Frummælendur: Þóranna K. Jónsdóttir, MBA - Markaðsmál á mannamáli og Ragnheiði Magnúsdóttur, framkvæmdastjóra Hugsmiðjunnar.

Hvað er efnismarkaðssetning (e. content marketing)?
Þóranna er markaðsnörd sem leggur áherslu á að aðstoða frumkvöðla við að byggja upp fyrirtæki sem skipta máli; sem eru öðruvísi og sem breyta heiminum - þó ekki sé nema smá hluta af honum. Fyrirtæki sem fólk elskar! Þóranna mun velta upp ýmsum hliðum efnismarkaðssetningar. Af hverju á þessi aðferð sérstaklega vel við frumkvöðla og... af hverju byggir hún á sterkari markaðslegri samböndum en hefðbundnari markaðsleiðir?

Öflug og skilvirk markaðssamskipti
Ragnheiður H. Magnúsdóttir er framkvæmdastjóri Hugsmiðjunnar og er menntaður vélaverkfræðingur með áherslu á vöruþróun og framleiðslu. Hún hefur óbilandi áhuga á nýsköpun og veit fátt skemmtilegra en að vinna með skapandi fólki. Ragnheiður mun fjalla um mikilvægi efnismarkaðssetningar, af hverju Hugsmiðjan fór af stað með hana, hvernig þetta byrjaði og hvað er framundan.

Nýsköpunarhádegi Klak Innovit og Landsbankas eru haldin í hádeginu á þriðjudögum í frumkvöðlasetrinu Innovation House á Eiðistorgi 13-15. Hvert hádegi hefur þema sem tengist nýsköpun, atvinnusköpun og verðmætasköpun á Íslandi.

Fyrirlesari: Guðjón Viðar Valdimarsson ráðgjafi hjá Stika.

Áhættugreining upplýsingaeigna er nauðsynleg forsenda fyrir úttekum á sviði upplýsingaöryggis og tölvuendurskoðunar. Þeir staðlar sem notaðir eru á þessu sviði hafa breyst töluvert og eru enn að breytast. Í fyrirlestrinum mun verða fjallað um viðeigandi staðla, þær breytingar sem eru fyrirsjáanlegar og tekin dæmi um áhættugreiningu upplýsingaeigna og farið yfir með hvaða hætti slík áhættugreining sé gerð.

Staðsetning:
KLAK-INNOVIT
Innovation House
3.hæð
Eiðistorgi 13-15
Seltjarnarnes

Innovation House er á 3.hæð á Eiðistorgi. Gengið er inn á torgið, upp á 2.hæð, á móti Bókasafni Seltjarnarness er inngangur upp á 3.hæð.

Á þessum fundi flytur Guðmundur Tómas Axelsson, markaðs- og samskiptastjóri hjá RB erindi um
innri markaðssetning og gildavinna hjá RB.

Á Mannamóti ÍMARK miðvikudaginn 26.febrúar verður skoðað hvað er að gerast á fjölmiðlamarkaðnum á Íslandi. Einar Einarsson, framkvæmdastjóri Capacent hefur starfað á sviði markaðsrannsókna í 20 ár og mun fara almennt yfir hvernig fjölmiðlar eru mældir hér á landi. Hann mun einnig benda á hvernig tæknin hefur þróast við slíkar rannsóknir síðustu árin. Einar er víðskiptafræðingur frá HÍ og með MBA menntun frá HR.

Sigmar Vilhjálmsson(Simmi), stofnandi BravóTV mun síðan koma og kynna næsta þróunarstig í fjölmiðlun á Íslandi. Hann ætlar að kynna sjónvarpsstöðina Bravó, sem er nýr fjölmiðill fyrir ungt fólk. Eins og Simmi orðar það "Ungt fólk horfir ekki á sjónvarp, af því að það er ekki verið að framleiða sjónvarpsefni fyrir það!"
Einnig mun Simmi kynna sjónvarpsstöðina Miklagarð sem er dægurmála fjölmiðill, "Mikligarður er svo innilega ekki sjónvarpsmarkaður að ég vil ekki nefna sjónvarpsmarkaðinn, þess vegna nefni ég ekki sjónvarpsmarkaðinn!"

Í lokin býðst að spyrja og ræða við bæði Einar og Simma, nánar um málefnin og þeirra sýn á þessum lifandi og spennandi markaði.

Samstarfssamtök; ÍMARK, Almannatengslafélagið, SÍA, SVEF, Hönnunarmiðstöð, Ský, FVH, RUMBA Alumni, MBA félag HÍ, Stjórnvísi, Innovit, KVENN, SFH, FKA.

Stefnt er að því að hefja hvert Mannamót á stuttri kynningu, þar sem sagt er frá reynslusögu fyrirtækis, rannsókn, hugmyndafræði eða öðru áhugaverðu. Þetta er breytilegt hvert sinn en byrjar kl. 17:15, svo fólk skal mæta tímanlega. Athugið að þessi viðburður er ókeypis og ekki þarf að skrá sig - bara mæta

Mannamót ÍMARK - febrúar 2014
Hvar : Loftið, Austurstræti 9, 101 Reykjavík
Hvenær : Miðvikudaginn 26.febrúar
Tími : kl. 17:15 - 18:30

Háskólatorg, stofa HT-104

Einelti á vinnustöðum er ein tegund ofbeldis. Áhrif ofbeldis á þolanda hefur lamandi áhrif á hann og hans frammistöðu í starfi og smitar sig inn á heimili viðkomandi. Erfitt hefur verið að finna lausnir á þessum vanda og oftast yfirgefur sá sem verður fyrir ofbeldinu, vinnustaðinn. Það er ekki rétt að setja mannauðsstjóra í þá stöðu að vinna ofbeldismál á milli tveggja eða fleiri samstarfsmanna sinna og því brýnt að fá utanaðkomandi aðila til að greina og finna úrlausnir á slíkum málum. Eineltismál hafa neikvæð áhrif á vinnustaðinn og frammistöðu fleira fólks en þess sem verður fyrir eineltinu því einelti hefur smitáhrif, sem skilar sér í mælanlegum beinum kostnaði fyrir vinnustaði. Það er mikilvægt að taka strax á slíkum málum áður en þau rata sem einhliða fjölmiðlaumfjöllun og skaða ímynd starfsmanna og vinnustaðarins.

Á fundinum verða rædd ákveðin ferli sem hafa forvarnargildi sem eru til þess að minnka líkurnar á að einelti eigi sér og þó úrræði sem hægt er að grípa til verði starfsmaður uppvís að slíkri ofbeldishegðun í starfi.

Hildur Jakobína Gísladóttir lærði sálfræði í Háskólanum í Utrecht og Háskóla Íslands og er með MBA gráðu frá Háskólanum í Reykjavík. Hún hefur unnið sem stjórnandi í félagsþjónustu sl. 6 ár og komið að vinnslu margra ofbeldismála. Fyrirtæki hennar "Heilbrigðir stórnarhættir" sérhæfir sig í vinnustaðaeinelti og stjórnandaráðgjöf.

Fimmtudaginn 27. febrúar 2014 kl. 8:30 - 10:00 Háskólatorg, stofa HT-104

Nú um áramótin tók Orka náttúrunnar við rekstri allra virkjana Orkuveitu Reykjavíkur og sölu á rafmagni. Nýja félagið starfar á samkeppnismarkaði. Uppskipting starfseminnar var að lagaboði og var gerð eftir að rekstur Orkuveitu Reykjavíkur hafði verið stokkaður upp.
Hvaða áskoranir blöstu við þegar skipta þurfti fyrirtækinu upp og hvernig var staðið að því að móta hið nýja fyrirtæki?
Þessu svara þeir Eiríkur Hjálmarsson, upplýsingafulltrúi og verkefnisstjóri uppskiptingarinnar, og Páll Erland, framkvæmdastjóri ON á fundi stjórnsýsluhóps Stjórnvísi. Hann verður haldinn fimmtudaginn 27. febrúar 2014 kl. 8:30-9:30. Fundurinn fer fram í höfuðstöðvum fyrirtækjanna að Bæjarhálsi 1 í Reykjavík.

Morgunverðarfundur
ISO-hóps Stjórnvísi og Íslensku ánægjuvogarinnar
Tengsl gæðastjórnunar og mælinga á ánægju viðskiptavina
kynning á niðurstöðum mælinga 2013 og afhending viðurkenninga

Föstudaginn 28. febrúar 2014, kl. 8:15 -10:00
Grand Hótel - Hvammi - Sigtúni 38, 105 Reykjavík
Dagskrá

8:30 Fundarsetning
Fundarstjóri er Davíð Lúðvíksson, Samtökum iðnaðarins.

8:35 Stutt innlegg um tengsl gæðastjórnunar og mælinga á ánægju viðskiptavina
Orkuveita Reykjavíkur: Hlustað á viðskiptavininn - mælingar og kannanir
Kristjana Kjartansdóttir, gæðastjóri Orkuveitu Reykjavíkur og Sigrún Viktorsdóttir, forstöðumaður þjónustustýringar Orkuveitunnar fjalla um breyttar áherslur mælinga Orkuveitunnar á ánægju viðskiptavina.
Mannvit: Erum við að standa okkur?
Laufey Kristjánsdóttir, gæðastjóri Mannvits mun fjalla um hvernig ánægja viðskiptavina er mæld hjá Mannviti og hvernig niðurstöður eru nýttar til úrbóta.

9:05 Mikilvægi þjónustu - könnun meðal almennings
Tómas Bjarnason, rannsóknarstjóri Capacent, kynnir niðurstöður nýrrar könnunar meðal almennings um mikilvægi þjónustu.

9:20 Kynning á helstu niðurstöðum Íslensku ánægjuvogarinnar árið 2013
Vilborg Helga Harðardóttir, aðstoðarframkvæmdastjóri rannsóknarsviðs Capacent, kynnir niðurstöður ánægjuvogarinnar 2013, m.a. niðurstöður einstakra fyrirtækja og markaða, breytingar frá fyrri árum og ánægju ólíkra lýðfræðihópa. Eins verður farið yfir breytingar á fyrirkomulagi mælinga og viðurkenninga í ár.

9:45 Viðurkenningar Íslensku ánægjuvogarinnar árið 2013 veittar
Gunnhildur Arnardóttir, framkvæmdastjóri Stjórnvísi, afhendir viðurkenningar til þeirra fyrirtækja sem eru með tölfræðilega marktækt hæstu einkunnina á viðkomandi markaði.
.
Nánari upplýsingar um Íslensku ánægjuvogina: http://www.stjornvisi.is
Skráning fer fram á www.stjornvisi.is
Verð kr. 2.250.- greiðist á staðnum. Ef óskað er eftir skuldfærslu þarf að koma með beiðni

Presenting to investors - beyond the pitch

Frummælandi: Matthew Arnold, framkvæmdastjóri og stofnandi tölvuleikjafyrirtækisins King Coyote Studios.

Matthew mun m.a. fjalla um hvernig góð fjárfestakynning fer fram og hvaða þrjú lykilatrið það eru sem auka líkur á því að sprotafyrirtæki fái fjármögnun.

Erindi Matthews fer fram á ensku.

Fyrirlesari: Sveinn V. Ólafsson, Fagstjóri öryggisáætlana og umhverfismála hjá Samgöngustofu

Sveinn heldur fyrirlestur um mikilvægi og kröfur til stjórnkerfa í flugtengdum rekstri. Komið verður inná gæðakerfi, áhættustjórnun, skipulag, ábyrgðarmenn og fl.

Staðsetning:
Staðlaráð Íslands
Þórunnartún 2 - 3.hæð.
105 Reykjavík.

Fyrirtæki ganga í gegnum breytingar af ýmsum ástæðum en ein sú algengasta er vegna samruna eða yfirtöku. Sameiningar og breytingar tengdar þeim geta verið flóknar og kröfurnar umfangsmiklar. Í slíkum aðstæðum skapast oft ágreiningur vegna óvissu. Einn mikilvægasti þátturinn í samruna er stjórnun breytinganna til að ná fram markmiðum sem stefnt er að og væntri niðurstöðu sem að breytingarnar eiga að skila.

Guðrún Ragnarsdóttir ætlar að ræða almennt um samruna skipulagsheilda. Hún tekur dæmi úr íslensku viðskiptalífi og fer yfir hvað ber að hafa í hyggju við undirbúning og hvað ber að varast. Kynnt verður til sögunnar verkfæri sem Guðrún hefur verið að nota við stýringu á breytingum og hefur reynst mjög vel.

Guðrún Ragnarsdóttir er eigandi og ráðgjafi hjá Strategíu og fyrrverandi framkvæmdastjóri Lánasjóðs íslenskra námsmanna. Hún hefur víðtæka reynslu af innleiðingu stefnu og stjórnun breytinga m.a. vegna samruna en sl. 15 ár hefur hún unnið að ýmsum verkefnum á því sviði m.a. sem gæðastjóri hjá Landsvirkjun, forstöðumaður gæðastjórnunar hjá Íslandsbanka, sem framkvæmdastjóri þróunarsviðs BYKO og sem framkvæmdastjóri LÍN. Guðrún er viðskiptafræðingur og MBA. Hún hefur unnið að mörgum ráðgjafaverkefnum, sinnt námskeiðahaldi og skrifað greinar um stjórnun. Guðrún er fyrrverandi formaður Stjórnvísi og heiðursfélagi.

Breytt og bætt verklag í Stjórnarráðinu

Stefnumótun - áætlanagerð - verkefnastjórnun - undirbúningur lagasetningar

Í lok ársins 2013 voru kynntar tvær nýjar handbækur um verklag í Stjórnarráði Íslands. Tilgangurinn með þeim er að bæta og samhæfa verklag starfsmanna.

Handbækurnar eru samræmdar að uppbyggingu og eiga að nýtast við skipulag ólíkra viðfangsefna. Þær eru ætlaðar til leiðbeiningar fyrir starfsfólk Stjórnarráðsins og lagaðar að vinnuumhverfi þess en sú aðferðafræði sem þær endurspegla getur jafnframt nýst utan Stjórnarráðsins.

Um er að ræða handbók um opinbera stefnumótun og áætlanagerð, handbók um verkefnastjórnun fyrir Stjórnarráðið og nú er unnið að þeirri þriðju; handbók um lagasetningu og gert er ráð fyrir að þeirri vinnu ljúki fyrri hluta árs 2014.

Héðinn Unnsteinsson, Sif Guðjónsdóttir og Steinunn Halldórsdóttir sérfræðingar í forsætisráðuneytinu ræða handbækunar, samhengi þeirra, tilurð og mögulega notkun fyrir félagsmenn og aðra áhugasama.

Staðsetning: Atvinnuvega- og nýsköpunarráðuneytið - fyrirlestrasalur jarðhæð - Skúlagötu 4

Nánari upplýsingar
Sjá frétt á vef forsætisráðuneytisins um nýjar handbækur um verklag http://www.forsaetisraduneyti.is/utgafur/handbaekur/

.

Í tilefni afhendingar Stjórnunarverðlauna Stjórnvísi 2014 hinn 12. mars nk. býður Stjórnvísi til hátíðarmóttöku í Turninum í Kópavogi kl. 16.00 til 18.00

Hér má sjá lista yfir þá sem voru tilnefndir: http://stjornvisi.is/stjornunarverdlaunin/tilnefningar2014

Forseti Íslands, hr. Ólafur Ragnar Grímsson, afhendir verðlaunin og flytur stutt ávarp.
Þrír stjórnendur verða verðlaunaðir en yfir fimmtíu stjórnendur hlutu tilnefningu til verðlaunanna og má sjá nöfn þeirra á vefnum http://stjornvisi.is/

Dagskrá:

Setning hátíðar: Teitur Guðmundsson læknir, framkvæmdastjóri Heilsuverndar og formaður Stjórnvísi

Hátíðarstjóri: Agnes Gunnarsdóttir, framkvæmdastjóri sölu-og markaðssviðs Íslenska Gámafélagsins.

Fyrirlesarar: Þrír áhugaverðir fyrirlesarar munu flytja erindi sem tengist þema hátíðarinnar:
„Ný verkfærakista í markaðssetningu einstaklinga og fyrirtækja“

Edda Hermannsdóttir - dagskrárgerðarkona á Miklagarði
Tækifærin í hinu óhefðbundna og yfirstíganlega.

Guðmundur Arnar Guðmundsson markaðsstjóri NOVA
Ekki vera eitthvað fyrir alla. Vertu allt fyrir einhverja!

Þorvarður Goði Valdimarsson, framkvæmdastjóri Nýs vinkils ehf.
Að staðsetja sjálfan sig sem leiðandi afl með hjálp samfélagsmiðla og hvernig vinnuveitandinn nýtur góðs af.

Bára Sigurðardóttir, mannauðsstjóri Termu og formaður dómnefndar gerir grein fyrir vali dómnefndar á stjórnendum ársins 2014.
Hr. Ólafur Ragnar Grímsson, forseti Íslands, afhendir verðlaunin og flytur stutt ávarp.
Félagsmenn Stjórnvísi eru sérstaklega boðnir velkomnir ásamt öllu fag- og áhugafólki um stjórnun

Aðgangur er ókeypis!

Dómnefnd 2014 skipa eftirtaldir:
Agnes Gunnarsdóttir, situr í stjórn Stjórnvísi og er framkvæmdastjóri sölu-og markaðssviðs Íslenska Gámafélagsins.
Ásta Bjarnadóttir, ráðgjafi Capacent.
Bára Sigurðardóttir formaður dómnefndar og mannauðsstjóri hjá Termu
Gylfi Dalmann Aðalsteinsson, dósent við viðskiptafræðideild Háskóla Íslands
Helgi Þór Ingason, dósent og forstöðumaður MPM náms við HR
Hjörleifur Pálsson, stjórnarmaður og ráðgjafi
Magnús Guðmundsson, forstjóri Landmælinga Íslands og formaður Félags forstöðumanna ríkisstofnana
Nánari upplýsingar um Stjórnunarverðlaun Stjórnvísi er að finna á heimasíðu félagsins http://stjornvisi.is/stjornunarverdlaunin

Með kærri kveðju,
Gunnhildur Arnardóttir
Framkvæmdastjóri Stjórnvísi

Reykjavíkurborg mun taka á móti félögum í Stjórnvísi á umræðufundi um kynbundinn launamun í Ráðhúsi Reykjavíkur þann 13. mars nk. Helga Björg Ragnarsdóttir, skrifstofustjóri skrifstofu borgarstjóra og borgarritara og Atli Atlason, deildarstjóri kjaradeildar, munu kynna aðgerðir sem borgin hefur farið í til að vinna gegn kynbundnum launamun og einnig mun Þorgerður Einarsdóttir, prófessor í stjórnmálafræðideild HÍ, fjalla um viðfangsefnið frá fræðilegu sjónarhorni.

Þann 1. október á síðasta ári voru samþykktar í borgarstjórn tillögur um aðgerðir í ellefu liðum til þess að útrýma kynbundnum launamun hjá borginni. Tillögurnar eru byggðar á skýrslu aðgerðahóps um kynbundinn launamun sem kom út í byrjun september. Á umræðufundinum verður farið yfir stöðu þessa málaflokks hjá borginni, nýlegar launakannanir kynntar og fjallað verður um þær áskoranir sem borgin þarf að takast á við til að ná markmiði sínu.

Samskipti við birgja og innkaup eru talin vera eitt meginverkfæri við innleiðingu samfélagsábyrgðar hjá fyrirtækjum. Í fyrirlestrinum mun Finnur tengja saman samfélagsábyrgð við virðiskeðjuna, hver séu helstu röksemdirnar og verkfærin við innleiðinguna. ÁTVR mun gera grein fyrir samstarfi þeirra við systurfyrirtæki á Norðurlöndum og hvernig þau eru að meta birgja út frá samfélagssjónarmiðum.

Finnur Sveinsson starfar sem sérfræðingur í samfélagsábyrgð hjá Landsbankanum. Hann er viðskiptafræðingur með meistaragráðu í umhverfisfræðum. Hann rak ráðgjafafyrirtæki í Svíþjóð í um 14 ár og hefur meðal annars unnið með Alcoa Fjarðaál, Innkaupastofnun Gautaborgar og vann að því með Ríkiskaupum, Reykjavíkurborg og Umhverfisráðuneytinu að koma vistvænum innkaupum (www.vinn.is) á laggirnar á Íslandi.

Gildi Veritas eru áreiðanleiki, hreinskiptni og framsækni. Gildin ganga þvert yfir samstæðunna. Allir starfsmenn fyrirtækjanna hafa komið að gildavinnunni og mun Vilborg Gunnarsdóttir, starfsmannastjóri Veritas, segja frá þeirri vinnu.
Viðburðurinn fer fram að Hörgatún 2 í Garðabæ. Þátttakendur mæti í gestamóttöku Vistor og gott er að leggja á efra bílaplani.

Guðmundur S. Pétursson, gæða- og öryggisstjóri, fjallar um gæðastjórnkerfið sem nú er í smíðum samkvæmt ISO 9001 staðlinum hjá Tollstjóra og tengda þætti í gæðastjórnun embættisins, svo sem stefnumótun, verkefnastjórnun og innra eftirlit.

Herdís Pála Pálsdóttir, framkvæmdastjóri mannauðsmála og samskipta hjá Reiknistofu bankanna mun taka á móti Stjórnvísifélögum í glæsilegum húsakynnum RB og segja frá því hvernig markþjálfun nýtist í starfi mannauðsstjóra. Jafnframt mun einn framkvæmdastjóra RB Einar Birkir Einarsson, framkvæmdastjóri Tæknireksturs og þjónustu hjá RB segir frá reynslu sinni af að nýta sér þjónustu markþjálfa.

Markþjálfunarhópur Stjórnvísi hvetur alla sem áhuga hafa á markjálfun að láta ekki þennan áhugaverða fund fram hjá sér fara.

Herdís tekur á móti Stjórnvísi á 4. hæðinni í turninum á Höfðatorgi, í fundarherbergi sem heitir Ásinn. Morgunverður í boði.

Allir velkomnir,
stjórnin

Á Mannamóti í mars munum við heyra frá Valdimar Össurasyni, uppfinningamanns og framkvæmdastjóra Valorku ehf. og Elinóru Ingu Sigurðardóttur, framkvæmdastjóra Elás ehf Royal Natural og stofnanda KVENN.

Valdimar segir frá sínum verkefnum og hinum gríðarmiklu tækifærum sem liggja á sviði sjávarorkunýtingar. Valorka er frumkvöðull í þróun sjávarorkutækni á Íslandi og hverfill Valdimars er nú í fararbroddi á heimsvísu varðandi nýtingu annesjarasta. Sjávarorka er umfangsmesta orkuauðlind Íslands; orkulind næstu kynslóða.

Elínóra kynnir komu Warren Tuttle sem ætlar að tala um Bandaríkjamarkað og það sem þarf að hafa í huga í tengslum við framleiðsluleyfi (licensing) Hann kemur á Hönnunamars í boði KVENN og SFH, Samtök frumkvöðla og hugvitsmanna. Einnig ætlar hún að kynna sýninguna INPEX í USA, sem er sölusýning nýjunga, sem gefur frumkvöðlum tækifæri á að koma vörum sínum í framleiðslu og á markað í USA. SFH og KVENN verða þar með bás í júní næstkomandi. Elínóra er með þátt um Frumkvöðla á ÍNN www.inntv.is.

Hvar: Loftið, Austurstræti 9,101 Reykjavík
Hvenær: Miðvikudaginn 26. mars
Tími: kl.17.15-18.30

Stefnt er að því að hefja hvert Mannamót á stuttri kynningu, þar sem sagt er frá reynslusögu fyrirtækis, rannsókn, hugmyndafræði eða öðru áhugaverðu. Þetta er breytilegt hvert sinn en byrjar kl.17.15 svo fólk skal mæta tímalega. Athugið að þessi viðburður er ókeypis og ekki þarf að skrá sig - bara mæta!

http://imark.is/imark/vidburdir/vidburdur/2014/03/26/Mannamot-i-mars/

Fyrirlesari: Ingvar Hjálmarsson gæðastjóri Umslags ehf.

Fyrirtækið Umslag fékk ISO 27001 öryggisvottun í maí síðastliðnum. Farið er yfir hver var ástæða þess að fyrirtækið ákvað að taka upp staðalinn og hvernig innleiðingin og starfið gekk fyrir sig og hvaða breytingar hafa orðið á rekstri fyrirtækisins í framhaldi. Farið verður yfir skrif öryggishandbókar, starf öryggishóps, hvernig verk- og stoðferlar voru útbúnir og þeim fylgt eftir í framhaldi, hvernig innri úttektir hafa gengið og hvernig undirbúningi þarf að vera háttað þegar úttektaraðilar frá þriðja aðila mæta á svæðið og meta hvernig til hefur tekist.

Í lok fundarins fá fundargestir tækifæri á að skoða verksmiðjuna.

Árið 2010 voru ný lög um mannvirki samþykkt á Alþingi þar sem meðal annars segir að aðilar sem koma að hönnun, framkvæmdum og eftirliti með mannvirkjagerð skuli hafa gæðastjórnunarkerfi. Þessi krafa á við um hönnuði, hönnunarstjóra, byggingarstjóra, iðnmeistara og þá sem sinna eftirliti. Nánar er kveðið á um kröfur til gæðastjórnunarkerfanna í byggingarreglugerð frá árinu 2012 og Mannvirkjastofnun hefur gefið út leiðbeiningar um hvernig gæðastjórnunarkefnin skuli vera.

Fyrirkomulagið byggir á reynslu við eftirlit með rafmagnsöryggi en nýjar aðferðir og notkun öryggisstjórnunarkerfa var komið á árið 1996 með nýjum lögum um öryggi raforkuvirkja, neysluveitna og raffanga. Þetta og fleira er umræðuefni morgunfundarins.

Á þessum morgunfundi tekur Mannvirkjastofnun á móti okkur og verður dagskráin þessi:

Kröfur um gæðastjórnunarkerfi í byggingarreglugerð,

• Bjargey Guðmundsdóttir gæðastjóri, Mannvirkjastofnun

Gæðastjórnunarkerfi SI fyrir iðnmeistara,

• Ferdinand Hansen verkefnastjóri gæðastjórnunar, Samtök iðnaðarins

Reynslan af öryggisstjórnunarkerfum í rafmagnsöryggismálum,

• Jóhann Ólafsson fagstjóri rafmagnsöryggis, Mannvirkjastofnun

Hámarksfjöldi á fundinn eru 30 manns.

Hvað er að frétta úr Lean heimum?

Pétur Arason, Global Manufacturing Strategy Manager hjá Marel, mun segja frá öllu því heitasta er fram kom á árlegu Lean Transformation Summit ráðstefnunni sem haldin var í Bandaríkjunum, sjá: http://www.lean.org/Events/2014_lean_transformation_summit.cfm. Ráðstefnan er ein af þeim merkiegri sem í boði er í Lean málum svo það verður verulega spennandi að heyra hvað er að frétta. Allir sem hafa áhuga á Lean eru hvattir til að mæta.

Staðsetning: Háskólinn í Reykjavík stofa: V102 sem er Málstofa og er á ganginum á 1.hæð.