Fréttir og pistlar

Sjálfbærni markþjálfun - að taka af sér ráðgjafahattinn og ná dýpra virði fyrir viðskiptavininn.

Á næsta viðburði hjá faghópi markþjálfunar ætlar Dr. Snjólaug Ólafsdóttir verkefnastjóri í sjálfbærni og sjálfbærni markþjálfi hjá EY á Íslandi að fjalla um hvernig leiðtoga markþjálfun í sjálfbærni og teymisþjalfun í sjálfbærni getur komið fyrirtækjum lengra, hraðar á sjálfbærni velferðinni. Hvort sem markþjálfun sé notuð með ráðgjöf eða ein og sér stuðlar sjálfbærni markþjálfun að skýrari sýn, markvissari skrefum og farsælli innleiðingu sjálfbærni verkefna.
 

Dr. Snjólaug Ólafsdóttir ætlar að fjalla um virði þess að markþjálfa leiðtoga og teymi innan fyrirtækja til sjálfbærni.

Hver er munurinn á ráðgjöf og markþjálfun og hvernig er hægt að mæta til leiks sem markþjálfi og skilja sérfræðinginn og ráðgjafann eftir frammi.

Hlekkur á TEAMS hér.

Bókakynningar á aðventu – Framtíðir - Ólík sjónarmið.

Vísindaskáldskapur hefur leikið stór hlutverk í að móta hugmyndir manna um framtíðina. Sama má segja um skáldskap sem fjalla um álitamál komandi ára. Oft á tíðum opnar slíkur skáldskapur fyrir nýjum viðhorfum og dregur athygli manna að samfélagslegum álitamálum.

Í jólabókaflóðinu eru komnar tvær áhugaverðar bækur. Við stefnum að kynningu þeirra á næstunni á teams.

Um að gera að njóta þeirra. Fara í jólaskapið og jólapeysurnar!

  • Fyrsta kynningin er kynning á bókinni Merking eftir Fríðu Ísberg, föstudagsmorgun 3. desember næstkomandi kl 9:0 á teams.

Í kynningu á bókinni segir: „Skáldsagan Merking er margradda verk sem fjallar um afstöðu og pólaríseringu, fordóma og samkennd. Þjóðin er klofin í afstöðu sinni til samkenndarprófsins, byltingarkenndrar tækni sem spáð getur fyrir um andfélagslega hegðun; annar helmingurinn vill öruggara samfélag, hinn vill réttlátt samfélag.“

  •  Föstudaginn 10 desember kl. 9:0 á teams, verður síðari kynningin, en það er kynning á bókinni Framtíð mannkyns. Örlög okkar í alheiminum, eftir hin virta prófessor Michio Kaku. Baldur Arnarsson, sem skrifar formála bókarinnar kynnir bókina.

Í kynningu á bókinni segir: „Í þessari bók fjallar Kaku um sögu geimkönnunar í ljósi endurvakins áhuga á geimferðum nú þegar stórveldi jafnt sem auðjöfrar hafa sett stefnuna á Mars. Í líflegri frásögn sinni skírskotar Kaku meðal annars til skáldverka frá gullöld vísindaskáldskapar sem endurspeglað hafa framtíðarsýn mannsins. Hann sýnir hvernig ný tækni hefur breytt hugmyndum okkar um geiminn og gert raunhæft það sem áður þótti óhugsandi.“

Forstjóri Vodafone Procurement heldur erindi á Íslandi.

Einstakt tækifæri fyrir þá sem hafa áhuga á því allra nýjasta sem er gerast í aðfangakeðjunni.  Fyrirlesarinn, Ninian Wilson, er leiðandi sérfræðingur á heimsvísu og margverðlaunaður fyrir framsýni og framlag sitt til þróunar á innkaupa- og vörustýringu.  

Skráning á viðburð hér.  Ninian Wilson, Global SCM Director og forstjóri, Vodafone Procurement Company mun á næsta fundi faghóps um Innkaupa- og vörustýringu hjá Stjórnvísi, þann 23. nóvember, segja frá umbreytingarvegferð Vodafone og framtíð innkaupastýringar.

Hann hefur hlotið fjölda verðlauna fyrir árangur sinn með Vodafone Procurement Company meðal annars sem ‘Leader of the year’ 2021 hjá CIPS (Chartered Institure of Procurement & Supply), sem eru æðstu verðlaun sem hægt er að fá í þessum geira, fyrir framsýni sína og framlag sitt til framþróunar innkaupa- og vörustýringar, stafrænnar vegferðar og virðissköpunar.

Hér er á ferðinni einstakt tækifæri fyrir þá sem hafa áhuga á því allra nýjasta sem er gerast í aðfangakeðjunni. 

Vodafone Procurement hefur umsjón með innkaupum að verðmæti samtals 25 milljörðum evra árlega og um það bil 880.000 pöntunum á hverju ári fyrir Vodafone um heim allan, sem gerir fyrirtækið að stærsta IT kaupenda í heimi. Hjá fyrirtækinu starfa 850 starfsmenn sem gegna lykilhlutverki í stafrænni vegferð, úrvinnslu og greiningu gagnamagns sem verður til við slíkt umfang. Markmið Vodafone er að vera með bestu innkaupastýringu í heimi og skapa sjálfbært samkeppnisforskot fyrir Vodafone. 

Ninian mun veita einstaka innsýn á bak við tjöldin hjá Vodafone Procurement, nýjungar og hvert fyrirtækið stefnir á næstu árum.

Vodafone Procurement vinnur náið með Vodafone á Íslandi og mun Guðrún Gunnarsdóttir aðfangastjóri Vodafone á Íslandi fjalla um samstarfið og hvernig það nýtist Vodafone á Íslandi. 

Á viðburðinum mun Davíð Ingi Daníelsson, sviðsstjóri stefnumiðra innkaupa hjá Ríkiskaupum einnig segja frá umbreytingarvegferð og framtíðarsýn Ríkiskaupa. 

 

International conference on integration

"30 years of integration: success stories, challenges, and unused opportunities"

This two-day conference brings together leading experts on integration issues, policy-makers and hands-on practitioners from Estonia and around Europe to share visionary ideas, research results and best practices for the effective integration in diverse societies.

Participation at the conference is free of charge. The working language will be English, with simultaneous translation to Estonian and Russian. The presentations can be followed live on the conference website.

The conference is organised by the Integration Foundation with the support from partners.

We look forward to seeing you at the upcoming conference!

 

Hvað er framundan á næsta ár? Samtal við Richard Quest og Staale Risa

Þau ykkar sem misstuð af streyminu frá Nordic Bussines Forum með Richard Quest (CNN) og Staale Risa, getið skoðaða það hér. Áhugaverð atrið nefnd og vel þess virði að skoða ef ráðrúm gefst?

https://www.nbforum.com/webinars/webinar-with-richard-quest/watch/

 

Upptaka af málstofu um bókina Aftershocks and Opportunities

Fyrir nokkru var vakin athygli á útgáfu bókarinnar Aftershocks and Opportunities, Navigating the Next Horizon. Síðastliðin laugardag hélt London Futurist málþing um bókina. Málstofustjóri var David Wood, sem margir hér þekkja. Forsvarsmaður útgáfunar var Rohit Talwar sem heldur utan um Fast Future, en hann hefur komið hingað til lands nokkrum sinnum. Hann ásamt höfundum einstakra kafla fjalla um innihald bókarinnar, en hægt er að hlusta á erindi þeirra á þessari vefslóð:

https://www.youtube.com/watch?v=CxQzaUO0eLE

 

 

CIPD - Inclusion and Diversity Conference - creating an inclusive culture where all your people can thrive

A lot of great progress has been made on the inclusion and diversity front in the workplace. Following the pandemic, the business case for inclusion and diversity has gained priority, becoming stronger than ever. However, many companies are still showing a slow growth in diversity and very little progress on inclusion. 

It is now time for organisations to take far bolder actions to create a long-lasting inclusive culture. Promoting inclusive behaviour among their people to boost their reputation and achieve greater profits and faster business growth. 

At the CIPD Inclusion and Diversity Conference, you’ll gain insights and practical takeaways on the best practices that your organisation should implement to create a work environment where every single individual is able to fulfil their potential at work regardless of their ethnicity, gender, sexuality, or background.

The event features inspirational talks, practical case studies and interactive panel discussion. Offering you the opportunity to hear, connect and learn from senior leaders and inclusion and diversity experts on how to create a working environment that is truly inclusive and fully welcomes diversity. 

Vefnámskeið um menningarnæmni

Í samskiptum fólks geta komið upp aðstæður þar sem aðilar skilja ósáttir vegna misskilnings sem rekja má til skorts á menningarnæmi. Menningarnæmi eða „cultural sensitiviy“ gerir okkur kleift að vinna og búa saman í  samfélagi margbreytileikans í sátt og samlyndi. Menningarnæmi er einn þáttur í því að vera menningarlega hæfur eða „culturally competent“.

Hver og einn getur lagt sitt af mörkum til að aðstoða fólk með fjölbreyttan bakgrunn til að samlagast íslensku samfélagi. Við höfum öll hlutverki að gegna sem íslenskukennarar, upplýsingafulltrúar og samfélagsleiðbeinendur þegar kemur samlögun að samfélaginu.

Í fyrirlestrinum fjallar Nichole Leigh Mosty forstöðumaður Fjölmenningarseturs um ýmis hugtök og aðferðir tengdar menningarnæmi. 
Nichole segir okkur einnig frá hlutverki Fjölmenningarseturs og hvaða þjónustu það býður upp á fyrir einstaklinga og stofnanir. 

66° Norður Akademían – heilstæð nálgun á heilsu, vellíðan og þróun starfsmanna.

Hér má sjá myndir af viðburðinum.   Í morgun bauð 66°Norður Stjórnvísifélögum í heimsókn og kynnti fyrir okkur sitt starf í 66°Norður Akademíunni.  
66°Norður Akademían er heilstæð nálgun á heilsu, vellíðan, þjálfun og þróun starfsmanna. Í Akademíunni ler lögð áhersla á að stuðla að þróun starfsmanna í starfi og einkalífi. Grunnur Akademíunnar hófst árið 2014 þegar 66°Norður skólinn hóf göngu sína. Tilgangur 66°Norður skólans er að gefa starfsmönnum yfirsýn yfir starfið sitt hjá 66°Norður og veita þeim tól og tæki til að vaxa í starfi. Frá stofnun skólans hefur 66°Norður útskrifað yfir 250 starfsmenn þar sem yfir 97% starfsmanna telja að skólinn hafi mætt eða farið fram úr væntingum.
Það voru þær Elín Tinna Logadóttir, Aldís Eik Arnarsdóttir og Harpa Sjöfn Lárusdóttir sem fóru yfir þjálfun og þróun starfsmanna hjá 66°Norður, hvernig þjálfunar vegferð fyrirtækisins hefur þróast á síðustu árum og árangurinn sem hefur náðst í kjölfarið.

  

Menningarbrú á norðurslóðum: Rússland-Ísland-Færeyjar

Menning á norðurslóðum: Rússland, Færeyjar, Ísland: Landfræði, saga, bókmenntir og menning.
Dagar rússneskrar menningar á Islandi. Málþing í tilefni af 200 ára afmæli rithöfundarins Fjodors Dostoevskijs og formennsku Rússlands í Norðurskautsráðinu. Dagskrá fundarins:
- ljósmyndasýningin "Rússneska norðurskautssvæðið"
- fyrirlestrar: "Dostojevskij barnanna", "Rússneska norðurskautssvæðið: náttúra og fólk"
- heimildarmyndin "Flottu strákarnir úr Tikhaja-víkinni".
Þátttakendur:
Elena Barinova, framkvæmdarstjóri Vináttufélags Rússlands og Íslands (ODRI https://www.facebook.com/odri.msk.ru),
Fjodor Romanenko, rannsóknaprófessor við Moskvuháskóla og pólfari,
Maja Merkúlova, prófessor við Borgarháskólann í Moskvu,
Andrej Korovín, rannsóknaprófessor við Gorkí stofnunina í Moskvu,
Írína Malíkova, dósent við Háskóla vináttu þjóðanna, tökumaður,
Andrej Melníkov, kennari við Norræna skólann í Moskvu.
Allir eru velkomnir á annan dag í fyrirlestraröðinni 27.okt.

Verkefnamiðað vinnuumhverfi (VMV) - næsti kynningarfundur

Í framhaldi af kynningarfundinum okkar um post-covid aðstöðuna í lok september boðum við næst, 23. nóvember, til kynningarfunds um verkefnamiðað vinnuumhverfi (VMV). 

Frá því að faghópurinn var stofnaður síðasta vor þá hefur VMV mjög reglulega komið til tals meðal stjórnarmanna hópsins sem margir hverjir eru einmitt (eða vilja) koma sér fyrir í þessari tegund af vinnuaðstöðu sem er að aukast í vinsældum. Það er engin furða þar sem í kringum 30% af þróuðum hagkerfum í dag er tölvuvinna á skrifstofu (e. computer-based office work) og eru fyrirtæki í auknum mæli að verkefnavæða rekstrarskipulagið þeirra. 

Á fundinum í lok nóvember munum við kynna þetta konsept. Fyrst fræðilega þar sem við staðsetjum það betur á atvinnumarkaðinum og meðal aðstöðutegunda þess, kynnum niðurstöður nýlegs meistaraverkefnis um VMV og fáum innsýn í innleiðingu þess hjá ríkinu og Landsbankanum. Nánari lýsing og skráning fer fram á viðburðarsíðunni.

Á þriðja hundrað félaga sóttu fund í morgun á vegum faghóps um stefnumótun og árangursmat.

Fundurinn var tekinn upp og er aðgengilegur á facebooksíðu félagsins.  Fyrirtæki búa orðið við hraðar breytingar í umhverfi sínu og munu gera í vaxandi mæli eftir því sem á líður. Samspil menningar og innleiðingar mun því skipta sífellt meira máli.  Fyrirlesarar voru:  
Bjarni Snæbjörn einn þekktasti og reyndasti stefnumótunarráðgjafi landsins og einn af stofnendum hugbúnaðarfyrirtækisins DecideAct sem skráð er í Nasdaq-kauphöllinni í Danmörku.  

Tinni Jó­hann­es­son partner og ráðningarstjóri Góðra samskipta. Áður starfaði hann hjá Capacent og Waterstone Human Capital í ráðningum og ráðgjöf.  Hjá Capacent þróaði Tinni ásamt öðrum ráðgjöfum aðferðafræði til að staðsetja vinnustaðamenningu fyrirtækja og stofnana.

 

Ráðstefna "Know Your rights" (KYR)

Boðið er á lokaráðstefnu ”Know Your Rights” verkefnisins sem verður haldinn í Þjóðminjasafninu, Suðurgötu 41 102 Reykjavík,  miðvikudaginn 20. október kl. 13-16.  Ráðstefnan er á ensku, forskráning er ekki skilyrði en okkur þætti vænt um að vita af þér.  Sjá meðfylgjandi dagskrá.

Erasmus+ styrkir verkefnið sem Einurð leiðir og vinnur í samstarfi við Jafnréttishús, Compass Austurríki, Center for social innovation í Kýpur, Social Innovation Fund Litháen Acción Laboral og Asociaación Camions á Spáni.  Markmið verkefnisins er að auka vitund erlendra starfsmanna um þau réttindi, stuðning og þjónustu sem þeir geta nýtt sér í samstarfslöndunum og samkvæmt Evrópskri vinnulöggjöf.

Afurðir verkefnisins eru þarfagreining á stöðu erlendra starfsmanna í þátttökulöndunum, námskrá og námsefni fyrir jafningjafræðslu, fræðslumyndbönd og upplýsingasíður um réttindi og stuðning við erlenda starfsmenn á 3-5 tungumálum í hverju landi.  Opið menntaefni og fræðslumyndbönd voru unnin um: lágmarkslaun og skattaumhverfi, vinnuaðstæður og öryggismál, heilsugæslu og sjúkratryggingar, verkalýðsfélög og ráðningasamninga. 

Á Íslandi var unnið fræðsluefni og myndbönd á spænsku, taílensku, rússnesku, arabísku og ensku en horft er til þess að nýta og aðlaga fræðsluefni og myndbönd fyrir fleiri tungumálahópa í framtíðinni.   

Fyrirlestrarröð SALTO um inngildingu og fjölbreytileika

Faghópur um fjölbreytileika og inngildingu vekur athygli meðlima á áhugaverðum fyrirlestrum SALTO-Youth um inngildingu og fjölbreytileika. Fyrirlestrarröðin er miðuð að þeim sem starfa með ungu fólki en á þó fullt erindi til alls samfélagsins.

Fjallað er um ólíka þætti inngildingar í hverjum fyrirlestri. Í haust hafa verið haldnir fyrirlestrar um kynþætti, hinsegin samfélagið og stéttaskiptingu en eftir eru fyrirlestrar um kyn (20. október) og fjölbreytileika (3. nóvember). Alla fyrirlestrana er hægt að nálgast á formi upptöku nokkrum vikum eftir að þeir hafa verið fluttir, að kostnaðarlausu.

Hægt er að nálgast fyrri fyrirlestrarraðir á vef SALTO ásamt því að samantekt úr fyrirlestrum vetrarins 2020-2021 hefur verið gefin út á rafrænum bækling, ID Talks Magazine. Fyrirlestrarnir veturinn 2020-2021 voru um trú, líkamlega getu, fólksflutninga, kynslóðabil og samtvinnun (e. intersectionality), en eldri fyrirlestrar um inngildingu í rafrænu ungmennastarfi, í samtökum, fyrirtækjum og í samfélögum framtíðarinnar eru einnig aðgengilegir á vefnum. 

SALTO-Youth stendur fyrir Support, Advanced Learning and Training Opportunities for Youth og vinnur SALTO náið með Erasmus+ samstarfinu sem Ísland er þátttakandi í.

Nýyrðið „inngilding“

Nýlega breytti faghópur um málefni starfsfólks af erlendum uppruna um nafn og heitir núna faghópur um fjölbreytileika og inngildingu (e. diversity & inclusion). Nýyrðið „inngilding“ hefur vakið mikla athygli og mörgum finnst það hljóma sérkennilega. Þess vegna ákváðum við að deila með ykkur orðum Eiriks Rögnvaldssonar prófessors emeritus í íslenskri málfræði við Háskóla Íslands sem fjallar um þetta nýyrði á síðu sinni hjá háskólanum:

Í dag lenti ég alveg óvart inni í umræðu á Facebook um orðið inngilding sem Berglind Rós Magnúsdóttir, dósent á Menntavísindasviði, bjó til fyrir nokkrum árum sem þýðingu á inclusion. Það orð hefur oft verið þýtt sem án aðgreiningar og talað um skóla án aðgreiningarsamfélag án aðgreiningar o.fl. en það er dálítið stirt. Í þessari umræðu fannst mér koma fram dálítill misskilningur á eðli og merkingu orða.  Sumir þátttakendur í umræðunni eru ekki sáttir við orðið inngilding – segja að það skilgreini hugtakið sem um er að ræða ekki vel, sé gildishlaðið, nái ekki yfir hugtakið, og sé jafnvel orðskrípi.

Áðurnefndur misskilningur er mjög skiljanlegur út frá þeim hugmyndum okkar að orð eigi að vera „gagnsæ“ – segja sjálf hvað þau merki, þannig að fólk átti sig á merkingu þeirra þótt það hafi ekki heyrt þau eða séð áður. Því hefur lengi verið haldið að okkur að íslensk orð séu einmitt svona. Það er vissulega sannleikskjarni í því – en bara kjarni. Þótt orð feli oft í sér einhverja vísbendingu um merkingu þurfum við samt oftast að læra nákvæma merkingu þeirra sérstaklega. Og um leið og orð er komið í almenna notkun öðlast það sjálfstætt líf og hættir að vera háð uppruna sínum – gagnsæið hættir að skipta máli.

Það er auðvelt að benda á tugi og hundruð íslenskra orða sem merkja ekki það sem þau líta út fyrir að merkja, út frá samsetningu sinni og uppruna. En við tökum venjulega ekkert eftir því, vegna þess að við erum vön orðunum og vitum hvað þau merkja án þess að hugsa út í upprunann. Eins og ég hef oft nefnt finnst okkur ný orð oftast skrítin, óheppileg og jafnvel alveg ómöguleg – það þarf að venjast þeim og það tekur tíma. Það getur vel verið að það megi finna ýmislegt að orðinu inngilding – ég var ekkert sérlega hrifinn af því þegar ég sá það fyrst. En mér skilst að það sé komið í talsverða notkun og þess vegna væri ábyrgðarhluti að hafna því, nema fram kæmi eitthvert orð sem almenn sátt yrði um þegar í stað – svona eins og þegar þota leysti þrýstiloftsflugvél af hólmi á sínum tíma. Mér finnst bara ekki líklegt að svo verði.

Eirikur Rögnvaldsson (2021)

 

 

Haustráðstefna Stjórnvísi var haldin í dag.

Streymi af haustráðstefnu Stjórnvísi 7.október 2021 í heild sinni. 
Myndir af ráðstefnunni.
Tengill á erindin í sitthvoru lagi á facebooksíðu Stjórnvísi. 

Haustráðstefna Stjórnvísi var haldin í beinni útsendingu í morgun frá Grand Hótel. Þema ráðstefnunnar var „Nýtt jafnvægi“.   Ráðstefnustjóri var Dr. Edda Blumenstein framkvæmdastjóri framþróunar verslunar og viðskiptavina hjá BYKO.

„Miklar umbreytingar hafa átt sér stað síðustu misseri bæði neikvæðar og ekki síður jákvæðar. Tækninni hefur fleygt fram á ógnarhraða og ótrúlegt hvað fólk hefur brugðist hratt við að tileinka sér nýjungar. Sem dæmi um það þá hafa þátttakendur á viðburðum Stjórnvísi aldrei verið fleiri í sögu félagsins og það má þakka m.a. auðveldu aðgengi allra landsmanna í gegnum Teams“ sagði formaður stjórnar Stjórnvísi  Sigríður Harðardóttir við setningu ráðstefnunnar. 

Dagskráin var eftirfarandi:

Háskólinn í Reykjavík : Nýtt jafnvægi í menntakerfinu, áskorun og ögrun.  Bryndís Björk Ásgeirsdóttir, forseti sálfræðideildar Háskólans í Reykjavík

Íslandsbanki og Landsbankinn: Verkefnamiðað vinnurými: Úrlausnir, lærdómur, endurbætur og áskoranir. Hafsteinn Bragason mannauðsstjóri Íslandsbanka og Baldur Gísli Jónsson mannauðsstjóri Landsbankans. 

Innlegg um sköpunargleði og nýtt jafnvægi. Birna Dröfn Birgisdóttir doktorsnemi í Háskólanum í Reykjavík.

Stafrænt Ísland - Andri Heiðar Kristinsson framkvæmdastjóri Stafræns Íslands - helstu áskoranir og hefur náðst nýtt jafnvægi?

Jessica Jane Kingan eigandi og framkvæmdastjóri Rauða Húsið og Bakki Apartments & Hostel Eyrarbakki – Sprotafyrirtæki í ferðaþjónustu á landsbyggðinni fóta sig eftir faraldurinn.  

 

Áhugaverð bók: Aftershocks and opportunities

Áhugaverð bók um eftirmála COVID-19, áskoranir og tækifæri. Í bókinni skrifa 37 framtíðarfræðingar sem koma viða að, með ólíkar nálganir á viðfangsefninu. Bókin er gerð að frumkvæði Fast Future og ritstjóri hennar er meðal annars Rohit Talwar sem er sumum kunnugur hér á landi, aðrir sem ritstýra eru Steve Wells og Alexandra Whittington.

Hér fjallar Rohit Talwar um bókina:

https://www.youtube.com/watch?v=1VPr-_fdrGY

Hægt er að panta bókina af slóð Amazon:

 https://www.amazon.com/Aftershocks.../dp/B09H3B5R55

Frír aðgangur: Haustráðstefna Stjórnvísi 7.október kl.09:00-11:00 bæði á Grand Hótel og í beinu streymi.

Smelltu hér til að bóka þig á ráðstefnuna.
Linkur á streymið er hér

Fyrir hvern: Fyrir alla Stjórnvísifélaga.  Mikilvægt er að velja við skráningu hvort þú mætir á staðinn eða fylgist með í streymi. Morgunverðarhlaðborð opnar kl.08:30.     

Hvenær: Haustráðstefna Stjórnvísi verður haldin á Grand Hótel og einnig verður streymt beint af staðnum.  
Þema ráðstefnunnar: "Nýtt jafnvægi"  
Ráðstefnustjóri: Dr. Edda Blumenstein framkvæmdastjóri framþróunar verslunar og viðskiptavina hjá BYKO.

Pallborðsstjórnandi: Laufey Guðmundsdóttir, sýningarstjóri Jarðhitasýningar ON í Hellisheiðarvirkjun. 

Dagskrá: 
09:00 Formaður stjórnar Stjórnvísi setur ráðstefnuna. 

09:10 FYRIRLESTUR: Háskólinn í Reykjavík : Nýtt jafnvægi í menntakerfinu, áskorun og ögrun.  Bryndís Björk Ásgeirsdóttir, forseti sálfræðideildar Háskólans í Reykjavík

09:30SPJALL: Íslandsbanki og Landsbankinn: Verkefnamiðað vinnurými: Úrlausnir, lærdómur, endurbætur og áskoranir. Hafsteinn Bragason mannauðsstjóri Íslandsbanka og Baldur Gísli Jónsson mannauðsstjóri Landsbankans. 

09:55 Innlegg um sköpunargleði og nýtt jafnvægi. Birna Dröfn Birgisdóttir doktorsnemi í Háskólanum í Reykjavík.

10:10 FYRIRLESTUR:  Stafrænt Ísland - Andri Heiðar Kristinsson framkvæmdastjóri Stafræns Íslands - helstu áskoranir og hefur náðst nýtt jafnvægi?

10:30 SPJALL:  Jessica Jane Kingan eigandi og framkvæmdastjóri Rauða Húsið og Bakki Apartments & Hostel Eyrarbakki – Sprotafyrirtæki í ferðaþjónustu á landsbyggðinni fóta sig eftir faraldurinn.  

Sigríður Harðardóttir sviðsstjóri mannauðs-og gæðasviðs Strætó, formaður stjórnar Stjórnvísi setur ráðstefnuna kl. 09:00. Því næst munu verða flutt erindi og pallborðsumræður. Örstutt hlé verður gert eftir hvern fyrirlestur/pallborðsumræður þar sem ráðstefnugestir eru hvattir til að fara inn á "Slido" og skrá þar í einni setningu hver er þeirra helsti lærdómur af hverju erindi/pallborðsumræðu fyrir sig.   

Verið öll hjartanlega velkomin.

Aðgangur er frír.

Ný stjórn og nafnabreyting á faghópi um málefni starfsfólks af erlendum uppruna

Í september 2021 tók við ný stjórn faghóps um málefni starfsfólks af erlendum uppruna. Strax var farið í nafnabreytingu á faghópnum og ber hann nú heitið faghópur um fjölbreytileika og inngildingu ( e. diversity & inclusion). Lögð verður áhersla á víðari málefni sem ná til inngildingu allra minnihlutahópa hjá skipulagsheildum. Þú skráir þig í faghópinn hér.  

Á síðastliðnu ári voru nokkrar breytingar í stjórn faghópsins og hafa Björg Þorkelsdóttir, Ester Gústavsdóttir, Kári Kristinsson og María Rún Hafliðadóttir hætt störfum í stjórn faghópsins. Viljum við þakka þeim innilega fyrir gott samstarf.

Nýir meðlimir í stjórn faghópsins eru Miriam Petra Ómarsdóttir Awad – sérfræðingur hjá Rannís, Monika Waleszczynska – ráðgjafi hjá Attentus og Þröstur V. Söring – sviðsstjóri hjá Framkvæmdasýslu ríkisins. Við bjóðum þeim velkomin og hlökkum til að starfa með þeim. 

Á myndinni eru stjórnarmeðlimir faghópsins; talið frá vinstri: Þröstur V. Söring, Miriam Petra Ómarsdóttir Awad, Telma Sveinsdóttir, Alma Sigurðardóttir, Gísli Níls Einarsson, Monika Waleszczynska, Joanna Marcinkowska og Irina S. Ogurtsova.

Fréttatilkynning - Ákall til Sameinuðu þjóðanna

Til fróðleiks þá er hér fréttatilkynning um ákall til Sameinuðu þjóðanna, sem einn af stærri vettvögnum framtíðarfræðingar, Millennium Project, hefur mótað vegna hugsanlegra þróunar breytingarafla á heimsvísu. Munum samt að framtíðin er björt :)

Fréttatilkynning - Ákall til Sameinuðu þjóðanna

Alþjóðavettvangur framtíðarfræðinga – Millennium Project

Tvö hundruð leiðtogar kalla eftir því  að stofnuð verði sérstök skrifstofa hjá Sameinuðu þjóðunum, til að samræma alþjóðlegar rannsóknir og hafi það að markmiði að hindra útrýmingu mannkyns.

The Millennium Project, World Futures Studies Federation og Association of Professional Futurists benda á að mannkyninu sé verulega ógnað vegna veikingar á lofthjúpi jarðar, súrnun sjávar vegna loftslagsbreytinga, stjórnlausrar þróunar á nanótækni og gervigreind.

Í opnu bréfi til aðalritara Sameinuðu þjóðanna, Antonio Guterres, dagsettu 16. september 2021, hvetja internetbrautryðjandinn Vint Cerf, Nóbelsverðlaunahafinn Oscar Arias og aðrir leiðtogar á sviði tækni, viðskipta, stjórnmála, umhverfis- og loftslagsmála um allan heim, til þess að sett verði á stofn sérstök skrifstofa innan Sameinuðu þjóðanna sem fjalli sérstaklega um þær ógnir sem steðja að mannkyninu.. Tilgangur slíkrar skrifstofu væri að samræma alþjóðlegar rannsóknir á langtíma áhrifum slíkra ógna  og varnir gegn þeim.

Í bréfinu leggur Maria João Rodrigues, höfundur Lissabonáætlunar ESB, til að skrifstofa Sameinuðu þjóðanna geri fýsileikakönnun á stofnun slíkra skrifstofu.

„Bráðakrísur virðast alltaf taka athygli frá langtíma áhyggjum um framtíð mannkyns. Því þurfum við sérstaka skrifstofu innan Sameinu þjóðanna sem einblínir  á það sem gæti útrýmt okkur og hvernig hægt sé að koma í veg fyrir það. “sagði Jerome Glenn, forstjóri The Millennium Project.

Innan Sameinuðu þjóðanna eru nú þegar stofnanir sem taka á mörgum af áskorunum nútímans - svo sem minnkandi ferskvatni í heiminum, samþjöppun auðs og þjóðernistengdu ofbeldi – en eins alvarlegir og þessi þættir eru þá ógna þeir ekki tilvist mannkyns.

Eftirfarandi tíu atriði eru dæmi um langtíma ógnir:

• Veiking á lofthjúpi (segulsviði) jarðar sem verndar okkur fyrir banvænni geislun sólar

• Mikil losun vetnissúlfats vegna súrnun sjávar, sem stafar af hlýnun jarðar

• Skaðleg nanótækni (þar á meðal svonefnt „gray goo“ vandamál)

• Stjórnlaus þróun gervigreindar

• Einstaklingshyggja sem gæti meðal annars leitt til þróunar og notkunar gereyðingarvopna, s.s. efnavopna

• Vaxandi ógn vegna kjarnorkustríðs

• Stjórnlausir og alvarlegir heimsfaraldrar

•  Kornakstursslys (e. A particle accelerator accident)

• Sprengingar vegna gamma-geisla frá sólu (e. Solar gamma-ray bursts)

• Árekstur smástirna

„Það eru engir innviðir innan Sameinu þjóðanna sem fjalla um slíkar langtíma ógnir,“ sagði Héctor Casanueva, fyrrverandi sendiherra Chile hjá Sameinuðu þjóðanna í Genf. „Skrifstofa Sameinuðu þjóðanna um stefnumótun og tilvistarógnir gæti greint, fylgst með, séð fyrir og samhæft stefnumótandi rannsóknir á heimsvísu til að koma í veg fyrir þessar ógnir, sagði hann. „Það myndi þjóna alþjóðlegum stofnunum, ýmsum samtökum, þjóðríkjum og mannkyninu almennt.

Hugmyndin að nýrri skrifstofu Sameinuðu þjóðanna kom fram á degi framtíðar 1. mars 2021, sem er haldin árlega. Um er að ræða alþjóðlega netráðstefnu nærri þúsund sérfræðinga frá 65 löndum. Alþjóðavettvangur framtíðarfræðinga, Millennium Project,  stendur fyrir umræddum degi. Lagt var til að ályktun um framangreint ákall yrði lögð fyrir á næsta allsherjarþingi Sameinuðu þjóðanna sem haldið verður í september 2021. Það myndi veita skrifstofu Sameinuðu þjóðanna umboð til að gera fýsileikakönnun á fyrirhugaðri skrifstofu Sameinuðu þjóðanna um langtíma ógnir.

Frekari upplýsingar veitir Karl Friðriksson, umsjónarmaður Framtíðarseturs Íslands, en setrið er aðili að alþjóðavettvanginum Millennium Project.

Framtíðarsetur Íslands er leiðandi rannsóknasetur á sviði framtíðarfræða hérlendis í öflugu samstarfi við fyrirtæki og stofnanir hér á landi sem erlendis. Sjá nánar www.framtidarsetur.is

Meðfylgjandi er framangreint bréf til aðalritara Sameinuðu þjóðanna.

Karl Friðriksson

karlf@framtidarsetur.is

Sími 8940422

Fannst þér efnið á síðunni hjálplegt?