Stefán Freyr Stefánsson mun kynna kafbátaverkefni sem unnið var við Háskólann í Reykjavík. Sjálfstýrði kafbáturinn Freyja var þátttakandi í alþjóðlegri kafbátakeppni sem haldin var í San Diego í Bandaríkjunum. Stefán mun fjalla um uppbyggingu verkefnisins, mekaníska hönnun og rafeindabúnað bátsins (rafhlöður, skynjara, mótora o.s.frv.). Einnig mun hann fjalla um hugbúnað bátsins, hönnun, útfærslu og prófanir.

Annað: Eftir fyrirlestur verður aðalfundur HugPró haldinn. Ný stjórn verður kosin og einnig verður kosið um það hvort HugPró verði hér eftir hjá Stjórnvísi eða Dokkunni. Félagar eru hvattir til þess að láta sig HugPró varða, taka þátt og koma með tillögur og ábendingar.

Léttar veitingar verða í boði frá 8:45 - 09:00

Dagskrá aðalfundar er samkvæmt verklagi um aðalfund faghópa. Einnig verður fjallað um starfsemi faghópsins framundan og efnistök ákveðin hvað varðar fyrirhugaða morgunfundi, hádegisverðarfundi og ráðstefnur í vetur.

Á fundinum verður kynnt hvernig Rio Tinto Alcan á Íslandi hefur undanfarið ár unnið að innleiðingu Straumlínusreksturs (Lean) í Steypuskála og Skautvinnslu. Einnig verður farið í þá hugmyndafræði sem innleiðingin byggist á sem og þá vinnu sem farið var í áður en innleiðing byrjaði.

08:15-08:30 - Morgunkaffi
08:30-08:45 - Kynning á þeirri hugmyndafræði sem innleiðingin byggir á
08:45-09:00 - Gefin innsýn í þá vinnu sem unnin var áður en farið var í innleiðingu
09:00-09:30 - Farið yfir ferli innleiðingar í Steypuskála og Skautvinnslu

Allir eru hvattir til að mæta því það er ekki á hverjum degi sem sagt er frá jafn viðamiklum Lean innleiðingum hér á landi sem að auki voru unnar undir leiðsögn frá erlendum Lean sérfræðingum.

Mannauðshópur Stjórnvísi heldur fund þann 5.október sem ber yfirskriftina "Að stjórna stjörnum". Fundurinn verður haldinn í Borgarleikhúsinu frá kl.08:30-09:50 og meðal fyrirlesara er Magnús Geir leikhússtjóri Borgarleikhússins og Þórhallur Gunnarsson dagskrárgerðarmaður hjá RÚV.
Upplýsingar um fyrirlesara munu birtast fljótlega á vefnum.
Fjöldtakmörkun er á fundinn

Farið er er yfir forsögu þess að farið var út í það að umhverfisvotta stærstu prentsmiðju á Íslandi og verða þar með fyrsta prentsmiðjan í heiminum til að fá Svansvottun á allt framleiðslu ferli sitt að meðtalinni bylgjukassa framleiðslunni. Hver er ávinningurinn, hverju þurfti að breyta og er eitthvað sem hefði mátt gera öðruvísi?Aðeins er fjallað um pappír og þátt hans í vottunarferlinu.

Arnar Árnason, Markaðsstjóri Odda og Þóra Hirst, Gæðastjóri Odda munu halda kynninguna.

Fundarmönnum gefst kostur á að ganga um prentsmiðjuna í lok fundar.

Aðalfundur umhverfis- og öryggishóps verður haldinn í upphafi fundar.

Olís býður í heimsókn og segir frá reynslu þeirra af samvinnu við Bylgjuna s.l. sumar en þá var í gangi tryggðarleikur sem kallaðist Ævintýraeyjan.
Jón Halldórsson framkvæmdastjóri sölusviðs og Sigurður K. Pálsson markaðsstjóri verða með kynningar.
Einnig fáum við kynningu frá Bylgjunni af samvinnu við Olís en Svansý ásamt Hemma Gunn stjórnaði þætti í beinni útsendingu á laugardögum s.l. sumar þar sem Ævintýraleikur Olís var hluti af dagskránni. Frá Bylgjunni koma þeir
Jóhann Örn Ólafsson kynningarstjóri og
Kristján Þórir Hauksson auglýsingastjóri útvarpssviðs

Farið verður yfir notkun og reynslu í notkun á CAF og EFQM matslíkana. Hvernig líkönin hafa reynst fyrirtækjum og stofnunum á Íslandi við mat á innra gæðastarfi.

Dagskrá

1. Sigrún Ósk Sigurðardóttir, aðstoðarforstjóri ÁTVR: Reynsla ÁTVR af notkun sjálfsmats - EFQM

2. Sigurjón Þór Árnason, gæðastjóri Tryggingastofnunar: Hlutverk CAF (EFQM) sjálfsmatslíkans í opinberri stjórnsýslu í Evrópu og víðar

Fimmtudaginn 20. október mun sköpunargleðihópurinn halda fund með pompi og prakt.

Umferðarstofa býður í heimsókn þar sem boðið verður upp á morgunmat.

Fundurinn byrjar á upphitun með láréttri hugsun. Þar á eftir munu Gísli S Brynjólfsson, framkvæmdastjór Hvíta Hússins og Gunnar Þór Arnarsson, framkvæmdastjóri hönnunarsviðs Hvíta Hússins vera með erindi um aðferðarfræðina á bak við sköpun auglýsinga fyrir Umferðarstofu ásamt því að fjalla um sköpunargleði.
Nafn Hvíta Hússins er dregið af eggi, tákni frjósemi og sköpunar, sem jafnframt er grunnurinn að merki fyrirtækisins. Hvíta húsið er fullt hús hugmynda og því spennandi fundur framundan.

Hlökkum til að sjá ykkur sem flest :)

Þriðjudaginn 25. október mun gæðastjórnunarhópurinn standa fyrir fundi undir yfirskriftinni: Þrjú fyrirtæki - þrjú gæðakerfi.

Fundurinn verður haldinn í húsakynnum HugarAx og mun Katrín Rögn Harðardóttir gæðastjóri fyrirtækisins taka á móti fundargestum og segja frá uppbyggingu gæðahandbókar HugarAx og sýna hvernig skjalakerfið er notað til að auðvelda utanumhald gæðahandbókarskjala.

Því næst munu Björn E. Baldursson framkvæmdastjóri Rafskoðunar ehf. sem er faggilt skoðunarstofa á rafmagnssviði og Hans-Olav Andersen arkitekt FAÍ, MNAL frá teiknistofunni Tröð halda sitt hvort erindið, en fyrirtækin sem eru með ólíka starfsemi eiga það sameiginlegt að vera lítil, með fáa starfsmenn og hafa innleitt gæðakerfi.

Faghópar um Balanced Scorecard og Stefnu, mótun og framkvæmd verða með sinn fyrsta fund þann 26.október í Háskóla Íslands. Fundurinn verður í Gimli, stofu 102. Gimli er á milli Háskólatorgs og Odda.

Snjólfur Ólafsson verður með erindið: Stefnumótun í allra kvikinda líki.

•Á fundinum mun Snjólfur svara ýmsum spurningum á sinn hátt, m.a. þessum:
- Hvað er stefna, stefnumiðuð stjórnun, stefnumótun og framkvæmd stefnu?
- Um hvað snýst stefnumótun og hvernig fer stefnumótun fram?
- Hverjir móta stefnu fyrirtækja?
- Hvað kemur út úr stefnumótun?

Rædd verður sú tillaga á fundinum að sameina þessa tvo faghópa Balanced Scorecard og Stefnu, mótun og framkvæmd. Í framhaldi stendur til að fjölga í stjórn faghópsins og eru áhugasamir beðnir um að hafa samband við gunnhildur@stjornvisi.is

Fjöldatakmörkun er á fundinn.

Afmælisráðstefna Stjórnvísi, sem er stærsta stjórnunarfélag á Íslandi með yfir 1200 félagsmenn verður haldin milli kl. 16:00 og 19:00 hinn 27. október nk. í Natura, nýjum ráðstefnusal Icelandair Hótel Reykjavík Natura við Reykjavíkurflugvöll; gamla Loftleiðahótelinu.

Þema hátíðarinnar er Ísland 2015 - forgangsverkefni stjórnandans.
Fyrirlesarar eru:

Tómas Már Sigurðsson, forstjóri Alcoa á Íslandi
Brynja Guðmundsdóttir, forstjóri Gagnavörslunnar
Árni Oddur Þórðarson, forstjóri Eyris og stjórnarformaður Marels
Guðný Rósa Þorvarðardóttir, framkvæmdastjóri Parlogis

Ráðsefnustjóri er Jón G. Hauksson formaður stjórnar Stjórnvísi og ritstjóri Frjálsrar verslunar.

Hátíðarávarp flytur Guðrún Ragnarsdóttir, framkvæmdastjóri LÍN. Guðrún var formaður Stjórnvísi 2000-2002

Iðnaðarráðherra Fr.Katrín Júlíusdóttir heiðrar fyrrverandi formenn Stjórnvísi

Allir félagsmenn í Stjórnvísi eru hvattir til að mæta á afmælisráðstefnuna sem verður hin glæsilegasta, blanda af fræðum, fögnuði og léttum veitingum.

Sjáumst á þessari glæsilegu afmælisráðstefnu eftirmiðdaginn 27. október.

Auður Ýr Sveinsdóttir, leiðtogi gæðamála og stöðugra umbóta hjá ISAL segir frá samþættu stjórnkerfi fyrirtækisins og allt frá áætlunum að umbótum og aðgerðum. Undanfarin ár hefur mikli þróun átt sér stað við samþættingu og stýringu umhverfis-, heilsu-, öryggis- og gæðamála hjá fyrirtækinu. ISAL fékk vottun á ISO 9001 staðlinum árið 1992, ISO 14001 árið 1997 og OSHAS 18001 árið 2003.

Stjórnendaþjálfarar Vendum ehf., fjalla um starfshvatningu og hvernig aðferðir markþjálfunar gagnast stjórnendum sem vilja efla eigin áhuga og eldmóð í starfi og jafnframt hvetja samstarfsfólk sitt til að ná auknum árangri. Fundurinn verður haldinn hjá Vendum ehf. í Síðumúla 33, 3. hæð til vinstri.