Fréttir og pistlar

Um Landsnet
Landsnet hf. var stofnað á grundvelli raforkulaga sem samþykkt voru á Alþingi á vormánuðum 2003. Hlutverk fyrirtækisins er að annast flutning raforku og stjórnun raforkukerfisins.
Raforkumarkaður
Landsnet starfar samkvæmt sérleyfi. Starfsemin er háð opinberu eftirliti Orkustofnunar sem jafnframt ákvarðar þann tekjuramma sem gjaldskrá fyrirtækisins miðast við.
Stjórn Landsnets skal vera sjálfstæð gagnvart öðrum fyrirtækjum sem stunda vinnslu, dreifingu eða sölu raforku. Fyrirtækið má einungis stunda starfsemi sem er nauðsynleg til að það geti rækt þær skyldur sem því eru lagðar á herðar lögum samkvæmt.
Landsneti er heimilt að reka raforkumarkað og er stefnt að því að hefja starfrækslu slíks markaðar.
Með raforkulögunum var Landsneti jafnframt falið að gefa út vottorð sem staðfesta að raforka sé framleidd með endurnýjanlegum orkugjöfum.

Um ALP bílaleigu
ALP bílaleiga er umboðsaðili AVIS og Budget og ein af stærstu bílaleigum landsins með yfir 1100 bíla í rekstri á hánnatíma. Hjá Alp starfa tæplega 60 manns en allt að 90 manns þegar mest er og rekur fyrirtækið 8 leigustöðvar. Stærstu viðskiptavinahópar Alp eru erlendir ferðamenn en fyrirtækið þjónustar einnig Íslendinga og íslensk fyrirtæki bæði erlendis og á Íslandi. AVIS og Budget International starfa í 160 löndum.
Fyrirtækið rekur tvær heimasíður: www.avis.is og www.budget.is
 

Um Alcoa
Á heimsvísu er Alcoa leiðandi framleiðandi og stjórnandi á sviði hrááls, unnins áls og súráls gegnum virka og vaxandi stöðu sína á öllum helstu sviðum atvinnugreinarinnar.
Alcoa þjónustar markaði á sviði geimferða, bifreiða, umbúða, bygginga- og mannvirkjagerðar, flutningaviðskipta og iðnaðar og færir viðskiptavinum sínum hönnun, verkfræði, framleiðslu og annað það sem fyrirtækið er fært um.
Hjá fyrirtækinu starfa 59.000 starfsmenn í 31 löndum og hefur það verið útnefnt eitt af þremur sjálfbærustu fyrirtækjum heims á ráðstefnu Alþjóðlegu efnahagsstofnunarinnar í Davos í Sviss. Einnig hefur fyrirtækið verið meðlimur í sjálfbærnivísitölu Dow Jones í 7 ár í röð.
Hjá fyrirtækinu starfa 59.000 starfsmenn í 31 löndum og það hefur verið tilnefnt eitt af helstu sjálfbæru fyrirtækjunum í heiminum af Alþjóðlegu efnahagsstofnuninni (WEF) í Davos, Sviss.
Árið 2008 var 10 sinnum öruggara að vinna fyrir Alcoa en það var árið 1991.
Alcoa framleiðir mjög sjálfbæra vöru: yfir 70% af því áli sem framleitt hefur verið er enn í notkun, sem jafngildir 586 milljónum tonna af þeim 806 milljónum tonna sem framleidd hafa verið í heildina síðan 1886.
 

ALMENNT UM OKKAR LÍF

Á aðalfundi Kaupþings líftrygginga hf. sem haldinn var 20.mars sl., var samþykkt að breyta nafni félagsins í OKKAR líftryggingar hf. Félagið er eftir sem áður í eigu Arion banka hf. og stendur sem fyrr traustum fjárhagslegum fótum. Félagið er óháð öðrum vátryggingarfélögum. Samstarfsaðilar í sölu og dreifingu eru KB ráðgjöf.

Framtíðarsýn félagsins er að vera fremsta líftryggingarfélag á Íslandi. Því markmiði hyggst félagið ná með því að leggja áherslu á:
Fjárfestingu í þekkingu og tækni
Nýsköpun og frumkvæði
Framsækni og áræðni
Verðmætasköpun á nýjum viðskiptasviðum
Meginhlutverk fyrirtækisins er að veita nútíma vátryggingaþjónustu með arðsemi og hag eiganda að leiðarljósi og veita viðskiptamönnum sínum fjárhagslegt öryggi vegna sjúkdóms, örorku og andláts.
OKKAR líf hefur frá upphafi verið brautryðjandi í þróun persónutrygginga hér á landi. Sjúkdómatryggingar, reykingaafsláttur, barnatryggingar, örorkutryggingar og margs konar hóptryggingar eru meðal þess sem félagið hefur haft forystu um að kynna Íslendingum.

Starfsemi OKKAR lífs byggir á þjónustu við viðskiptavini og söluvaran er margs konar persónutryggingar sem rúmast innan laga um líftryggingastarfssemi. Nýverið hóf OKKAR líf að sinna þjónustu við fyrirtæki á markvissan hátt þar sem áhersla er lögð á ódýrar og öflugar hóptryggingar í líf- og sjúkdómatryggingum.
 

How the Mighty Fall, eftir Jim Collins, höfund Good to Great og Built to Last, er því svarað hvernig stöndug fyrirtæki geta fallið, sem og hvernig hægt er að snúa vörn í sókn. Í bókinni kynnir Jim Collins niðurstöðu margra ára rannsóknar á niðursveiflum í rekstri og skilgreinir fimm mismunandi skref hjá fyrirtækjum á niðurleið, en örlög liggja algjörlega í höndum stjórnenda þeirra.
Bókin kostar 4.990 en verð til Stjórnvísi félaga er kr. 3.890.

Pantið hér

Seven Lessons for Leading in Crisis eru nauðsynlegar ráðleggingar fyrir leiðtoga í núverandi efnahagsóstöðugleika. Bókin er eftir Bill George, höfund metsölubókarinnar True North, sem var einmitt bók mánaðarins í nóvember, og er einn af þekktustu leiðtogum í dag. Hér fjallar hann um raunveruleg og reynd ráð til að stýra fyrirtækjum, stórum og smáum, í efnhagskreppu. Hér er á ferðinni skotheldur leiðarvísir fyrir stjórnendur í mjög krefjandi umhverfi sem hvetur leiðtoga til að nýta aðstæðurnar til fullnustu og sækja fram í stað þess að sitja í vörn. Þessi fyrrverandi stjórnandi Medtronic nýtir hér reynslu sína og reynslu annarra stjórnenda í kringum sig sem hafa leitt fyrirtæki í gegnum efnahagslægðir með hreinskilnum samskiptum og skýrri framtíðarsýn. Bill George bendir leiðtogum sérstaklega á hvað þeir þurfa að bera til að verða sterkir leiðtogar og lifa af hvaða krísu sem er. Hann sjö helstu ráðleggingar innihalda það að horfast í augu við staðreyndir og byrja á sjálfum sér, ekki vannýta góða krísu og að vera framsækinn því það sé besta leiðin til að vinna markaði í dag. Seven Lessons for Leading in Crisis er neyðarbúnaður fyrir hvaða leiðtoga sem er.
Almennt verð er kr. 4.790 en til Stjórnvísi félaga kr. 3.690.
Pantið hér

Um 120 manns vinna nú hjá Nóa-Síríus og þar af liðlega 80 við framleiðslu. Fyrirtækið framleiðir fjöldan allan af sælgætistegundum af mörgum stærðum og gerðum. Á meðal framleiðsluvara fyrirtækisins er súkkulaði af ýmsu tagi undir heitinu Síríus, pokavörur með brjóstsykri, karamellum, rúsínum og fleira sælgæti undir Nóa heitinu, töflur með ýmsum bragðtegundum undir heitinu Opal og Tópas, hálsbrjóstsykur undir heitinu Háls og svo auðvitað konfekt og páskaegg. Vöruúrvalið eykst stöðugt og umbúðir og markaðsaðgerðir taka örum breytingum í samræmi við kröfur markaðarins og tækninýjungar.
Nói-Síríus hefur mest allan feril sinn verið í eigu sömu fjölskyldu, en 90% hlutafjár er nú í eigu þriggja eignarhaldsfélaga sem tengjast fjölskylduböndum. Árið 2005 lét Ingileif Bryndís Hallgrímsdóttir af stöðu stjórnarformanns eftir rúmlega fimmtíu ára setu, en núverandi stjórnarformaður er Áslaug Gunnarsdóttir.
Nói-Síríus byggir á gömlum grunni og nýtur þess í dag að hafa haft tækifæri til að vaxa með þjóðinni um langt árabil. Óheft samkeppni í vel á þriðja áratug hefur einnig hert fyrirtækið og eflt, og í dag hefur það ríka ástæðu til að líta framtíðina björtum augum.
 

Fjárstoð var stofnað árið 2001 sem sérhæft fyrirtæki í útvistun. Fyrstu árin einkenndust af kaupum og sameiningu Fjárstoðar við fjármálasvið fyrirtækja og útvistunarfyrirtæki á fjármálasviði.
Í desember 2005 keypti Fjárstoð viðskiptaþjónustu Deloitte og sameinaði rekstri sínum. Á sama tíma keypti Deloitte hluta í Fjárstoð og er einn af eigendum félagsins í dag. Aðrir eigendur eru Borghildur Sigurðardóttir, framkvæmdastjóri félagsins, Halldór Arnarsson, fjármálastjóri og Guðmundur Arnaldsson. Félagið hefur vaxið og dafnað síðustu ár og eru starfsmenn nú yfir þrjátíu talsins.
Við bjóðum Fjárstoð velkomið í Stjórnvísi!

Við bjóðum Veisluturninn velkominn í Stjórnvísi.
Um Veisluturninn
Veisluturninn er ný og glæsileg veisluaðstaða á tveimur efstu hæðunum í hæstu byggingu landsins við Smáratorg.
Útsýnið úr Turninum er óviðjafnanlegt og óhætt er að segja að vandfundnir eru glæsilegri salir fyrir veislur, ráðstefnur eða fundi.
Á nítjándu hæð er fyrsta flokks hádegisverðarstaður ásamt funda-, ráð-stefnu- og veislusölum.
 
Tuttugasta hæðin hýsir glæsilega veislusali með fimm metra lofthæð, bar og setustofu þar sem hægt er að njóta útsýnisins í veislum og móttökum af öllum gerðum hvort sem er kokteilveislur, fjölbragðaveislur, jólahlaðborð, brúðkaup, árshátíðir eða fermingar.
Salirnir á tuttugustu hæðinni eru tilvaldir til funda og ráðstefnuhalds.
Þrautreynt starfslið Veisluturnsins tryggir fyrsta flokks þjónustu fyrir allar gerðir af veislum og viðburðum. Það veitir faglega ráðgjöf um matseðla, vín, umgjörð og skipulagningu. Þar fara fremstir í flokki landsliðsmatreiðslumeistarinn Sigurður Gíslason, yfirmatreiðslumaður og Gunnar Rafn Heiðarsson yfirþjónn sem hvor um sig búa yfir þekkingu og reynslu hér á landi sem erlendis.
Í Veisluturninum er allur fullkomnasti tækjabúnaður sem völ er á fyrir ráðstefnur og fundahöld.
Veisluturninn setur ný viðmið í þjónustu, gæðum og umhverfi.
Veisluturninn opnaði 28.mars 2008. og hádegisverðarstaðurinn Nítjánda opnaði 3.apríl 2008.
 

Í dag, 23. febrúar 2010, voru kynntar niðurstöður Íslensku ánægjuvogarinnar en þetta er ellefta árið sem ánægja viðskiptavina íslenskra fyrirtækja er mæld með þessum hætti. Að þessu sinni voru 25 fyrirtæki í 5 atvinnugreinum mæld. Niðurstöður byggja á svörum rúmlega 6000 manns eða um 250 viðskiptavina hvers fyrirtækis.
Hæstu einkunn allra fyrirtækja og raunar hæstu einkunn sem mælst hefur í Íslensku ánægjuvoginni frá upphafi hlaut Fjarðarkaup, 91,3 af 100 mögulegum. Í fyrsta sæti í flokki banka og sparisjóða var Sparisjóðurinn með einkunnina 78,6. Í flokki tryggingafélaga var Vörður í fyrsta sæti með 68,4. HS orka var í fyrsta sæti raforkusala með 69,8. NOVA var í fyrsta sæti í flokki farsímafyrirtækja með einkunnina 79,4.
 

        Bankar og sparisjóðir

        Ánægjuvog

         

        Farsímafyrirtæki

        Ánægjuvog

        Sparisjóðurinn

        78,6

         

        Nova

        79,4 

        BYR sparisjóður

        69,9

         

        Vodafone

        66,0 

        Íslandsbanki

        54,5

         

        Tal

        65,6 

        Landsbankinn

        50,1

         

        Síminn

        63,0 

        Arion banki

        49,6

         

         

         

         

         

         

         

         

        Tryggingafélög

         

         

        Smásöluverslun

         

        Vörður

        68,4

         

        Fjarðarkaup

        91,3 

        TM

        68,0

         

        ÁTVR

        73,1 

        VÍS

        63,7

         

        Nettó

        69,2 

        Sjóvá

        59,2

         

        Krónan

        65,7 

         

         

         

        BYKO

        64,6 

        Raforkusölur

         

         

        Hagkaup

        62,8 

        HS orka

        69,8

         

        Bónus

        60,5 

        Fallorka

        68,8

         

        Húsasmiðjan

        57,7 

        Orkuveita Reykjavíkur

        67,0

         

         

         

        Orkusalan

        56,3

         

         

         

 Aðilar sem standa að Ánægjuvoginni eru Stjórnvísi, Capacent Gallup og Samtök iðnaðarins

Þann 4. mars nk. verða veitt Stjórnunarverðlaun Stjórnvísi í fyrsta sinn. Félagar í Stjórnvísi eru hvattir til að taka þátt og tilnefna þann stjórnenda sem þeim þykir hafa skarað framúr. Verðlaunaðir verða þrír stjórnendur af þremur mismunandi sviðum stjórnunar. Stjórnvísi leitar því að stjórnanda ársins 2010 í flokki fjármála-, mannauðs- og þjónustustjórnunar. Viðkomandi stjórnandi þarf EKKI að bera starfsheitið fjármála-, mannauðs- eða þjónustustjóri.
Viðmið við tilnefningu
Að stjórnandinn hafi í starfi sínu eða einstöku verkefni sýnt af sér forystu, bæði í stjórnun og nýjum hugmyndum ásamt því að stuðla að auknum árangri í kjarnastarfsemi þess fyrirtækis eða stofnunar sem hann starfar hjá.
Stjórnandinn verður að starfa hjá aðildarfyrirtæki Stjórnvísi – sjá aðildarlista hér.
Markmið verðlaunanna er að vekja athygli á framúrskarandi starfi stjórnenda sem eru aðilar að Stjórnvísi og hvetja félagsmenn til áframhaldandi faglegra starfa og árangurs.
Taktu þátt í að velja stjórnendur ársins 2010 - hér. - frestur rann út 17. febrúar 2010
Félagar eru hvattir til að taka þátt í vali verðlaunahafa og hafa þannig áhrif á niðurstöðuna. Festur til að tilnefna stjórnendur er til miðnættis þann17. febrúar nk.
Ef einhverjar spurningar vakna eða eitthvað er óljóst, þá hafið samband við Mörthu á skrifstofu Stjórnvísi sími 533 5666 eða martha@stjornvisi.is.
 

Sprotahópur Stjórnvísi heimsótti Hilmar Veigar forstjóra CCP á dögunum. Markmið heimsóknarinnar var að fá tækifæri til að spyrja Hilmar spjörunum úr um allt sem við kemur stjórnun fyrirtækis á vaxrarskeiði. Þátttakendur biðu ekki boðanna og spurningum ringdi yfir Himar sem svaraði af miklu öryggi. Margt í svörum Hilmars kom á óvart, eins og til dæmis það að "kaos" væri vænlegri kostur til að leysa erfið verkefni og vandamál - en reglur eða þekktar aðferðir...eitthvað fyrir okkur hin að hugsa um.

Managing Creative People er bók mánaðarins að þessu sinni en hún fjallar um nýjar áherslur í stjórnum samhliða breytingum á starfsfólki og fyrirtækjum sem eru sífellt að verða óhefðbundnari.
Nánar um efni Managing Creative People
Góðar og sniðugar hugmyndir kvikna í frjóum jarðvegi og því þarf að hlúa vel að vinnuumhverfi skapandi fólks. Þeir sem stýra skapandi fólki þurfa sjálfir að hugsa út fyrir rammann við að stýra teyminu í rétta átt og í Managing Creative People tekur Gordon Torr saman hvað eigi að leggja áherslu á. Skapandi fyrirtæki og skapandi fólk eru uppistaðan að helstu atvinnugreinum nútímans á borð við auglýsingaiðnaðinn, tónlistariðnaðinn, tölvuleikjaiðnaðinn, kvikmyndagerðariðnaðinn og fjölmiðla og því er mjög mikilvægt að tileinka sér nýjustu stjórnunaraðferðirnar í skapandi umhverfi.

Pantið hér.
 
 

Ágætu félagar í Stjórnvísi
Það er mér mikill heiður að vera treyst fyrir formennsku í Stjórnvísi sem er einn öflugasti félagsskapur stjórnenda í íslensku atvinnulífi. Vil ég á þessum tímamótum þakka þeim fjölmörgu sem lagt hafa hönd á plóg í starfi félagsins á árinu sem er að líða og hlakka til kraftmikils samstarfs á komandi ári.
Af formanni
Á síðastliðnum 5 árum hef ég tekið virkan þátt í leiðtogastörfum innan Stjórnvísi. Þátttakan hófst með formennsku í faghópnum um þjónustustjórnun. Ég tók samhliða sæti í stjórn félagsins á vormánuðum 2007 og frá því í maí 2009 hef ég verið formaður félagsins.
Hvernig kynntist ég Stjórnvísi?
Árið 2004 hafði ég mikinn áhuga á að koma á fót félagsskap áhuga- og atvinnumanna um þjónustustjórnun, en á þeim tíma var faghópur Stjórnvísi á því sviði óvirkur og hafði verið svo um skeið. Ég ákvað að gefa kost á mér til að leiða uppbyggingu hópsins og í framhaldinu var mynduð stjórn og lífi blásið í starfið. Fljótlega varð hópurinn einn af öflugustu faghópunum innan félagsins. Innan hópsins hefur myndast víðtækt tengslanet sem nær einnig til annarra faghópa því hópurinn hefur verið ötull við að beita sér fyrir ráðstefnum og faghópafundum þvert á fagsvið innan félagsins
Framúrskarandi árangur á haustmánuðum
Stjórnvísi er kjörinn vettvangur til skoðanaskipta og miðlunar þekkingar og reynslu á sviði framsækinnar stjórnunar. Við státum af:
• Rúmlega 700 metnaðarfullum félagsmönnum
• Tæplega 30 faghópafundum á haustmánuðum og 2 ráðstefnum
• Um 1200 þátttakendum á faghópafundum og ráðstefnum haustsins
• Starfsmenntaverðlaunum árið 2009 fyrir framúrskarandi starf
Kappsfullir félagsmenn eru aðalatriðið
Glæsilegur árangur félagsstarfsins á haustmánuðum byggir á brennandi áhuga félagsmanna sem búa yfir yfirgripsmikilli þekkingu og reynslu. Við hvetjum félagsmenn til að hafa samband (s: 533-5666, stjornvisi@stjornvisi.is) ef þeir hafa áhuga á að stofna nýja faghópa, bjóða sig fram í stjórn faghópa eða miðla af þekkingu og reynslu til annarra félagsmanna.
Margrét Reynisdóttir
Formaður Stjórnvísi
 

Sjaldan eða aldrei hefur verið eins mikill kraftur í starfi Stjórnvísi og um þessar mundir.
Stjórnvísi eru grasrótarsamtök stjórnenda sem nýta vettvanginn til að miðla þekkingu og reynslu á fjölmörgum sviðum stjórnunar og leiðtogar faghópanna gegna þar lykilhlutverki. Í haust hafa 14 faghópar haldið samtals 29 fundi auk 2ja stærri ráðstefna. Þátttakendur í fundum og viðburðum haustsins voru 1.221. Sá viðburður sem var fjölmennastur var Hvatningarráðstefna Stjórnvísi sem haldin var 2. október en þar mættu um 160 manns. ISO ráðstefnuna sem ISO hópurinn stóð fyrir í lok nóvember sóttu um 120 manns. Nánari tölfræði haustsins hér.
Framundan er nýtt ár og nýjar áskoranir fyrir stjórnendur og rekstraraðila fyrirtækja og stofnana á Íslandi. Stjórnvísi tekur svo sannarlega þátt í uppbyggingu Íslands. Haustdagskráin var metnaðarfull og fjölbreytt og vorið verður ekki lakara. Ef þú ert ekki félagi í Stjórnvísi þá smelltu hér og skoðaðu málið.
Svo má nefna það að Stjórnvísi hlaut Starfsmenntaverðlaunin 2009 og þökkum við þann heiður þeim fjölmörgu félagsmönnum sem halda uppi starfi félagins.

Myndin sem fylgir er frá Hvatningarráðstefnunni í október og þar má sjá nokkra ráðstefnugesti ásamt Þóru Arnórsdóttur sem stjórnaði ráðstefnunni af miklum skörungsskap.
 

MP banki, BSI á Íslandi, Sjáland og Sjónarrönd eru ný Stjórnvísi fyrirtæki og bjóðum við þau velkomin í félagið. Öll fyrirtæki, félagasamtök og stofnanir geta gerst aðilar að Stjórnvísi. Það eina sem þau þurfa að gera er að sækja um aðild á www.stjornvisi.is - smella á "Umsókn fyrirtækis um aðild að Stjórnvísi" og klára umsóknina og senda. Næsta skref er að framkvæmdastjóri Stjórnvísi hefur samband við tengilið viðkomandi fyrirtækis með allar nánari upplýsingar, t.d. um skráningu  einstaka starfsmanna í faghópa og fl.