Í þessari kynningu segjum við frá Afleggjaranum, nýsköpunarhraðli Reykjavíkurborgar, þar sem starfsfólk fær tækifæri til að stíga út úr daglegum verkefnum og vinna markvisst að áskorunum í þjónustu borgarinnar með aðferðum þjónustuhönnunar.

Við förum yfir hvernig hugmyndin að Afleggjaranum kviknaði og hvernig reynsla úr fyrri þróunar- og nýsköpunarverkefnum lagði grunninn að þeirri nálgun sem notuð er í dag.

Þátttakendur fá líka að líta á bak við tjöldin. Við segjum frá því hvernig við hönnum ekki aðeins ferli og vinnustofur heldur heildstæða upplifun fyrir þátttakendur. Hvaða áhrif hafa rýmið, umgjörðin, menningin og leiðin sem fólk vinnur saman á sköpunarkraft, samstarf og árangur? Og hvað gerist þegar starfsfólki er gefinn tími, traust og réttu verkfærin til að takast á við áskoranir á nýjan hátt?

Að lokum skoðum við nokkur verkefni sem hafa farið í gegnum Afleggjarann, hvað hefur sprottið upp úr þeim og hvaða lærdóm við höfum dregið af vegferðinni hingað til.

Um fyrirlesara

Eva Jakobsdóttir, þjónustuhönnuður, og Valý Þórsteinsdóttir, sérfræðingur í þjónustuupplifun, starfa á þjónustu- og nýsköpunarsviði Reykjavíkurborgar. Þær vinna að þróun og umbótum á þjónustu borgarinnar með aðferðum þjónustuhönnunar, leiða Afleggjarann í sameiningu og styðja við innleiðingu þjónustustefnu Reykjavíkurborgar. Í starfi sínu leggja þær áherslu á að þróa þjónustu út frá þörfum og upplifun þeirra sem nota hana, jafnt íbúa sem starfsfólks.

Viðburðurinn fer fram í Háskólanum í Reykjavík í stofu M220. Honum verður ekki streymt. 

Nóg af bílastæðum 

Hlökkum til að sjá ykkur 

Framtíðarsýn AGR er að leiða þróunina í átt að snjallari aðfangakeðjum um allan heim. En hvernig birtist sú sýn í daglegum innkaupum og vörustýringu?

Finnur og Elva hjá AGR kynna hvernig gervigreind í lausnum fyrirtækisins hjálpar notendum að greina gögn, sjá tækifæri og ákveða næstu skref. Sýnd verða hagnýt dæmi um hvernig viðskiptavinir nýta lausnirnar, meðal annars til að spyrja spurninga um eigin gögn á mannamáli og fá svör sem styðja við ákvarðanatöku.

Að lokum verður horft til framtíðar, þar sem aukin tenging milli fyrirtækja og birgja skapar tækifæri til að gera aðfangakeðjuna í heild snjallari.

Kynningin tekur um 35 mínútur og að henni lokinni verður tími fyrir spurningar og umræður."

Vinsamlega athugið að gengið inn hjá Íslandsbanka í Smáralind.

Á málstofunni verður farið yfir svokallaðar “future backward” sviðsmyndagerð. Farið verður yfir tvær slíkar greinar skrifaðar af höfundi, aðferðafræðina, uppbygginguna og afraskturinn. Önnur þessarra greina eru um Íslands sem var skrifuð 2000 og spáði fyrir um hrunið 2008 og hin um Kuwait og birtist í Journal of Sustainabitliy 2023.

Vefslóðin er hér

Um Höfundinn: Dr. Andri Ottesen er bústettur í Kúvæt þar sem hann var yfirmaður viðskiptaþróunar hjá Tebyan Group sem eru í eigu Konungsfjölskyldunnar. Hann var áður aðstoðardeildarstjóri Stjórnunardeildar Ástralska Háskólans í Kúwait og þar áður framkvæmdastjóri Carbon Recycling International, deildarstjóri í skrifofu opinberra fjármála hjá Fjármála og efnahagsráðuneyti og framkvæmdarstjóri Klak/Startup Iceland. Hann er með doktorsgráðu frá International School of Management í Frakklandi, með Meistargráðu frá Ottaru viðskiptaskólanum í Japan og MBA frá ríkisskóla Kaliforníufylkis.

Hlekkur á Teamsviðburð

Þegar upplýsingaöryggisatvik og tengdar krísur koma upp vakna strax spurningar hjá starfsfólki, viðskiptavinum, hagaðilum og fjölmiðlum. Hvað hefur gerst, hverjir verða fyrir áhrifum og hvernig verður brugðist við? Mikið liggur við, sérstaklega þegar mikilvæg þjónusta við almenning er í húfi. Viðbrögðin geta ráðið miklu um framhaldið og traustið sem vinnustaðurinn nýtur.

Fjallað verður um fyrstu skrefin og framhaldið í samskiptum þegar upplýsingar eru enn ófullkomnar. Hver á að segja hvað, við hvern og hvenær? Hvernig sýnum við ábyrgð, gegnsæi og nærgætni án þess að lofa of miklu, fullyrða meira en við vitum eða stofna persónuvernd og öryggi í hættu?

Komið verður inn á hvernig við verndum vinnustaði og vörumerki og hvernig mögulegt er að endurbyggja traust og trúnað eftir krísur. Skoðað verður hvernig við hækkum byrðinginn og styrkjum áfallaþol vinnustaða gagnvart árásum og öryggisbrestum framtíðar.

Fundarstjóri

Jón Kristinn Ragnarsson

Framkvæmdastjóri ION Ráðgjafar, sem hjálpar fyrirtækjum og opinberum vinnustöðum að verja gögn sín með áhættumati, innri úttektum og innleiðingu stjórnkerfis upplýsingaöryggis.

Fyrirlesari

Stefán Hrafn Hagalín

Framkvæmdastjóri 1311, með yfirgripsmikla reynslu af almannatengslum og samskiptum hjá vinnustöðum á borð við OK, Advania, Odda, Landspítala, Auðkenni og HR.

Smelltu hér til að tengjast fundinum.

Hver er ábyrgð vinnustaðarins þegar kemur að heilsu starfsfólksins? Flest eyðum við miklum tíma á vinnustöðum og eru þeir því tilvalinn vettvangur til að styðja við heilsusamlega hegðun. 

Á þessum viðburði sem fer fram að hluta til fram á ensku heyrum við frá þeim Hildu Barrett, sem hefur nýlega gefið út bókina "Life Prescriptions: Feel better - Live longer - Enjoy more", og Dr. Katrínu Ýr Friðgeirsdóttur sem er lektor í íþróttafræði við Háskólann í Reykjavík.

Nánar um erindin

Hlekkur inn á viðburðina

Fjallað verður um möguleika í íslenskukennslu á vinnustöðum landsins. Bara Tala og Liberis fræðslumiðstöð ætla að koma með innlegg inn í umræðuna. 

Tungumálið er meira en samskiptatæki – það er lykill að þátttöku, inngildingu og tilfinningunni fyrir því að tilheyra. En hvernig geta vinnustaðir skapað umhverfi þar sem íslenskunám verður eðlilegur hluti af vinnudeginum og starfsfólk fær raunveruleg tækifæri til að nota tungumálið?

Í fyrirlestrinum verður fjallað um hvernig hægt er að byggja upp námssamfélag á vinnustað þar sem íslenskunám, dagleg samskipti og stuðningur samstarfsfólks fara saman. Með hagnýtum dæmum úr starfi Bara tala verður sýnt hvernig stafræn tækni, starfstengt tungumálanám og virk þátttaka vinnustaðarins geta stuðlað að auknu málöryggi, sterkari liðsheild og aukinni tilfinningu starfsfólks fyrir því að tilheyra – bæði á vinnustaðnum og í íslensku samfélagi.

Joanna Dominiczak, fræðslustjóri hjá BARATALA mun færa erindið. 

Íslenskukennsla með starfstengdum orðaforða 

Í kynningunni verður starfsemi Liberis Fræðslumiðstöðvar kynnt með sérstakri áherslu á fyrirtækjalausnir og íslenskukennslu á vinnustöðum. Fjallað verður um hvernig námið tekur mið af þörfum starfsfólks, tungumálakunnáttu þess og þeim samskiptum sem það tekst á við í daglegu starfi.

https://teams.microsoft.com/meet/3893375968863203?p=REO0hkEcWNvIPeh9Mg

Ákvarðanir um opinberar fjárfestingar móta þjónustu og binda fjármuni til áratuga. Samt berast reglulega fréttir af verkefnum þar sem áætlanir um kostnað, tíma og ávinning standast ekki. Hvað veldur þessu — og hvað má læra af því?

Óli Örn Eiríksson fjallar um orsakir framúrkeyrslu og kynnir vinnu við nýja umgjörð um fjárfestingar ríkisins, en sú umgjörð nýtir nálgun faglegrar verkefnastjórnunar. Til að mynda er fjallað um að allar fjárfestingar fari í gegnum fimm stig frá tilefnisgreiningu til skilamats. Þá eru kynntar hugmyndir um þrjú ákvörðunarhlið þar sem tekin er formleg ákvörðun um framgang verkefnis áður en það heldur áfram.

Erindið tengir langtímasýn og forgangsröðun við þær ákvarðanir sem ráða framgangi einstakra verkefna: hvaða þörf á að leysa, hvaða valkostir koma til greina og hvenær eru forsendur nægilega traustar til að halda áfram? Þá verður skoðað hvernig sameiginlegur gagnagrunnur og mat á niðurstöðum geta gert reynslu fyrri verkefna að grundvelli þeirra næstu. Að lokum verður fjallað um sambærilega nálgun hjá verkefnastjórnsýslu í Noregi, og þeim árangri sem þeir hafa náð síðustu ár.

Erindið hentar stjórnendum, verkefnastjórum, ráðgjöfum og öðrum sem koma að fjárfestingum.

Um fyrirlesarann

Óli Örn Eiríksson leiðir vinnu við nýja umgjörð um fjárfestingar ríkisins í fjármála- og efnahagsráðuneytinu. Hann er viðskiptafræðingur og hefur síðastliðin 20 ár unnið að fjölbreyttum verkefnum á sviði fjárfestinga, innviða og stefnumótunar. Hann stýrði áður atvinnu- og borgarþróunarteymi Reykjavíkurborgar.

Tengill á Teams:

https://teams.microsoft.com/meet/3893375968863203?p=REO0hkEcWNvIPeh9Mg 

Faghópur Stjórnvísi um góða stjórnarhætti boðar til viðburðar 3. desember þar sem fjallað verður um nýja, 7. útgáfu leiðbeininga um stjórnarhætti fyrirtækja, alþjóðlega þróun á sviði stjórnarhátta og helstu áskoranir sem stjórnir, stjórnendur og eigendur standa frammi fyrir.

Lísbet Sigurðardóttir, Viðskiptaráði Íslands, verður meginfyrirlesari viðburðarins. Hún mun kynna 7. útgáfu leiðbeininganna, helstu breytingar frá fyrri útgáfu, forsendur endurskoðunarinnar og hvað breytingarnar þýða fyrir stjórnir, stjórnendur og aðra sem koma að stjórnarháttum fyrirtækja.

Í framhaldi verður Jeffrey Benjamin Sussman með stutt innlegg þar fjallar um þróun viðmiða og áskoranir á alþjóðavísu og ný alþjóðleg viðmið um stjórnarhætti opinbera aðila. 

Einnig verður Harpa Jónsdóttir framkvæmdastjóri Lífeyrissjóðs starfsmanna ríkisins (LSR) með innlegg þar sem sjónum verður beint að sjónarhorni langtímafjárfestis og hluthafa, meðal annars ábyrgð hluthafa, tilnefningarnefndum og stjórnarháttum í framkvæmd.

Í lokin verður opnað fyrir spurningar og umræður úr sal og streymi.

Dagskrá

Lísbet Sigurðardóttir, Viðskiptaráði Íslands 7. útgáfa leiðbeininga um stjórnarhætti fyrirtækja – helstu breytingar og áherslur

Jeffrey Benjamin Sussman: Samanburður við erlend viðmið um stjórnarhætti fyrirtækja, ný grunnviðmið IFAC um stjórnarhætti opinbera aðila, þróun og áskoranir á alþjóðavísu.

Harpa Jónsdóttir framkvæmdastjóri Lífeyrissjóðs starfsmanna ríkisins (LSR): Sjónarhorn langtímafjárfestis – tilnefningarnefndir, ábyrgð hluthafa og stjórnarhættir í framkvæmd.

Fyrirspurnir og umræður
Spurningar úr sal og streymi

Viðburðurinn verður haldinn hjá Nasdaq Iceland og jafnframt í streymi.

Tengill á fjarfund/streymi:

https://teams.microsoft.com/meet/3571089139419502?p=ildKftOVRrIQTWG1MV

Hvað ef þú gætir falið gervigreind verkefni, tengt hana við gögnin þín og látið hana aðstoða þig við vinnuna frá upphafi til enda?

Á þessum hagnýta og líflega fyrirlestri sýnir Stefán Atli Rúnarsson hvernig gervigreind er að þróast úr spjallmenni sem svarar spurningum yfir í stafrænan samstarfsmann sem getur unnið verkefni í mörgum skrefum.

Með lifandi sýnikennslu og dæmum úr daglegu starfi verður farið yfir hvernig má breyta tölvupóstum í forgangsraðað verkefnayfirlit og svör, vinna úr skjölum og töflum, túlka myndir og undirbúa fundi. Einnig verður sýnt hvernig tengingar við tölvupóst, dagatal og önnur verkfæri geta gert gervigreind að enn öflugri aðstoðarmanni.

Þátttakendur fá innsýn í gervigreindarfulltrúa sem geta framkvæmt verkefni í vöfrum og hugbúnaði og sinnt eftirfylgni milli samtala. Jafnframt verður fjallað um skýr fyrirmæli, aðgang að gögnum og hvenær mannlegt mat og samþykki þurfa að koma til. Markmiðið er að hver þátttakandi fari heim með skýra hugmynd að einu endurteknu verkefni sem hægt er að byrja að einfalda með gervigreind strax næsta dag.

Fyrirlesturinn hentar stjórnendum, verkefnastjórum og öllum þeim sem vilja spara tíma, einfalda vinnuna og nýta gervigreind markvissar í sínu starfi.

Erindið er haldið í Innvoation House, Eiðistorgi á Seltjarnarnesi fimmtudaginn 12. nóvember 2026, en einnig er í boði að mæta á streymi í gegnum fjarfund á Teams (sjá tengil hér neðst). Til að finna salinn er gengið inn á Eiðistorg við hliðina á Hagkaup, þaðan upp á 2.hæð. Beint á móti Bókasafni Seltjarnarness er opin hurð upp á 3.hæð og þar verður fundurinn.

Um fyrirlesarann
Stefán Atli Rúnarsson er fyrirlesari og ráðgjafi sem sérhæfir sig í hagnýtri notkun gervigreindar. Hann hefur kennt þúsundum Íslendinga að nýta gervigreind og haldið námskeið og fyrirlestra fyrir fjölmörg íslensk fyrirtæki og stofnanir. Stefán er menntaður viðskiptafræðingur með bakgrunn í markaðsmálum, tækni og miðlun. Hann leggur sérstaka áherslu á að gera gervigreind aðgengilega, skemmtilega og umfram allt gagnlega í daglegu starfi.

Nánari upplýsingar: https://chatgptnamskeid.is

Tengill á fjarfund/streymi:

https://teams.microsoft.com/meet/3571089139419502?p=ildKftOVRrIQTWG1MV

Faghópur Stjórnvísi um gæðastjórnun ásamt Verkefnastjórnunarfélagi Íslands (VSF) bjóða til sameiginlegs Kaffis og kafað á dýptina – lifandi morgunfundar þar sem við ætlum að skoða snertifleti gæðastjórnunar og verkefnastjórnunar. Verkefna- og gæðastjórnun eiga margt sameiginlegt, umbætur verða að verkefnum, verkefni þurfa skýr markmið og eftirfylgni, áhættur þarf að greina og stýra og lærdómur skilar litlu ef hann kemst ekki aftur inn í starfsemina.

En hvernig gerum við þetta vel í praktík?

Við ætlum ekki að eyða morgninum í langa fyrirlestra heldur kafa beint í samtalið. Sett verða upp umræðuborð með mismunandi viðfangsefnum þar sem þátttakendur velja sér það sem þeir hafa mestan áhuga á að ræða.

Umræðuefni gætu meðal annars verið:

• Umbótaverkefni – hvernig förum við frá góðri hugmynd yfir í raunverulegan og varanlegan árangur?
• Áhættustjórnun – hvað geta verkefnastjórnun og gæðastjórnun lært hvor af annarri?
• Lærdómur og þekking – hvernig tryggjum við að reynsla úr verkefnum nýtist í næsta verkefni og daglegum rekstri?
• Ferlar og verkefni – hvar tekur annað við af hinu og hvernig tryggjum við gott samspil?
• Mælingar og árangur – erum við að mæla það sem raunverulega skiptir máli?
• Fólkið, breytingar og innleiðing – hvernig tryggjum við að umbætur og verkefni lifi áfram eftir að verkefninu lýkur?

Og kannski kemur besta umræðuefnið frá þátttakendum sjálfum!

Á hverju borði verður umræðustjórnandi sem heldur utan um samtalið, en áherslan er á reynslu, spurningar, áskoranir og hugmyndir þátttakenda. Gert verður ráð fyrir að fólk geti fært sig á milli borða og þannig kafað ofan í fleiri en eitt viðfangsefni.

Í lokin tökum við stutta sameiginlega samantekt og deilum helstu lærdómum og hugmyndum frá borðunum – svo allir fari heim með aðeins meira í farteskinu en þeir komu með.

☕ Og auðvitað verða kaffi og kleinur með þessu öllu saman.

Komdu með áskorun, reynslusögu eða bara forvitni. Markmiðið er að læra hvert af öðru, tengja saman fagheima og ræða það sem virkar – og það sem mætti virka betur.

Hlökkum til að kafa á dýptina með ykkur!

Staðsetning fundarins er Engjateigur 9, kjallari

Þátttökufundur um færni og eiginleika leiðtoga framtíðarinnar 

Við fáum til liðs við okkur öfluga leiðtoga sem deila sinni persónulegu reynslu og framtíðarsýn á hvaða færniþættir verða mikilvægastir í framtíðinni í pallborðsumræðum og á vinnustofu þar sem allir þátttakendur munu leggja sitt af mörkum.

Þeir eru;

Ari Daníelsson starfar sem stjórnarformaður Skyggnis eignarhaldsfélags sem heldur utan um 15 rekstrarfélög í upplýsingatækni og stafrænum innviðum og er jafnframt starfandi stjórnarformaður Origo. Hann hefur yfir tveggja áratuga reynslu af stjórnun, fjárfestingum og umbreytingum innan upplýsingatækni og fjármálaþjónustu, bæði á Íslandi og á alþjóðlegum vettvangi.

Kristinn Hjálmarsson er framkvæmdastjóri Icelandic Sustainable Fisheries og stofnandi ráðgjafafyrirtækisins Nótera. Hann starfaði áður sem þróunarstjóri Opna háskólans hjá HR og hefur víðtæka reynslu af stefnumótun, breytingastjórnun og þróun skipulags. Kristinn starfar með stjórnendum og stjórnum við að móta framtíðarsýn og hrinda henni í framkvæmd og hefur sérstakan áhuga á því hvernig forysta, lærdómur og tækni móta framtíð vinnunnar.

María Fjóla Harðardóttir hefur starfað sem stjórnandi/leiðtogi í heilbrigðisþjónustu í yfir 20 ár, nú síðast sem forstjóri Hrafnistuheimilanna þar sem starfa um 2000 starfsmenn á 7 starfsstöðum. María var fyrsta konan til að gegna embætti forstjóra í sögu Hrafnistu. Hún starfaði einnig sem stjórnarformaður Samtaka fyrirtækja í velferðarþjónustu sem þjónustar yfir 50 fyrirtæki. Árið 2021 hlaut hún Viðurkenningu Félags kvenna í atvinnulífinu (FKA) fyrir stjórnunarstörf sín.

Selma Svavarsdóttir er forstöðumaður nýsköpunar hjá Landsvirkjun og hefur fjölbreytta reynslu af stjórnun, rekstri og breytingum. Hún starfaði áður í fjármálageiranum og hefur síðan gegnt fjölbreyttum stjórnunarhlutverkum hjá Landsvirkjun. Hún hefur leitt ólík teymi og breytingar í stórri og fjölbreyttri starfsemi og leiðir í dag nýsköpun hjá Landsvirkjun.

Á vinnustofunni heyrum við persónulegar reynslusögur frá fólki sem leiðir, skapar og starfar mitt í breytingum.

Sögurnar verða kveikja að sameiginlegri rannsókn þar sem við:

• lesum í breytingarnar sem þegar eru að eiga sér stað og munu móta framtíðina
• skoðum hvaða færniþætti þessar breytingar munu kalla á
• ögrum viðteknum hugmyndum um forystufærni 
• drögum fram þá færni sem líklegt er að skipti mestu máli
• speglum eigin styrkleika og tækifæri til vaxtar

Markmið:

Að virkja framtíðarlæsi okkar og móta saman vegvísi með hugmyndum af forystufærni sem framtíðin mun mögulega kalla á. Markmiðið er að viðburðurinn veiti innblástur, skýrari sýn og meðvitund um hvað við getum byrjað á að efla hjá okkur sjálfum.

Hlekkur á viðburð

Faghópur Stjórnvísi um „stefnumótun og árangursmat“ býður til viðburðar í samstarfi við forsætisráðuneyti þar sem Sveinbjörn Finnsson, aðstoðarmaður ríkisstjórnar, fjallar um mótun atvinnustefnu Íslands, eftirfylgni og mat á árangri í framkvæmd.

Dagskrá:

Davíð Lúðvíksson, Rekstrarverkfræðingur, um faghópinn og mikilvægi stefnu og árangursmælinga í uppbyggingu atvinnulífs.

Sveinbjörn Finnsson, aðstoðarmaður ríkisstjórnar, fjallar um mótun atvinnustefnu Íslands, eftirfylgni og mat á árangri í framkvæmd. Þá fer Sveinbjörn yfir fyrstu samantekt á stöðu innleiðingar atvinnustefnunnar.

Að erindinu loknu verður opnað fyrir spurningar og samtal þátttakenda undir stjórn fundarstjóra. Bjarki/Rósbjörg

Viðburðurinn er kjörið tækifæri til að skiptast á reynslu og mynda tengsl aðila sem koma að stefnumótunarstarfi, eftirfylgni og árangursmati áhersluverkefna.

https://www.stjornarradid.is/verkefni/atvinnuvegir/atvinnustefna-islands/

Hlekkur á fundinn
Hvað þarf til að rýni stjórnenda skili skýrum niðurstöðum og umbótum? Hvernig fáum við
stjórnendur til að taka virkan þátt og fylgja ákvörðunum eftir?

Faghópur Stjórnvísi um gæðastjórnun og ISO staðla býður til viðburðar um rýni stjórnenda. Við
tengjum kröfur ISO 9001 við reynslu úr rekstri og skoðum hvernig rýnin getur orðið gagnlegur hluti
af stjórnun fyrirtækis.

Gná Guðjónsdóttir, framkvæmdastjóri Versa Vottunar og reynslumikill úttektarstjóri, fjallar um
hvernig árangursríkast er að halda rýni stjórnenda. Rýnin á að gera æðstu stjórnendum kleift að
stíga skref til baka og skoða skipulagsheildina og stjórnunarkerfi hennar úr fjarlægð, meta hversu
vel hún starfar og ákvarða hvar þarf að breyta eða bæta.

Einar Bjarnason, gæða- og verkefnastjóri Límtré Vírnets, segir frá þróun rýninnar hjá fyrirtækinu
og lærdómnum á leiðinni. Hvernig hefur skilningur stjórnenda aukist? Hvað hefur þurft að laga og
hvernig hafa ábendingar úr úttektum hjálpað til?
Einar sýnir raunveruleg dæmi úr undirbúningi, greiningum og samantekt niðurstaðna. Hann ræðir hvernig gögnin tengjast ákvörðunum, ábyrgð og eftirfylgni. Reynslusaga um innleiðingu með nokkrum löngum krókaleiðum, þar sem eyðublaðið var
stundum betur undirbúið en fundarmenn!

Viðburðurinn er ætlaður gæðastjórum, stjórnendum og öðru áhugafólki um gæðastjórnun, bæði
þeim sem eru að hefja innleiðingu og þeim sem vilja þróa rýnina áfram.

Fundurinn verður tekinn upp