Fréttir og pistlar

Góður stjórnandi býr yfir fjölbreyttum eiginleikum, allt frá skipulagningu og útdeilingu verkefna til miðlunar upplýsinga og hvatningar. Ásamt fyrrgreindum hæfileikum er yfirgripsmikil og sérhæfð þekking á stjórnun og sjúkrahússtarfsemi talin nauðsynleg öllum stjórnendum á Landspítala.

Á Landspítala er lagt mat á starfsumhverfið með reglubundnum hætti en tilgangurinn er að kanna stöðu innra starfs spítalans og upplifun starfsmanna á vinnustað, meðal annars stjórnun, boðleiðum og öðrum mikilvægum þáttum sem snúa að innri ferlum. Mælingar taka mið af starfsánægju, starfsanda, trausti til stjórnenda og yfirmanna svo eitthvað sé nefnt. Slík greining getur lagt grunn að umbótastarfi, sé þess þörf, veitir stjórnendum aðhald, segir þeim hvað vel er gert og hvað má betur fara á vinnustaðnum til að starfsfólki líði vel.

Niðurstöður síðustu könnunar (2012) bentu til þess að starfsumhverfið væri að mörgu leyti í góðu lagi en þar væru líka ákveðin tækifæri til þess að gera betur. Stjórnendur njóta til að mynda mikils trausts starfsmanna sinna (4,26)*, leggja áherslu á hagkvæmni í rekstri (4,43), setja almennt fagmennsku í forgang (4,25) og hafa skýra framtíðarsýn og vinna í anda stefnu LSH (4,28). Flestir eru í auknum mæli meðvitaðir um jákvæð áhrif þess að hrósa en hins vegar sýna kannanir fram á að starfsmenn telja endurgjöf um frammistöðu í starfi ábótavant (3,67).

Við leggjum upp úr því að vinna með niðurstöður slíkra kannana og grundvöllur stjórnendaþjálfunar tekur mið af þeim nú þegar ný námskeið hefjast á Landspítala. Góð endurgjöf skiptir miklu fyrir starfsanda og þar eru stjórnendur í lykilhlutverki. Hrós er hvetjandi þegar vel gengur og leiðbeinandi endurgjöf getur verið lykilatriði þegar bæta þarf frammistöðu og ná árangri. Okkar markmið er að hafa góða stjórnendur sem gera endurgjöf að einu af þeim öflugu verkfærum sem skapa gott starfsumhverfi á Landspítala.

*Meðaltal á Likert skala (1-5) þar sem 5 er hæsta gildi. 

Greinarhöfundur er Arna Pálsdóttir, M.Sc í vinnusálfræði og verkefnastjóri á mannauðssviði Landspítala.

Á fundi upplýsingaöryggis sem haldin var í Háskólanum í Reykjavík í morgun ræddi Ýmir Vigfússyni um núverandi stöðu tölvuöryggis á Íslandi og hvað við getum gert til að bæta okkur. Niðurstaða Ýmis er sú að hætturnar eru til staðar sem aldrei fyrr og við hér á Íslandi getum gert mun betur. Peningar, njósnir og völd eru þeir þættir sem gera tölvuinnbrot aðlaðandi fyrir skúrkana og í dag eru þetta oft glæpasamtök sem standa að baki innbrota. Það er úr nægu fyrir þá að moða því að öryggisholur er víða að finna og t.d. kóði stýrikerfa margfalt umfangsmeiri í dag heldur en fyrir 10 árum. Framtíðin er líka ekki allt of björt því að Ýmir spáir því að virði og umfang tölvuárása muni aukast ásamt fjölda öryggisveikleika kerfa. Aftur á móti er hættan fyrir einstaklinga óljós, það eru ekki allir skúrkar sem að finnst borga sig að ráðast á einstaklingstölvur og sérhæfa sig frekar í að ráðast á stærri skotmörk.
Hvað getum við gert hérna á Íslandi? Að mati Ýmis þá er það annaðhvort að kaupa lausnir á borð við öryggisúttektir eða "Offensive Security" eða þjálfa upp starfsfólk. Þjálfun eða menntun er mjög mikilvæg og mikið meira sem mætti gera bæði fyrir þá sem eru að læra hugbúnaðarþróun og eins á sviði símenntunar fyrir þá sem eru út í atvinnulífinu. Háskólinn í Reykjavík hefur árlega boðið upp á 6 eininga tölvuöryggisnámskeið sem er opið fyrir alla (3 vikna) og einnig árlegar keppnir í tölvuhakki. Næsta tölvuhakkskeppni HR verður einmitt næstkomandi fösudag í sal 1 í Háskólabíói (kl 21:30) og eftir spennandi innbrotskeppni sem háð verður á staðnum, kemur í ljós hver er hakkari ársins 2012!

Samfélagsábyrgð fyrirtækja er í raun tæki til að vinna með viðskiptavinum og samfélagi á einfaldan og árangursríkan hátt.

Atriði sem stuðla að góðu orðspori:

Sýnin um að vera hluti af lausninni - Verkefni á sviði umhverfismála og samfélags þarf að leysa, hvert er hlutverk fyrirtækisins og hvaða tækifæri hefur það til að leggja sitt af mörkum til úrbóta? Miðlið sýn fyrirtækisins og lausnum.

Láta verkin tala - Orðsporið byggir á aðgerðum og árangri. Að auglýsa ímynd án innistæðu getur skaðað meira en að gera ekkert. Útlistið í hverju áskoranir ykkar liggja og hverju þið ætlið að áorka.

Starfsmenn virkjaðir - Starfsmenn þarf að virkja; það veitir ánægju að tilheyra hópi sem hefur eitthvað meira fram að færa en hagnað. Því skýrari skilaboð sem starfsmenn fá, því auðveldara er að taka réttar ákvarðanir, efla fyrirtækið og vera eftirsóttur vinnustaður.

Fræða viðskiptavini - Að fræða viðskiptavinina er árangursrík leið. Með því að deila lausnum fyrirtækisins út á við sýnið þið frumkvæði, hafið keðjuverkandi jákvæð áhrif í virðiskeðjunni og eflið orðsporið.

Beita áhrifum - Með þrýstingi má hafa jákvæð áhrif á markaðinn, t.d. á stefnumótun, innkaup og lagasetningu. Stuðningur frá atvinnulífi er mikilvægur til að bæta umhverfi og samfélag.

Vinna með hagsmunasamtökum - Hlustið á væntingar annarra með lausnir í huga, þannig gefst tækifæri til að læra og deila upplýsingum.

Segja sögu fyrirtækisins - Vandið ykkur við að miðla sögu, lærdómi og áherslum fyrirtækisins.

Miðlun þarf vera smekkleg og með tilfinningu fyrir hagsmunaaðilum.

Góðar reynslusögur - Góð dæmi um árangur berast víða og smita út frá sér.

Gríðarlega áhugaverður fundur um sköpunargleði var haldinn hjá TM Software (#ofurhetjur) nýlega. Þar fjölluðu þær Eva Sigurbjörg Þorkelsdóttir og Kristín Guðjónsdóttir um niðurstöður rannsóknar á nýsköpunarumhverfi í íslenskum sprotafyrirtækjum. Soffía Kristín Þórðardóttir hjá TM Software sagði svo frá því umhverfi sem þar hefur verið skapað til að framleiða ofurhetjur með frábær markmið.
Hér má sjá myndir af fundinum: http://www.facebook.com/photo.php?fbid=402489076485715&set=a.402489056485717.95695.110576835676942&type=1&theater

Þann 10. febrúar 2012 var undirritað samkomulag milli velferðarráðuneytisins, Vinnumálastofnunar (VMST), Samtaka atvinnulífsins (SA) og Alþýðusambands Íslands (ASÍ) um að efna til þriggja ára tilraunaverkefnis sem hefur það markmið að efla vinnumiðlun og stuðla að virkari vinnumarkaðsaðgerðum, sem jafnframt auki líkur atvinnuleitenda á því að fá störf á vinnumarkaði að nýju. Byggir samkomulagið á yfirlýsingu ríkisstjórnarinnar í tengslum við kjarasamninga vorið áður.

Til að annast framkvæmd verkefnisins stofnuðu ASÍ og SA sameiginlegt félag, Starf - vinnumiðlun og ráðgjöf ehf. (STARF) og mun það annast þjónustu við atvinnuleitendur í tengslum við vinnumiðlun og vinnumarkaðsaðgerðir og fær til þess greiðslur úr Atvinnuleysistryggingasjóði.

Vinnumálastofnun - atvinnuleysisbæturnar

Vinnumálastofnun mun eftir sem áður sjá um skráningarþátt atvinnuleitenda í gegnum vefsíðu sína, atvinnuleysisbæturnar og ákvarðanir um réttindi viðkomandi atvinnuleitenda innan atvinnuleysistryggingakerfisins samkvæmt lögum. Þar með talin er umsjón með greiðslu atvinnuleysisbóta og ábyrgð á öllum stjórnvaldsákvörðunum um réttindi og skyldur atvinnuleitendanna í samræmi við lög um atvinnuleysistryggingar.

Þ.G. Verktakar hafa áralanga reynslu að framkvæmdum fyrir opinbera aðila, stórfyrirtæki og einstaklinga ásamt því að byggja atvinnu og íbúðarhúsnæði á eigin vegum.

Fyrirtækið er nú á meðal stærstu verktakafyrirtækja landsins og hefur áunnið sér traust opinberra aðila og stórfyrirtækja meðal annars með byggingu stærstu prentsmiðju landsins fyrir Morgunblaðið, byggingu Hellisheiðarvirkjunar, höfuðstöðva Orkuveitu Reykjavíkur, byggingu stærstu byggingarvöruverslunar landsins fyrir Húsasmiðjuna og stækkun Nesjavallavirkjunar svo eitthvað sé nefnt.

Þ.G. Verktakar hafa, með framúrskarandi starfsfólki og góðum tækjakosti, vaxið hratt á síðustu árum. Velta félagsins árið 2008 er um 4 milljarðar.

Að jafnaði starfa vel á annað hundrað manns á vegum fyrirtækisins í útboðsverkum og í eigin framkvæmdum.

Hjá Þ.G.Verktökum er starfandi gæðastjóri og gæðaráð. Gerðar eru reglulegar innri úttektir á öllum verkþáttum og höfuðáhersla er lögð á vandaðar íbúðir, góða þjónustu og skil íbúða á réttum tíma.

Þegar heimastjórn var komið á fót hér á landi árið 1904 var stofnað embætti ráðherra Íslands, og var hann æðsti yfirmaður Stjórnarráðs Íslands. Stjórnarráðinu var skipt í þrjár skrifstofur sem gengu undir nöfnunum fyrsta, önnur og þriðja skrifstofa. Fyrstu skrifstofu var ætlað að sjá um dóms-, skóla- og kirkjumál, önnur skyldi sjá um atvinnumál, samgöngumál og póstmál en hin þriðja fjármál. Skrifstofustjóri var yfir hverri skrifstofu en landritari var yfirmaður þeirra. Allir lutu þeir svo ráðherra Íslands.

Þessi skipan hélst til 1917 að ráðherrar urðu þrír. Með þeirri breytingu varð embætti forsætisráðherra fyrst til, án þess þó að stofnsett væri sérstakt forsætisráðuneyti. Þess má geta að árið 1921 var farið að kalla skrifstofurnar þrjár sem áður getur (nefndar deildir frá 1917) dóms- og kirkjumálaráðuneyti, atvinnu- og samgöngumálaráðuneyti og fjármálaráðuneyti.

Samkvæmt konungsúrskurði frá 1924 var ákveðið að ráðherrar skyldu vera fjórir, forsætisráðherra, dóms- og kirkjumálaráðherra, atvinnu- og samgöngumálaráðherra og fjármálaráðherra. Undir forsætisráðherra skyldu m.a. heyra stjórnarskráin, Alþingi, skipun ráðherra og lausn og forsæti Stjórnarráðsins, og að auki utanríkismál og forsæti í bankaráði Íslandsbanka.

Árið 1921 var ráðinn starfsmaður til þess að sinna ákveðnum málaflokkum sem féllu undir forsætisráðherra. Sú ráðning var þó aðeins til skamms tíma en frá 1927 hefur sérstakt starfsfólk haft málefni þau sem heyra undir forsætisráðherra á sínu verksviði. Þar með var skrifstofu forsætisráðherra komið á fót og í raun forsætisráðuneyti, án þess þó að það væri nefnt því nafni. Frá sama ári eru einnig til bréfadagbækur með nafni forsætisráðuneytisins. Starfsfólk á skrifstofu forsætisráðherra hafði í fyrstu eitt lítið herbergi til afnota inn af aðsetri forsætis-ráðherra og þurfti að ganga í gegnum skrifstofu hans, en árið 1933 fékkst meira rými á annarri hæð Stjórnarráðshússins.

BM Vallá hefur um langt árabil verið í fararbroddi íslenskra iðnfyrirtækja og gegnt forystuhlutverki í framleiðslu fyrir íslenskan byggingavörumarkað. Þar er saman komin áratuga þekking og reynsla á framleiðslu og lausnum fyrir íslenska byggingaraðila.

BM Vallá er í 100% eigu BMV Holding ehf.

Primex ehf is an Icelandic marine biotech company who is a global leader in the manufacture and supply of pure chitin and chitosan derivatives.
Primex is born global and dedicated to innovate and market scientifically sound and novel natural ingredients for use in numerous markets like, nutritional, cosmetic, food and biomedical.
Primex is located in Iceland in the middle of the North Atlantic Ocean. Pristine waters of the North Atlantic surround the island, where warm water, brought up by the Golf stream, mixes with the cold Artic waters from north to create fruitful conditions for rich plant and animal life. The source is the shell of North Atlantic Coldwater Shrimps (Pandalus Borealis) due to its aptitude as a raw material for high quality chitosan production.
Since 1999, Primex has been running a state of the art plant for chitin and chitosan manufacture in Siglufjordur Iceland. Equipped with modern sophisticated computerized technology, the plant is able to deliver consistent product quality all year around.
Analyzing of key parameters show Primex chitosan products compares in all aspects to the best quality standard on the market.

Vinnueftirlitið er miðstöð vinnuverndarstarfs í landinu og byggir starf sitt á samþættingu eftirlits, fræðslu og rannsókna. Aðalskrifstofa Vinnueftirlitsins er a' Bíldshöfða 16, 110 Reykjavík.- sími: 550 4600, fax: 550 4610. Netfang: vinnueftirlit@ver.is

Vinnuvéladeild - véla- og tækjaeftirlit á höfuðborgarsvæði
sími: 550 4600, fax: 550 4690
Netfang: velar@ver.is

Eftirlitsstarfsemi VER

• fyrirtækjaeftirlit á landsvísu
• véla- og tækjaeftirlit utan höfuðborgarsvæðis

Faghópur um samfélagsábyrgð hélt sinn fyrsta fund í Íslandsbanka 13.september. Regína Ásvaldsdóttir framkvæmdastjóri Festu setti fundinn og lýsti yfir ánægju með hve margir væru mættir. Ketill Berg Magnússon viðskiptasiðfræðingur fékk þátttakendur til að fara í stutta æfingu til að mynda tengsl og ræða samfélagsábyrgð. Már Másson sagði frá því að 600 starfsmenn Íslandsbanka hefðu tekið þátt í stefnumótun bankans 2009 og samfélagsábyrgð var hluti þeirrar vinnu. Fyrsta Global Compact skýrslan kom út 2005. Aðildin að Global Compact hefur hjálpað Íslandsbanka mikið við að ramma inn áherslur sínar. Guðný Helga Herbertsdóttir fjallaði um skýrslu Íslandsbanka um Global Compact en það eru 8700 fyrirtækið aðilar , þar af 10 fyrirtæki á Íslandi. Þátttakendur skila inn skýrslu sem inniheldur mælanlegar niðurstöður, markmið, lýsingu á aðgerðum og innleiðingarferli ásamt yfirlýsingu forstjóra eða stjórnarformanns. Samfélagsstefna Ísladnsbanka byggir á fjórum þáttum; mannauð, viðskiptum, samfélaginu og umhverfi. Eitt af því sem Íslandsbanki gerir er að bjóða hjálparhönd - hver og einn starfsmaður fær einn frídag á ári þar sem hann velur sér sjálfur góðgerðarfélag til að vinna fyrir. Finnur Sveinsson sérfræðingur í samfélagsábyrgð kynnti GRI skýrslu Landsbankans. Fólk skilur tilganginn með fjárhagsupplýsingum ekki með annars konar upplýsingum. Við verðum að vita hvað við erum að gera og það sem ekki er mælt höfum við ekki stjórn á. Hvernig á að mæla samfélgsáhrif? Hvað á að mæla? Af hverju? Hvernig? GRI inniheldur mælikvarða sem sýna skýrt hvernig á að mæla og hvernig upplýsingar eru bornar saman. Finnur sagði auðvelt að samræma Global Compact og GRI. Global Compact lýsir því sem þú ert að gera, í GRI er sagt hvað þú átt að vera að mæla og hvernig. Markmið samfélagsskýrslu er að sýna að þú veist hver eru samfélagsáhrif starfseminnar og að það sé verið að vakta þau.

Þórunn María Óðinsdóttir fór yfir grunnatriði Lean á fyrsta fundi faghópsins sem haldinn var í Endurmenntun HÍ og var fjölmennt á fundinum. Í Lean-fyrirtækjum þekkja allir ferlið frá a-ö. Ferlið er ataðlað frá upphafi til enda og allir þekkja sitt hlutverk. Hver og einn starfsmaður í hverju ferli er hvattur til að vinna stöðugt að umbótum. Umbótavinnan felst í að vinna á eins skömmum tíma og hægt er og að allir vinni eins. Þrátt fyrir að starfsmönnum finnist að hlutirnir séu í góðu lagi er alltaf hægt að gera betur. Mesta áherslan er lögð á starfsmenn í Lean-fyrirtækjum. Lean hjálpar fólki á áfangastað. VMS sem er eitt af tækjum Lean er mikið notað hér á landi. Töflurnar hjálpa fyrirtækjum að forgangsraða. Þær gera árangur starfsmanna sýnilegan. Hér má sjá myndir af fundinum:http://stjornvisi.is/vidburdir/369

Hver vinnustaður þarf að finna sína leið
Engin töfralausn er til sem hægt er að styðjast við til að draga úr veikindafjarveru starfsfólks, því verða stjórnendur að feta sig áfram hvað hentar hverjum vinnustað best. Rannsóknir benda til að starfsfólki líði betur og minna sé um fjarveru frá vinnu ef vinnustaðir eru með markvissar leiðir og yfirlýsta stefnu um fjarverustjórnun og endurkomu til vinnu. Brýnt er að stefnan sé innleidd á öllum stjórnunarstigum og að millistjórnendur hafi ítarlega þekkingu á verklagi og hvernig bregðast eigi við.
Þegar reynt er að draga úr skammtímafjarveru (mörg skipti í 1-2 daga í einu eða skemur en 4 vikur samfellt) getur verið góð leið að taka fjarverusamtal eftir fyrirfram skilgreindu formi. Þá er ýmislegt skoðað í vinnuumhverfi, vinnuskipulagi, samskiptum o.fl. sem getur haft áhrif á fjarveru.
Þegar reynt er að draga úr langtímafjarveru (lengur en 4 vikur samfellt) er góð leið að hafa samband við starfsmanninn, bjóða honum í heimsókn á vinnustaðinn ef hann hefur heilsu til, fá að vita hvort hann vill fylgjast með starfseminni og þá hvernig. Rannsóknir hafa sýnt að fólk í langtímaveikindum nær fyrr bata ef það hefur tengingu við samstarfsfólk sitt og vinnustað heldur en þeir sem látnir eru afskiptalausir. Eftir 2-4 vikna fjarveru er gott að fara að að ræða endurkomu miðað við krafta, starfsgetu og hvenær búast megi við starfsmanninum þó svo að það sé ekki alveg á næstunni. Þegar ljóst er að styttist í að starfsmaður komi aftur til vinnu fer vel á því að taka samtal um endurkomu til vinnu þar sem farið er yfir hvort aðlaga þurfi vinnutíma, verkefni eða huga að öðrum breytingum.
Þegar stjórnendur vilja fara í saumana á því hvað veldur óvenju mikilli fjarveru starfsfólks frá vinnu er algengast að horfa til þeirra sem eru fjarverandi. Hin leiðin er að skoða hvað einkennir þá sem eru sjaldan eða aldrei frá vinnu vegna veikinda.
Á www.virk.is má finna líkan af ferli á vinnustað um forvarnir og endurkomu til vinnu, fjarverustefnum o.fl.
Hildur Friðriksdóttir
sérfræðingur á fyrirtækjasviði VIRK Starfsendurhæfingarsjóðs

Vörumerkjastefna WOW er einföld: " Það er WOW í öllu sem WOW air gerir" sagði Guðmundur Arnar Guðmundsson, framkvæmdastjóri markaðssviðs hjá WOW air á fjölmennum fundi Þjónustu-og markaðsstjórnunarhóps Stjórnvísi í morgun. Og hvernig verður WOW að WOW?
Það er WOW í markaðssetningunni, farmiðunum, innrituninni, flugstöðinni, í vélinni o.fl. WOW ætlar að bjóða ódýrustu flugsætin til London, gera venjulega hluti óvenjulega, hugsa meira og vera hugmyndarík í öllu því sem WOW gerir. Þjónustustefnan er ofurþjónusta og sveigjanleiki.
WOW air notar sömu aðferðafræði og Starbucks; auglýsa aldrei erlendis en eru sýnilegir þar sem er mikið af fólki. Rikka sér um matinn í vélinni, Steingrímur um að velja vínin, Bragi baggalútur skrifar öll ávörpin og Brandinburg hannar auglýsingarnar. Allir farþegar eru VIP, töskumiðarnir eru svakalega stórir, þeir allra stærstu í heimi. Allir starfsmenn vilja taka þátt í gleðinni og margar góðar hugmyndir koma frá þeim. Hérna má sjá myndir af fundinum:http://www.facebook.com/media/set/?set=a.400130006721622.94901.110576835676942&type=3

Reiknistofa bankanna, Háskóli Íslands-MBA-, og Stjórnvísi standa saman að ráðstefnu sem sem verður haldin þriðjudaginn 18. september í Hörpu frá kl 13:00 til 16:30.
Þar verður fjallað um framþróun fjármálamarkaðar með sérstaka áherslu á hagræðingartækifæri, tækniþróun og samkeppnisumhverfið.

Jafnframt verður farið yfir hvað er að gerast í samnýtingu upplýsingaþjónustu í Danmörku

Fyrirlesarar verða:

David Furlonger, Vice president and Gartner Fellow
Gylfi Magnússon, Dósent við HÍ og fyrrverandi efnahags- og viðskiptaráðherra
Páll Gunnar Pálsson, Forstjóri Samkeppniseftirlitsins
Morgens Steffensen, Framkvæmdarstjóri viðskiptatengsla, samskipta og mannauðsmála hjá JN Data
Ráðstefnustjóri er Jón G. Hauksson, ritstjóri Frjálsar verslunar og stjórnarformaður Stjórnvísi
Þú getur skráð þig á ráðstefnuna á www.stjornvisi.is

Ertu að nýta dýrmætustu auðlindina þína?
Margir stjórnendur eru óöruggir og óttast að ef þeir leyfa undirmönnum að komast of langt muni þeir sjálfir verða óþarfir. En það er aðeins með árangursríkri valddreifingu sem þú getur leyft þér að þróast frá því að vera til að stjórna í það að leiða - þú getir breytt áherslum þínum frá verki, til ferlis til fólks. Það er valddreifing. Hún heimilar öðrum að vera fullrúi manns og bera ábyrgð á lokaárangrinum. Með því að dreifa valdi og ábyrgð ertu sem stjórnandi farin að stjórna í stað þess að gera.
Oft gætir misskilnings varðandi valddreifingu og henni ruglað við verkefnadreifingu. Nauðsynlegt er að framselja valdið því valddreifng án valds leiðir aðeins til vonbrigða og mistaka. Hættan er að stjórnendur falli í þá gryfju að dreifa verkefnum sem eru þeim vel kunn til annarra sem líkast til hafa minni hæfni, þekkingu og reynslu og freistandi verður að ofurstjórna til að hlutirnir verði gerðir nákvæmlega eins og þú vilt. Það er ekki valddreifing því hún felur í sér að stjórnandinn sleppi stjórnartaumunum og leyfi örðum að reyna. Taki „áhættu“ á að hlutirnir verði gerðir öðruvísi. Góður framsýnn stjórnandi tekur þessa áhættu og er umhugað um niðurstöðuna (HVAÐ) en ekki leiðina (HVERNIG) og þá kemur hugsanlega einhver með betri eða nýja aðferð. Valddreifing er að vissu leyti eins og foreldrahlutverkið, að klippa á naflastrenginn og veita mannauðnum frelsi til að finna leiðir en á sama tíma vera til staðar. Til að gera þetta á sem allra bestan hátt er mikilvægt að hafa öflugt ferli til að fylgja. Valddreifingarferli Dale Carnegie tekur á öllum þeim þáttum sem eru mikilvægir með það að markmiði að allir hagnist og að þér stjórnandi góður takist að nýta dýrmætustu auðlindina þína - mannauðinn.