Fréttir og pistlar

AÐALFUNDUR STJÓRNVÍSI 
Aðalfundur Stjórnvísi 2011 verður haldinn fimmtudaginn 5. maí kl. 16.00 til 18.00 í Ofanleiti 2. í fyrirlestrasal á fyrstu hæð.  Fundarstjóri verður Guðrún Högnadóttir, framkvæmdastjóri Opna háskólans og heiðursfélagi Stjórnvísi 2011.  Að loknum aðalfundarstörfum verður áhugaverð dagskrá: Orri Hauksson framkvæmdastjóri Samtaka iðnaðarins mun koma með innlegg um hvernig Háskólinn og atvinnulífið geta starfað saman báðum til hagsbóta.  Síðan munu Hrefna Briem, Sigríður Þrúður Stefánsdóttir og Agnes Gunnarsdóttir sjá um tengslanetsumræður. 

Þessi áhugaverða grein eftir Áslaugu Briem biritist í Mbl. 18.apríl sl.  Ferðaþjónusta hefur á undanförnum árum öðlast aukið vægi í íslensku þjóðfélagi ekki síst vegna hins slæma efnahagsástands sem hér ríkir í kjölfar bankahrunsins. Ferðaþjónusta er bæði gjaldeyris- og atvinnuskapandi og telst nú ein af þremur helstu atvinnugreinum landsins.  Það skiptir því miklu máli að hlúa vel að greininni og leggja vinnu í að vanda alla þætti sem snúa að henni, en aðeins þannig mun uppbygging íslenskrar ferðaþjónustu skila árangri til framtíðar. Þetta er ekki síst mikilvægt í ljósi þess að flest bendir til þess að ferðamönnum muni fjölga mjög mikið á næstu árum.
Gæði þjónustu skipta miklu máli í alþjóðlegri samkeppni ferðaþjónustu og mikilvægt að huga stöðugt að því sem gera má betur í því tilliti. Þjónustugæði er einnig sá þáttur í rekstri fyrirtækja sem verður sífellt mikilvægari í harðnandi samkeppni nútímans. Þjónustugæði hafa mikil áhrif á ánægju viðskiptavina og geta verið leið til þess að skapa fyrirtækjum samkeppnisforskot og sérstöðu á meðal samkeppnisaðila. Margar rannsóknir fræðimanna hafa auk þess sýnt fram á sterk tengsl á milli ánægju viðskiptavina og velgengni þjónustufyrirtækja.
Í rannsókn á þjónustugæðum í íslenskri ferðaþjónustu sem undirrituð gerði í lok síðasta árs, í tengslum við lokaverkefni sitt í meistaranámi í markaðsfræðum og alþjóðaviðskiptum, kom í ljós að talsvert svigrúm er til úrbóta á þessu sviði og nauðsynlegt að huga sífellt vandlega að því sem gera má betur. Þess ber að geta að í rannsókninni var einkum horft til lítilla og meðalstórra fyrirtækja í ferðaþjónustu. Það sem helst reyndist vera ábótavant snerti þjálfun framlínustarfsmanna, þjónustu á veitingastöðum, tregðu til að bæta við sig þekkingu og skort á markaðsrannsóknum og könnunum. Helstu styrkleikar íslenskrar ferðaþjónustu voru viðmót gestgjafa, framboð náms og matreiðsla.  Greinina má sjá í heild sinni í vef-Dropanum

Nýlega birtist grein í Viðskiptablaði Mbl. eftir Ingu Guðrúnu Birgisdóttur, mannauðsstjóra hjá 1912-samstæðunni sem ber heitið Starfsmannasamtöl og frammistöðumat. Þetta er sá tími ársins sem mörg fyrirtæki nýta í starfsmannasamtöl. Tilgangur slíkra samtala er að skapa vettvang fyrir stjórnendur og starfsmenn til þess að ræða ákveðin málefni með það að markmiði að bæta vinnuumhverfið og auka árangur og ánægju í starfi.
Samtalið sjálft er aðeins toppurinn á ísjakanum því í undirbúningi og eftirfylgni þarf að vera skýrt hver stefna fyrirtækis er varðandi starfsmannasamtöl; þ.e. markmið þeirra, tíðni, hverjir tala saman, fyrirkomulag, umræðuramma, þátttöku allra starfsmanna, að unnið sé með niðurstöðurnar, þjálfun stjórnenda og hvað á að kynna fyrir starfsmönnum.
Hjá 1912 er rík hefð fyrir árlegum starfsmannasamtölum þar sem starfsmaður og næsti yfirmaður ræða saman í 45-60 mínútur. Markmið samtalanna eru að: auka skilning á gagnkvæmum kröfum og væntingum, veita endurgjöf um frammistöðu starfsfólks, gefa starfsfólki tækifæri til að tjá sig um vinnuumhverfið og setja sér markmið í starfi. Nýlega var  einföldu frammistöðumati bætt inn í samtölin til að beina sjónum að mikilvægum hæfnisþáttum og hegðun í starfi. Þannig er skapaður grundvöllur til að ræða það sem út af ber og hrósa fyrir það sem vel gengur. Milli hinna árlegu samtala eiga sér stað eitt til tvö stutt stöðusamtöl þar sem ræddur er framgangur markmiða og fylgst með árangri.
Inga Guðrún Birgisdóttir, mannauðsstjóri hjá 1912-samstæðunni
 

Fimmtudaginn 24. mars 2011 stóð Stjórnvísi og Háskóli Íslands fyrir ráðstefnu um gæðastarf undir yfirskriftinni „Gegnsæi, rekjanleiki og skilvirkni: Ávinningur af markvissu gæðastarfi“. Á annað hundrað manns sóttu ráðstefnuna og komust færri að en vildu.  Efni frá fyrirlesurum má nálgast í vef-Dropanum.

Stjórnvísi býður Saldo, bókhaldsþjónustu hjartanlega velkomið í hópinn.  Saldo býður upp á alla almenna bókhaldsþjónustu, skattskil, ráðgjöf og uppgjör fyrir einstaklinga og lögaðila.  Ennfremur sér Saldo um útskrift reikninga og launakeyrslur fyrir fyrirtæki.  Saldó byggir á áratuga langri reynslu í bókhaldsvinnu, uppgjörum og skattskilum. Faglegum og traustum vinnubrögðum og einsetur sér að bjóða viðskiptavinum upp á alhliða bókhaldsþjónustu og ráðgjöf

Grein eftir Sigríði Þrúði Stefánsdóttur aðstoðarskólastjóra og sérfræðing í mannauðsmálum birtist í Viðskptablaði Mbl. á fimmtudag.  Starfsþróun er vítt hugtak og felur í sér þróun starfsferils einstaklinga til langs tíma og þróun þekkingar sem skipulagsheild þarfnast í framtíðinni.Starfsfólk þróar hæfni sína, þekkingu og viðhorf annað hvort í núverandi starfi eða færist í nýtt starf. 
Starfsþróun og þjálfun eru tengd hugtök en mikilvægt er að greina hér á milli. Starfsþróun veitir starfsfólki tækifæri til að öðlast þá hæfni sem fyrirtæki eða stofnun mun þarfnast í framtíðinni og er því ekki alltaf tengd núverandi starfi. Þjálfun, á hinn bóginn er oft beintengd núverandi starfi  eða skýrt afmörkuðum verkefnum og stendur oft yfir í takmarkaðan tíma.  Þjálfun er þannig þrengra hugtak og vísar til þess að einstaklingar leitast við að þjálfa ákveðna færni  á afmörkuðum sviðum. Horft er til skemmri tíma og viðfangsefna í núverandi starfi.
En hvaða tæki og tól má skilgreina sem verkfæri starfsþróunar?  Svör við því og greinina í heild sinni má sjá í vefDropanum á heimasíðu Stjórnvísi.

 Flugfélag Íslands er öflugt en sveigjanlegt flugfélag sem starfar á innanlandsmarkaði en þjónar einnig öðrum vest-norrænum löndum svo sem Færeyjum og Grænlandi.
Flugfélagið býður margs konar þjónustu bæði innanlands sem utan. Félagið hefur aukið hlut sinn í ferðaþjónustu innanlands með sérferðum til ýmissa staða, þar sem í boði eru skipulagðar skoðunarferðir sem hæfa öllum ferðalöngum. Félagið er í mikilli samvinnu við alla ferðaþjónustu á Íslandi.
Fraktflug Flugfélagsins býður upp á fljóta og örugga afgreiðslu,flutning ýmis konar varnings sem kemst til skila á mettíma.
Flugfélagið leigir flugvélar sínar í ýmis verkefni bæði með og án áhafna, innan lands sem utan, allt eftir óskum viðskiptavinarins.
Í Reykjavík rekur félagið viðhaldsþjónustu sína sem sinnir flugflotanum, bæði Fokker 50 og Dash8 flugvélunum.  Þrautþjálfaðir starfsmenn fást þar við allar hugsanlegar viðgerðir á vélum félagsins sem og annarra flugfélaga erlendis frá sem hingað leita.  
Eitt af markmiðum félagsins er að hafa ætíð á að skipa hæfum og liprum liðsmönnum sem sýna frumkvæði og hafa jákvætt viðhorf.
 
Hjá Flugfélagi Íslands starfa um 240 manns sem allir gegna lykilhlutverki í starfsemi þess.

Grein eftir Guðmund Örn Óskarsson sem stýrir upplýsingatæknimálum hjá Össuri birtist í Viðskiptablaði Mbl. sl.fimmtudag.  Í greininni kemur m.a. fram að oftast starfa sölu-og þjónustuaðilar í upplýsingatækni eftir landfræðilegum mörkum. t.d. milli Ameríku og Evrópu.  Þegar um er að ræða kaup á hugbúnaði getur þessi uppskipting verið nytsöm þar  flestir söluaðilar horfa eingöngu til þess hvert á að senda reikninginn.  Greinin birtist í heild sinni í vefDropanum. 

Stjórnvísi býður Vistor hf. velkomið í hópinn.  Vistor hf. er leiðandi fyrirtæki á sviði markaðssetningar á lyfjum, heilsuvörum og dýraheilbrigðisvörum á Íslandi.   Vistor er samstarfsaðili fjölmargra alþjóðlegra lyfjafyrirtækja og veitir þeim þjónustu við skráningar og sölu- og markaðsmál, auk þess að hafa milligöngu um innflutnings- og dreifingarstarfsemi. Með því að leggja áherslu á skilvirka og hnitmiðaða starfsemi og skapa starfsumhverfi sem laðar að hæfa einstaklinga til starfa gerir Vistor samstarfsaðilum sínum kleift að ná settum markmiðum. Ennfremur er kaupendum og neytendum varanna tryggt auðvelt og áreiðanlegt aðgengi.   Markmið Vistor er að vera ákjósanlegasti samstarfsaðilinn á íslenska lyfjamarkaðinum, í huga viðskiptavina, birgja, starfsmanna og samfélagsins.

Grein eftir Hrefnu Briem, birtist í Viðskiptablaði Mbl. fimmtudaginn 17.mars sl. Stefnumiðað árangursmat (e.balanced scorecard) er aðferðafræði innan stjórnunar sem nýtist vel til að ná góðum árangri í rekstri og hjálpar stjórnendum við að innleiða, miðla og fylgjast með framgangi heildarstefnu.  Svokölluð stefnukort eru nýtt til að draga fram mikilvægustu þættina fyrir árangur fyrirtækisins og eru þeir mældir með mælikvörðum með stuðningi skorkorta.  Greinina má sjá í heild sinni í vef-Dropanum.

Björn Zoega, forstjóri Landspítala háskólasjúkrahúss, Guðmundur S. Pétursson, gæðastjóri Landsvirkjunar og Liv Bergþórsdóttir, framkvæmdastjóri Nova, eru handhafar stjórnunarverðlauna Stjórnvísi árið 2011. Ólafur Ragnar Grímsson, forseti Íslands, afhenti verðlaunin við virðulega athöfn í Turninum. Bára Sigurðardóttir, formaður dómnefndar, flutti ræðu fyrir hönd dómnefndar. Mikið fjölmenni var við afhendingu verðlaunanna.
 
Stjórnvísi er stærsta stjórnunarfélag á Íslandi með yfir 1.100 félagsmenn og koma þeir frá vel á þriðja hundrað fyrirtækja. Félagið er opið öllum einstaklingum og fyrirtækjum sem hafa áhuga á stjórnun og að fylgjast með nýjustu stefnum og straumum í stjórnun. Félagið er 25 ára á þessu ári og hét áður Gæðastjórnunarfélag Íslands.
 
Þetta er annað árið í röð sem verðlaunin eru veitt og er horft meira til millistjórnenda við útnefningu þessara verðlauna - en flestra annarra verðlauna hér á landi.
 
Björn Zoega fékk verðlaunin í flokki fjármálastjórnunar, Guðmundur S. Pétursson í flokki gæðastjórnunar og Liv Bergþórsdóttir í flokki markaðsstjórnunar. Aðeins félagar í Stjórnvísi koma til greina við útnefningu verðlaunanna. Liv er erlendis og tók Joakim Reynisson við verðlaununum fyrir hennar hönd.
 
 
Markmið stjórnunarverðlauna er að vekja athygli á faglegu og framúrskarandi starfi hins almenna stjórnenda. Allar nánari upplýsingar um stjórnunarverðlaunin s.s. dómnefnd, rökstuðning og tilnefningar má sjá á heimasíðu Stjórnvísi; www.stjornvisi.is
 
Myndir af hátíðinni má sjá hér
 
 
 
Verðlaunahafar ásamt forseta Íslands. Frá vinstri: Ólafur Ragnar Grímsson, forseti Íslands, Bára Sigurðardóttir, formaður dómnefndar, Joakim Reynisson framkvæmdastjóri tæknisviðs Nova sem tók við verlaununum fyrir hönd Liv Bergþórsdóttur, Björn Zoega, forstjóri Landspítalans og Guðmundur S. Pétursson, gæðastjóri Landsvirkjunar   
 

Stjórnendaverðlaun Stjórnvísi verða afhent í dag á glæsilegri hátíð í Turninum í Kópavogi kl.16:00-18:00.  Forseti Íslands hr.Ólafur Ragnar Grímsson mun afhenda verðlaunin.  Allir stjórnvísifélagar eru boðnir hjartanlega velkomnir.  Skráning fer fram á eftirtalinni slóð: http://www.stjornvisi.is/eventcalendar/entry/eventcalendarid/252
 
 

"Það kostar ekkert að brosa" er heiti pistils Sólveigar Hjaltadóttur framkvæmdastjóra réttindasviðs Tryggingastofnunar ríkisins.    TR vinnur markvisst að því að auka gæði þjónustu við lifeyrisþega, þrátt fyrir að haf eins og aðrar stofnanir og fyrirtæki þurft að hagræða og spara undanfarin ár.  Gripið hefur verið til ýmissa hagræðingaráðstafana.  Greinina má sjá í heild sinni í vef-Dropanum.

Stjórnunarverðlaun Stjórnvísi 2011 verða afhent af forseta Íslands hr. Ólafi Ragnari Grímssyni í Turninum fimmtudaginn 17.mars. nk. kl.16:00-18:00.  Stjórnvísi óskar þeim stjórnendum sem eru tilnefndir hjartanlega til hamingju. Tilnefningar 2011

Faghópur um Lean hélt vel sóttan fund í Endurmenntun HÍ í morgun þar sem fjallað var um hvernig fyrirtæki geta byrjað að nýta sér hugmynda-og/eða aðferðafræðina.  Þátttakendur í pallaborði voru þau Reynir Kristjánsson, Pétur Orri Sæmundsen og Þórunn M. Óðinsdóttir.  Lean snýst um að aga hlutina og hefur áhrif á alla starsemi fyrirtækisins.  Í Lean fókusa starfsmenn á ferla og stjórnendur fókusa á starfsmenn sem leiðir til þess að starfsmenn verða mun ábyrgari og stjórnendur bjarga ekki hlutum fyrir starfsmenn heldur leiðbeina þeim og kenna.  Glærur af fyrirlestrinum munu birtast í vef-Dropanum.

Vendum - stjórnendaþjálfun sérhæfir sig í þjálfun fyrir einstaklinga og fyrirtæki sem vilja ná auknum árangri og nýtir til þess þaulreyndar og árangursríkar aðferðir markþjálfunar (e.  Business Coaching / Executive Coaching). Markþjálfun þykir í dag ein besta leiðin til að auka hæfni og bæta árangur. Afreksfólk í íþróttum vinnur flest með þjálfara sem leggur þeim lið við að hámarka árangur sinn. Hvers vegna skyldu fyrirtæki og stjórnendur sem vilja hámarka árangur sinn ekki gera slíkt hið sama? Allar nánari upplýsingar um starfsemina er að finna á heimasíðu félagsins. www.vendum.is

Stjórnvísi býður Vörð tryggingafélag hjartanlega velkomið í hóp Stjórnvísifélaga.  Hlutverk Varðar er að tryggja fjárhagslegt öryggi viðskiptavina sinna með viðeigandi vátryggingavern.  Vörður leggur áherslu á lipra og ábyggilega þjónustu með einfaldleika að leiðarljósi.  Gildi félagsins eru;
Frumkvæði

Við komum með nýjar hugmyndir að bættri þjónustu við viðskiptavini. 
Við leitum leiða til að bæta og einfalda verkferla. Höfum einfaldleika að leiðarljósi. 
Sýnum frumkvæði í öllum okkar störfum, veitum ráðgjöf og leysum aðkallandi vandamál þegar þau koma upp. 

Snerpa

Einkennandi fyrir okkur eru hröð en fagleg og traust vinnubrögð. 
Við setjum okkur markmið m.t.t. hraða og gæða er varðar afgreiðslu erinda og verklag. 
Við þróum vinnusparandi verkferla og höfum góða þekkingu á verkefnum okkar. 

Heilindi

Við erum traust og sýnum viðskiptavinum áhuga og ráðum fólki heilt. 
Við styðjum hvort annað. Við hrósum fyrir það sem vel er gert og umberum mistök. 
Heiðarleiki einkennir samskipti við viðskiptavini og samstarfsfólk 

Grein eftir Jón Kr. Gíslason um starfshvatamælingar biritis í Viðskiptablaði Mbl. 3.mars.  Hvati einstaklings eða hóps til að ná árangri í starfi getur verið stjórnendum óljós.  Mikilvægt er að reyna að átta sig á því hvað fær starfsfólk til að leggja sig fram til að ná markmiðum hópsins.  Hjá Össuri er starfshvati mældur með því að nota 10 fullyrðingar úr vinnustaðagreiningu sem framkvæmd er annað hvert ár.  Greinin er birt í vef-Dropanum

Í dag, 23. febrúar 2011, voru kynntar niðurstöður Íslensku ánægjuvogarinnar en þetta er tólfta árið sem ánægja viðskiptavina íslenskra fyrirtækja er mæld með þessum hætti. Að þessu sinni voru 25 fyrirtæki í 7 atvinnugreinum mæld. Niðurstöður byggja á svörum um 200-500 viðskiptavina hvers fyrirtækis.
 
Hæstu einkunn allra fyrirtækja hlaut Nova 73,1 af 100 mögulegum. Í fyrsta sæti í flokki banka og sparisjóða var Spari­sjóðurinn með einkunnina 71,5. Í flokki tryggingafélaga var Tryggingamiðstöðin í fyrsta sæti með 68,7. Fallorka var í fyrsta sæti raforkusala með 64,8. Nova var í fyrsta sæti í flokki farsímafyrirtækja með einkunnina 73,1, ÁTVR var efst í flokki smásölufyrirtækja með einkunnina 71,6, Atlantsolía var efst á meðal olíufélaga með einkunnina 67,4 og Byko var efst á meðal mældra byggingavöruverslana með einkunnina 60,1.
 
Einkunn flestra geira og fyrirtækja lækkar á milli mælinga. Athyglisverð er mikil lækkun í flokki raforkusala og síðan hækkun viðskiptabankanna þriggja (Landsbanka, Arion banka og Íslandsbanka) milli mælinga.

You are invited to view Grimms's photo album: Ánægjuvogin kynnt

                     

                    Ánægjuvogin kynnt
                    Feb 23, 2011
                    by Grimms 
                    View Album 
                    Play slideshow