Október 2019

Mánudagur Þriðjudagur Miðvikudagur Fimmtudagur Föstudagur Laugardagur Sunnudagur
30
  •  
01
  •  
02
  •  
03
  •  
04
  •  
05
  •  
06
  •  
07
  •  
08
  •  
09
  •  
10 11
  •  
12
  •  
13
  •  
14 15 16 17 18 19
  •  
20
  •  
21
  •  
22
  •  
23
  •  
24 25 26
  •  
27
  •  
28
  •  
29 30 31 01
  •  
02
  •  
03
  •  

Er TRAUST mikilvægasti gjaldmiðill fyrirtækja? Haustráðstefna Stjórnvísi 2019.

Fyrir hvern: Fyrir alla þá sem vilja efla traust í sínum teymum en traust er undirstaða velgengni fyrirtækja. 

Hvenær: Haustráðstefna Stjórnvísi verður haldin á Grand Hótel, Gullteigi þann 10.október kl. 09:00-11:00. 

Þema ráðstefnunnar: Er TRAUST  mikilvægasti gjaldmiðill fyrirtækja?  Aðgangur er frír.  

Ráðstefnustjóri:   Guðfinna S. Bjarnadóttir, LEAD consulting - fyrrverandi rektor Háskólans í Reykjavík. 

FyrirlesararSteinunn Ketilsdóttir, Intellecta - ráðgjafi í stafrænni fræðslu og Antoine Merour frumkvöðull, stofnandi Business Landscape og fyrrverandi framkvæmdastjóri stefnumótunar Riot Games í Evrópu sem er eitt stærsta tölvuleikjafyrirtæki í heimi.

Dagskráin hefst með morgunverðarhlaðborði kl. 8:30. Boðið verður upp á egg og bacon, boost, alls kyns álegg, brauðmeti, sætabrauð o.fl. 
Aðalheiður Ósk Guðmundsdóttir, formaður stjórnar Stjórnvísi setur ráðstefnuna kl. 09:00. Því næst munu fyrirlesarar flytja erindi. Stuttar vinnustofur verða á eftir hvoru erindi þar sem tækifæri gefst að ræða saman og kynnast öðrum félögum.  

Verið öll hjartanlega velkomin.

Ráðstefnunni verður streymt af facebooksíðu Stjórnvísi.

Peningur er gjaldmiðill í viðskiptum og segja má að traust sé ósýnilegur gjaldmiðill í samskiptum. Mikilvægi trausts er ekki nýtt af nálinni heldur hvernig fyrirtæki ávinna sér traust og glata því. Rætt verður um traust fyrirtækja út frá viðskiptavinum og starfsmönnum í núverandi breytingum og hvaða áhrif það getur haft á framtíð okkar og fyrirtækja. 

Viðskiptavinir eru mikið nær fyrirtækjum í dag og hafa mun meira um það að segja hvaða traust fyrirtæki hafa í dag í gegnum samfélagsmiðla en var fyrir um áratug síðan. Vaxandi vantraust viðskiptavina á heimsvísu er áhyggjuefni og getur hamlað nýsköpun í fjórðu iðnbyltingunni. Eitt af mikilvægustu verkefnum stjórnenda í dag er hvernig þau eiga að vinna að því að viðhalda og ávinna sér traust í þeim breytingum sem eru framundan. 

Traust er ósýnilegur gjaldmiðill sem nærir árangursrík fyrirtæki. Það dregur úr núningi, flýtir fyrir ákvarðanatöku, opnar fyrir nýsköpun og hvetur til hámarks þátttöku starfsmanna. Við munum styðjast við nokkur dæmi um fyrirtæki sem settu traust sem kjarna í sínu viðskiptamódeli til að fá innblástur. Ræða síðan hvernig leiðtogar geta fyllt fyrirtæki af eldmóði með því að veðja á traust frekar en stjórnun.

Glærur Steinunnar Ketilsdóttir.

Glærur Antoine Merour. 

Stjórnarfundur Stjórnvísi (lokaður fundur)

Stjórnarfundir Stjórnvísi eru haldnir fyrsta þriðjudag hvers mánaðar.  Í stjórn félagsins eru 9 aðilar og skiptast þeir á að halda fundi. Í byrjun starfsárs skiptir stjórn með sér verkum og eru þrjú áhersluverkefni starfsárið 2019-2020.  Stjórn skiptir með sér þessum áhersluverkefnum og fundar um þau sérstaklega milli fastra stjórnarfunda.  Formaður félagsins stýrir stjórnarfundum á Trello borði þar sem áhersluverkefni stjórnar eru ásamt öðrum verkefnum.  Stjórn hefur aðgengi að sameiginlegu svæði á skýinu. Fundargerðir stjórnar eru öllum opnar á: https://www.stjornvisi.is/is/um-stjornvisi/log-arsskyrslur-fundargerdir. 

Verkefni 1: Stefnumótun fyrir 2020-2025
Ábyrgðaraðilar:  Aðalheiður, Jón Gunnar, Guðjón, Sigríður, Berglind, Gunnhildur
Tímabil:
6.8.2019-08.01.2020

  1. Notendaprófanir
  2. Meðal formanna hópa
  3. Meðal viðskiptavina
  4. Meðal þeirra sem ekki þekkja Stjórnvísi
  5. Rýni á heimsíðu

                                                    i.     Gildin, framtíðarsýn, lögi

                                                   ii.     n, siðareglur.

  1. Þróun á mælaborði – Aðalheiður, Gunnhildur

Verkefni 2: Sölu og markaðsmál
Ábyrgðaraðilar: Guðný Halla, Jón Gunnar, Ingi Björn, Kristján Geir
Tímabil:  6.8.2019-maí 2020

  1. Samfélagsmiðlar
  2. Linkedin
  3. Mælikvarðar
  4. Markviss fjölgun fyrirtækja
    1. Endurgjöf – skýrsla til fyrirtækja?
  5. Markviss fjölgun háskólanema

                                                    i.     Hvetja faghópa til að tala við deildir og kennara og t.d. fá 5 bestu nemendur til að kynna niðurstöður

Verkefni 3: Stuðningur við stjórnir faghópa
Ábyrgðaraðilar: Ásdís,
Aðalheiður, Gunnhildur, Guðný Halla,
Tímabil:
ágúst-nóvember2019.

  1. Þróun á formi viðburða
  2. Yfirfara allt kennsluefni fyrir stjórnir faghópa á heimasíðu.
  3. Kahoot, Menti.com, Podcast, Ted, Hringbraut

 Önnur verkefni:

  • Hópefli – stjórn geri eitthvað skemmtilegt saman ábyrgðaraðili Aðalheiður (sept/okt)
  • Facebook síða fyrir samskipti stjórnar Stjórnvísi.  Ábyrgðaraðili GA/AOG
  • Rýna lögin – stjórn Stjórnvísi
  • Trelloborð: stjórn skiptist á að vera á trellóborðinu (þó ekki sá sem heldur fundinn né ritari).

Á aðalfundi haldinn 8. maí 2019 voru kosin í stjórn félagsins:

Aðalheiður Ósk Guðmundsdóttir, vörustjóri dagsferða hjá Kynnisferðum, formaður (2019-2020)
Ásdís Erla Jónsdóttir, forstöðumaður Opna háskólans í HR (2019-2020)
Berglind Björk Hreinsdóttir, mannauðsstjóri Hrafnistuheimilanna (2019-2020)
Guðjón Örn Helgason, sérfræðingur í mannauðsmálum hjá Reykjavíkurborg (2019-2020)
Guðný Halla Hauksdóttir, forstöðumaður þjónustuvers-og innheimtu Orkuveitu Reykjavíkur (2019-2021)
Ingi Björn Sigurðsson, fjárfestingastjóri hjá Nýsköpunarsjóði atvinnulífsins (2019-2021)
Jón Gunnar Borgþórsson, vottaður stjórnendaráðgjafi CMC – Certified Management Consultant (2019-2021)
Kristján Geir Gunnarsson, forstjóri Kassagerðarinnar (2019-2020) 
Sigríður Harðardóttir, sviðsstjóri mannauðs- og gæðasviðs hjá Strætó (2019-2020)

Kjör fagráðs

Bjarni Bjarnason, forstjóri Orkuveitunnar (2018-2020)
Einar Snorri Einarsson framkvæmdastjóri stjórnunarsviðs Landsnets (2019-2021)
Jóhanna þ. Jónsdóttir, framkvæmdastjóri aðfangakeðju Innnes (2018-2020)
Katrín Olga Jóhannesdóttir, formaður Viðskiptaráðs (2018-2020)
Nótt Thorberg,  forstöðumaður loyalty hjá Icelandair (2019-2021)  

Skoðunarmenn:

Oddný Assa Jóhannsdóttir, endurskoðunarsviði KPMG (2018-2020)
Guðný Helga Guðmundsdóttir, sviðsstjóri endurskoðunarsviðs KPMG (2018-2020)

 

 

Jafnlaunavottun - Lagaleg hlíting. Hvaða kröfur þarf að uppfylla og hvernig?

Fundur á vegun faghóps um jafnlaunastjórnun.

Fjallað verður um þær lagalegu kröfur sem eiga við um starfrækslu jafnlaunakerfis. Markmið viðburðarins er að fjalla um hvernig fyrirtæki eru að sýna fram á að verið séð að hlíta lagalegum kröfum. 

Hvaða lagalegu kröfur ber að vakta?

Hvaða aðrar kröfur ber að vakta?

Fjallað verður um erindið frá ólíkum sjónarhornum með hagnýtum dæmum um útfærslu. 

Dyrnar opna kl. 8:15 og boðið verður upp á létta morgunhressingu og erindið byrjar á slaginu 8:30.

Dagskrá verður auglýst síðar með erindum fyrirlesara.

Loftslagsstefna Reykjavíkurborgar – Kolefnishlutleysi 2040

Hrönn Hrafnsdóttir verkefnisstjóri stefnumótunar og þróunar á umhverfis- og skipulagssviði fer yfir loftslagsstefnu Reykjavíkurborgar um kolefnishlutleysi 2040, samstarf við Festu um loftslagsyfirlýsingu fyrirtækja, samráð við ýmsa hópa innan og utan Reykjavíkurborgar, erlent samstarf og hvað er framundan. 

Er hellisbúinn stærsta hindrun breytinga?

Hvernig markþjálfun getur stutt við breytingar og innleiðingu á Lean í fyrirtækjum

Staðsetning: Nýsköpunarmiðstöð Íslands, Árleynir 8-12, 112 Reykjavík

Fyrirtæki eru í auknum mæli að leggja áherslu á að hagræða í rekstri og draga úr sóun. Á þeirri leið verður oft vart við viðnám hjá þeim sem þurfa að tileinka sér ný vinnubrögð, breytt vinnulag og hugsunarhátt. Hlutverk stjórnanda hjá fyrirtæki sem hefur innleitt Lean er umtalsvert frábrugðið hlutverki stjórnanda hjá hefðbundnu fyrirtæki. Stjórnendur þurfa í því samhengi að uppfæra sína þekkingu og kynnast nýjum aðferðum til að styðja sem best við starfsfólkið og innleiðingarferlið. Það er hins vegar jafn erfitt fyrir stjórnendur og almenna starfsmenn að tileinka sér breytingar.

Hvaða þættir eru það sem stjórnendur þurfa að huga að í sinni stjórnun? Farið verður yfir það helsta sem stjórnendur þurfa tileinka sér/hafa í huga tengt breytingum.

Markþjálfun getur stutt við og greitt fyrir breytingum. Stjórnendur geta þurft að tileinka sér nýjan stjórnendastíl með áherslu á að virkja allan mannauðinn og stuðla að stöðugum umbótum. Það eru vissar áskoranir sem fyrirtæki standa frammi fyrir þegar stórar skipulagsbreytingar eiga sér stað. Að stýra breytingum felur í sér að skilja hvers vegna fólk berst á móti breytingum. Það er ómeðvitað viðnám sem mannskepnan sýnir oft þegar breytingar standa til og þá er stutt í hellisbúann í okkur. Markþjálfun getur aðstoðað starfsmenn við að vera jákvæðari gagnvart breytingum og lágmarka varnarviðbrögð. 

Fyrir hverja: Viðburðurinn er gagnlegur fyrir stjórnendur, markþjálfa og alla þá sem koma að breytingstjórnun innan fyrirtækja. Einnig þá sem hafa áhuga á lean, markþjálfun og breytingastjórnun.

Guðmundur Ingi Þorsteinsson er iðnaðar- og framleiðsluverkfræðingur og eigenda Lean ráðgjafar. Guðmundur hefur lært, kennt og unnið með Lean í yfir 10 ár bæði sem stjórnandi en einnig stýrt innleiðingu hjá einu af stærri fyrirtækjum landsins. Það er trú hans að Lean geti skipt sköpum fyrir fyrirtæki til að skara fram úr og auka hagræði.

Ágústa Sigrun Ágústsdóttir er mannauðsstjóri og ACC markþjálfi og hefur komið að innleiðingu breytinga sem ráðgjafi undanfarin ár. Hún hefur lokið meistaranámi í Mannauðsstjórnun og vinnusálfræði frá HR. Hún hefur unnið sem mannauðsstjóri í fjölmörg ár, sinnt ráðgjöf og fræðsluverkefnum innan fyrirtækja.

 

 

Þú sem vörumerki

Þar sem að færri komust að en vildu á síðustu tvö erindi höfum við fengið þau Sesselíu og Andrés til endurtaka leikinn þann 17. október. Það eru allar líkur á að þessi viðburður verði líka uppbókaður. Tryggðu þér sæti núna.  

Þú sem vörumerki
Leiðir til að auka sýnileika og skara framúr

Er hægt að nýta vörumerkjafræði til uppbyggingar á starfsframa?

Að byggja upp vörumerki er viðamikið og margslungið verkefni. Í markaðsfræðunum má finna margvíslegar kenningar um hvernig uppbyggingu vörumerkis skuli háttað. Á fundinum verður fjallað um hvaða þættir vega hvað þyngst og hvernig heimfæra megi fræðin á einstaklinga sem vörumerki. Einnig verða sagðar persónulegar sögur af fólki sem hefur nýtt sér vörumerkjafræðin og þannig átt auðveldara með faglega stefnumótun og aðgreiningu frá samkeppni. 

Hvernig er hægt að auka sýnileika með persónulegri hæfni? 

Af hverju skiptir máli að vera sýnilegur í sínu starfi? Á fyrirlestrinum verður farið yfir mikilvægi sýnileika einstaklinga og stjórnendateyma, á tímum þegar allir geta átt von á að lenda í slæmri umfjöllun. Fjallað verður um hvers vegna fólk þarf að gæta þess að vera sýnilegt af réttum ástæðum auk þess sem komið verður inn á hvernig sýnileiki hjálpar fólki að mynda tengsl. 

 

Sesselía Birgisdóttir er með masterspróf í alþjóða markaðsfræði og vörumerkjastjórnun sem og master í stjórnun mannauðs með áherslu á breytingar og þekkingarmiðlun. Hún hefur mikla reynslu af sölu- og markaðsmálum, þá sérstaklega er viðkemur stafrænum heimi sem tekur sífelldum breytingum. Sesselía hefur hvað lengst starfað í Svíþjóð og var forstöðumaður markaðsmála og stafrænnar miðlunar hjá Advania en er nú komin til Íslandspósts sem framkvæmdastjóri Þjónustu- og markaðssviðs.

 

Andrés Jónsson er eigandi almannatengslafyrirtækisins Góð samskipti. Hann hefur starfað í almannatengslum undanfarin 15 ár en vann áður sem kynningarstjóri B&L og í fjölmiðlum. Hann var m.a. dagskrárgerðarmaður hjá RÚV auk þess sem hann stofnaði vefmiðilinn Eyjuna.

Andrés sérhæfir sig í krísustjórnun og stefnumótun. Hann hefur unnið fyrir fjölmörg stórfyrirtæki, stofnanir og ráðuneyti sem og einstaklinga, og haldið mörg námskeið og fyrirlestra um almannatengsl, krísustjórnun, starfsferilsstjórnun og ræktun tengsla jafnt innan fyrirtækja sem og í háskólum landsins. Undanfarin ár hefur Andrés verið stundakennari við MBA-nám Háskóla Íslands.

Innleiðing á stjórnun viðskiptaferla (BPM) - lykilþættir í innleiðingu í starfseminni

Bókrýni á bókina Business Process Management: Practical Guidelines to Successful Implementations, eftir Jeston og Nelis. Sjá nánar um bókina á Amazon: https://www.amazon.com/Business-Process-Management-Guidelines-Implementations/dp/0750669217#customerReviews

Rýnt verður í efnistök í þessari yfirgripsmiklu bók um BPM nálgunina. Hópurinn mun ræða innihald bókarinnar og tengja við dæmi og t.d. það sem er að gerast í fyrirtækjum hjá þeim sem sækja fundinn. Bókrýnifundir sem þessi eru skemmtilegir og einstök leið til að ná djúpum umræðum um skilvirka stjórnun og hvernig má bæta verklag og þjónustu. Athugið takmörkuð sæti í boði. 

Faghópur um stjórnun viðskiptaferla (BPM)

 

Samhengi Skipulagsheildar (Context of the Organization) - UPPSELT

Samhengi skipulagsheildar (Context of the Organization)

Kafli 4 í nokkrum stöðlum, svo sem ISO 9001, ISO 14001, ISO 45001 og ISO 27001, fjallar um samhengi skipulagsheilda (fyrirtækja, stofnana eða samtaka).  

Með því er átt við a) ytri og innri málefni sem varða tilgang og strategísk áform skipulagsheildarinnar, b) skilning á þörfum og væntingum hagsmunaaðila sem skipta máli fyrir stjórnkerfið, og út frá þessum tveimur þáttum: c) ákvörðun um umfang stjórnkerfisins. 

Kynning og umræður um nálgun SORPU til þessara þátta.

Öryggi barna og unglinga - heima og á ferðinni

Herdís Storgaard er frumköðull á sviði slysavörnum barna og hefur hlotið viðukenningu sem slík. Hún hefur verið í samstarfi við IKEA síðustu ár varðandi forvarnir á heimilum og öryggi barna. Ferill hennar í öryggismálum og þekking á slysavörnum hefur verið afar spennandi og ætlar Herdís að fara yfir feril sinn og helstu verkefni síðustu ára.

Nýjar áskoranir - Stefnumót við mannauðsstjóra - heilbrigði og Qigong lífsorkan

Markmið þessa stefnumóts við mannauðsstjóra og stjórnendur sem fara með mannauðsmál er að fara yfir nokkur megin stef og nýjar áskoranir til að bæta líðan og samstöðu starfsmanna. Við vitum að góð andleg og líkamleg heilsa er grunnurinn að ánægju og árangri í lífi og starfi.

Sérstaklega verða ræddar og leitað svara við spurningum eins og:

 

  • Hvernig geta stjórnendur hlúð betur að líðan og heilsu starfsmanna sinna?
  • Hvernig náum við til viðskiptavina – tæknilausnir og/eða mannleg samskipti?
  • Hvaða áherslur þarf að hafa í stjórnun til að skapa einbeitta og viljasterka liðsheild?
Einfaldar Qigong lífsorkuæfingarnar er ein leið til að losa um spennu, auka jákvæðni og viljastyrk. 

 

Í lokin læra þátttakendur nokkrar einfaldar en öflugar Qigong lífsorkuæfingar sem allir geta gert í vinnufötunum. 


Fyrirlesari:

Þorvaldur Ingi Jónsson, viðskiptafræðingur – MS í stjórnun og stefnumótun.

Hann hefur haldið fjölda námskeiða og fyrirlestra um jákvæða þjónandi leiðtogastjórnun, ásamt kennslu og leiðsögn í Qigong lífsorkuæfingum.

Jákvæð samskipti og liðsheild

Allir vinnustaðir þurfa á jákvæðum samskiptum og liðsheild að halda. Þetta vitum við öll. En hvaða leiðir er best að fara til þess að ná fólkinu með sér? Er hægt að nota ákveðnar æfingar eða aðferðafræði?

Jón Halldórsson frá KVAN og Pálmar Ragnarsson, fyrirlesari, verða með líflegan morgunfund um jákvæð samskipti og liðheild.

Jón starfar sem framkvæmdastjóri KVAN, þjálfari á námskeiðum, stjórnendamarkþjálfi ásamt því að halda fyrirlestra. Hann hefur unnið mikið með afreksíþróttafólki og aðstoðað það við að setja sér skýr markmið og með aðferðafræði markþjálfunar skoðað hvaða þættir eru líklegastir til að hjálpa viðkomandi einstaklingi að ná settu marki.

Pálmar hefur getið af sér gott orð fyrir að vera skemmtilegur og líflegur fyrirlesari, en hann heldur kröftuga fyrirlestra um jákvæð samskipti á vinnustöðum, í skólum og íþróttafélögum. Um daginn hélt hann fyrirlestur númer 500! Þá hefur hann margra ára reynslu sem íþróttaþjálfari barna og unglina.  

Vodafone heimasókn - innkaup

Miðvikudaginn 30. október verður boðið upp á heimsókn í Vodafone (Sýn hf). Þar verða tvö erindi sem munu annars vega fjalla um innkaup og birgðastýringu fyrirtækisins og hinsvegar útboðsaðferðir í innkaupum og samstarfið við Vodafone Group. Einnig verður fjallað um miðlægan lager og innkaupastýringu, hámörkun virði samninga og mælikvarða innkaupadeildar fyrirtækisins. 

Eydís Ýr Rosenkjær, deildarstjóri innkaupa og lagers hjá Vodafone, mun fjalla um hvernig innkaupum og birgðastýringu er háttað hjá Vodafone og hvaða ávinningi það skilaði fyritækinu að hafa miðlægan lager. Innkaupadeild Vodafone vinnur eftir ákveðnum mælikvörðum, til að mynda lágmarksbirgðir, tíðni pantana, afskrifta og frávikum við talningar. Farið verður lauslega yfir gagnsemi þessara mælikvarða og útfærslu þeirra hjá Vodafone.

Eydís Ýr er með M.Sc í viðskiptafræði frá Háskóla Íslands þar sem hún lagði áherslu á straumlínustjórnun og hefur hún skrifað fræðigreinar um straumlínustjórnun ásamt Eðvaldi Möller. Eydis Ýr hefur starfað hjá Vodafone í fjögur ár en áður starfaði hún hjá Landsbankanum.   

Guðrún Gunnarsdóttir, aðfangastjóri, mun fjalla um hverju útboðsaðferðir í innkaupum hafa skilað fyrirtækinu ásamt því hvernig miðlæg innkaupastýring getur náð fram fjárhagslegum sparnaði og um leið aukið gæði og öryggi innkaupa. Guðrún mun fjalla um hvernig ráðgjöf við stjórnendur vegna tilboða og samninga kemur að gagni, skjalastýringu samninga og hvernig er hægt að ná fram hámarks virði samninga. Hún mun einnig segja frá þeim ávinningi sem hlýst af samstarfi í innkaupum við Vodafone Group.

Guðrún hefur víðtæka reynslu af innkaupum. Hún starfaði um árabil hjá Ríkiskaupum áður en hún tók við stöðu Aðfangastjóra hjá Vodafone, nú Sýn hf.. Guðrún er með MSc gráðu í Alþjóðaviðskiptum frá Háskólanum í Reykjavík. 

Frá kl. 8:30 mun Sýn hf. bjóða uppá kaffi ásamt léttum og hollum morgunverði á 6. hæð (Besta Bistro) að Suðurlandsbraut 8, höfuðstöðvum Vodafone á Íslandi.

CHAT MARKETING - Nýjasta trendið eða bara bóla?

Sigurður Svansson, eigandi og yfirmaður stafrænnar deildar SAHARA, mun fjalla um þau tækifæri sem felast í spjallmennum á sviði þjónustu og markaðssetningar. 

Miklar breytingar hafa átt sér stað síðustu misseri sem bjóða upp á fjölbreytt tækifæri. Fjöldi notenda á spjallkerfum er orðinn fleiri en á samfélagsmiðlum sem gerir það að verkum að við þurfum að fara hugsa öðruvísi.

Að skapa sín eigin tækifæri

Á fyrirlestrinum munu þátttakendur kynnast ferlinu frá hugmynd að framkvæmd. Í því felst að virkja eigin frumkvöðlahugsun og forgangsraða hugmyndum sem vekja áhuga. Farið verður yfir mótun viðskiptahugmyndarinnar, teymismyndun og fjármögnun í þeim tilgangi að veita þátttakendum trú á eigin hugmyndaferli.Þátttakendur munu fá innsýn í frumkvöðlaumhverfið á Íslandi og þann stuðning sem í boði er fyrir hugmyndaríkt fólk.

Fyrir hverja: Fyrir alla sem vilja opna á eigin frumkvöðlahugsun og efla sig í ferlinu að fá hugmyndir og fylgja þeim eftir.


Hafdís Huld Björnsdóttir er með meistaragráðu í verkefnastjórnun (MPM). Hún hefur mikla reynslu af breytingastjórnun og að vinna með menningu skipulagsheilda. Hún hefur unun af því að skapa vettvang þar sem teymi finna í sameiningu lausnir til að bæta umhverfi sitt. Hafdís Huld hefur starfað sem lean sérfræðingur, verkefnastjóri og rekstrar- og mannauðsstjóri. Í dag er hún sjálfstætt starfandi meistarasmiður, ráðgjafi og fyrirlesari.

Svava Björk Ólafsdóttir stundar nám í markþjálfun og er með meistaragráðu í verkefnastjórnun (MPM). Hún hefur mikla reynslu af stuðningsumhverfi frumkvöðla á Íslandi meðal annars í starfi sínu hjá Icelandic Startups. Hún hefur undanfarin ár sinnt ráðgjöf, fræðslu og stýrt fjölda verkefna með það að leiðarljósi að styðja við bakið á frumkvöðlum á fyrstu skrefunum. Í dag er hún sjálfstætt starfandi ráðgjafi, fyrirlesari og þjálfari á nýsköpunarviðburðum.

Fannst þér efnið á síðunni hjálplegt?