Kynning á niðurstöðum mælinga 2018 og afhending viðurkenninga
Föstudaginn 25.janúar 2019, kl. 8:30 -09:45
Grand Hótel - Hvammi- Sigtúni 38, 105 Reykjavík
Dagskrá
8:30 Fundarsetning
Fundarstjóri er Gunnhildur Arnardóttir framkvæmdastjóri Stjórnvísi og stjórnarformaður Íslensku ánægjuvogarinnar.   
Dagskrá:
08:30 Kynning á helstu niðurstöðum Íslensku ánægjuvogarinnar árið 2018.
Trausti Haraldsson framkvæmdastjori Zenter kynnir niðurstöður Íslensku ánægjuvogarinnar 2018, m.a. niðurstöður einstakra fyrirtækja og markaða og breytingar frá fyrri árum.

08:45 Viðurkenningar Íslensku ánægjuvogarinnar árið 2018 veittar.
Afhent verður viðurkenningarskjal til þeirra fyrirtækja sem eru með tölfræðilega marktækt hæstu einkunnina á viðkomandi markaði. Einnig verða veittar viðurkenningar til þeirra aðila sem skora hæst í hverjum flokki.

Að kynningu og verðlaunaafhendingu lokinni mun Bragi Þór Antoníusson vefmarkaðsstjóri Elko flytja áhugavert erindi um hvernig hann nýtir vefgreiningar til að auka ánægju og arðsemi viðskiptavina ásamt því að byggja vefverslun Elko. 

Nánari upplýsingar um Íslensku ánægjuvogina: http://www.stjornvisi.is

Skráning fer fram á http://www.stjornvisi.is

Sérfræðingar hjá Þjóðskjalasafni bjóða í heimsókn og fara yfir reglur um skjalavörslu og rafræn skil. Í lokin verður tími fyrir spurningar og umræður.

Tilvísun í ISO 15489

Stjórnarfundir Stjórnvísi eru haldnir fyrsta þriðjudag hvers mánaðar.  Í stjórn félagsins eru 9 aðilar og skiptast þeir á að halda fundi. Í byrjun starfsárs skiptir stjórn með sér verkum og eru fjögur áhersluverkefni starfsárið 2018-2019.  Stjórn skiptir með sér þessum áhersluverkefnum og fundar um þau sérstaklega milli fastra stjórnarfunda.  Formaður félagsins stýrir stjórnarfundum á Trello borði þar sem áhersluverkefni stjórnar eru ásamt öðrum verkefnum.  Stjórn hefur aðgengi að sameiginlegu svæði á skýinu. Fundargerðir stjórnar eru öllum opnar á: https://www.stjornvisi.is/is/um-stjornvisi/log-arsskyrslur-fundargerdir

2 Sekúndna Lean – einföld, mannleg og skemmtileg nálgun

Grunnhugsun 2 Sekúndna Lean (2SL) nálgunarinnar í sinni einföldustu mynd snýst um:

• Að kenna öllum að sjá sóun
• Fara í stríð við sóun
• Taka upp myndbönd af umbótum
• Aldrei gefast upp!

2SL er sprottið frá frumkvöðlinum, fyrirlesaranum og Lean brjálæðingnum Paul Akers en hann hefur slegið í gegn með einstakri og einfaldri sýn á Lean. Paul, sem er eigandi FastCap og höfundur bókarinnar 2 Second Lean hefur innleitt Lean í fyrirtækinu sínu með því einfalda móttói að hver og einn starfsmaður framkvæmi umbætur á hverjum degi sem nemur allavega tveimur sekúndum. Lætur kannski lítið yfir sér en kraftur stöðugra umbóta kemur fyrst í ljós þegar allir leggjast á eitt og vinna sífellt að umbótum. Allir – alla daga.

Um fyrirlesara:

Pétur Arason er Chief Challenger of Status Quo hjá Manino og stofnandi Icelandic Lean Institute. Pétur er M.Sc. rekstrarverkfræðingur og sérhæfir sig í fyrirtækjaráðgjöf og kennslu, ásamt því að þýða fræðibækur. Pétur hefur leitt stefnumótun, stýrt stórum breytingaverkefnum og innleitt Lean aðferðir í meira en 15 ár hér heima og erlendis. Pétur hefur í nokkur ár kennt Lean í HR, bæði lengri vottuð námskeið fyrir sérfræðinga og styttri námskeið fyrir stjórnendur. Pétur kennir einnig í MBA námi í Háskóla íslands. Hægt er að fylgjast með Manino á Facebook.

Guðmundur Ingi er eigandi Lean ráðgjöf og hefur lært, kennt og unnið með Lean í yfir 10 ár bæði sem stjórnandi en einnig stýrt innleiðingu hjá einu af stærri fyrirtækjum landsins. Það er trú hans að Lean geti skipt sköpum fyrir fyrirtæki til að skara fram úr og auka hagræði. Guðmundur er með B.Sc í iðnaðarverkfræði frá Háskóla Íslands og M.Sc. í framleiðsluverkfræði með áherslu á Lean frá KTH, Stokkhólmi. Hægt er að fylgjast með Lean ráðgjöf á Facebook.

Ný karlmennska: Nýjar aðferðir í stjórnun!  - Rýnt í stjórnunarhlutverkið og viðteknar hugmyndir um konur, karla og kynhlutverk.
Fundinum verður streymt af facebooksíðu Stjórnvísi.
Háskólinn í Reykjavík,  Stofa M104.

Stjórnvísi í samstarfi við MPM námið býður upp á opinn fyrirlestur með gestakennaranum Dr. Pauline Muchina frá Kenía. Pauline er talin meðal 50 mikilvægustu trúarleiðtoga heims, er einn öflugasti fulltrúi afrískra kvennleiðtoga ásamt því að vera einstakur fyrirlesari og beita framsögutækni sem lætur enga ósnortna.

Í fyrirlestrinum mun Pauline fjalla um nauðsyn þess að endurskilgreina karlmennskuna til að stuðla að friðsælli og framsæknari heimi. Segir hún að margt megi betur fara í stjórnunarháttum samtímans og að eitt af helstu vandamálunum sé skökk sýn á karlmennskuna og kynhlutverkin eins og þau hafa verið skilgreind af menningu og trúarbrögðum. Það sé kominn tími fyrir mannkynið að leita að öðrum leiðum til forystu sem ekki byggja á slíkum hugmyndum eða á aðferðum feðraveldisins. Stjórnun og forysta sem byggi á viðteknum karlmennskuhugmyndum grafi undan fjölskyldum, fyrirtækjum og möguleikum þjóða til að sækja fram á við. Eina leiðin til að koma á réttlæti og sjálfbærri þróun byggi á algjörri endurskilgreiningu á karlmennsku á öllum sviðum lífsins.

Pauline er stofnandi Future African Leaders Project og er félagi í Center for Health and Social Policy. Hún starfaði sem ráðgjafi fyrir UNAIDS um árabil og sinnir stjórnar- og ráðgjafastörfum, þar á meðal hjá Foundation for Sustainable Development og The Circle of Concerned African Woman Theologians. Pauline rekur fyrirtækið African Women & Youth sem er skapandi hönnunarfyrirtæki sem handgerir vandaðar handsmíðaðir afríkuvörur fyrir heimsmarkaðinn. Árið 2011 hlaut Pauline The United Methodist Church Global Leadership Award og Huffington Post hefur tilnefnt Pauline sem eina af 50 mikilvægustu trúarleiðtogum heims. Hún hefur meistarapróf frá Yale University Divinity School og doktorsgráðu frá Union Theological Seminary í New York. Pauline er stundarkennari í MPM náminu við Háskólann í Reykjavík þar sem hún kennir í námskeiðinu Verkefnastjórnun á framandi slóð.

Guðmundur Benedikt Þorsteinsson, sérfræðingur í vinnuvernd hjá Alcoa Fjarðaáli, mun farar yfir hvernig Alcoa Fjarðaál breytti um áherslur í heilsu og öryggismálum. Hann mun kynna hvernig fyrirtækið tileinkaði sér nýja sýn á heilsu og öryggismál og með því nýja stefnu til framtíðar.

Viðburðurinn er samstarf faghópa Stjórnvísis um umhverfi og öryggi, mannauðsstjórnun og Vinnís (Vinnuvistfræðifélags Íslands)  

Hermann Erlingsson vöruhúsastjóri mun halda kynningu á starfsemi Mjólkursamsölunnar (MS). Hann mun meðal annars fara yfir aðfangakeðjan, dreifingu og birgðastýring fyrirtækisins. Einnig verður farið yfir gæða og umhverfismál hjá MS. Kynningin verður í aðalfundarsal MS en endað verður á skoðunarferð um húsnæðið. Boðið verður upp á kaffi og mjólk.

Staðsetning og tími: Bitruháls 1, Reykjavík, 12. febrúar kl. 8.30-10:00.

Á hádegisfyrirlestri Stjórnvísi verða kynntar leiðir til að hlúa að persónulegri velferð og faglegri ábyrgð starfsfólks með því að auka einbeitingu að réttum verkefnum, halda fókus, hlúa að eigin orku og hámarka afköst og árangur í lífi og starfi. 
Hádegisfyrirlesturinn byggir á vinnuferlinu 5 valkostir til framúrskarandi framleiðni  (The 5 Choices to Extraordinary Productivity), sem sameinar klassískar kenningar um árangursstjórnun og nýjustu rannsóknir á sviði taugavísinda til aukins árangurs og ánægju starfsmanna  á þekkingaröld.   Þessi áhrifaríka nálgun til aukinnar framleiðni byggir á margra ára rannsóknum og reynslu og færir þekkingarstarfsfólki og leiðtogum viðhorf og hæfni sem nauðsynleg er fyrir hámarks árangur.

​​

Orkuveita Reykjavíkur hefur sett saman Framtíðarhóp, til að meta og huga að framtíðaráskorunum fyrirtækisins. Það eru ekki mörg fyrirtæki sem stígið hafa þetta skref hérlendis og því áhugavert að heyra í starfsmönnum og forsvarsmönnum hópsins um markmið og skipulags hópsins og hvernig hópurinn muni starfa. 

Geislavarnir ríkisins bjóða í heimsókn og segja frá sinni reynslu af þróun gæðastjórnunar en stofnunin hefur verið með ISO 9001 vottun í 10 ár.

- Athygli er vakin á því að fundinum verður streymt á facebook-síðu Stjórnvísi - 

Fjallað verður um reynslu mannauðsstjóra af mannauðsmælingum og leitað svara við spurningum á borð við:

• Hvað eru mannauðsstjórar að mæla?
• Hvernig eru þær að nýtast?
• Hverjar eru helstu áskoranir og hindranir?
• Hvernig er best að byrja?

Einnig verður sagt frá verkefni á vegum Mannauðs, félags mannauðsfólks á Íslandi sem felur í sér að leggja drög að samræmdum mannauðsmælingum á Íslandi (Benchmark).

Fyrirlesarar:
Herdís Pála Pálsdóttir, framkvæmdastjóri mannauðs- og markaðsstjórnar hjá Reiknistofu bankanna.
Hildur Erla Björgvinsdóttir, mannauðsstjóri 1912
Sif Svavarsdóttir, Global HR Coordinator hjá Eimskip

Ath. bílastæði eru einnig fyrir aftan húsnæðið við Korngarða 2 og við Vöruhótel Eimskips.

Verkefnastofan Stafrænt Ísland býður í heimsókn.

Á vegum Fjármála og efnahagsráðuneytisins er starfrækt verkefnastofan Stafrænt Ísland sem vinnur að ýmsum verkefnum sem snúa að því að gera ferla stafræna hjá hinu opinbera.

Guðlaug Dröfn Þórhallsdóttir verkefnastjóri fer yfir helstu verkefni, aðferðafræði og áskoranir.

Staðsetning

Fjármála- og efnahagsráðuneytið

Arnarhvoli við Lindargötu 
101 Reykjavík 

Lokaður fundur faghóps um stjórnun viðskiptaferla (BPM) þar sem rætt verður um hvað þarf til að veita trausta og góða þjónustu? Hvaða áherslur í ferlamálum þarf til að ná jöfnu og stöðugu þjónustustigi fyrir viðskiptavini. Bókin The Effortless Experience verður notuð sem útgangspunktur í umræðum stjórnar faghópsins og niðurstöður um bókina og helstu ályktanir rædda og skráðar.

Magnús Brimar Magnússon yfirmaður á flugrekstrarsviði mun ásamt Gunnlaugu Pálsdóttur sérfræðingi á flugrekstrarsviði kynna fyrir okkur hvernig Air Iceland Connect nýtir hugmyndafræði Lean við flugafgreiðslu sem og hvernig atvikaskráning er nýtt til stöðugra umbóta.   

Fundinum verður streymt af facebooksíðu Stjórnvísi.

Einnig munum við fara í Gemba walk um flugvallarsvæðið og sjá hvernig Air Iceland Connect nýtir sér sýnilega stjórnun og 5s á vinnusvæðum. 

Leiðbeiningar um hvernig á að komast á Þorragötuna 
https://www.airicelandconnect.is/upplysingar/um-air-iceland-connect/skrifstofubygging

Þar sem það fullbókaðist á fyrri viðburðinn viljum við bæta við öðrum. 

Magnús Brimar Magnússon yfirmaður á flugrekstrarsviði mun ásamt Gunnlaugu Pálsdóttur sérfræðingi á flugrekstrarsviði kynna fyrir okkur hvernig Air Iceland Connect nýtir hugmyndafræði Lean við flugafgreiðslu sem og hvernig atvikaskráning er nýtt til stöðugra umbóta.   

Einnig munum við fara í Gemba walk um flugvallarsvæðið og sjá hvernig Air Iceland Connect nýtir sér sýnilega stjórnun og 5s á vinnusvæðum. 

Leiðbeiningar um hvernig á að komast á Þorragötuna 
https://www.airicelandconnect.is/upplysingar/um-air-iceland-connect/skrifstofubygging

Stjórnvísi óskar öllum þeim sem eru tilnefndir til Stjórnunarverðlaunanna 2019 innilega til hamingju.
Smelltu hér til að sjá nöfn þeirra sem eru tilnefndir 2019  

Í tilefni afhendingar Stjórnunarverðlauna Stjórnvísi 2019 hinn 28. febrúar nk. býður Stjórnvísi til hátíðarmóttöku á Grand hótel, Hvammi, kl. 16.00 til 18.00. Þema hátíðarinnar:  Helstu áskoranir við að byggja upp traust og liðsheild í viðamiklum breytingum.

Forseti Íslands, hr. Guðni Th. Jóhannesson, afhendir verðlaunin og flytur stutt ávarp.

Veitt verða verðlaun í þremur flokkum.  

Dagskrá:
Setning hátíðar: Þórunn M. Óðinsdóttir stjórnunarráðgjafi og formaður stjórnar Stjórnvísi. 
Hátíðarstjóri: Guðrún Högnadóttir heiðursfélagi Stjórnvísi og framkvæmdastjóri FranklinCovey á Íslandi. 
Fyrirlesarar: Tveir áhugaverðir fyrirlesarar munu flytja erindi sem tengist þema hátíðarinnar. Þetta eru þau Birna Ósk Einarsdóttir framkvæmdastjóri sölu-og þjónustu Icelandair og Hafsteinn Bragason mannauðsstjóri Íslandsbanka.  

Borghildur Erlingsdóttir formaður dómnefndar gerir grein fyrir vali dómnefndar á stjórnendum ársins 2019.

Hr. Guðni Th. Jóhannesson, forseti Íslands, afhendir verðlaunin og flytur stutt ávarp.
Félagsmenn Stjórnvísi eru sérstaklega boðnir velkomnir ásamt öllu fag- og áhugafólki um stjórnun.
Aðgangur er ókeypis!
Dómnefnd 2019 skipa eftirtaldir:
Borghildur Erlingsdóttir, formaður dómnefndar og forstjóri Einkaleyfastofunnar.
Friðrik Þór Snorrason, forstjóri Viss ehf.
Gylfi Dalmann Aðalsteinsson, dósent við viðskiptafræðideild Háskóla Íslands.
Katrín S. Óladóttir, framkvæmdastjóri Hagvangs.
Margrét Guðmundsdóttir, stjórnarformaður Festi og fyrrverandi forstjóri Icepharma hf.
Salóme Guðmundsdóttir, framkvæmdastjóri  Icelandic Startups.
Þröstur Olaf Sigurjónsson, dósent við viðskiptafræðideild Háskólans í Reykjavík. 

Ritari dómnefndar er Gunnhildur Arnardóttir framkvæmdastjóri Stjórnvísi.

Nánari upplýsingar um Stjórnunarverðlaun Stjórnvísi er að finna á heimasíðu félagsins http://stjornvisi.is/stjornunarverdlaunin
Með kærri kveðju,
Gunnhildur Arnardóttir
Framkvæmdastjóri Stjórnvísi

Margrét Reynisdóttir, eigandi Gerum betur ehf útskýrir hvernig ólík menning erlendra gesta getur haft áhrif á upplifun þeirra á þjónustu hérlendis. Þessi umræða verður einnig spegluð í hvort ólík menning starfsfólks hafi áhrif hérlendis. 

Margrét styðst við efni úr nýútgefinni bók sinni „Cultural Impact on Service Quality – Hospitality Tips for Effective Communication with Tourists“. Bókin er þegar komin í kennslu erlendis. 

Agnes Gunnarsdóttir, framkvæmdastjóri Flyover Ísland, sem er glænýtt fyrirtæki, segir  frá hugmyndafræði fyrirtækisins og tengir við hvernig President of People and Culture  hjá móðurfyrirtækinu í USA ætlar að nota bókina frá Margréti sem þjálfunarefni. 

 Sjá má videó um bókina HÉR

Takmarkaður sætafjöldi