Fyrirlesari: Ferdinand Hansen verkefnastjóri Samtak iðnaðarins í gæðastjórnun.

Saga gæðastjórnunar við mannvirkjagerð er orðin lengri en margan grunar.
Ráðstefnur, sértæk átök á landsvísu og námskeið hafa verið haldin í gegnum tíðina, opinberir verkkaupar verklegra framkvæmda gert kröfur á verktaka og ný mannvirkjalög setja kröfur á hönnuði, byggingarsjóra og iðnmeistara um gæðastjórnun.
Samtök iðnaðarins hafa komið að borðinu frá upphafi til þessa dags í samstarfi við ýmsa aðila með það að markmiði að gera gæðastjórnun einfaldari og skilvirkari. Þar á meðal má nefna námskeið, vottanir í fjórum þrepum og miðlægt gæðakerfi sem félagsmenn SI geta fengið aðgang að til uppbyggingar á eigin gæðahandbók.
Ferdinand Hansen verkefnastjóri Samtak iðnaðarins í gæðastjórnun mun fara yfir sviðið frá sjónhorni SI og lýsa því sem hefur áunnist, hvað er í boði og hvaða árangurs má vænta á næstu misserum.

Staðsetning:
Samtök Iðnaðarins
Borgartún 35 - 6.hæð. 105 Reykjavík.

Athugið að takmarkaður fjöldi er á skráningu á viðburðinn.

Á þessu ári verður þema haustráðstefnu Stjórnvísi Samspil vinnu og einkalífs. Við höfum fengið til liðs við okkur áhugaverða einstaklinga sem munu fjalla um rannsóknarþáttinn, staðreyndir, úrlausnir, raunsögur, togstreituna milli þessara tveggja hlutverka og hvað getur auðveldað okkur að ná jafnvægi á millu vinnu og einkalífs. Einnig verður slegið á létta strengi og mætir hinn landsfrægi leikari, söngvari, tónskáld og skemmtikraftur Laddi og bregður á leik.

Fyrirlesrara eru þau Eggert Benedikt Guðmundsson, forstjóri N1, Ragnheiður Agnarsdóttir, framkvæmdastjóri einstaklingsviðskipta og samskipta hjá TM, Teitur Guðmundsson læknir, Heilsuvernd, Ásta Bjarnadóttir, stjórnunarráðgjafi hjá Capacent o.fl.

Ráðstefnustjóri verður Herdís Pála markþjálfi og fyrirlesari, ráðstefnan verður verður haldin á Grand Hótel frá kl.13:00-15:30 miðvikudaginn 30.október frá kl.13:00-15:30

Boðið verður upp á kaffihlaðborð og eru allir Stjórnvísifélagar hjartanlega velkomnir.

Hér má sjá ráðstefnuna:

Erindi Ástu - http://stjornvisi.is/radstefna/Asta/Default.html

Erindi Eggerts - http://stjornvisi.is/radstefna/Eggert/Default.html

Erindi Teits - http://stjornvisi.is/radstefna/Teitur/Default.html

Erindi Ladda - http://stjornvisi.is/radstefna/Laddi/Default.html

Fundurinn hefst með aðalfundi Umhverfis- og öryggishóps sem stendur frá 8:15-8:30. Áhugasamir um stjórnarsetu vinsamlegast sendið póst á asdisj@n1.is.

Í framhaldi eða frá 8:30 til 10:00 munu Reynir Jónsson, framkvæmdastjóri og Bergdís Ingibjörg Eggertsdóttir, verkefnisstjóri umhverfis- og öryggismála hjá Strætó segja frá uppbyggingu öryggisstjórnunarkerfis hjá fyrirtækinu og bjóða upp á skoðunarferð um fyrirtækið.

Strætó hefur lagt mikla áherslu á öryggismál á undanförnum árum og er núna við þröskuld þess að fá formlega vottun á öryggisstjórnkerfi sitt skv. OHSAS-18001 staðli. Afleiðingar þátta sem rekja má beint til öryggismála voru að fjarvistir starfsmanna vegna starfstengdra sjúkdóma, s.s. stoðkerfissjúkdóma og vegna slysa á vinnustað, voru orðnar allmiklar. Við það bættust þættir á borð við tjón á eignum og kostnaði vegna þess. Ennfremur bætast við tjón vegna slysa á farþegum og hinum almenna borgara í umferðinni.

Það er kappsmál Strætós að draga úr tíðni og umfangi í öllum þessum þáttum með markvissum aðgerðum og hefur fyrirtækið þegar unnið að því markmiði með góðum árangri. Ávinningur þessara aðgerða fyrir fyrirtækið birtist m.a. í færri fjarvistum starfsmanna og betri nýtingu í tækjakosti sem hefur sparað fyrirtækinu allmiklar fjárhæðir á hverju ári. Auk fjárhagslegs ávinnings hafa áherslur um bætt öryggi bætt þjónustustig þar sem bæði mannskapur og tæki eru úti að þjónusta viðskiptavininn og bætt þjónusta hefur þannig bætt ímynd fyrirtækisins út á við.

Heildarfjöldi þátttakenda: 25 manns

Fjárfestingar í sprotafyrirtækjum

Frummælendur: Helga Valfells, framkvæmdastjóri Nýsköpunarsjóðs atvinnulífsins og Agnar
Sigmarsson annar stofenda sprotafyrirtækisins Transmit.

(sjá nánari lýsingu í viðhengi)
Nýsköpunarhádegi Klak Innovit - þriðjudaginn 5. nóvember milli kl. 12:00-13:00

Nýsköpunarhádegi Klak Innovit eru haldin í hádeginu á þriðjudögum í frumkvöðlasetrinu Innovation House á Eiðistorgi 13-15. Hvert hádegi hefur þema sem tengist nýsköpun, atvinnusköpun og verðmætasköpun á Íslandi.

Nýsköpunarhádegi eru samstarfsverkefni Klak Innovit og Landsbankans. Þá koma háskólarnir og fjöldi félagasamtaka að samstarfinu.

Næstkomandi þriðjudag verður fjallað um fjárfestingar í sprotafyrirtækjum. Þar fáum við m.a. innsýn inni í hugarheim fjárfestingasjóða og frumkvöðla.

Frummælendur: Helga Valfells framkvæmdastjóri Nýsköpunarsjóðs atvinnulífsins og Agnar Sigmarsson einn stofnenda Transmit ehf.

Nýsköpunarhádegi Klak Innovit - þriðjudaginn 5. nóvember milli kl. 12:00-13:00

Nýsköpunarhádegi Klak Innovit eru haldin í hádeginu á þriðjudögum í frumkvöðlasetrinu Innovation House á Eiðistorgi 13-15. Hvert hádegi hefur þema sem tengist nýsköpun, atvinnusköpun og verðmætasköpun á Íslandi.

Nýsköpunarhádegi eru samstarfsverkefni Klak Innovit og Landsbankans. Þá koma háskólarnir og fjöldi félagasamtaka að samstarfinu.

Næstkomandi þriðjudag verður fjallað um fjárfestingar í sprotafyrirtækjum. Þar fáum við m.a. innsýn inni í hugarheim fjárfestingasjóða og frumkvöðla.

Frummælendur: Helga Valfells framkvæmdastjóri Nýsköpunarsjóðs atvinnulífsins og Agnar Sigmarsson einn stofnenda Transmit ehf.

Nú á dögum eru sífellt gerðar meiri kröfur um að stjórnendur séu með heildaryfirsýn yfir rekstur fyrirtækja. Þörfin fyrir áætlana- og skýrslugerð hefur því aukist og samhliða fer meiri tími í öflun og vinnslu gagna sem nauðsynleg er til þess að hægt sé að taka vel upplýstar ákvarðanir er varða fyrirtækið. Allir vilja vera með nýjustu tölur til að geta framkvæmt viðeigandi greiningar sem fanga þá þróun sem fyrirtækið er í hverju sinni.

Martin Thy Asmussen, ráðgjafi hjá danska fyrirtækinu Toolpack, mun fjalla um áætlana- og skýrslugerð. Martin hefur yfirgripsmikla þekkingu á efninu, er menntaður á sviði fjármála og endurskoðunnar ásamt gráðu í tölvufræðum. Martin hefur yfir 15 ára starfsreynslu sem endurskoðandi og síðar ráðgjafi í sérverkefnum hjá PWC, sem verkefnastjóri við Microsoft Dynamics AX verkefni og við hugbúnaðarsmíð.

Einstakt tækifæri fyrir alla áhugamenn um áætlanagerð og hvernig hægt er að nýta betur upplýsingatæknina við áætlangerð og samanburð áætlana við rauntölur ásamt greiningum.

• Heilsustefna, framkvæmd og árangur Drífa Sigurðardóttir - Starfsmannastjóri Mannvits.
• Þegar heilsa og heilbrigði eru ríkur þáttur í starfseminni Sigríður Elín Guðlaugsdóttir - Mannauðsstjóri Háskólans í Reykjavík.
• Heilsutengd verkefni og árangur þeirra
  Emma Á. Árnadóttir - Mannauðsstjóri Vínbúðanna.

Fimmtudaginn 7. nóvember kl. 8:30-10:00
Skrifstofur ÁTVR, Stuðlahálsi 2

Iceland Innovation UnConference er nýstárlegur nýsköpunarviðburður sem Landsbankinn heldur á Háskólatorgi í samstarfi við Háskóla Íslands og MassTLC (Massachusetts Technology Leadership Council) í annað sinn laugardaginn 9. nóvember 2013.

Viðburðurinn er fyrir alla sem vinna í, vilja vinna með, styðja við, stofna, byggja upp, fjárfesta í eða bara tala við og um sprotafyrirtæki og/eða nýsköpun.

UnConference byggir á Open Space Technology þar sem dagskrá viðburðar er mótuð af þátttakendum sjálfum frá upphafi til enda.

Síðasti viðburður einkenndist af mikilli orku og uppbyggilegum umræðum en tæplega 200 manns tóku þátt í deginum, fulltrúar sprotafyrirtækja, fjárfesta, háskólanna, samtaka úr atvinnulífi og fjölda einstaklinga með yfirgripsmikla þekkingu á fyrirtækjarekstri eða stoðsviðum. Skipulagðar voru umræður um fjörutíu mismunandi viðfangsefni. Jafnframt gátu þátttakendur pantað einkaviðtöl hjá 100 leiðbeinendum og fengið verðmæta ráðgjöf og hugmyndir. Í hópi leiðbeinanda voru sérfræðingar úr atvinnulífi og háskólum, reyndir frumkvöðlar, forstjórar, hönnuðir og fjárfestar.

Nánari upplýsingar og skráning á www.landsbankinn.is/unconference

Stöðugar umbætur eru eitt af lykilatriðum Lean. Umbótastarf er mikilvægur hluti af gæðakerfi Alcoa. Kaizen er japanskt hugtak sem notað er innan Lean fræðanna um umbætur. Fjallað verður almennt um kaizen hugtakið og farið yfir hvernig Alcoa hefur byggt það inn í gæðakerfi sitt. Farið verður yfir framkvæmd skilgreindra kaizen umbótaviðburða hjá Fjarðaáli, dæmi tekin um verkefni sem farið hefur verið í. Er hugmyndafræðin að gagnast innan íslenskrar fyrirtækjamenningar?

Fyrirlesari er Hjálmar Eliesersson, ABS og ferlasérfræðingur .

Fundurinn verður haldinn í Innovation House, Eiðistorgi 13-15, 3.hæð. Gengið er inn á Eiðistorgið, upp stigann á 2.hæð og þá er farið upp stigann öðru hvoru megin á torginu t.d. við hliðina á Bókasafni Seltjarnarness.

Nýsköpunarhádegi Klak Innovit - þriðjudaginn 12. nóvember milli kl. 12:00-13:00

Nýsköpunarhádegi Klak Innovit eru haldin í hádeginu á þriðjudögum í frumkvöðlasetrinu Innovation House á Eiðistorgi 13-15. Hvert hádegi hefur þema sem tengist nýsköpun, atvinnusköpun og verðmætasköpun á Íslandi.

Nýsköpunarhádegi eru samstarfsverkefni Klak Innovit og Landsbankans. Þá koma háskólarnir og fjöldi félagasamtaka að samstarfinu.

Næstkomandi þriðjudag verður fjallað um samanburð á sprotaumhverfi hérlendis og erlendis, m.a. fjárfestingaumhverfi, styrki og stuðning við frumkvöðla.

Frummælendur: Haukur Guðjónsson framkvæmdastjóri Búngaló og Sigmar Guðbjörnsson formaður Samtaka sprotafyrirtækja og framkvæmdastjóri Stjörnu-Odda. Umræðum stjórnar Dr. Guðrún Arnbjörg Sævarsdóttir.

Faghópur Stjórnvísis um samfélagsábyrgð stendur fyrir morgunverðarfundi þann 19. nóvember næstkomandi undir yfirskriftinni "Samfélagsábyrgð fyrirtækja - hvert er hlutverk ríkisins?". Fundurinn stendur frá kl. 8.30 -10.00, í höfuðstöðvum Arion banka, í Borgartúni 19.

Á fundinum munu fulltrúar stjórnvalda og atvinnulífs fara yfir stefnu stjórnvalda, tækifæri og áherslur um samfélagsábyrgð fyrirtækja.

Hvaða áherslur ætti ríkið að hafa um samfélagsábyrgð fyrirtækja?
Hvernig má bæta laga- og starfsumhverfi fyrirtækja um samfélagsábyrgð?
Hvernig gætu yfirvöld hvatt fyrirtæki til að sýna samfélagsábyrgð?

Dagskrá:
08.30 - 08.50 Núverandi stefna stjórnvalda um samfélagsábyrgð fyrirtækja - Ragnheiður Elín Árnadóttir, iðnaðar- og viðskiptaráðherra.
08.50 - 09.10 Væntingar atvinnulífsins til stjórnvalda: stefna og lagaumhverfi - Hrafnhildur Stefánsdóttir, yfirlögfræðingur Samtaka atvinnulífsins.
09.10 - 09.30 Hvernig geta yfirvöld unnið með fyrirtækjum að aukinni samfélagsábyrgð? - Skúli Helgason
09.30 - 10.00 Pallborðsumræður með þátttöku fyrirlesara.

Fundarstjóri er Ketill Berg Magnússon, framkvæmdastjóri Festu - miðstöðvar um samfélagsábyrgð.

Fylgstu með fundinum á Twitter: #stjornvoldCSR

Nýsköpunarhádegi Klak Innovit eru haldin í hádeginu á þriðjudögum í frumkvöðlasetrinu Innovation House á Eiðistorgi 13-15. Hvert hádegi hefur þema sem tengist nýsköpun, atvinnusköpun og verðmætasköpun á Íslandi.

Nýsköpunarhádegi eru samstarfsverkefni Klak Innovit og Landsbankans. Þá koma háskólarnir og fjöldi félagasamtaka að samstarfinu.

Næstkomandi þriðjudag verður fjallað um óhefðbundnar leiðir í markaðssetningu.

Frummælendur: Einar Ben, annar eigandi Tjarnargötunnar og Davíð Lúther Sigurðarson, eigandi Silent.

Íslensk fyrirtæki eiga samkvæmt rannsóknum langt í land þegar kemur að markvissri innleiðingu stefnumótunar. Þá vill oft gleymast hversu rík áhrif fyrirtækja menningar eru þegar kemur að innleiðingu. Greining og skilningur á þeim viðhorfum á þeirri menningu sem ríkir innan fyrirtækisins er lykilatriði hnökralausrar innleiðingar.
.
Þórdís Jóna Sigurðardóttir fjallar um niðurstöður rannsókna Capacent á innleiðingu stefnu hjá íslenskum fyrirtækjum og hvaða þættir ráða úrslitum þegar kemur að innleiðingu.
.
Efnisþættir í kynningu:
• Forsendur góðrar stefnu
• Hvernig tryggjum við að menning fyrirtækisins styðji við stefnuna?
• Þátttaka starfsmanna í stefnumótun og eftirfylgni

.
Miðvikudagur 20. nóvember 2013, kl. 8:45 - 9:45 hjá Capacent í Ármúla 13
.
Þórdís er ráðgjafi hjá Capacent, hún hefur víðtæka reynslu af rekstri fyrirtækja. Þórdís hefur verið í stjórnum fyrirtækja í mörgum löndum og einnig verið stjórnarformaður í skráðu félagi. Þá var hún lektor í HR og kenndi m.a. stjórnun og stefnumótun. Þórdís er með MBA frá Vlerick Business School. Meðal sérsviða Þórdísar eru stefnumótun, innleiðing stefnu og breytingastjórnun.

.

Björgvin Víkingsson mun vera með kynninguna en hann er M.Sc. í supply chain management og starfar sem strategic purchasing manager hjá Marel.

Lean/Straumlínustjórnun er aðferðafræði sem leggur áherslu á að hámarka virði fyrir viðskipavini. Þetta gerist með því að nýta auðlindir fyrirtækisins, svo sem starfsmenn, fjármagn og framleiðslugetu sem allra best. Hér eru birgjasambönd einnig talin til auðlinda því í þeim getur verið fólgið verulegt samkeppnisforskot ef þau eru nýtt rétt. Til þess að nýta auðlindirnar rétt þá þarf að leggja áherslu á að útrýma sóun með stöðugum umbótum í öllum ferlum virðiskeðjunnar, allt frá innkaupum til dreifingar á markaði.

Í þessari kynningu ætlum við að fara í hvernig hægt er að nota aðferðafræði LEAN til þess að stýra flæði í allri aðfangakeðjunni. Helstu þættir sem komið verður inná verður:

· Virðisstreymi frá birgjanetinu

· Eyðing sóunnar

· Samræming flæðis

· Lágmörkun viðskipta- og framleiðslukostnaðar

· Tryggja sýnileika og gegnsæi

· Byggja upp „quick response“ hæfileika

· Stjórn óvissu og áhættu

Notkun á PowerPivot er jafnt og þétt að aukast eftir því sem stjórnendur og greinendur eru að uppgötva þessa einföldu leið til að öðlast aukið innsæi í eigin rekstur.

Örnámskeiðið gengur út á það að kynnast því hvað PowerPivot er og hvað það getur. Farið verður yfir umhverfið, uppsetningu og uppbyggingu PowerPivot, hvernig unnið er með vensl í gögnum og hvernig stillt er upp einföldu mælaborði og skýrslu.

Um fyrirlesara: Ragnhildur Konráðsdóttir er sérfræðingur í viðskiptagreind hjá Advania og hefur kennt bæði tölvunarfræði og viðskiptagreind í Háskóla Reykjavíkur. Þar að auki hefur hún kennt fjölda PowerPivot námskeiða hjá Advania og aðstoðað notendur við að greina gögnin sín með PowerPivot.

Staðsetning: Örnámskeiðið er haldið í Advania búðinn að Guðrúnartúni 10.

Nýsköpunarhádegi Klak Innovit 26. nóvember - Skapandi greinar - hvað er svona skapandi við þær?
OMG þú ert kúl

Frummælendur: Daddi Guðbergsson, raðfrumkvöðull með meiru og Kristjana Rós Guðjohnsen, verkefnastjóri skapandi greina hjá Íslandsstofu

Daddi mun m.a. svara eftirfarandi spurningum: Guð skapaði heiminn segir í svörtu bókinni. Afrek sem klárlega gerir hana hipp og kúl, verðugan fulltrúa skapandi greina en hvaða verðmæti fólust í ætlaðri sköpun?
Daddi mun velta fyrir sér eftir farandi spurningum: Geta allir sem skapa eitthvað, með réttu kallað sig skapandi? Hvaða skilyrði uppfyllir árangursrík sköpun? Ef menningararfur, sviðslistir, tónlist, myndlist, bókmenntir, kvikmyndagerð og hönnun teljast til skapandi greina, teljast þá allar aðrar greinar vanskapandi?

Glettin hugleiðing um atvinnugreinar með tilliti til sköpunar starfa, tekna og verðmæta.

Kristjana mun fara aðeins yfir skilgreiningu á skapandi greinum, hlutverk Íslandsstofu og miðstöðva skapandi greina í bland við sífellt meiri eftirspurn og áhuga á öllu sem tengist skapandi greinum á Íslandi - erlendis frá. Þá eru skapandi einstaklingar og verkefni blæða inn í allar atvinnugreinar á einn eða annan hátt en það mikilvægasta er grasrótin og að við hlúum vel að henni.
Daddi stofnaði E4 sem m.a. selur notkunarrétt á tónlist til framleiðenda auglýsinga, kvikmynda, sjónvarpsþátta og tölvuleikja. Hann hefur starfað hjá PolyGram Music, EMI Records US, OZ, Íslenska
sjónvarpsfélaginu (Skjárinn, Sjónvarp Simans) og Eddu útgáfu. Ýmsum ráðgjafaverkefnum hefur Daddi sinnt fyrir Apple Computer Inc., bókaútgefandann Simon og Shuster, blaðaútgáfuna Hearst Media og hljómplötufyrirtækið Sony Music. Hann hefur á virkan hátt tekið þátt í íslensku frumkvöðlaumhverfi - jafnvel óumbeðinn.
Kristjana er verkefnastjóri skapandi greina hjá Íslandsstofu og framleiðandi You Are in Control, alþjóðlegrar ráðstefnu skapandi greina á Íslandi. Hún er með M.A. í Hagnýtri menningarmiðlun frá HÍ og B.A. í Myndlist frá LHÍ. Kristjana situr einnig í stjórn Sambands Íslenskra Myndlistarmanna.

Fyrirlesari: Guðrún Rögnvaldardóttir framkvæmdarstjóri hjá Staðlaráði.

Guðrún fjallar um staðla og stjórnunarkerfi sem ISO hefur gefið út eða er að vinna að og lýsir því hvernig þeir tengjast og hvernig reynt er að samhæfa þá þannig að þeir styðji hver annan, þótt þeir fjalli um mismunandi stjórnunarkerfi. Einnig mun Guðrún benda á ýmsa staðla sem geta komið að gagni við innleiðingu og rekstur ýmissa stjórnunarkerfa.

Staðsetning:
Staðlaráð Íslands
Þórunnartún 2 - 3.hæð.
105 Reykjavík.

Mannamót í nóvember!
Þórunn M. Óðinsdóttir eigandi Intra ráðgjafar hefur mikla reynslu af innleiðingu bæði hugmynda- og aðferðafræði Lean Management. Hún hefur starfað sem stjórnunarráðgjafi frá árinu 2007, hefur ekki ráðið til sín starfsfólk þrátt fyrir næg verkefni og markaðssetur sig einungis af góðu orðspori. Á kynningunni mun Þórunn segja frá störfum sínum, hvað það er við Lean sem er svona gríðarlega áhugavert og tekur nokkur dæmi um hvernig er hægt að nota þessar aðferðir til að ná árangri.

Kristján Geir Gunnarsson, framkvæmdastjóri markaðs- og sölusviðs Nóa Siríus hefur nýtt sér aðferðir Lean frá árinu 2008. Á kynningunni segir hann frá hvernig hann er að nýta sé Lean innan síns sviðs og gefur nokkur skemmtileg dæmi um hvaða árangur hefur náðst m.a. í vöruþróun á þessum tíma.

Mannamót munu vera í allan vetur enda voru þau virkilega skemmtileg og vel heppnuð síðasta vetur. En það var haustið 2011 sem ÍMARK setti í gang Mannamót til að koma á laggirnar hlutlausum vettvangi þar sem félagar í hinum ýmsu samtökum geta hist og spjallað, myndað vinskap og styrkt tengslanetið.
Samstarfssamtök; ÍMARK, Almannatengslafélagið, SÍA, SVEF, Hönnunarmiðstöð, Ský, FVH, RUMBA Alumni, MBA félag HÍ, Stjórnvísi, Klak, Innovit, KVENN, SFH, FKA.

Stefnt er að því að hefja hvert Mannamót á stuttri kynningu, þar sem sagt er frá reynslusögu fyrirtækis, rannsókn, hugmyndafræði eða öðru áhugaverðu. Þetta er breytilegt hvert sinn en byrjar kl.17.15 svo fólk skal mæta tímalega. Athugið að þessi viðburður er ókeypis og ekki þarf að skrá sig - bara mæta!

Mannamótin verða alltaf síðasta miðvikudag í mánuði í vetur, á sama stað og á sama tíma.

Hvar: Loftið, Austurstræti 9, 101 Reykjavík
Hvenær: Síðasta miðvikudag í mánuði
Tími: kl.17.15-18.30

Hittumst! Gott tengslanet er gulls ígildi!

Umhverfismál Toyota á Íslandi
Fyrirlesari: Vilhjálmur Ragnar Kristjánsson umhverfis- og gæðastjóri Toyota á Íslandi.

Fyrirtækið Toyota á Íslandi fékk ISO14001 umhverfisvottun í júní 2007.
Farið verður yfir innleiðingu staðalsins og sagt einnig frá því hvernig stjórnendur fengu starfsfólk í lið með sér.
Einnig verður farið yfir hvernig vottun og umhverfismálum er haldið gangandi í fyrirtækinu.

Farið verður yfir skrif gæðahandbókar, störf umhverfis-og öryggistengiliða, hvernig innri úttektir eru framkvæmdar o.s.frv.

Í lok fundar verða opnar umræður.

FULLBÓKAÐ ER Á VIÐBURÐINN

Faghópur um breytingastjórnun býður þér á spennandi fyrirlestur um stjórnun breytinga við innleiðingu nýrra tölvukerfa. Fyrirtæki sem starfa í síbreytilegu umhverfi standa oft frammi fyrir því að þurfa að innleiða nýja tækni til að vera samkeppnishæf. Þörf fyrir innleiðingu á nýjum tölvukerfum er algeng og getur stafað af ýmsu eins og nýjum vörum eða þjónustu, auknum umsvifum, tækninýjungum og fleiru.

Hafsteinn Ingibjörnsson, upplýsingatæknistjóri hjá Ölgerðinni Agli Skallagrímssyni, mun fjalla um viðamikið breytingaferli sem Ölgerðin fór í gegnum og stjórnun breytinga við innleiðingu á nýju tölvukerfi fyrirtækisins. Þá mun Sigurður Helgi Sturlaugsson, ráðgjafi hjá Hux, fjalla meðal annars um algengar hindranir og hugsanleg vandamál tengd fyrirtækjamenningu, stjórnendum og starfsfólki sem upp geta komið í breytingaferlum við innleiðingu á tölvukerfi.

Ef þú ert að fara að taka þátt í innleiðingu nýs tölvukerfis þá er þetta viðburður sem þú mátt ekki láta fram hjá þér fara. Staðsetning: Ölgerðin Egill Skallagrímsson - aðalinngangur, Grjóthálsi 7-11.

Áhugaverður fundur þar sem dr. Helgi Þór Ingason mun velta upp þeirri spurningu hvort gæðastjórnun eigi samleið með verkefnastjórnun og hvort hugmyndafræði gæðastjórnunar geti hjálpað okkur í verkefnum?

Helgi Þór Ingason (f. 1965) hefur doktorsgráðu í framleiðsluferlum í stóriðju frá Norska Tækniháskólanum í Þrándheimi, MSc í véla- og iðnaðarverkfræði frá Háskóla Íslands og SCPM í verkefnastjórnun frá Stanford University. Hann hefur alþjóðlega vottun sem verkefnastjóri (Certified Senior Project Manager). Helgi Þór er dósent við Háskólann í Reykjavík og forstöðumaður MPM náms, sem er fjögurra missera meistaranám í verkefnastjórnun. Helstu áhugasvið hans eru gæða- og verkefnastjórnun, kvik kerfislíkön og nýting endurnýjanlegrar orku. Helgi Þór hefur kynnt rannsóknir sínar á ráðstefnum og í ritrýndum tímaritum. Hann er meðhöfundur sex bóka um verkefnastjórnun og tengd svið og vinnur að ritun bókar um gæðastjórnun sem Forlagið mun gefa út á fyrri hluta ársins 2014. Helgi Þór er einn af sex stjórnarmönnum í rannsóknarráði (Research Management Board) IPMA - Alþjóðasamtaka verkefnastjórnunarfélaga.

Staðsetning: Orkuveita Reykjavíkur

Fyrirlesari: Þórunn Marínósdóttir, forstöðumaður viðskiptaþjónustu

Þórunn segir okkur frá mótun og innleiðingu á þjónustustefnunni hjá Eimskip.

Boðið verður upp á kaffi og meðlæti.

Kristín Þórðardóttir ráðgjafi hjá Advania mun fjalla um hagnýtingu upplýsingatækni í innkaupum og hvernig hægt er að nýta sér upplýsingatækni við innkaup og fara m.a inn á notkun vörulista, rafræn innkaup osfrv.

Kristín Þórðardóttir er ráðgjafi í vörustýringarhluta Oracle sem snýst að mestu leyti um notendaaðstoð, endurbætur og innleiðingar á kerfinu. Íslenska ríkið er viðskiptavinurinn Advania og stærsti notandi innkaupakerfisins er LSH. Kristín útskrifaðist með B.Sc. í Vörustýringu frá Tækniháskólanum í janúar árið 2004 og vann svo á fjármálasviði Íslensk Ameríska ehf. þar til ársins 2009. Hún útskrifaðist með mastersgráðu í Supply Chain Management frá Copenhagen Business School haustið 2011.

Fjöldi notenda EVE online er svipaður íbúafjölda á Íslandi. Hvernig stendur CCP að utanumhaldi hagkerfisins?
Nánari upplýsingar verða birtar síðar.
ATH takmarkaður sætafjöldi - fólk er því beðið um að skrá sig sem allra fyrst!