Hafa þarf stjórn á mörgum atriðum til þess að geta rekið fyrirtæki, eitt þeirra atriða er kostnaður. Hjá Strætó bs. er mjög mikilvægt að fylgjast vel með þróun kostnaðar. Kostnaðarstjórnun og -stýring er því úrslitaatriði þegar kemur að nýtingu þess fjármagns sem Strætó bs. er úthlutað. Spurningar eins og; Hvað kostar leið nr. 2? eða Hvað má ein leið kosta? eða Hvernig á að reikna einingarverð? pr. km.? eða pr. farþega? eða pr. vagn?

Þessum og fleiri spurningum verður reynt að svara á morgunfyrirlestri hjá Strætó bs. þann 24. sept. 2014, kl. 08:30-10:00. Þar mun Einar Kristjánsson, sviðsstjóri skipulagssviðs Strætó bs. kynna hvernig kostnaðarstjórnun er orðin að daglegu viðfangsefni er tengist rekstri félagsins.

Hámarksfjöldi er 25. Fyrstir að skrá sig, fyrstir að fá pláss.

Staðsetning Velferðarráðuneytinu, Hafnarhúsið Tryggvagötu

Fyrirlesari: Pétur Berg Matthíasson sérfræðingur í fjármála- og efnahagsráðuneytinu

Umfjöllunarefni: Farið verður yfir uppbygginu CAF líkansins og hvernig það nýtist sem tæki til að greina hvar umbóta sé þörf og þannig leggja grunn að markvissum umbótum á vinnustöðum. Einnig verður fjallað um það helsta sem er að gerast í CAF málum í Evrópu.

CAF sjálfsmatslíkanið er aðferð sem nýst hefur ráðuneytum, stofnunum og öðrum opinberum aðilum við að ná bættum árangri í stjórnun og rekstri. CAF er verkfæri sem er auðvelt í notkun og getur aðstoðað opinbera aðila við að nýta aðferðir gæðastjórnunar í því skyni að bæta árangur. Með CAF er látinn í té rammi að sjálfsmati sem hugmyndafræðilega er líkur öðrum þekktum líkönum úr altækri gæðastjórnun (TQM), sérstaklega árangurslíkani EFQM, en CAF er sérstaklega sniðið að þörfum opinberra stofnana, þar sem tekið er tillit til hversu ólíkar þær geta verið. CAF aðferðafræðin er ætluð til að aðstoða við að hámarka skilvirkni í rekstri og bæta arðsemi, auka tryggð starfsmanna og byggja upp árangursdrifinn teymisanda.

Fyrirlesari: Elísabet Dolinda Ólafsdóttir gæðastjóri Geislavarna ríkisins.

Geislavarnir ríkisins hlaut ISO 9001 vottun á gæðakerfi sínu árið 2008. Frá þeim tíma hefur kerfið þróast á þann hátt að verða ódýrara og einfaldara í rekstri en áður.

Staðsetning fundar:
KLAK-INNOVIT
Innovation House
3.hæð
Eiðistorgi 13-15
170 Seltjarnarnes

Innovation House er á 3.hæð á Eiðistorgi. Gengið er inn á torgið, upp á 2.hæð, á móti Bókasafni Seltjarnarness er inngangur upp á 3.hæð.

Staðall um jafnlaunakerfi var gefin út af Staðlaráði Íslands í lok árs 2012. Staðalinn sem er fyrsti sinnar tegundar í heiminum er samvinnuverkefni aðila vinnamarkaðarins. Um er að ræða brautryðjendastarf í jafnréttismálum sem á sér ekki fordæmi en fyrirmyndir voru sóttar í alþjóðlega staðla um t.d. gæða- og umhverfisstjórnun.
Eins og aðrir staðlar er hann valkvæður, þ.e. fyrirtækjum og stofnunum er í sjálfsvald sett hvort þau innleiða hann. Með notkun staðalsins er fyrirtækjum og stofnunum auðveldað að koma á og viðhalda launajafnrétti kynja og geta þau fengið vottun þar um. Ávinningur af notkun jafnlaunastaðalsins getur m.a. haft í för með sér bætta ímynd, betri mannauðsstjórnun, faglegri launastefnu og góða stjórnarhætti. Staðallinn er kröfustaðall en haft var að leiðaljósi að gera hann einfaldan og skýran svo hann geti nýst stórum og smáum fyrirtækjum og stofnunum.

Undanfarið ár hefur verið í gangi tilraunaverkefni um innleiðingu staðalsins á vegum aðgerðahóps stjórnvalda um launajafnrétti á vinnumarkaði með þátttöku nokkurra fyrirtækja og stofnanna. Fjallað verður um staðalinn og tilraunaverkefnið á fundinum.

Fundurinn verður fimmtudaginn 25. sept. kl. 8. 30 í Mennta- og menningaráðuneytinu, Sölvhólsgötu 4 á 4. hæð.

Verið velkomin á fyrsta Nýsköpunarhádegi vetrarins, þriðjudaginn 30. september n.k. kl. 12:00-13:00.

Nýsköpunarhádegi eru samstarfsverkefni Klak Innovit og Nýherja og verða haldin á völdum þriðjudögum í vetur.

Hvert hádegi hefur þema sem lagt er upp með að sé eins viðeigandi og virðisaukandi fyrir íslenska frumkvöðla og sprotafyrirtæki og kostur er. Í því skyni var send út könnun til frumkvöðla í tengslaneti Klak Innovit þar sem viðtakendur höfðu kost á því að leggja fram tillögur að efnistökum.

Umfjöllunarefnið að þessu sinni er Gjaldeyrishöft - Erlend fjárfesting. Í panel sitja eftirtaldir aðilar auk þess sem opnað verður fyrir spurningar úr sal;

Ágúst K. Guðmundsson, lögfræðingur hjá KPMG
Þorsteinn Gunnarsson, stjórnarformaður Cooori
Stefanía Sigurðardóttir, meðstofnandi Aevi
Bjarki A. Brynjarsson, framkvæmdarstjóri Marorku

Gunnar Zoëga, framkvæmdastjóri Lausna og þjónustu Nýherja opnar viðburðinn.

Við bjóðum gestum að bragða á hinum umtöluðu próteinstöngum frá Crowbar en fyrirtækið,
sem tók þátt í viðskiptahraðlinum Startup Reykjavik í sumar, hefur vakið mikla athygli síðustu mánuði þar sem uppistaða þessarar nýju lífrænu súperfæðu er fengin úr skordýrum.

Við hlökkum til að taka á móti ykkur í Innovation House Reykjavik á Eiðistorgi.

Athugið að fullbókað er á fundinn.

Fyrirlesari: Haraldur A. Bjarnason framkvæmdarstjóri Auðkennis

Haraldur mun fjalla um rafræn skilríki og rafrænar undirritanir. Rafrænar undirritanir eru orðnar mikilvægur þáttur í rafrænum viðskiptum í nágrannalöndum okkar og felast í þeim mikil tækifæri til lækkunar viðskiptakostnaðar. Á Íslandi eru dæmi um notkun rafrænna undirritana en búast má við að notkun þeirra vaxi ört á næstu árum.

Staðsetning:
Staðlaráð Íslands
Þórunnartúni 2, 3. hæð, 105 Reykjavík

Þetta fyrsta erindi vetrarins er í boði Innkaupahóps Stjórnvísi í samstarfi við Vörustjórnarfélag Íslands.
Kristján M. Ólafsson, Verkefnastjóri á ráðgjafasviði hjá KPMG og formaður Vörustjórnunarfélags Íslands og Thomas Möller, Framkvæmdastjóri Rýmis og stjórnarmaður Vörustjórnarfélagst Íslands, munu halda erindi um „Tækifæri til skilvirkari innkaupa“ og „12 leiðir til að lækka birgðir“.
Þeir félagar Kristján og Thomas eru meðal reynslumestu sérfræðinga á sviði innkaupa- og vörustjórnunar á Íslandi og má engin sem kemur að innkaupum á einn eða annan hátt, láta þetta framhjá sér fara.
Inngangur hjá Opna háskólanum, 2 Hæð, Stofa M209.

Þær Rut Vilhjálmsdóttir og Unnur Eva Arnarsdóttir sem hafa lokið meistaranámi við Háskóla Íslands munu kynna niðurstöður tveggja áhugaverðra rannsókna á sviði breytingastjórnunar.

Rut Vilhjálmsdóttir mun kynna niðurstöður úr rannsókn sinni sem ber heitið Aðlögun starfsmanna í kölfar róttækra breytinga: Stuðningur og viðnám starfsmanna í ferlinu.

Unnur Eva Arnarsdóttir mun kynna niðurstöður úr rannsókn sinni á sameiningu samgöngu- og sveitarstjórnarráðuneytis- og dómsmála- og mannréttindaráðuneytis í innanríkisráðuneyti út frá sjónarhóli starfsmanna og stjórnenda.

Viðburðurinn verður haldinn á Læknagarði í stofu LG-201, Vatnsmýrarvegi 16 við Landspítala, 101 Reykjavík og eru allir hjartanlega velkomnir.

Quality is too important to be left to just the Quality department. Your Business Excellence program needs to be a mass movement involving every one of your people. Excellence is the responsibility of everyone in the organization, beginning with the leadership. Involvement of the Board and the CEO will help to ensure that your company’s Business Excellence initiatives address your strategic business priorities and galvanize the efforts of everyone in the organization toward this.

In this Video Conference meeting, we will discuss what exactly is the role of CEOs, Board Directors and senior management in Quality. We will also discuss the typical qualities of business leaders who have been able to achieve substantial and sustained business results through Quality.

Speaker :

Mr. Arun Hariharan

Founder & CEO, The CPi Coach (cpicoach.webs.com)
Author: Continuous Permanent Improvement
Mumbai, India

See "Ítarefni": Introduction to the topic as well as the book “Continuous Permanent Improvement”.
Brief profile of Arun Hariharan.

Verið hjartanlega velkomin á Nýsköpunarhádegi, þriðjudaginn 14. október n.k. kl. 12:00-13:00.

Nýsköpunarhádegi eru samstarfsverkefni Klak Innovit. Stjórnvísi og Nýherja og verða haldin reglulega á þriðjudögum í vetur.

Umfjöllunarefnið að þessu sinni er erlend markaðssetning. Við höfum fengið Paulu Gould, framkvæmdastjóra markaðssviðs GreenQloud, til að miðla af sinni víðtæku reynslu af erlendri markaðssókn með áherslu á markaðssetningu. Hún mun ræða um leiðir til að byggja upp markaðsvitund erlendis og snerta á þeirri umræðu hvort skynsamlegra sé að byggja fyrst upp fyrirtækið á heimamarkaði eða ekki og taka dæmi um hvoru tveggja. Hún mun einnig fjalla um mismuninn á Bandaríkjamarkaði og Evrópu.

Ágúst Einarsson, framkvæmdarstjóri TM Software, opnar viðburðinn með því að segja stuttlega frá árangri Tempo lausnarinnar í tengslum við umræðuefnið.

Við hlökkum til að taka á móti ykkur í Innovation House Reykjavik á Eiðistorgi.

Our next Innovation MeetUp will be held on Tuesday, the 14th of October, where we will be focusing on international markets.

Paula Gould CMO at GreenQloud will be talking about establishing a network and getting market traction in foreign markets. She will touch upon the matter weather it is important to have a strong presence in home market in order to get more traction in other markets or not, and give an example of both. She will also be discussing the difference between the US market and Europe built on her professional experience.

Ágúst Einarsson, MD at TM Software will open the event by shortly telling us about their Tempo solution success in relation to international expansion.

Innovation MeetUps are hosted by Klak Innovit in cooperation with Nýherji.

We look forward to seeing you next Tuesday at Innovation House Reykjavik, 3rd floor, Eiðistorgi.

Ferðasaga um straumlínulögun OR.
Skýrt verður frá upphafi ferðalagsins og aðgerðum sem unnið unnið hefur verið að til þess að skapa forsendur fyrir þróun ferla með áherslu á viðskiptavininn og stöðugar umbætur. Kynntar verða nokkrar aðferðir sem nýttar eru hjá Orkuveitunni s.s. töflur og umbótaverkefni.

Fyrirlesari: Kristjana Kjartansdóttir, gæðastjóri OR

Staður: Orkuveita Reykjavíkur Bæjarhálsi 1

Miðvikudaginn 15. október, kl. 8.30 - 10.00 verður fundur faghóps Stjórnvísi um umhverfis- og öryggismál haldinn hjá Landsvirkjun, Háaleitisbraut 68.
Ragnheiður Ólafsdóttir umhverfisstjóri Landsvirkjunar mun kynna fyrstu rafrænu umhverfisskýrslu á Ísland sem komin er á vefinn og ræða um hvernig upplýsingamiðlunar um frammistöðu í umhverfismálum hefur þróast hjá fyrirtækinu. Landsvirkjun hefur verið eitt af leiðandi fyrirtækjum í umhverfisstjórnun á Íslandi og mikil þekking og reynsla til staðar sem nýtist við stöðuga þróun og umbætur umhverfisstarfs.
Þátttakendur eru hvattir til að kynna sér skýrsluna fyrir fundinn svo líflegar umræður geti skapast um málefnið. http://umhverfisskyrsla2013.landsvirkjun.is/

Flest erum við sammála um gildi mælinga og leggjum áherslu á að fá upplýsingar um hvernig viðskiptavinir okkar meta þjónustuna. Á þessum morgunfundi taka þau Einar S. Einarsson framkvæmdastjóri Sölu og markaðassviðs ÁTVR og Sigrún Viktorsdóttir, forstöðumaður Þjónustustýringar Orkuveitu Reykjavíkur fyrir mælingar í þjónustu. Velta upp spurningum eins og af hverju verið er að þessu, uppruni mælinganna, hvernig og hvað er mælt og taka loks umræðu um hvað gert er við þetta. Já, og hvað svo. Þau ætla m.a. að velta því svolítið fyrir sér.

Fyrirlesari: Ína Björg Hjálmarsdóttir gæðastjóri Blóðbankans.

Blóðbankinn hefur verið með vottað gæðakerfi í 14 ár. Gæðakerfi Blóðbankans hefur þroskast og tekið ýmsum breytingum á þessum tíma.

Annar fundur vetrarins verður haldinn í Vodafone fimmtudaginn 23. október hjá faghópi um stjórnun viðskiptaferla (BPM) til að kynna vinnu við TO BE ferla frá kl. 8.30 til 10.00.

Efni fundar:
Áherslur úr stjórnun viðskiptaferla (BPM) við breytingar í starfseminni
Endurhönnun ferla (TO BE) - BPM áherslur og praktísk mál

Dæmi: Hönnun og innleiðing á nýju ábendingaferli hjá Össur

Fyrirlesari

Magnús Ívar Guðfinnsson, MSc Stjórnun og stefnumótun, Quality Process Manager, Össur

Staðsetning: Vodafone, Skútuvogi 2

Fyrir hvern er fundarefnið: Starfsmenn og stjórnendur sem vinna að breytingum í rekstri;
starfsmenn gæðamála, verkefnastjóra, auk starfsmanna í þjónustu og áhugafólks um ferla
og stjórnun.

Einar Guðbjartsson. dósent.

Í erindinu veður rætt um hvað er kostnaður og hvernig kostnaður veður til.

Tekin verða tvö dæmi um kostnað þar sem greining á kostnaði er ónóg og rangar ákvarðanir geta verið teknar í kjölfarið, ef ekki er gætt þess að finna alla undirliggjandi kostnaðarvaka. Í erindinu verður reynt að svara spurningum eins og; Hvað er kostnaður?, Ef kostnaður lækkar, verður fyrirtækið þá með betra rekstrarhæfi? Tekin verða fyrir tvö dæmi og þau skoðuð. Annars vegar þegar allur kosntaður er ekki reiknaður og hins vegar þegar raunkostnaður er lægri en áætlun.

Á þessu ári verður þema haustráðstefnu Stjórnvísi "Minni vinna - meiri framlegð - betri líðan". Við höfum fengið til liðs við okkur áhugaverða einstaklinga sem munu fjalla um ávinninginn að aukinni framlegð í atvinnulífinu, hvaða ólíku leiðir hafa verið farnar á þeirra vinnustöðum til þess að auka framlegð, sagðar verða raunsögur og hugtakið útskýrt. Það er til mikils að vinna fyrir einstaklinginn, vinnustaðinn og þjóðfélagið sjálft.
Fyrirlesrarar eru: Ragnheiður Elín Árnadóttir, iðnaðar-og viðskiptaráðherra, Guðrún Hafsteinsdóttir, formaður Samtaka iðnaðarins og markaðsstjóri Kjöríss í Hveragerði, Páll Matthíasson, forstjóri Landspítalans og Ólafur Ísleifsson, framkvæmdastjóri gæðamála við Háskólann á Bifröst,

Ráðstefnustjóri er Hrönn Greipsdóttir, fjárfestingastjóri Arev verðbréfa,

Ráðstefnan verður verður haldin á Grand Hótel frá kl.13:00-15:30 þriðjudaginn 28.október frá kl.13:00-15:30

Boðið verður upp á kaffihlaðborð og eru allir Stjórnvísifélagar hjartanlega velkomnir.

Ferðaþjónustugreinin á Íslandi vex mjög hratt. Mjög mikilvægt er að í svo hröðum breytingum nái allir aðilar sem koma að greininni að halda í við vöxtinn. Ein mesta áskorunin er að tryggja að fólk sem sækir Ísland heim búi við gott öryggi á ferðum sínum um landið. Í þessu erindi verður fjallað um mikilvægi áhættugreininga og aðgerða í ferðaþjónustu og tekið dæmi um verkefni þar sem öryggismál skipa mjög stóran sess.
Nú standa yfir framkvæmdir við gerð ísganga fyrir ferðamenn hátt uppi á Langjökli. Slíkri framkvæmd fylgja ýmsar hættur sem þarf að greina og bregðast við. Bæði geta aðstæður á jöklinum verið varasamar og einnig fylgja gangagerð hvers konar ýmsar hættur. Loks þarf að greina mögulegar hættur gagnvart gestum ganganna þegar að rekstri ferðaþjónustu þar kemur og haga útfærslu ganganna og fyrirkomulagi ferðarinnar eftir þeim.

Reynir Sævarsson verkefnisstjóri og Þóra Kristín Ásgeirsdóttir sérfræðingur í neyðarstjórnun hjá EFLU verkfræðistofu munu gera grein fyrir verkefninu, gerð og viðhaldi áhættumats og viðbragðsáætlana fyrir verkefnið.

Ekki missa af næsta Mannamóti!

Hvenær: Miðvikudaginn 29.október
Hvar: KEX, Skúlagötu 28
Klukkan 17 - 18.30

Guðmundur Jörundsson, stofnandi og aðalhönnuður JÖR, ásamt Gunnari Erni Petersen, framkvæmdastjóra JÖR, ætla að fjalla um merkið JÖR, uppbyggingu og framtíð þess.

Sjáðu kynningarmyndband hér:
guðmundur í jÖr.png

Magni Þorsteinsson og Hugrún Árnadóttir, hönnuðir og eigendur Kron by KronKron ætla einnig að vera með erindi á Mannamótinu nk. miðvikudag. Þau ætla að fjalla um sögu KronKron, uppbyggingu merkisins hér heima og erlendis og mikilvægi þess að muna eftir að fylgja hjartanu.

Sjáðu kynningarmyndband hér:
magni í kronkron.png

Aðgangur ókeypis. Sjáumst hress!

Haukur Hannesson, Framkvæmdastjóri AGR.
Staðsetning. Háskólinn í Reykjavík, Inngangur hjá Opna Háskólanum 2.hæð. Stofa M209.

Á fundinum verður fjallað um:
• Hvernig má tengja innkaupaferlið við áætlanagerðina?
• Hvernig má bæta áætlanagerðina og gera hana sýnilegri?
• Hvernig má bregðast við eftirspurnarbreytingum við áætlanagerð?
• Hvernig má samþætta verkferla við innkaup, áætlanagerð og söluherferðir?
• Fjallað um nýlega innleiðingu söluáætlanaferlis hjá alþjóðlegu lyfjafyrirtæki.

Drekka menn Pepsi á stjórnarfundum í Vífilfelli?

Gísli Gíslason, lögfræðingur og framkvæmdastjóri EVEN.

Nýsköpun fyrir íslensk orkufyrirtæki.
Bjarni Pálsson, deildarstjóri virkjanadeildar Landsvirkjunar.

Stefán Þór Helgason, verkefnastjóri hjá Klak Innovit kynnir viðskiptahraðalinn Startup Energy Reykjavík.

Ánægja starfsfólks er hornsteinn í árangri fyrirtækja. Kenningar sýna þó fram á að ekki er nóg að búa yfir ánægðu starfsfólki heldur er talið mikilvægara að starfsfólk helgi sig starfinu. Helgun er upplifun starfsmanna og má skilgreina sem jákvætt viðhorf starfsmanna til fyrirtækis og gildum þess og sá sem helgar sig starfinu áttar sig á hver áhrif hans sem starfsmanns eru á heildarafkomu fyrirtækis. Ýmsir þættir eru taldir hafa áhrif á það að hve miklu leyti starfsfólk helgar sig starfinu og helgun hefur sterkt forspárgildi um jákvæða rekstrarafkomu fyrirtækja.

Guðrún Ragna Hreinsdóttir og Kristjana Milla Snorradóttir, nemendur í meistaranámi í verkefnastjórnun (MPM) gerðu rannsókn í tengslum við lokaverkefni sitt. Markmið rannsóknarinnar var að kanna hvort gæðastjórnun hafi áhrif á helgun starfsmanna. Byggt var á niðurstöðum vinnustaðagreininga Capacent á Íslandi. Tekin voru saman gögn úr mælingum sem voru gerðar fyrir og eftir ISO 9001 vottun fyrirtækja. Einnig voru bornar saman niðurstöður fyrirtækja sem voru með ISO 9001 vottun og fyrirtækja sem voru ekki með ISO 9001 vottun.

Niðurstöður mælinga Capacent benda til þess að gæðastjórnun hafi ekki áhrif á helgun starfsmanna. Það má þó greina tengsl á milli þátta úr hugmyndafræði gæðastjórnunar og helgunar starfsmanna sem gætu haft jákvæð áhrif á helgun starfsmanna.

Morgunverður verður í boði Capacent.

Staðsetning:
Capacent
Ármúli 13
108 Reykjavík