Fréttir og pistlar

Á aðalfundi Stjórnvísi sem haldinn var í dag 10. maí 2023 á Nauthól voru kosin í stjórn félagsins:
Stjórn Stjórnvísi 2023-2024.
Stefán Hrafn Hagalín, forstöðumaður samskipta og markaðsmála hjá Háskólanum í Reykjavík, formaður (2023-2024)
Anna Kristín Kristinsdóttir, Digital Platform Adoption Manager, Marel,   (2023-2025)
Auður Daníelsdóttir, forstjóri Orkunnar (2022-2024)
Baldur Vignir Karlsson, stofnandi og framkvæmdastjóri RevolNíu. (2023-2024)
Haraldur Bjarnason, framkvæmdastjóri Auðkenni. (2023-2024)
Ingibjörg Loftsdóttir, sérfræðingur í lýðheilsu og stjórnun, VIRK (2023-2025)
Laufey Guðmundsdóttir, sýningarstjóri Jarðhitasýningar ON (2023-2024)
Lilja Gunnarsdóttir, sérfræðingur hjá Reykjavíkurborg, sjálfstætt starfandi markþjálfi og teymisþjálfi (2022-2024)
Snorri Páll Sigurðsson, deildarstjóri innkaupastýringar Alvotech,  (2023-2025)

Kosin voru í fagráð félagsins:

Aðalheiður Ósk Guðmundsdóttir, framkvæmdastjóri Vök Baths (2022-2024)
Davíð Lúðvíksson, sérfræðingur hjá Rannís (2023-2025)
Eyþór Ívar Jónsson, Akademías (2022-2024)
Guðrún Ragnarsdóttir, stofnandi og framkvæmdastjóri Strategia (2023-2025)
Hermann Björnsson, forstjóri Sjóvár (2022-2024)

Kosnir voru á síðasta aðalfundi  tveir skoðunarmenn til 2ja ára  

Sigríður Soffía Sigurðardóttir, endurskoðunarsviði KPMG (2022-2024)
Hjördís Ýr Ólafsdóttir, endurskoðunarsviði KPMG (2022-2024

Dagskrá aðalfundar
Venjuleg aðalfundarstörf:

1. Kjör fundarstjóra og ritara.
2. Skýrsla formanns.
3. Skýrsla framkvæmdastjóra.
4. Reikningar félagsins lagðir fram til samþykktar.
5. Breytingar á lögum félagsins.
6. Kjör formanns.
7. Kjör stjórnarmanna til næstu ára
8. Kjör fagráðs.
9. Kjör skoðunarmanna reikninga.
10. Önnur mál.

Ársreikningurinn verður aðgengilegur á vefsíðu félagsins strax að loknum aðalfundi. Þeir sem óska eftir útprentuðum ársreikningi er bent á að óska eftir því sérstaklega við framkvæmdastjóra félagsins gunnhildur@stjornvisi.is

VIRK á 15 ára afmæli á þessu ári og í tilefni af því er blásið til ráðstefnu um endurkomu til vinnu eftir veikindi eða slys. 

Boðið verður upp á fjölbreyttan hóp íslenskra og erlendra fyrirlesara á ráðstefnunni, aðalfyrirlesarar verða hinn kanadíski Dr. Emile Tompa og hin hollenska Dr. Sandra Brouwer.

 Dagskrá ráðstefnunnar og skráningu á hana má finna hér.

Skyndileg afsögn forstjóra Icelandair árið 2018 kom mörgum á óvart.

Í þessari grein sem ég birti nýlega á vef FP&A Trends Group er Logical Thinking Process aðferðafræðinni beitt til að greina atburðarásina, byggt á opinberum gögnum og samtölum við stjórnendur. Einnig er fjallað í víðara samhengi um hvaða ástæður geta legið að baki þegar rangar ákvarðanir eru teknar.

Aðalfundur faghóps um jafnlaunastjórnun var haldin í Samrými í dag, 5. maí 2023. Formannsskipti verða fyrir næsta starfsár þar sem Gyða Björg Sigurðardóttir stígur til hliðar sem formaður og Sonja Margrét Scott tekur við keflinu. Gyða hefur verið formaður frá því að faghópurinn var stofnaður árið 2018 og hefur tekið virkan þátt í að móta starfsemi hópsins síðustu ár. 

"Ég er stolt af því starfi sem faghópurinn hefur staðið fyrir síðust ár og er ánægð að sjá fram á að það dafni áfram með nýjum formanni." Sagði Gyða í stuttri ræðu áður en hún afhenti Sonju orðið. 

Sonja Margét Scott er mannauðsstjóri CCEP Iceland og sagði í sinni stefnuræðu að mikilvægt væri að eiga samtal um hvernig móta má framtíð jafnlaunastjórnunar á jákvæðan og uppbyggilegan hátt til framtíðar. 

Stjórn faghóps fyrir starfsárið 2023-2024 skipa:

 

Starfsemi Stjórnvísi byggist upp á þáttöku þeirra sem brenna fyrir málefni faghópana og næsta haust verður aftur auglýst eftir áhugasömum í stjórn faghóps um jafnlaunastjórnun. 

Aðalfundur faghóps um almannatengsl og samskiptastjórnun verður haldinn föstudaginn 19. maí klukkan 08:45-9:30 í gegnum Teams. Allir félagsmenn Stjórnvísi eru velkomnir og áhugasamir geta boðið sig fram til stjórnar. Staða meðstjórnenda er laus, sjá nánar að neðan. 

• Uppgjör á starfsárinu
• Lærdómur af fyrsta starfsári faghóps
• Kosning til stjórnar
• Önnur mál

Störf stjórnar felast í skipulagningu 4-5 fræðsluviðburða á hverri önn. Starf meðstjórnenda einkennist af teymisstarf þannig að vinnuálagi er dreift á milli allra meðlima, skýrar leiðbeiningar eru um hvernig störfum er háttað og því er auðvelt fyrir nýja aðila að fylgja eftir þessu góða starfi og vonandi gera enn betur.

Allir sem hafa áhuga á almannatengslum og samskiptastjórnun og vilja taka þátt að auka vægi atvinnugreinarinnar á Íslandi geta haft samband við Erlu Björgu Eyjólfsdóttur, formann faghópsins og ráðgjafa hjá Cohn & Wolfe á Íslandi.

Netfang: erla.eyjolfsdottir@cohnwolfe.is  

Símanúmer: +354-8985119

______________________________________________________________________________________________________

Mattthías Sveinbjörnsson flugmaður m.a. fyrstu rafmagnsflugvélar Íslands og forstöðumaður tekjustýringar ásamt Sylvíu    Kristínu Ólafsdóttur framkvæmdastjóra þjónustu og markaðsviðs Icelandair ræddu í dag strauma og stefnur í flugi og veltu fyrir sér framtíð flugs bæði út frá tækni og viðskiptavinunum sjálfum.  Lítið hefur gerst frá árinu 1958 fyrir utan hreyflana. En nú er þriðja byltingin hafin í fluginu með tilkomu orkuskipta í flugi – rafmagns flugvélum. Allt verður miklu léttara í rekstrarkostnaði (allt að 80% lægri), hljóðmengun verður lítil sem engin, enginn útblástur og engir dýrir innviðir. Allt er á fullri ferð í þróun slíkra véla í Bandaríkjunum, Þýskalandi og Bretlandi. Bandaríkjamenn eru búnir að fjármagna með Toyota fjöldaframleiðslu á flugvélum sem hefja farþegaflug 2025. Rússar eru lengi búnir að fljúga á vetni en það tekur mikið pláss.  Glærur af fundinum eru aðgengilegar undir fundinum ásamt link á áhugaverða skýrslur.

Framtíðarvika í Kanada - Okkur er boðið. Að sigla í ólgusjó!

Gjaldfrjáls Kanadískur viðburður á netinu.

Framtíðarvika (Futures Week) þeirra í Kanada fer fram 16. til 18. maí 2023. Um er að  ræða ókeypis viðburði þar sem þátttakendum er boðið að hlusta á erindi um margvíslegar framtíðaráskoranir, greina tækifæri og hvernig framsýni/framrýni getur knúið fram umbreytingar.

Um er að ræða árlega netráðstefna og skipulögð af Policy Horizons Canada, https://horizons.gc.ca/en/home/,   á vegum ríkisstjórnar Kanada. Ákveðið var í ár að kynna ráðstefnuna, útfyrir Kanada fyrir áhugafólki um framtíðarfræði og þróun.  

Eins og fyrr segir þá er viðburðurinn er ókeypis og túlkaður á frönsku/ensku, myndatexta og táknmál verða í boði fyrir allar lotur.

Skoðið dagskrá viðburðarins og skráið ykkur til þátttöku.

https://horizons.gc.ca/en/futures-week/

"Ef þú segir mér hvernig frammistaða þín er mæld, þá get ég sagt þér hvernig þú hegðar þér" sagði Eli Goldratt eitt sinn.

Í stjórnun og stefnumótun eru réttir mælikvarðar lykilatriði. Rangir mælikvarðar geta leitt af sér ákvarðanatöku sem veldur fyrirtækinu eða stofnuninni tjóni. Í þessari stuttu grein er fjallað um dæmi um hvernig þetta getur gerst og hvernig við getum notað röklega greiningu til að finna slíka mælikvarða.

https://thorsteinnsiglaugsson.substack.com/p/from-symptoms-to-causes

Bendum á fræðslu Uglu Stefaníu um Trans fólk í nútíma samfélagi. 

Hér birtist nýtt viðtal við H. William Dettmer, upphafsmann Logical Thinking Process aðferðafræðinnar, en Dettmer hélt fyrirlestur á vegum faghópa um stjórnun viðskiptaferla og um stefnumótun og árangursmat vorið 2021.

Viðtalið birtist á nýrri upplýsingasíðu, "The Edge of Reason", sem helguð er röklegri greiningu og gagnrýninni hugsun.

H. William Dettmer er ráðgjafi og höfundur níu bóka um röklega greiningu og stjórnun hindrana (Theory of Constraints) og náinn samstarfsmaður Eli Goldratt, höfundar "The Goal". Sem ráðgjafi hefur Dettmer starfað með fjölda alþjóðlegra stórfyrirtækja við að bæta ákvarðanatöku á grunni röklegrar greiningar. Þar á meðal má nefna Deloitte, Boeing, Siemens, Lucent Technologies og Seagate, svo fátt eitt sé nefnt.

Dettmer er nú á sjötugasta og níunda aldursári, en síður en svo sestur í helgan stein. Megináhersla hans nú er á vefnámskeið í Logical Thinking Process aðferðafræðinni. Í viðtalinu segir hann m.a. frá þróun aðferðafræðinnar og kynnum sínum af Eli Goldratt og hugmyndum hans.

Tveggja heima sýn, tyrkneska ljósmyndarans Ugur Gallenkus, segir sína sögu á áhrifaríkan hátt. Mótun framtíðina þannig að hún styðji við velferð, hagsæld og frið.

https://www.youtube.com/watch?v=4tet-cuSd30 

Framtíðaráform um miðbæ Riyadh, New Murabba. Áhugavert og skemmtilegt myndband?

https://www.youtube.com/watch?v=1MNizNkTUwI