Þriðjudaginn 25. október mun gæðastjórnunarhópurinn standa fyrir fundi undir yfirskriftinni: Þrjú fyrirtæki - þrjú gæðakerfi.

Fundurinn verður haldinn í húsakynnum HugarAx og mun Katrín Rögn Harðardóttir gæðastjóri fyrirtækisins taka á móti fundargestum og segja frá uppbyggingu gæðahandbókar HugarAx og sýna hvernig skjalakerfið er notað til að auðvelda utanumhald gæðahandbókarskjala.

Því næst munu Björn E. Baldursson framkvæmdastjóri Rafskoðunar ehf. sem er faggilt skoðunarstofa á rafmagnssviði og Hans-Olav Andersen arkitekt FAÍ, MNAL frá teiknistofunni Tröð halda sitt hvort erindið, en fyrirtækin sem eru með ólíka starfsemi eiga það sameiginlegt að vera lítil, með fáa starfsmenn og hafa innleitt gæðakerfi.

Faghópar um Balanced Scorecard og Stefnu, mótun og framkvæmd verða með sinn fyrsta fund þann 26.október í Háskóla Íslands. Fundurinn verður í Gimli, stofu 102. Gimli er á milli Háskólatorgs og Odda.

Snjólfur Ólafsson verður með erindið: Stefnumótun í allra kvikinda líki.

•Á fundinum mun Snjólfur svara ýmsum spurningum á sinn hátt, m.a. þessum:
- Hvað er stefna, stefnumiðuð stjórnun, stefnumótun og framkvæmd stefnu?
- Um hvað snýst stefnumótun og hvernig fer stefnumótun fram?
- Hverjir móta stefnu fyrirtækja?
- Hvað kemur út úr stefnumótun?

Rædd verður sú tillaga á fundinum að sameina þessa tvo faghópa Balanced Scorecard og Stefnu, mótun og framkvæmd. Í framhaldi stendur til að fjölga í stjórn faghópsins og eru áhugasamir beðnir um að hafa samband við gunnhildur@stjornvisi.is

Fjöldatakmörkun er á fundinn.

Afmælisráðstefna Stjórnvísi, sem er stærsta stjórnunarfélag á Íslandi með yfir 1200 félagsmenn verður haldin milli kl. 16:00 og 19:00 hinn 27. október nk. í Natura, nýjum ráðstefnusal Icelandair Hótel Reykjavík Natura við Reykjavíkurflugvöll; gamla Loftleiðahótelinu.

Þema hátíðarinnar er Ísland 2015 - forgangsverkefni stjórnandans.
Fyrirlesarar eru:

Tómas Már Sigurðsson, forstjóri Alcoa á Íslandi
Brynja Guðmundsdóttir, forstjóri Gagnavörslunnar
Árni Oddur Þórðarson, forstjóri Eyris og stjórnarformaður Marels
Guðný Rósa Þorvarðardóttir, framkvæmdastjóri Parlogis

Ráðsefnustjóri er Jón G. Hauksson formaður stjórnar Stjórnvísi og ritstjóri Frjálsrar verslunar.

Hátíðarávarp flytur Guðrún Ragnarsdóttir, framkvæmdastjóri LÍN. Guðrún var formaður Stjórnvísi 2000-2002

Iðnaðarráðherra Fr.Katrín Júlíusdóttir heiðrar fyrrverandi formenn Stjórnvísi

Allir félagsmenn í Stjórnvísi eru hvattir til að mæta á afmælisráðstefnuna sem verður hin glæsilegasta, blanda af fræðum, fögnuði og léttum veitingum.

Sjáumst á þessari glæsilegu afmælisráðstefnu eftirmiðdaginn 27. október.

Auður Ýr Sveinsdóttir, leiðtogi gæðamála og stöðugra umbóta hjá ISAL segir frá samþættu stjórnkerfi fyrirtækisins og allt frá áætlunum að umbótum og aðgerðum. Undanfarin ár hefur mikli þróun átt sér stað við samþættingu og stýringu umhverfis-, heilsu-, öryggis- og gæðamála hjá fyrirtækinu. ISAL fékk vottun á ISO 9001 staðlinum árið 1992, ISO 14001 árið 1997 og OSHAS 18001 árið 2003.

Stjórnendaþjálfarar Vendum ehf., fjalla um starfshvatningu og hvernig aðferðir markþjálfunar gagnast stjórnendum sem vilja efla eigin áhuga og eldmóð í starfi og jafnframt hvetja samstarfsfólk sitt til að ná auknum árangri. Fundurinn verður haldinn hjá Vendum ehf. í Síðumúla 33, 3. hæð til vinstri.

Ráðstefna á vegum Þjónustu- og markaðsstjórnunarhóps verður haldin þann 17.nóvember næstkomandi í húsnæði Arion banka að Borgartúni 19. Morgunkaffi verður í boði Arion banka frá kl. 08:15
Þema ráðstefnunnar er „Vefurinn allt um kring“ og fyrirlesarar eru:

Maríanna Friðjónsdóttir framkvæmdastjóri hjá Green Heels Production
"Að vera eða alls ekki að vera til"

Vilhjálmur Alvar Halldórsson forstöðumaður netviðskipta Arion banka
"Innranet - vinnutæki og samfélag"

Atli Viðar Þorsteinsson Creative Producer og Scrum Master hjá CLARA
"Umræðuvöktun: Hlýddu á söng internetsins"

Guðjón Elmar Guðjónsson framkvæmdastjóri Emoll sem rekur Butik.is, mona.is, rafko.is o.fl.
"Markaðssetning og sala á netinu"

Árni Þór Árnason, stofnandi og framkvæmdastjóri Hópakaup.is
"Hópkaup - í krafti fjöldans"

Mannauðshópur Stjórnvísi heldur morgunfund í húsakynnum Vodafone 17. nóvember.
Guðrún Helga Magnúsdóttir fjallar um niðurstöður rannsóknar sinnar „Þegar kynslóðir mætast: Að stjórna Y-kynslóðinni“ og Ómar Svavarsson hjá Vodafone fjallar um hvernig það er að stjórna Y og öðrum kynslóðum.
Mæting fyrir 8:30

Fundur á vegum gæðstjórnunarhóps:

Innleiðing ISO 9001 gæðastaðalsins hjá Þjóðskrá Íslands
Fundarefni - nánar:
Fasteignaskrá Íslands og Þjóðskrá sameinuðust í eina stofnun Þjóðskrá Íslands í júlí 2010. Hjá stofnuninni vinna nú rúmlega 90 manns á þremur starfsstöðvum. Hlutverk Þjóðskrár Íslands er að halda fasteignaskrá og þjóðskrá, ákveða brunabótamat og fasteignamat og annast rannsóknir á fasteignamarkaðinum. Stofnunin sér einnig um rekstur starfs- og upplýsingakerfa fyrir sýslumenn og sveitarfélög og gefur út vegabréf. Þjóðskrá Íslands leggur áherslu á rafræna stjórnsýslu og rekur meðal annars upplýsinga- og þjónustuveituna Ísland.is.
Á fundinum verður rætt hvernig innleiðing á sameiginlegu stjórnkerfi gæðamála verður notað sem tæki til þess að aðvelda yfirsýn yfir margvísleg og flókin verkefni nýrrar stofnunar. Sameiginleg framtíðarsýn, gildi og gæðamarkmið verða kynnt ásamt nýju gæðaumsýslukerfi sem verður tekið í notkun samhliða innleiðingunni.
Framsögumenn
Sólveig J Guðmundsdóttir, forstöðumaður þjóðskrár-og gæðasviðs
Þorvarður Kári Ólafsson, gæða-og öryggisstjóri

Fundarstaður
Þjóðskrá Íslands, Borgartúni 21, Reykjavík
Fundurinn verður í fundarsal Ríkissáttasemjara, á 4.hæð.

Faghópur um Upplýsingaöryggi boðar til fundar þann 29.nóvember nk. Á þeim fundi mun Tryggvi R. Jónsson, áhættuþjónustu Deloitte kynna áhugaverðar niðurstöður „Global Security Survey 2010“ þar sem tóku í fyrsta skiptið þátt íslensk fyrirtæki

Þetta er fundur sem allir þeir sem bera ábyrgð á upplýsingaöryggi í sínum fyrirtækjum ættu að hafa áhuga á .

Jafnframt verður kosin ný stjórn faghópsins og eru áhugasamir beðnir um að hafa samband við Stjórnvísi.

Hvernig er stjórnað á Landspítalanum? Björn Zoega forstjóri LSH mun leiða okkur í allan sannleikann um stefnumótunarvinnu LSH.
Björn nefnir fyrirlesturinn: "Landspítali, félagsstofnun til fyrirtækis með félagslega ábyrgð". Í honum mun hann fjalla um hvernig stefnumótunarvinnan er unnin, hvernig hún er nýtt og að lokum hvernig stjórnað er eftir henni.
hann verður í fundarsalnum á 4B, Eiríksgötu 5,

29. November 2011 | 08:30 - 09:45

Landspítali, félagsstofnun til fyrirtækis með félagslega ábyrgð

Faghópur um Stefnumótun og Balanced Scorecard

Eiríksgötu 5, 101 Reykjavík

Hvernig er stjórnað á Landspítalanum? Björn Zoega forstjóri LSH mun leiða okkur í allan sannleikann um stefnumótunarvinnu LSH.
Björn nefnir fyrirlesturinn: "Landspítali, félagsstofnun til fyrirtækis með félagslega ábyrgð". Í honum mun hann fjalla um hvernig stefnumótunarvinnan er unnin, hvernig hún er nýtt og að lokum hvernig stjórnað er eftir henni.
hann verður í fundarsalnum á 4B, Eiríksgötu 5,

ATHUGIÐ !

Af óviðráðanlegum ástæðum þurfum við að fresta fundinum hjá Íslandsbanka sem halda átti 1. desember n.k. fram í janúar. Nánari tímasetning verður auglýst síðar.

Nýir stjórnendur sem fá tækifæri til að vinna með markþjálfa geta aukið mjög líkur sínar á að ná góðum árangri. Íris Ösp Bergþórsdóttir, mannauðsráðgjafi og stjórnendamarkþjálfi, segir frá því hvernig Íslandsbanki hefur nýtt markþjálfun fyrir nýja stjórnendur til að auðvelda þeim að takast á við nýtt hlutverk og ná auknum árangri.