Fréttir og pistlar

Í morgun héldu faghópar um mannauðsstjórnun og þjónustu-og markaðsstjórnun fjölmennan fund í N1. Elín Helga frá Hvíta húsinu auglýsingastofunni hóf fyrirlesturinn á að ræða um innri markaðssetningu einkamál markaðsdeildar? Hverra samspil er innri markaðssetning? Þetta eru aðferðir ytri markaðssetningar notaðar á starfsfólk, ekki ytri viðskiptavini. Í ytri markaðssetningu eru upplýsingum oft ýtt að fólki „push“ t.d. með dagblaðaauglýsingum.
Verið er að sækjast eftir virkni eða helgun starfsmanna „engagement“. Rannsókn sem gerð var 2013 á 200 þúsund starfsmönnum mældi ENPS (engagement) en það er svipuð mæling og á NPS sem mælir viðskiptavini. „Hversu líklegur ertu til að mæla með fyrirtækinu við viðskiptavini þína? Virkni starfsmanna minnkar því neðar sem þeir eru í skipuritinu. Allir starfsmenn þurfa að vera meðvitaðir um hvers vegna þeir eru að mæta í vinnuna á morgnana, því nær sem starfsmaður er viðskiptavini því lægra ENPS. Þetta eru ekki góðar fréttir fyrir þjónustufyrirtæk, því þau aðgreina sig á þjónustunni. Þjónustufyrirtæki eru stanslaust að selja þjónustu eða viðmót.
Þjónustuþríhyrningurinn er kominn frá Kotler Stjórnendur-starfsfólk-viðskiptavinir. Loforð eru gefin í ytri markaðssetningu, loforð eru efnd með samskiptum, í innri markaðssetningu kemur hæfnin til að standa við loforðin.
En hvernig verður innri markaðssetning árangursríkari en hún er. 1. Gera markaðsmálin að samskiptamálum, ekki einhliða upplýsingagjöf; fyrirlestur, lestur, hljóð og mynd, sýnikennsla, samtalshópar, æfa sig, nýta þekkinguna strax.
Áhrifaríkast: 1.Hópfundir, heimsókn stjórnenda, starfsmannaráðstefnur, bréf til starfmanna, innra net, plaköt. 2. Vinna með stjórnendum í að miðla og virkja starfsmenn. Stjórnendur eru ábyrgir fyrir miðlun til sinna starfsmanna. Gera þarf stjórnendur ábyrga fyrir virkni starfsmanna sinna (ENPS). Stjórnendur þurfa að hjálpa starfsmönnum að virkja starfsmenn. Lean virkar vel, starfað í litlum hópum, samtal þar sem allir fá að tjá sig, hvað er að ganga vel hvað getum við gert betur, hvaða hlutverki gegni ég? 3. Nota þau verkfæri og ferla sem fyrir eru t.d. vefurinn. Fyrirtæki eru með töflufundi, nota það sem er til. 4. Láta mælikvarðana nær starfsfólki. Finnst fólki það geta haft áhrif á mælikvarðana? Hversu oft er mælt. Best er að bæla NPS fyrir hvern hóp fyrir sig, ekki allt fyrirtækið í einu. Mæla a.m.k. fjórum sinnum á ári. Innri markaðssetningar er því ekki einkamál markaðsstjórans. Mannauðsdeild hefur áhrif á virði vörumerkisins með því að undirbúa og þjálfa stjórnendur sem síðan virkja starfsmenn í að efna loforðin. Mannauðsdeild þarf því að þekkja markmið markaðsdeildar, hver aðgreining vörumerkisins er. Þá verður þríhyrningurinn: Markaðs-og mannauðsmál-viðskiptavinir-starfsfólk Láta starfsmenn koma með lausnina að vandamálum, ekki gefa þeim lausnina. Vinna þarf í teymum og stöðugt að innbótum.
Þá tók við Díana Dögg Víglundsdóttir. N1 stendur í þeirri áskorun, hvernig ná eigi til allra starfsmanna. N1 vill koma sömu skilaboðum til allra starfsmanna. Áður fyrr var notaður innri vefurinn fyrir starfsmenn. Innri vefurinn var allt of einhliða því öll skilaboð komu frá yfirstjórn. Markmið N1 var að allir starfsmenn fengju rödd, gætu komið með skilaboð. Starfsmenn fengju rödd og boðleiðir yrðu styttar. Markmiðið var að stytta boðleiðir, skapa skemmtilegt umhverfi fyrir starfsmenn, sameina starfsmenn á einum stað, nær hvort öðru.
Starfsfólk N1 er mikilvægasti markhópurinn, ef starfsmenn fá ekki réttar upplýsingar er öruggt að viðskiptavinurinn fær þær ekki. En hvað er samfélagsmiðaður innri vefur? Það er vefur sem leyfir öllum að tjá sig, gagnvirkur vefur, vefur þar sem umræðan stýrir því sem er mikilvægt ekki bara yfirstjórn, vefur sem sýnir hvað er að gerast. Notendainnskráningin var tengd við kennitölu, aðgangurinn er virkjaður um leið og viðkomandi byrjar, leiðin er brothætt en þarna inni er ekkert sem ekki má koma fyrir augu almennings. Starfsmenn eru ekki allir með netfang en þeir komast inn á sinni kennitölu. Þegar komið er inn á vefinn geta allir skrifað hvað sem þeim dettur í hug á vefinn. Hægt er að deila með öllum og hrósi er deilt með öllum. Vefurinn er orðinn miklu virkari. Hægt er að festa viðburð efst ef ósk er um að hann sé alltaf það fyrsta sem allir sjá. Hjá N1 liggur ábyrgðin á innri vefnum hjá starfsmannasviði, vefstjórn, markaðssviði og starfsmannafélaginu. Hægt væri að virkja miklu meiri fjölda og fyrir starfsmannafundi út á landi. Vefurinn var opnaður í janúar og þróunin er sú að heimsóknir eru allt upp í 7000 á mánuði. Mest skoðuðu síðurnar eru matseðillinn, ferðir, viðburðir, starfsmaðurinn, um N1, Allir viðburðir eru inn á síðunni og þú getur bókað þig þar. Á innri vef sést alltaf hver á afmæli, þar eru listar „hnappur“ og fólk getur skráð sig. En fólki fannst þetta ekki nægilega persónulegt. Hægt er að setja myndir inn á vefinn tengdum viðburðum. Hver og einn á sinn prófíl og getur sett þar inn eitthvað persónulegt um sjálfan sig. Ekki er enn búið að ákveða hvernig ánægja verður mæld með vefinn nema í árlegri viðhorfskönnun.

Skeljungur tók á móti Stjórnvísifélögum þann 20.maí kl.16:00-17:30 og var boðið upp á glæsilegar veitingar. Valgeir Baldursson forstjóri Skeljungs og Lilja Erla Jónasdóttir verkefnastjóri kynntu lean í rekstri Skeljungs, hvernig þau tóku fyrstu skrefin í átt að lean, hvernig þau hafa nálgast innleiðinguna og hverjar eru þeirra helstu hindranir og áskoranir.

Miðvikudaginn 20.maí sl. var haldinn stjórnarskiptafundur Stjórnvísi á loftinu í UNO, Hafnarstræti 1-3. Sú áhugaverða og skemmtilega venja hefur myndast að bjóða formönnum allra faghópa til fundarins. Markmið fundarins sem er veglegri en allir aðrir stjórnarfundir er að þakka fyrir vel unnið starf, gleðjast og kynnast betur. Einstaklega vel var mætt á fundinn sem var eftirminnilegur og einstaklega skemmtilegur, sagðar sögur og slegið á létta strengi.

Aðalfundur Stjórnvísi var haldinn í dag í Nauthól.
Ný stjórn var kosin fyrir næsta starfsár.
Formaður Stjórnvísi 2015-2016 er Nótt Thorberg, markaðsstjóri Marel á Íslandi. Nótt hefur setið í stjórn Stjórnvísi í 3 ár, tvö ár sem aðalmaður og eitt ár sem varamaður.

Aðalstjórn: Á síðasta aðalfundi voru kosnir til tveggja ára 2014-2016 í aðalstjórn Stjórnvísi:

1. Guðmunda Smáradóttir, forstöðumaður Opna háskólans, Háskólanum í Reykjavík.
2. Jóhanna Þ. Jónsdóttir, framkvæmdastjóri hjá Innnes
3. Halldór Kr. Jónsson, sölu-og markaðsstjóri hjá ISS

Í aðalstjórn til næstu tveggja ára 2015-2017 voru kosin:

4. Áslaug D. Benónýsdóttir, verkefnastjóri gæða-, umhverfis- og öryggismála hjá Gámaþjónustunni.
5. Sigurjón Þórðarson, stjórnunarráðgjafi hjá Hagvangi.
6. Þórunn M. Óðinsdóttir stjórnunarráðgjafi, eigandi Intra ráðgjafar slf.

Í varastjórn til eins árs 2015-2016

1. Jón Halldór Jónasson, upplýsingafulltrúi Reykjavíkurborgar.
2. Maríanna Magnúsdóttir, deildarstjóri viðskiptaferla VÍS.

Kosið var í fagráð félagsins til eins árs 2015-2016:

Davíð Lúðvíksson, forstöðumaður stefnumótunar- og nýsköpunar hjá Samtökum iðnaðarins
Einar S. Einarsson, markaðs-og þjónustustjóri Landsnets.
Hrefna Sigríður Briem, forstöðumaður BSc náms í viðskiptafræði við HR.
Jón G. Hauksson, framkvæmdastjóri Frjálsrar verslunar.
Kristín Kalmansdóttir, sviðsstjóri stjórnsýslusviðs hjá Ríkisendurskoðun.

Kosnir voru tveir skoðunarmenn til eins árs 2015-2016:

María Guðmundsdóttir, sérfræðingur hjá Mentor.
Runólfur Birgisson, fjármálastjóri Tryggingastofnunar ríkisins.

Einnig voru samþykktar siðareglur félagsins og nýtt útlit kynnt.

Faghópur um breytingastjórnun hélt áhugaverðan fund í Innovation House í morgun. Guðrún Hafsteinsdóttir, markaðsstjóri Kjöríss sagði okkur söguna af því hvað var gert og fór yfir þann lærdóm sem dreginn var af breyingaferlinu. Árið 1991 ákvað stjórn Kjörís að sameina alla starfsemi fyrirtækisins í Hveragerði og flytja því söludeild og skrifstofuhald austur fyrir fjall. Enginn starfsmaður vildi flytja úr Reykjavík austur þannig að ráða þurfti nýtt fólk í stað þeirra sem áður höfðu starfað í Reykjavík.
Einhverjir myndu segja að þetta væri óðs manns æði en útkoman varð ein besta ákvörðun sem tekin hefur verið í Kjörís. Hafsteinn stofnandi Kjöríss bauð öllum sveigjanlegan vinnutíma. Þetta var því mikil áskorun því allt í einu stóð fyrirtækið uppi með enga söludeild né skrifstofu. Það var því ekkert annað í stöðunni en að auglýsa 10 stöður sem var vítamínssprauta fyrir fólkið á staðnum. Breytingin var því gríðarlega mikilvæg fyrir Hveragerði, Selfoss og nágrenni.
Breytingar eru að veigra sér ekki við að taka þátt og hafa áhrif. Annað hvort breytumst við eða okkur verður breytt. Það er betra að breyta sér en láta aðra gera það. það er afskaplega erfitt að breyta kúltúr og sumir vilja alls ekki breytast.
Guðrún tók dæmi um nýtt tölvukerfi, það kostar bæði mikla peninga og gríðarlegar áskoranir varðandi breytingar.
Málið er hvernig við skrúfum hausinn á okkur á morgnana. það er gott að vera hræddur og yfirstíga það. Maður þarf að hugsa hvað er það versta sem getur gerst? Yfirleitt er það ekkert svo slæmt.
“If you always do what you’ve always done, you’ll always get what you’ve always got.”

Sigurður Björnsson forstöðumaður innkaupa hjá Landsvirkjun, bauð Stjórnvísifélögum til sín þann 7 maí og var efni fundarins umfjöllun um birgjamat. Yfir 60 manns mættu á fundinn. Sigurður fór yfir af hverju verið er að spá í innkaupastýringu. Þar kemur inn áhættustýring og aukið gagnsæi í flóknum aðfangakeðjum. Landsvirkjun vill að birgjar sem þeir skipta við geti afhent vörur þegar á þarf að halda. Orðstír og vörumerki skipta Landsvirkjun einnig miklu máli. Birgjaskráin e yfirgripsmikil eða um 5000 birgjar og pantað var frá 2000 birgjum í fyrra.
Einnig var áhugaverð kynning frá Klaus Kræmer sem starfar hjá Achilles sem er fyrirtæki sem sérhæfir sig í mati á birgjum með sérstöku birgjamatskerfi. Að lokum var stutt kynning á siðareglum birgja sem Landsvirkjun er að innleiða og má sjá þær á facebook Stjórnvísi.

Aðalfundur ISO og stjórnkerfi áhættustjórnunar samkvæmt ISO 31000 - Almenn áhættustýring samkvæmt staðl
Í dag var haldinn aðalfundur ISO sem Áslaug Benónýsdóttir stýrði. Áslaug fór yfir dagskrá vetrarins sem var yfirgripsmikil og kosin var ný stjórn. Áslaug óskaði eftir hugmyndum að efni fyrir næsta starfsár og komu fram áhugaverðar hugmyndir m.a. um stöðlun staðlanna, auðvelda notkun staðlanna t.d. fyrir byggingastjóra, hvernig er hægt að aðstoða minni verktaka, verið er að þýða 27002, tilefni til að fjalla um þá og tenginguna við 9001. Í framhaldi af aðalfundinum hélt Guðjón Viðar Valdimarsson hjá Stika erindi um stjórnkerfi áhættustjórnunar samkvæmt ISO 31000 - Almenn áhættustýring samkvæmt staðli.Áhættugreining er veigamikill hluti í rekstrarumhverfi fyrirtækja og hluti af ákvarðanatöku á flestum sviðum. Uppsetning stjórnkerfis fyrir stjórnun áhættu (Risk management framework) þarf að vera yfir gagnrýni hafið og besta leiðin til þess er að fylgja almennt viðurkenndum stöðlum um áhættustjórnun.
ISO 31000 staðalinn (ISO 31000:2009, Risk management - Principles and guidelines), er almennt viðurkenndur sem staðall fyrir stjórnun áhættu. Þessi staðall tilgreinir hugtök, leiðbeiningar um vinnuferli og ferla til að setja upp og viðhalda stjórnkerfi fyrir áhættustýringu.
Notkun ISO 31000 getur hjálpað fyrirtækjum að auka líkur þess að ná markmiðum sínum, bæta greiningu á tækifærum og áhættum og nota auðlindir sínar til að stjórna áhættu á skilvirkan hátt. ISO 31000 er ekki vottunarstaðall en gefur leiðbeiningar um skipulagningu innri og ytri endurskoðunaráætlunar. Fyrirtæki sem nota staðalinn geta metið stjórnun sinnar áhættu við alþjóðlega viðurkenndan staðal og þannig notið þeirra kosta sem traustar og viðurkenndar vinnureglur leiða af sér.
Guðjón Viðar Valdimarsson (CIA,CFSA, CISA) er faggiltur innri endurskoðandi og hefur starfað við ráðgjöf og innri endurskoðun í langan tíma. Lesa má nánar um reynslu Guðjóns hér á eftirfarandi vefslóð:https://is.linkedin.com/in/gudjonvidarvaldimarsson
Ráðgjöf vegna uppsetningar á stjórnkerfi áhættustýringar samkvæmt ISO 31000 hefur aukist mjög verulega undanfarin ár en á sama tíma hafa kröfur til forms áhættustýringa aukist. Ráðgjöf vegna uppsetningar eða úttektir á því sviði hafa oft á tímum fjallað um að taka alla þætti áhættustýringar í notkun þannig að stjórnkerfi áhættu nýtist fyrirtækjum og stofnunum sem best.
STJÓRNUN ÁHÆTTU SAMKVÆMT ISO 31000
Í fyrirlestrinum fjallaði Guðjón um:
• Hugtök , forsendur og almenna aðferðafræði áhættustjórnunar.
• Hlutverk aðila : stjórnar, stjórnenda, innri endurskoðunar og áhættustýringardeilda.
• Staðla og regluverk varðandi áhættustjórnun.
• Ferli áhættustjórnunar, mat viðskiptalegra markmiða og áhættu sem að þeim steðja

Á fundi faghóps um heilsueflandi vinnuumhverfi var fjallað um heilsueflingu í bæjarfélagi þar sem markmiðið er að efla heilsu og líðan. Sigríður Kristín Hrafnkelsdóttir, lýðheilsufræðingur fór yfir að hver og einn ber ábyrgð á eigin heilsu og það er mikið hægt að gera í umhverfinu okkar. Það er afskaplega mikilvægt fyrir okkur að vera hluti af hóp. Kjarninn er að skoða nýjar leiðir þ.e. skoða þau með lýðheilsugleraugum. Að vinna með bæjarfélögum á að geta tekist vel. Reykjavík er brotin upp í 7 einingar og hægt að vinna í hverri einingu fyrir sig. Sigríður vann með Mosfellsbæ að heilbrigðara samfélagi. Sem dæmi sást í mælingu að í bænum er drukkið meira gos en í öðrum bæjarfélögum í kraganum. Í framhaldi var farið í átak að hvetja íbúa til að drekka meira vatn í stað þess að drekka gos. Sigríður sagði frá ráðstefnu sem hún fór á nýlega í Bandaríkjunum varðandi heilsueflingu. Eflingin hófst þar með fyrirtækjaheilsu, þar er fólki greitt fyrir að hreyfa sig sem hefur ekki varanleg áhrif þ.e. það festist ekki í menningunni. Sigríður sagði fór ótrúlega flottum fyrirlestri Dan Buettner þar sem fyrirlesarinn fjallaði um hvar fólk lifir lengst eða réttara sagt án sjúkdóma. Hvar eru þessi samfélög? Í Sardiníu á Ítalíu, Micoya í Costa Rica, Ikaria í Grikklandi, Lomo Linda í Californiu og Okinawa í Japan. Þessir staðir eiga það sameiginlegt að þar eru ekki skyndibitastaðir og nánd fólks er mikil. Fólk á þessum stöðum hefur fundið tilgang sinn í lífinu. Það er auðvelt að segjast ætla að verða heilsueflandi samfélag en erfitt að fylgja eftir aðgerðarlista. Mikilvægast eins og áður sagði er að vera hluti af hóp (samskipti, trú, fjölskyldan), hreyfing (eðlileg hreyfing), tilgangur, hugleiðsla (hver er þinn tilgangur? Hvíld hugans), Skynsamleg næring (borðaðu mat, 80% reglan, alkahól í hófi). Hvatt er til að kirkjur séu meira opnar t.d. fyrir jóga, hugleiðslur, tónleika o.fl. Mikilvægt er að standa upp reglulega yfir daginn, hreyfa sig á brettinu í ræktinni.

Helga Kristjánsdóttir, leikskólastjóri á Sunnuhvoli gaf okkur innsýn inn í heilsuefandi leikskóla og áhrif þess á starfsemina. Helga ólst upp við heilbrigðan lífsstíl og hreyfing er hluti af hennar lífi. Hún syndir og gengur. Helga vill standa fyrir að borða hollt og stunda hreyfingu. Helga hefur hafragraut, lýsi og ávexti á morgnana. Að vera leikskólastjóri krefst þess að vera leiðandi í mörgu. Árið 2012 byrjaði Helga að lesa fag sem heitir heilbrigði og uppeldi. Þar fékk hún verkfæri til að vinna út frá. Dagur í leikskóla er mjög skipulagður, með skipulagningu og útsjónarsemi hugsaði Helga með sér að hægt yrði að finna glufu til að gera eitthvað fyrir starfsmenn er varðaði hreyfingu. Starfsmenn á leikskóla eru grunnur á plani og þurfa að vera vel á sig komnir andlega og líkamlega. Í hádegi leggjast allir til hvílu, eldri börnin leggjast niður og yngri börn leggja sig. Lesin eru ævintýri sem þeim finnst skemmtileg og í þessum aðstæðum frá 11:30-13:00 er frekar rólegur tími. Sett var verkefni í gang sem fólst í að hver starfsmaður fékk 30 mínútur í hreyfingu og 30 mínútur í hvíld einu sinni í viku. Mikilvægt var að alltaf fara a.m.k. 2 saman í hvert skipti. Það var afskaplega hvetjandi að fá þennan auka hálftíma því hann var vel nýttur.

Lean faghópurinn bauð félögum svo sannarlega upp á "öðruvísi" fund í morgun. Það voru Patrick Karl Winrow og félagar sem buðu upp á GEMBA walk eða Go-see á framleiðslugólfi Marel.
Lögð var áhersla á sýnilega stjórnun (e. Visual management), 5s, Kanban, Cellular manufacturing & Pull.

Árið 2008 og 2014 stóð Háskólinn í Reykjavík fyrir rannsóknunum ICEMAC 1 og 2 um breytingar og þróun í stjórnunarreikningsskilum í íslenskum fyrirtækjum. Rannsóknin, sem var styrkt af RANNÍS, náði til fjármálastjóra í 300 stærstu fyrirtækjum landsins. Páll Ríkharðsson, dósent kynnti niðurstöður rannsóknanna á fundi kostnaðarstjórnunarfaghóps í morgun. Páll hefur unnið hjá mörgum fyrirtækjum og háskólum víðs vegar um heiminn.
Stjórnunarreikningsskil eru að breytast úti í hinum stóra heimi þ.e. að búa til upplýsingar fyrir stjórnendur til þess að þeir geti tekið betri ákvarðanir. Í bókfærslu og skráningu eru hlutlægar upplýsingar, en það sem skapar samkeppnisyfirburði eru upplýsingarnar sem við fáum. Allar rannsóknir staðfesta að fjármálastjórar eru nú meira í þekkingarmiðlun og hjálpa fyrirtækjum að taka betri ákvarðanir. Og hvernig eru stjórnunarreikningsskil á Íslandi?
Horft er í framtíðina, gerð spálíkön og þeim fylgt eftir. Búa til KPI og tryggja að stefna verði að veruleika. Hvað gerum við til að minnka áhættuna þ.e. stýra áhættunni. Hvernig er uppgjörum stillt upp. Áður hét þetta rekstrarbókhald en nú kallast þetta stjórnunarreikningsskil því þetta miðar að stjórnun fyrirtækja. 2008 var Ísland kortlagt. Hrunið kom rétt eftir fyrstu greininguna. Sala fyrirtækja á árunum 2004-2008 fjórfaldaðist. Hvað gerðist í hruninu? Allt mat á áhættu breyttist. Bæði 2008 og 2014 var svörunin yfir 60%. Í reikningsskilum er yfirleitt notuð sú nálgun að nota hugtökin kostnaðarverð seldra vara. Varðandi hefðbundin uppgjör er hefðbundin form. Það sem var spurt um í rannsókninni var hvort notuð væru einhver önnur form. Hagnaður = tekjur - kostnaður eða = tekjur-breytilegur kostnaður-fastur kostnaður o.fl. Beinn og óbeinn kostnaður er ekkert náttúrulögmál. Það er uppsetningin á skráningarvinnunni sem gerir okkur kleift að greina. Hún ræður hversu mikið er hægt að skrá og hvernig er þessu deilt? Er þörf á að gera það? Hversu mikilvæg er kostnaðargreining í daglegum rekstri? Hvernig á að verðleggja vöruna? Hvernig eigum við að nota dreifileiðir. Kostnaðargreining er mikilvægt tæki til að stjórna. Mörg fyrirtæki nota ekki framlegðargreiningu. Íslenska hugtakið er ekki það sama og það erlenda. Hlutfall fyrir sameiginlegan kostnað er stundum ekkert sérlega há. Spurt var í könnuninni hverjar væru áherslur fjármálastjóra í könnununum. Í ljós komu marktækar niðurstöður milli kannananna. Nú er meiri áhersla á að fjármáladeild sé ráðgjafadeild og sé í greiningarvinnu. Sama þróun er í gangi hér Fjármálastjóri í dag er orðinn miklu faglegri.

Trawire býður fyrirtækjum og stofnunum þjónustu í uppsetningu og leigu á iPad ásamt öðrum tækjum. Fyrirtækjaþjónusta Trawire býður upp á sérsniðnar lausnir fyrir allar stærðir fyrirtækja. Hvort sem er til lengri eða skemmri tíma þá er þjónustusamningur Trawire hagstæð leið til aukinnar þjónustu fyrir viðskiptavini. Trawire hefur tryggt viðskiptasambönd við marga leiðandi framleiðendur í aukahlutum og vélbúnaði fyrir spjaldtölvur og hugbúnaði til miðlunar upplýsinga til notenda.

Green energy group hlaut nýleg verlaun Bloomberg sem frumkvöðull ársins á sviði nýorku (e. New Energy Pioneer Award). Verkís hefur á undanförnum árum þróað með GEG sérstaka tækni við litlar jarðvarmavirkjanir sem tekur skemmri tíma að reisa en hefðbundnar virkjanir og þykja henta vel sem holutoppsvirkjanir. Holutoppvirkjun er jarðhitavirkjun sem er sniðin að hverri borholu fyrir sig og er þar af leiðandi hönnuð til að ná fram hámarks afköstum úr hverri holu og á sama tíma er rask á yfirborði lágmarkað. Verðlaunin voru afhent á ráðstefnu sem nýorkudeild Bloomberg stóð fyrir í New York 7. Apríl.
Stjórnvísi óskar GEG til hamingju með viðurkenninguna.