hefur þú séð frá þínum teymum um að sálrænt öryggi sé lágt?
• Nefndu dæmi um það sem hefur raunverulega virkað til að byggja upp öryggi?
• Hvaða mistök hefurðu gert sem þú myndir ekki endurtaka?

• Magnús Haukur Ásgeirsson, Þjónustumenning, forsendur og ávinningur: Magnús er aðjúnkt við Háskóla Íslands og hefur áralanga reynslu af rekstri og stjórnun þjónustufyrirtækja. Í fyrirlestrinum fjallar hann um tilurð þjónustumenningar, hvernig slík menning myndast og hvernig skilgreiningar á henni hafa þróast. Einnig verður sýnt hvernig markviss uppbygging þjónustumenningar getur skilað betri frammistöðu, ánægðara starfsfólki, sterkari þjónustuupplifun gesta og auknum þjónustugæðum.
• Anna Margrét Steingrímsdóttir, Þjónustumenning – áhrifaþáttur í árangri: Anna Margrét er framkvæmdastjóri Félags viðskipta- og hagfræðinga og fjallar í erindi sínu um hvernig þjónustumenning mótar árangur skipulagsheilda og hvernig innri markaðssetning spilar lykilhlutverk. Sjónum verður beint að því hvernig stjórnendur geta markvisst byggt upp menningu sem styður við jákvæða þjónustuhegðun sem skilar sér í aukinni starfsánægju og árangri.
• Andri Geirsson, Að gera þjónustu áþreifanlega: Andri er teymisstjóri þjónustuhönnunar hjá þjónustu- og nýsköpunarsviði Reykjavíkurborgar. Í erindi sínu fjallar hann um hvað þjónusta er og hvernig hægt er að setja hana fram með myndrænum hætti. Dregið er fram af hverju þjónustumenning skiptir máli og hvernig hægt er að bjóða notendum „upp í dans.“
• Guðrún Finnsdóttir, Hvort kom á undan, kúltúrinn eða þjónustan? Guðrún leiðir kúltúr og fræðslumál hjá Nova. Í erindi sínu fer hún beint í kjarnann; fólk, liðsheild og þau ósýnilegu öfl sem skapa upplifun. Undirstrikar að áður en viðskiptavinurinn upplifir þjónustu, upplifir starfsfólkið vinnustaðinn.

Til að vera leiðtogar í okkar lífi og leiða aðra þurfum við fyrst að dýpka eigin sjálfsvitund. Að þekkja okkar gildi og lifa í samræmi við þau daglega er fyrsta skrefið á þeirri vegferð.

Á þessari vinnustofu veita Bryndís og Lára Kristín þátttakendum tækifæri til að kortleggja eigin kjarnagildi og íhuga hvernig þeir geta lifað meira í samræmi við þau. Kjarnagildi þjónandi leiðtoga verða kynnt og þar geta þátttakendur sótt innblástur til frekari vaxtar ef það höfðar til þeirra. Samhliða þessari vinnu kjörnum við okkur og tengjumst okkar ásetning í gegnum stuttar leiddar hugleiðslur. Tilvalinn tímapunktur í upphafi árs til að rýna í innri vinnu leiðtogans.

Þessi vinnustofa er fyrir alla sem vilja fá innsýn í þjónandi forystu og leggja meiri áherslu á hvernig við getum lifað í takt við okkar eigin gildi í lífi og starfi.

ATH. Vinnustofan hefst á núvitundargöngu og leik í náttúrunni í Guðmundarlundi til að jarðtengja okkur fyrir vinnustofuna. Mætið því vel búin og tímanlega.

Hvað annað þarftu að taka með? Stílabók, penna og opinn hug.

Bryndís Skarphéðinsdóttir er með bakgrunn í alþjóðlegum lífsstíls-og heilsufræðum og fór í MSc nám í vinnusálfræði, eftir að hafa stundað hugleiðslu-og jóga nidra kennaranám á Indlandi. Síðustu ár hefur hún starfað sem sérfræðingur hjá Fræðslumiðstöð atvinnulífsins, innan Norræna tengslanets um nám fullorðinna og í Hæfnisetri ferðaþjónustunnar. Bryndís er útskrifaður markþjálfi frá VIRKJA og hugleiðslukennari frá Yoga Essence á Indlandi.

Lára Kristín Skúladóttir er sjálfstætt starfandi lóðs og leiðtogaþjálfi en starfaði áður sem stjórnunarráðgjafi, markþjálfi og Lean sérfræðingur hjá VÍS, í gæðamálum hjá Arion banka og sem stjórnunarráðgjafi hjá ParX. Hún er með MSc gráðu í alþjóðastjórnun og markaðsfræði frá Copenhagen Business School og er markþjálfi frá Evolvia og VIRKJA.

Hlökkum til að sjá sem flesta.
Faghópur um breytingastjórnun

Hefur þú mætt staðalímyndum um eldra fólk í sjónvarpsþáttum, fréttum, samfélagsmiðlum, kvikmyndum eða hönnun og tísku? Saman könnum við hvernig hægt er að umbreyta hugmyndum um „of ungt“ og „of gamalt“ í samtal um hæfni, þátttöku og möguleika. Veltum fyrir okkur hvernig tækni getur stutt við baráttuna gegn aldursfordómum og hverjir drifkraftar aldursfordóma eru í samfélaginu

Hér býðst einstakt tækifærir fyrir fólk á öllum aldri til að deila reynslu, læra hvert af öðru og efla framtíðarlæsi. Mótum í sameinignu Framtíðarsamfélag án aldursfordóma / Future Society without Ageism. Um er að ræða tvær vinnustofur milli: kl. 14:00-14:45 og kl. 15:00-15:45
Þátttaka ókeypis.

Vinnustofan fer fram á Framtíðarfestivali Borgarbókasafnsins og er samstarfsverkefni Framtíðarseturs Íslands og þekkingarmiðstöðvarinnar Farsæl öldrun og er hluti af verkefninu Northern Futures Hub stýrðu af félagasamtökunum Folke í Tromsö með styrk frá Nordisk Atlantsamarbejde - NORA

Frekari upplýsingar:

Dögg Sigmasdóttir
dogg@openspaceslab.com

Hildur Jóna og Magga Dóra munu leitast við að svara spurningunni; hvaða áhrif hefur vinnurými á hegðun, líðan og frammistöðu og hvaða hugbúnaður fellur undir vinnuverndarlöggjöf.

Hildur Jóna hjá HumanAtWork ehf. fjallar um hvernig vinnurými hafa áhrif á hegðun, líðan og frammistöðu starfsfólks. Erindið byggir á rannsóknum í umhverfissálfræði og fjallar meðal annars um áhrif opinna rýma, skipulags og aðstæðna í vinnuumhverfi. Markmiðið er að auka skilning á þörfum fólks í vinnu og hvernig hönnun vinnurýma getur stutt ólíkar þarfir og haft þannig áhrif á frammistöðu starfsfólks.
Magga Dóra hefur unnið við hugbúnaðargerð síðan fyrir aldamót. Hún er með bakgrunn í sálfræði og tölvunarfræði og hefur unnið fyrir fyrirtæki af öllum stærðum og gerðum hérlendis sem erlendis. Hún er stofnandi og eigandi Mennskrar ráðgjafar og finnst að tæknin eigi að vera mennsk.

Vinnuumhverfi er að verða stafrænt að meira og minna leyti. Jafnvel starfsfólk sem situr ekki við tölvu allan daginn (iðnaðarmenn, skurðlæknar, kennarar) þarf að nota ýmiskonar hugbúnað til að halda utan um sín störf. Þrátt fyrir að gerðar séu ríkar kröfur til vinnuumhverfis fólks (hávaðastig, lýsingarstig, öryggi tækja og svo framvegis) er ekki gerð nein vinnuvistfræðileg krafa til hugbúnaðar. Þetta veldur því að mikið af fólki þarf að glíma við ónotendavænan hugbúnað sem beinlínis skapar vinnu og flækir störf. Þetta veldur streitu sem getur verið áhrifaþáttur fyrir kulnun. Hvað getum við gert?

Haldið í samstarfi við Vinnís.  

Hér er linkur á fundinn.

 https://teams.microsoft.com/meet/34729025176542?p=f0GqnP7dXsy6BNtdBe

Þann 1. mars verður haldinn World Futures Day í 13. sinn. Um er að ræða 24 tíma netsamtal þar sem fólk um allan heim ræðir mögulega framtíð mannkyns.

Viðburðurinn hefst kl. 12 á hádegi að nýsjálenskum tíma og lýkur 24 klukkustundum síðar á Hawaii.

Athugið þá er klukkan 23:00 að kveldi 28 febrúar hér heima 😊

Hægt er að taka þátt hvenær sem er á meðan á viðburðinum stendur.

Framtíðarfræðingar og aðrir hugsuðir ræða meðal annars:

• Hvernig núverandi þróun gæti mótað framtíðina
• Nýjar uppfinningar og tækniframfarir
• Mismunandi framtíðarsviðsmyndir og áhrif þeirra

Samtalið er opið og óformlegt. Engin föst dagskrá er fyrir hendi og þátttakendur geta komið og farið að vild. Chatham House-reglan gildir, sem þýðir að ekki má rekja ummæli til einstaklinga.

Að viðburðinum standa The Millennium Project ásamt fimm alþjóðlegum félögum á sviði framtíðarfræða..

Í ár verður Vint Cerf, einn af frumkvöðlum internetsins, meðal þátttakenda.

Á fyrri árum hafa umræðurnar til dæmis snúist um:

• Gervigreind
• Loftslagsbreytingar
• Framtíð vinnunnar
• Lýðræði framtíðarinnar
• Líf í geimnum

Hver veit hvaða spennandi hugmyndir verða ræddar í ár?

Athugið: Allir þurfa að skrá sig sérstaklega og ekki má deila fundartenglinum með öðrum.

https://us02web.zoom.us/meeting/register/y2IYg5T2SZiTojaXo_x94Q#/registration

Smelltu hér til að tengjast fundinum.

Hilja Guðmunds býður ykkur að kveðja burt árleg starfsmannasamtöl, "opnu hurðina”, krísustjórnun, “eina könnun á ári" og starfsmannafríðindin. Ekki af nostalgíu heldur af nauðsyn. Þegar mannauðsmál og rekstur snúast fyrst og fremst um viðbrögð þá erum við alltaf of sein. Erindið fjallar um færsluna frá krísustjórnun og táknrænum aðgerðum yfir í gagnadrifnar forvarnir, snemmtæk samtöl og kerfisbundna nálgun sem styður bæði fólk og rekstur.

Hilja Guðmunds er bláeygð, rétthent sveitastelpa og er einn eiganda hjá Mental ráðgjöf. Hilja er sérfræðingur þeirra í mannauðsstjórnun og vinnusálfræði og hefur þjálfað og handleitt um 1000 stjórnendur í viðverustjórnun, samtals"takti" og stjórnun. 

Kári Þór fer yfir niðurstöður glænýrrar könnunar sem skoðaði stöðu CX (customer experience) á Íslandi, þar sem yfir 150 sérfræðingar sem starfa við CX á Íslandi tóku þátt. Skýrslan dregur fram í sviðsljósið viðhorf sérfræðinga sem og stjórnenda, mikilvægi CX mála innan fyrirtækja og möguleg sóknartækifæri. Að auki kemur Kári inn á mikilvægi þess að huga að CX málum með markvissum og gagnadrifnum hætti, bæði til aðgreiningar við önnur fyrirtæki sem og til að ná forskoti á samkeppnismarkaði.

Ágústa Hrund, frá Samskipum, deilir með áheyrendum hvernig Samskip setja áherslu á ánægju og upplifun viðskiptavina í sínu starfi og hvernig það spilar hlutverk í Better Samskip hugmyndafræðinni innanhúss.

Fyrirlesarar:

Kári Þór Rúnarsson, stofnandi Brilliant.is

Ágústa Hrund Steinarsdóttir, forstöðumaður markaðs- og samskiptadeildar Samskipa

Viðburðurinn fer fram í húsakynnum Opna háskólans í HR, stofa M216 á 2. hæð.